أبسألك بس أبسألك وش هو شعورك وأنت تدفن قلب انسان؟!!!

الحالة
مغلق و غير مفتوح للمزيد من الردود.
منتظرينك حبيبتي
​
 
قلت له أني حامل ولاحسيته فرح لاأنا ولا هو حسينا بشئ
أنا كثر ماكنت مشتاقة يكون عندي طفل مع بندر
كنت مابي أطفال مع خالد..أحاول أبحث بداخلي عن حب للأطفال ماحصلت شئ..

أكثر من وحده تتصل عشان يبشروني بحمل هدى..
صرت دايم أسأل نفسي ليش هي أنتصرت علي..
بلحظة ضعف أقول أنا عمري ماأذيت أحد ولاظلمت أحد ليش يصير معي كذا!!...وأجلس أستغفر ربي..

مره كان خالد في الحمام وجواله مسج ورى مسج..عمري مافكرت أفتش وراه..ماكان يهمني أي شئ
بس جات براسي فكرة أني أفتح الرسالة وأتركها مفتوحه عشان يعرف أني قريتها..لأني كنت عارفه أنها من وحده..مدري ليش فكرت بكذا!..يمكن أبي أقهره وأوضح له أنه موهامني..أو أبي أوضح له أني موغبيه وعارفه بخياناته..
طلع من الحمام وشاف الجوال
شافني جالسه أقرا كتاب
:أنتي اللي فتحتي الرسالة؟
:ليش انت شايف أحد غيري بالبيت
:نزلي الكتاب وناظري فيني وأنتي تكلميني
:عادي أنت تقول مولازم أناظر فيك عشان أثبت لك أني أسمعك
جاء يمشي بسرعه وأخذ الكتاب وضربني فيه
:لاتجادليني فاهمه وإلا لا
بكيت من ضربته
:ليش تضربني..شين وقواة عين
:والله ياحبيبتي أنا أسوي اللي أبيه عاجبك أهلا وسهلا موعاجبك طقي راسك بالجدار
:لاعادي عاجبني لأنك أساسا" ماتعني لي
طلع وتركني
أتصلت في أبوي وقلت له أنه ضربني
واليوم الثاني(الأربعاء) وداني لأهلي..قاله أبوي يدخل في المجلس وتكلم معه هووأخوي سعد عن معاملته لي
قال بنتكم بتحط راسها من راسي ولسانها طويل ترد الكلمة بعشرة ولاتحترمني ..قولوا لأمها تعلمها كيف تعامل زوجها وتهتم فيه!!
حاول سعد يناقشه بهدؤ وأحترام لكن لسانه بذئ
عرفوا أهلي حقيقته وسعد أنصدم منه لأنه ماقدر أبوي ولو حتى مجاملة

كرهته ماكنت أبي أرجع له
قال لي أخوي إذا ماتبينه تطلقي منه وإذا ولدتي نرمي ولده عليه!!

فكرت بالمسكين اللي في بطني وش ذنبه يتعذب معي
قررت أصبر على خالد..ورجعت معه للبيت

بنفس الوقت كنت أرتاح لأني إذا كنت في بيتي أبتعد عن خالاتي وعن قريباتي ..هدى يتركها بندر شهر..شهرين..وأناأتعب من وجودها في منطقتنا..الكل عارف أنها مومرتاحه معه والمشاكل بينهم كثيرة..حتى أخوها يشكي لأخواني من بندر يقول أنه يتركها عندنا بدون سبب..لكن هي تكذب وتألف عند أمي وغيرها ..لأنها تبي الكلام يوصلني ويتعبني..
صرت أنعزل في بيتي عشان أرتاح أصبر على مجنون واحد ولاعلى أكثر من واحد..

حتى نورة ماعاد صرت أشكي لها لأني أخاف توصل الكلام لبندر

بيوم وأنا أرتب غرفتي حسيت بالنونو يتحرك..يالله..حطيت يدي على بطني أتحسسه..حسيت بشعور غريب وكأن بحركته ملكت كل السعادة..سجدت لله شكر وبكيت..وأخيرا" وأخيرا" ياحبيبي حسيت فيك وحبيتك..
دخل خالد
:خالد
:خير وش عندك
:تحرك النونو والله حسيت فيه
ناظرني نظرة سخرية
:بس وهذا اللي مفرحك
:ايه فرحانه عقبال يارب أشوفه يمشي ويلعب قدام عيني
:ايه الله يهنيك فيه
:تتكلم وكأنه فقط ولدي وموولدك!
:وش تبيني أسوي أروح أصارخ لناس أقول باركولي ترى ولدي تحرك في بطن أمه
:خالد أرجوك لازم تغير من أسلوبك أنت بتصير أب تبي عيالك يطلعون مرضى نفسيين
:والله أنك متفائله أنتي إذا جلستي اليوم عندي ماراح تجلسين بكره وأن جلستي هالسنة ماأظمن لك تجلسين اللي بعدها
:ليه ياخالد وولدك مافكرت فيه
:تاخذينه معك يمكن إذا تربى معك يطلع مهندس وإلادكتور(يستهزأ) وإذا ماتبينه أمي موجوده
:لهذي الدرجة عايفني؟
:وأكثر من كذا
:ممكن أعرف السبب
:كذا بدون سبب مليت منك وماعاد صرتي تعجبيني على فكرة أنا أقدر أروح من بكرة أخطب من أحسن العوائل بس مراعاة لظروفك الصحية ننتظر شوي
: فيك الخير والله

أبدا مازعلت من كلامه بالعكس أنا أبي فراقه بأسرع وقت ولامصبرني غير اللي في بطني وأرتحت يوم حسيته مومهتم فيه..أنا كنت عارفه أنه موراعي مسؤلية بس كنت متوقعه ياخذه عشان يقهرني..
قررت أجلس عنده إلين هوبنفسه يطلق..أو يمكن يتغير إذا شاف البيبي..

مرت شهور الحمل..ماكنت أروح لطبيبه..لأني ماعاد صرت أتحمل أشوفه معصب..ماأطيق حتى أسمع صوته..لدرجة أنه إذا طلع من البيت أقول أن شاء الله مايرجع حسيت أني صرت قاسية ..أبدا" ماكنت كذا ..صار أي شئ يبكيني
إذا أتصلت على جوال أمي ولاردت أجلس أبكي بسرعه أزعل وأعصب
وإذا شافت مكالمتي تتصل فيني أرد عليها وأنا أبكي
:ليش ماتردين علي..أنتي ماتهتمين فيني..ولاتحبيني..
وأنهي المكالمة بسرعة...
وأحيانا" أمي أونورة تتصل ولاأرد عليهم..تمر أيام ماأطيق أكلم أيا"كان ..صرت ماأهدأ إلاعلى سجادتي ومع القرآن..
إذا خلصت شغلي أمسك القرآن أحفظ وإذا دخل خالد شافني أقرا قال:ماشاءالله عليك ماتملين!

دخلت الشهرالثامن..كنت خااااايفه من الولادة..قالت أمي أنهم بيسافرون مكة..قلت سافروا الآن وأرجعوا قبل أدخل في التاسع
أبي وقت الولادة أمي تكون معي

سافروا أهلي..ويوم الأربعاء قال:أمشي لأهلك
أنا متعوده أروح لبيتهم حتى لوكانوا مسافرين لأنه مايكون فاضي يكون فيه واحد أوأثنين من أخواني الشباب و أخوي سعد وأهله ساكنين بالدور الثاني
حتى خدامة أهلي تكون فوق عند نورة وإذا أنا دخلت البيت تنزل تحت إلين أرجع بيتي..
خالد أحيانا يعرف أنهم مسافرين وعادي ياخذني لبيتهم..

نزلت عندي نورة وتعشينا مع بعض وقالت لي أن أمها بتجي بكره لأن عندها موعد طبيب يوم السبت(أنامتأكده أن بندر هواللي بيجيبها )
قالت لي :طبعا أنتي صاحبة البيت مايحتاج نعزمك تجين بنفسك تتعشين معنا
:لانورة اسمحي لي أنا تعبانه ومافيني حيل أطلع الدرج
:أفا تبين أمي تنزل لك عشان تسلم عليك
:عادي يوم الجمعه أعزمها تتقهوى تحت وتتعشى معي
:لا شكل الحمل مأثر عليك عيب يابنت لاتفشلينا مع أمي وماتوقع سعد بيسمح لك تفوتين عشانا

يوم الخميس راحوا أخواني فوق عند سعد
وأصواتهم واصله إلين تحت
نورة تتصل ولارديت عليها
نزل سعد
:ابتهال عسى ماشر ليش ماجيتي
:والله تعبانه
:أي تعبانه أقول تعالي سلمي على خالتك وتعشي معنا
:طيب ببدل ملابسي وبجي

طلعت فوق سلمت على خالتي وأنبسطت معهم وقبل وقت العشى كان خالد يتصل ويتصل
أستغربت من أتصاله
طلعت من المجلس أرد عليه
:هلا خالد
‏(كان يصارخ كعادته)
:أنتي كنتي تدرين أن السخيف بيجيكم اليوم ورايحه ركض لبيت أهلك
:أحترم نفسك ياخالد بعدين هوجاي لبيت أخته موبيت أهلي
:أنا محترم من قبل أعرفك وأنتي وين حضرتك الحين
:وين يعني في بيت أهلي
:تحت وإلافوق
:مافيه فرق فوق وإلا تحت البيت هذا بيت أبوي
:دقايق وتطلعين عند الباب
:وش اللي دقايق أرجوك ياخالد لاتحرجني مع سعد لازم أتعشى عنده
:قلت لك بتطلعين يعني بتطلعين وخلي الليلة تعدي على خير
صرت أرتجف مرعوبه تمنيت الأرض تبلعني ايه أنا أخاااااف منه جلست أفكر وش بيسوي فيني
لالا ماراح يسوي شئ
يووووه الله يعيني على صراخه وكلامه اللي مثل السم
ماعاد أتحمل كلامه..كل مايصارخ ويسب أحس بغثيان وصداع

أعتذرت من نورة وخالتي
نزلت ونورة تناظرني مندهشه ومستغربه من روحتي
لبست عباتي ودخل سعد
:خير ياابتهال على وين
:خالد بيجي ياخذني
:طيب بطلع له أقوله ينزل يتعشى معنا
:لا لا هوتعبان عشان كذا بيمرني
:ياخسارة كان ودي تعشين معنا
:الله يسلمك يالغالي مرة ثانية ان شاءالله
:طيب أنتظري الظاهر العشى وصل خليني أحط لك تاخذينه معك أنتي وخالد
:لاياخوي والله ماله داعي
:لا لا أنتظري بس

عطاني سعد عشا وطلعت لخالد كان يمشي بسرعه
:خالد تكفى خفف السرعه لانصدم
:بسسس مابي أسمع صوتك
كنت ماسكه بطني وأتشهد مابقى سيارة إلا وبغى يصدمها
شاف العشا اللي معي وأخذه وقف عند زباله ورماه فيها
وأنا ساكته مابي أنرفزه أكثر
دخلنا البيت قام يصارخ ويشتم
كنت بدخل غرفتي وسحبني
وهويصارخ قلت له بنزل عباتي
قال عساهم يكفنونك فيها
تعبت قهرني على أيش كل هذا إذا هوأساسا موطايقني وش يبي فيني
صرت أرد عليه وانامعصبه
:ليش كل هذا ياخالد ليش..حرام عليك أهنتني بما فية الكفاية أنت ماترحم ماترحم..
:إحمدي ربك ماكله لابسه
:حتى عند أهلي ماكله لابسه ليش أنت أخذتني من أهلي عريانه جوعانة حتى لوأنا مقطوعه ولاعندي أهل ماأحد في هذا البلد يموت جوع ياخالد
:أنا الغلطان والغبي لأني أخذت فضلة غيري..فضلة بندر<<كلمته هذي خلتني أفقد أعصابي أمرضني ياناس أمرضني أفقدني الثقه بنفسي صرت حتى المراية ماأوقف قدامها من كثر ماكرهت نفسي
رفعت صوتي عليه
:الفضلة هذي أنت اللي أخترتها من بين كل البنات وأنت في عينها ولاشئ ..طلقني ياخالد وفكني منك
أنت انسان مريض جاهل فاشل

ماكملت كلامي إلا وهوساحبني من شعري للغرفة دفني على الأرض..لفيت بقوم..شفته طلع عقال من الدولاب وهويصارخ.. يسب ويشتم ويلعن..
بكيت بكيييييييت..بكييييييييييييت
وتكورت على بطني بوضع السجود عشان مايوصل لبطني..
ترجيته يتركني
وطاح فيني ضرب..ضرب من قوته صرت ماأحس فيه
قلبي وعقلي كان مع حبيبي اللي في بطني..كان خالد يضربني وهويتحرك ويتحرك وكأنه يصرخ ويتألم معي
وأنا أبكي وبعد كل ضربه أقول بنفسي يارب لك الحمد ولدي عايش ماصابه شئ
سحبني من شعري وحط وجهي قدام وجهه
ويصارخ بوجهي
موأنا اللي تعافني حرمه أنتي فاشله ولاتصلحين زوجه قالوها لي وش تبي في مطلقة
أنا أبكي وأتألم..كل جسمي ينبض مادري أصلا وين مصدر الألم
دفني على التسريحه
انتي طالق ياابتهال طالق وطالق وطالق دقي على أخوك الحقير يجي ياخذك وينظف بيتي منك

‏ حسيت بشئ نزل مني
وأنجنيت من الخوف جلست أصارخ
:خذني للمستشفى الله لايوفقك الله لايوفقك ياخالد
سمعت صوت الباب طلع وتركني
حاولت أقوم ماقدرت
هذي اللحظة اللي أعيش ولانسيتها كل ألم الدنيا فيني حسبي الله عليه
من الألم كنت أبكي وأقول يارب أسألك خذني عندك ماقدر أتحمل الألم ياربي خذني عندك

وقفت أتمسك بالجدران وكنت أحس باللي ينزل يزيد وجسمي كله ينتفض من الألم والخوف
أخذت جوالي ودقيت على خالي
:هلا ابتهال
:خالي ألحق علي بموت
:أنتي وينك
:في بيتي
نزلت الجوال بدون ماأغلق الخط ماكنت أقدر أصبر أمسك شئ يالله في نفسي
تسحبت إلين وقفت عند الباب
ياربي لاجيران ولاشئ
جلست أبكي وأتألم وخلاص ماقدرت أتحرك خطوة وحده
دخل خالي ومسكني وركبني السيارة كنت أحاول ماأصرخ عشان خالي..بس أبكي
:ياخالي تكفى بسرعه بموت ماقدر أتحمل
كان من أول مامشى وهويقول طيب طيب وصلنا..قربنا
يسألني وقلت له أنه ضربني
جلست أبكي:تكفى ياخالي إذا صار لي شئ قول لأمي ولدي أمانه عندها لاياخذه خالد
:قول لأبوي وأخواني أني راضية باللي صار وأني أحبهم وإذا يبغوني أرتاح خلهم ينسون خالد
خالي كان يصارخ مثل المجنون
:يطلع رجولته على حرمه..انتي سكتي من البداية وتمادى معك والله لأدفعه لأخلي كفرات سيارتي تمشي فوق راسه
دخلنا المستشفى وحطوني على السرير كنت أصرخ وأبكي
جاتني دكتورة الله يجزاها كل خير حاولت تهديني وتردد سورة الزلزلة قالت رددي وراي
قلت لها ماقدر ماقدر
سألتني:أنتي أحد ضربك قبل تجين
:لا لا ماحد ضربني بس ساعديني عطيني بنج أي شئ سوي لي عملية
:كيف أسوي لك عملية انتي عندك ضغط
:ايه احيانا ينخفض
:لا انا اقصد ضغطك الآن مرتفع مره ماقدر أدخلك غرفة العمليات خلينا ننتظر حبيبتي أول ماينزل بدخلك
دخل عندي أكثر من طبيبه وطبيب ماكنت أدري عن كل اللي يقولون حتى الكشف ماأحس كنت بس أبكي وأحس موتي دنى
سمعت الطبيب يقول غريبه الجنين نازل والرحم مفتوح بس ماعندها طلق الألم اللي تحس فيه بمكان ثاني موالرحم
كنت أحس بإغماء وأحيانا أصحى والدكتور يفتح عيني ويسألني ويقول حاولي تركزين وتجاوبين يالله خلي أفكارك إيجابيه خليك شجاعه يابنتي ماتبغين تشوفين ولدك
أبكي وأنا أجاوبه: ايوه
طيب بعطيك ابرة تزيد الطلق ماعندي حل غير كذا لوضغطك نازل كان ريحتك وسويت لك عملية دقايق تحملي الألم وتكونين نايمه وولدك في حضنك
طيب يادكتور أحس شئ براسي ينبض وكأن أنفجار بيصير في راسي
هذا من الضغط
كانت فيه ممرضة أجنبيه تمسح دموعي وتقبلني مع جبيني
وتقول الحين بيبي يطلع حلو مثل ماما وبابا

حسيت الألم زاد أبي أصرخ ولاقدرت أحس الأصوات تختفي وكأني غرقانه ولاأقدر أفتح عيوني
وكأن أشعة الشمس في عيني كل اللي أذكره أن قدام عيني مر شريط صلاتي وحفظي للقرآن قلت في نفسي الحمدلله بتشهد وأحاول أرفع أصبعي نطقت لا إله إلا الله ولاعاد حسيت بشئ

صحيت وأول مافتحت عيني شفت ممرضه وبسرعه أخذت التلفون وجاء الطبيب وطبيبه
كنت جالسه أفكر أحاول أتذكر وش اللي جابني هنا
تذكرت ولدي..لمست بطني وعرفت أني ولدت
سألني الدكتور كم سؤال عن اسمي وعن اسماء بعض الأشياء سرير..هاتف..سألني عن اسمي الكامل ولاعرفت اسم ابوي وبكيت
جلس الدكتور يهديني ويضحك قال عادي أنا جلست فتره مومتذكر اسم بنتي ههه
بس مافية احد يادكتور ينسى اسم أبوه
صدقيني راح تتذكرين الحين على فكرة خوفتينا عليك يابنتي
ليش
ههه وتسأل ليش أنتي بغيبوبه دخلتي يوم الخميس الماضي بالليل والحين يوم الثلاثاء
كنت أظن أني نايمه..
طلع الدكتور بعد الكشف وكانت الدكتوره موجوده سألتها
:دكتوره ماحد جاء يسأل عني
:إلا قولي من اللي ماجاء..الممرات مليانه من زوارك..وعشرات مالين غرفة الدكتور يسألون عن وضعك واللي كان جايبك ساعة ولادتك قلب المستشفى علينا ههه
بكيت
:ليش تبكين
:ولدي يادكتورة تكفين أبي أشوفه
:حبيبتي ابتهال أهم شئ انتي بعافيتك وأن شاءالله بتجيبي بدل الواحد عشرة
:كيف يعني
:الله يعوض عليك..بغرفة الولادة بعد ماطلع راس الطفل دخلتي بغيبوبه وتوقف الطلق وحصل أختناق لطفل..صدقيني حاولنا بس هذي أرادة ربك وبيكون شفيع لك
جلست أبكي بكاء مرير ولاهديت إلامن كلمة قالتها الدكتورة
:احتسبي الأجر

دخلت عندي أمي وهي تبكي منهاره تقبل يديني وتمسح على راسي ضمتني وتمنيت أني أرجع داخل أحشائها بعيد عن الدنيا واللي فيها...
خالي أول مادخل سجد سجود شكر لله
خالتي ام بندر جلست على الأرض تبكي
جاء ابوي وحب راسي يبكي
وأزدحمت غرفتي من الزوار
قالت لي نورة:ترى بندر جالس برا ويسلم عليك
:الله يسلمه
يتبع
 
يا الله وقف شعر جسمي من الاحداث الاليمه .... الحمد لله اكيد وفااة طفلك كاانت خيره والله ماتدرين لو هو عايش كان كره الدنيا ومافيها اذا هاذا ابوه والله يعوضك بزوج وطفل احسن من خااااالد بمليووووون مره
 
الله يخليك لا تطولين احس قلبي يتقطع ودموعي على خدي على هذي الحاله الي انتي فيها وعلى الطفل الي ماله ذنب ​
 
واللة بكيت من قصتك الله يعوضك
وعسي ان تكرهوا شيئا وهو خيرا لكم
يمكن لاعاش الطفل كان قهركي خالد بة ويمكن يسبب لة حالة نفسية هذا شخص مجنون
واللي قهرني لما سألتي الدكتورة في احد ضربكي قلتي لا ليش ما قلتي الحقيقة ليش تسترتي علي جريمتة المفروض تجرجرية في المحاكم وتفضحينة هذا اقل شئ يستحقة هذا الوحش
 
قصتك مبكيه الله يعوضك خير ويجعله شفيعا لك يوم القيامه يارب

كملي الله يسعدك​
 
غاليتي راح أسميك فرح من اليوم لآن الله لحب عبد أبتلاهـ
ومن كلامك أتضحلي أنك صبورهـ الله يثبتك
سبحان الله قصه لا أعرف من هي كاتبتها؟
ويحن لها القلب وتدمع لها العين وتخنقني العبرهـ
ولا يسعني إلا إنني لن أنساك من دعائي كل
سجدهـ لخالق اللهم عوضها بخيراً منه
ورزقها من حيثُ لا تحتسب
اللهم فرج كربها وسهل آمرها
وأنر دربها ياحي ياقيوم
:::::::::::::::::::​
 
اسال الله يعوضك خير ويؤجرك بكل ما أصابك

حقيقة قصتك ابكتني كثيرا لكن اقول لك لله حكمة في كل شي فلا تجزعي
 
يآ حيـّآتي أنتي , آلله يثبتك

والله يعوُضك يآإررب , وربي مرآ بكيييييييت على قصتك :( ​
 
بجد بجد اتعبتني
ربنا هيفرحك باذن الله
و هيعوضك خير
فيه بعض الصافات الي قو لتيها في خالد
مو جو ده في زوجي ربنا يستر
في انتظا رك
 
الله يبعد عنك الحزن مت صياح عليك قصتك توجع القلب كملي واحنا معك
 
الله المستعان الله المستعان ولا حول ولا قوة إلا بالله..
حسبي الله ونعم الوكيل حسبي الله ونعم الوكيل..
ياااااااااااااااااااااااااااا الله مو مستوعبه.. وودي ابكي من قلبي..
بإنتظارك.. لا تطولين علينا يا قلبي..
 
ياااااااااااقلبي انتي ،،،،،،،،الله يعوضك خيرويزيدك صبر وثبااات
و يسعد حياااااتك يااااااااارب​
 
الحالة
مغلق و غير مفتوح للمزيد من الردود.
عودة
أعلى أسفل