أسأل الله العظيم رب العرش العظيم أن يشفيك
أسأل الله العظيم رب العرش العظيم أن يشفيك
أسأل الله العظيم رب العرش العظيم أن يشفيك
أسأل الله العظيم رب العرش العظيم أن يشفيك
أسأل الله العظيم رب العرش العظيم أن يشفيك
أسأل الله العظيم رب العرش العظيم أن يشفيك
أسأل الله العظيم رب العرش العظيم أن يشفيك
أسأل الله العظيم رب العرش العظيم أن يشفيك
أسأل الله العظيم رب العرش العظيم أن يشفيك
مســـاء الخير الله يعافيكم ويسلمكم من كل شر.. أقسم بالله الذي لاإله إلا هو..أني وددت أن أرد عليكم وحده وحده لكن الوقت..وماعندي خاصية أقتباس..لكن يعلم الله كل حرف أنكتب هنا لي لـــه وقع في نفسي..وكل أخت ردت علي ثبت أسمها في ذهني:31: وأدعي لها معي وأنتظر ردها علي في النهاية بفارغ الصبر.. تــابــــــــع بعد ماطلعوا الزوار من عندي..ترجيت أمي ترجع للبيت.. كنت أتمنى أجلس لوحدي..أبكي لوحدي..أييييييه محتاجه أبكي ولا أبي أيا" كان يعااارض بكائي.. أمي أعرفها تكره دموعي...وهي ماااتدري وش كثر أنا محتاجه لدموع تغسل شوي من اللي في صدري..وتطفي شوي من لهيب النار في جوفي.. رفضت أمي تطلع.. جلست أمي عندي..تحاول تخفف عني بسب وشتم خالد والدعاء عليه.. : حسبي الله عليه... هذا مايستاهلك.. أهم شئ أنه طلقك وأفتكيتي منه.. ربي بيعوضك.. والولد يتعوض.. بكرهربي يرزقك بالعيال إلين يطلعون الشيب براسك من أزعاجهم.. كان ودي أصرخ ..أوأفتح النافذه وأرمي نفسي منها..كلام أمي يزيد ألمي ألم..كل اللي هي جالسه تقوله أنا أعرفه ومابي أسمعه تعذرت بالتعب وأني أبي أنام..نامت أمي..وغطيت وجهي وأجهشت بالبكاء..الولــد يتعوووض!!!.. بهذي السهوله أحد ينسى قلبــــه..قطعـــه منه...عيووووووونه!! كل شئ مرييييت فيه يهوووون إلا فقدان حبيبي :11:..أييييييه أبـيــــــــــــــه..أبــيــــــــــــــه مهما كان أبوووه..أنا أبييييييه..آااااااااه وش كثر كنت محتاجته محتاجه أضمه..أشم ريحته..أتعب معه ويتعب معي.. محتااااجه أحن عليه وأبكي معه..أبي أسمع صووووووته وأشوف عيووووونه..يااااااااارب رحمتك.. مرت ليلتي..أبكي..مرااات أفكر بطفلي اللي ماتهنيت فيه أتذكر حركته في بطني لحظة بلحظة..مانسيت كل حركة وين كنت جالسه وكيف كان شعوري و..و....ومرااات أفكر بضرب خالد لي..وأحس الألم يعتصرني لدرجة أنه يتهيأ لي سمااع صوته وهويضربني..أسكر عيوني أحااااول أنسى..لكن هيهات.. أذن الفجر وقامت أمي تصلي..أسمعها تدعي لي وأتألم أكثر مادري وش فيني..مابي أسمع شئ عن كل اللي حصل.. بعد ماأنتهت أمي من الدعاء :يمه ممكن أطلب منك طلب :آمري :أبي أشوف ولدي :لا أنتي أنهبلتي ياأبتهال..وش اللي تشوفينه..المستشفى مايطلعون المواليد على طول يدفنونهم. :لايمه لاتكذبين علي..إذا تبين راحتي خليني أشوفه يعني حتى شوفة لثواني بتحرموني منها>>>>وهنا جلست أبكي :يابنتي تعوذي من الشيطان كل الحريم يموتون لهم عيال بغرفة الولادة ولاصابهم شئ..تطلع الوحده لبيتها وش زينها ولاتفكر فيه :أنا غيير يمه أنا غيييييييير مالي شغل في الحريم :الحين ليش تبكين!! أجل لوعايش معك وتوفى بمرض وإلا حادث وش تسوين :يمه تكفين لاتحرميني من هالأمنيه بس ثانيه وحده بشوفه بسلم عليه وأوعدك أنساه أساسا إذا شفته بيطيب خاطري وأنسى :طيب طيب بقول لأبوك!!
كنت أسمع أمي مع أبوي ومرااات مع أحدى خالاتي..مرة مع جدتي على الجوال يعني أستشااارة على (تحقيق أمنيــتي) وكانت النتيجة الرررفض..وأن لاترضخ أمام دمووعي أبدا".. بعد 3 أيام طلعت للبيت..وأنا في السيارة أتخيل وأنظر ليدي وحضني أسأل نفسي.. ماذا لوطفلي بحضني؟!كيف سيكون شعوري؟!.. وحتى على سريري أتخيله عندي..وأسأل نفسي..ماذا سيكون شعوري؟!... كنت دائمة البكاء..أتنرفز وأعصصصب إذا جاتني أمي وقالت ضيوف بيجون يسلمون عليك!!... قهوووة..شااااي..عصيييييير..حلويااااااااات ..فطااااااائر سوااااااالف..وجمعات حريييييم....>>>>شبه يوميا" الناس من حولي تضحك...وأنا بعااااالمي... أسمع مناجاة بين جدتي وأمي..وبين خالاتي... اللي تقول وديها شيخ..واللي تجيب دواء تغسل وجهي فيه تقول هذا حق الروعه!!!!.. كنت أنتظر أنتهاء فترة النفاس حتى أغلق على نفسي كررررهت الناااس..كرهت الجلوس معهم أو الكلام معهم كرهت أقرب الناس لي.. عرفت أن خالي رجع لخالد ومعه أخوي الصغير وضربوه حتى سببوله كسور..لكن ماقدر يشتكي عليهم لأنه عارف وش سوى فيني.. بعد ثلاث شهور من ولادتي جابت هدى ولد.. ..خلال الشهور اللي مريت فيها بعد خروجي من المستشفى كنت أشعر بخوووف كبير لما يقرب مني أحد سواء أبوي أوأخواني لما يدخل علي أحد فجأة حتى لوكان أحد أطفال أخوي سعد بسررعه أخاف وأستوعب..في الليل داااائما أحلم بخالد وهويضربني.. عندي شعووور بالعجز والقهر والألم..بسرعه ينقلب مزاجي بأي وقت أكون بالغرفة أبكي وأتذكره وهويضربني ليييييه ليييييييييييييه ضربني ليييييييييه>>>هذا سؤال دايم أردده وأنا أبكي.. كل ماأشوف آثار ضربه على جسمي أبكي حتى كرهت نفسي.. مرات أفكر بحياتي معه.. كان لازم أعامله كذا وأتصرف كذا أخطأت في بعض الأمور صرت أحاسب نفسي وألومها..
مرااات أفكر في بندر وألوم نفسي ليييييش أصريت على الطلاق لييييش.. أبوي وأمي كثرت مشاكلهم بسببي..أبوي مقهور مثلي ويلقي باللوم على أمي لأن كلا بندر وخالد من قبيلة أمي وأن أمي هي من بسطت زواجي الأول..وأمي تلقي باللوم على أبوي بأنه هوالمسؤول.. بكل وقت يزداد الجدال بينهم مايراعون تعبي وحزني.. كل ماأكون جالسه معهم..أروح لغرفتي وأبكي حتى أطفال أخوي إذا دخل أحد فيهم عندي أصرخ عليهم وأطرده من غرفتي..ونورة في الصالة تشوف الموقف.. كانت تبعدهم عني وتحاول تقرب مني..تصنع الحلويات اللي كنت كنت كنت أحبها..تفاجأني بالعصير المفضل عندي.. تطلبني أطلع معها ومع أخوي لمنتزة أومجمع..أونسافر مع بعض ..لكن مافيه شئ يغير مني.. بيوم كنت سهرانه فوق عند نورة لأن سعد مسافر يحضر زواج
ملكة الشوكلت ياليت يصير مايك ههههه تابــــع كنت سهرانه عند نورة.. وأطفالها جايبين شنطة مليانة صور قديمة وجديدة..جالسين بوسط المجلس والصور مبعثرة :ماما مين هذي :هذي خالتك سارة وهي صغيرة ههه :عمتي ابتهال شوفي سارة وهي صغيرة هههه
كنت أحس بإحراج أو خوف مدري.. كل اللي متأكده منه أن أكيد فيه صور لبندر ومابي أي موقف يزيدني ضغط وتوتر..راح فكري لصورة لبندر وهو عمره 5 سنوات ترجيت أمي بعد زواجي من بندر أني آخذه وأحتفظ فيها عندي... :ابتهال شوفي هذي صورتنا بعد زواجي أنا وسعد بسنة شوفي كيف أنتي رازة نفسك معنا يالدلوعه ههههه :ههههه كانت توته الصغيرونه تحرك الصور على الأرض رفعتها عشان ماتقطع الصور ..طاحت صورة من يدها في حضني.. :نورة خوذي الصورة قبل أحط توته في حضني رفعت نورة الصورة وأبتسمت أبتسامه خبيثه :ههه نورة وش فيك اسم الله عليك :أنا اللي وش فيني! وإلا أنتي اللي وش فيك خايفه.. حطت الصورة قدام عيوني :شوفي الصورة مثل صاحبها تبيك كنت عارفه مين هو.. سكرت عيوني :الحمدلله ابتهال فتحي عيونك :مابي..لوسمحتي نورة بعدي عني :أقول والله مابعد إلين تفتحين هههه :نورة والله أزعل منك وقفت وفتحت عيوني عطيتها بنتها..وجلست قدام التلفزيون :أبتهال بلاحركات أطفال لايكون زعلتي؟ رديت عليها وأنا أناظر بالتلفزيون..ماكنت أدري أيش في الشاشه بس مابيها تشوف وجهي وأنا أتكلم.. :لامازعلت..أساسا" مافيه شئ يزعل.. :طيب ليش رفضتي تشوفين الصورة :بكيفي..على راحتي.. :أنتي تدرين أصلا الصورة لمين؟ :أيوه أدري :طيب قولي لمين؟ يمكن تكوني غلطانه.. :مابي أقول :الله ياابتهال حتى ماتبين تقولين أسمه :نورة شكلك الليلة ناويه تضايقيني.. :إلى متى ياأبتهال وحنا نداريك..إلى متى وأنتي تكابرين!! :.. :ممكن أشوف وجهك وحنا نتكلم :مافيه شئ نتكلم فيه.. :لا فيه..وفيه وفيه.. :نورة وش فيك شكل غياب سعد مأثر عليك هههه :لاتصرفين ياابتهال خلينا في موضوعنا :أي موضوع..أساسا" مافيه موضوع.. :موضوعك أنتي وبندر كنت دايم إذا فكرت فيه أحس بهدؤ الأعصاب..بالراحه..بالسعاده لكن من يتكلم أحد فيه أمامي أحس بعصبيه ونار في صدري :نوووورة بس فشلتيني..عيالك كبار ويفهمون كلامك :ياسبحان الله تعصبين عشان تخفين حقيقة مشاعرك :أي مشاعر خلاااص نورة ترى إذا ضايقتيني أكثر بنزل وأنام تحت :ياعيني على التهديد..أقول بهلوله ماله داعي العصبيه والزعل أسمعي كلامي للآخر..أنتي تدرين أني أعتبرك أختي قبل تكوني بنت خالتي وأخت حبيبي.. :طيب تفضلي :ابتهال بسألك سؤال..إلى متى العناد والمكابره..خلاص عاقبتيه وعاقبك بما فيه الكفايه وعاقبتي نفسك وعاقب نفسه بمافيه الكفايه..بطلاقك وزواجك من ولد عمه اللي يكرهه :وبزواجه من عشيقته هدى :يعني أنتي تشوفين خطأه ولاتشوفين أخطائك!! :أخطائي أنا !!!...أنا اللي خنت يانورة وإلا هو؟!!..وأنا ماسويت شئ حرام..خالد خطبني ووافقت عليه ولاقدر الله أستمراري معه و حصل الطلاق.. :أنا ماأقصد خطأك زواجك من خالد..لاأنا أقصد أنك ماسامحتيه وأصريتي على الطلاق..وأنتي تحبينه وهويحبك :أيه واضح يحبني والدليل زواجه من هدى :أنتي تدرين أن جدي خطبها له بدون شوره وتعرفين جدي زين حتى خالاتي يزوجهم غصب عنهم ولاعليه من أحد..مايحتاج أتكلم في هذي النقطة أنتي عارفتها زين.. :طيب والمطلوب :المطلوب ترجعين له وتريحين نفسك وتريحينه من العذاب :مستحيل أنسي هذا الموضوع ..أنا أرجع له وأشارك هدى القذرة فيه :حرام عليك ياابتهال بالله ماشفتيه والله لوتشوفينه ماتعرفينه الرجال بس يهذي فيك تكفين ابتهال أرجعي له وربي مايمر يوم من طلقك إلا وهويسأل عنك ويبكيك..حتى أنتي تحبينه ليش المكابره :أرجوك نورة يكفي..أنا ماأقدر ماااااأقدر..خليه ينسى هذا الموضوع..هذا من المستحيلات..وخلينا ننام أحسن
دخلت الغرفه مع أطفال أخوي وناموا..وأنا وييييييين والنووووم وين...بندر نقطة ضعفي..أي أنسانه عاشت مع بندر وحبه مثل وضعي مستحييييل تكرهه أوتنساه...خاصة بعد ماجربت غيره.. قلبت الفكره براسي وبكيييييت تخيلت نفسي عنده بسسس صعععب ..صعـــــب..كيف أرجع له بعد اللي صار!! كيف أشارك عدوتي وأبغض الناس لي بزوجها!! كيف وضعي قدام الناس وأنا متزوجه واحد ماخذني على بنت خالتي!! كيف ردة فعل جدي!! جدي عصبي وهدى وأختها تحت رعايته عشان كذا خطبها لبندر يبي يفتك منها.. أهلي!!!!!!!..لويدرون أني أفكر مجرد تفكير فيه كان قتلوني... قمت أصلي وأدعي ربي يربط على قلبي وأن يصلح حالي أذن الفجر وصليت ونمت..صحيت الظهر على صوت باب الشقة سمعت صوووووته..عرررررفته ..بندر.. سمعت نورة ترحب فيه ومتفاجأة بحضورة لمنطقتنا وطلبت منه يدخل بمجلس الرجال لأن عندها ضيوف((اللي هي أنا)) :ضيوف عندك في هالوقت؟؟ :ههه ايه :مين؟ :وحده :ايه مين..ابتهال؟ :ههه لا وش أبتهال..وحده من الجارات.. سمعت صوته دخل في المجلس دخلت عندي نورة وتظاهرت بالنوم :ابتهال ابتهال..قومي :هلا وش فيه :قومي أنزلي تحت ..بندر أخوي عندي في المجلس :طيب أنا جايه بدون عبايه :بجيب لك عبايه من عندي
عطتني نورة العبايه :ليش أنزل..أنتي وش خايفه منه :بس كذا خايفه أنزلي أحسن وفكينا من الكلام لويجي أي أحد ويدري أنكم عندي بتصير سالفة نزلت تحت عند أهلي..وسكرت علي الغرفة جلست أعيد صوته بذاكرتي..دخلت عندي أمي وقالت لي أن فيه واحد بيقابل أبوي وأن أمه كلمتها عني...أستمرت أمي بمدح الرجال..وأن طلاقي مر عليه 5 شهور..وأن..وأن..وأن.. دخل أبوي وشاركها النقاش والكلام :بس أنا مابي الزواج عصبت أمي :ليش أن شاء الله..لادراسه ولازواج..تبين تجلسين طول عمرك كذا..تعدين همومك!! قاطعها أبوي :بس لاتعصبين عليها..مافيه شئ بالغصب كل أنسان يختار الطريق والحياة اللي تريحه..شوفي ابتهال أنا أصرف عليك أنتي وأخوانك وأوقف معكم بالوقت اللي تحتاجون ولابقصر معكم بشئ ومستحيل أجبركم على شئ..وفي النهاية كل واحد فيكم يتحمل نتيجة أختياره وقراره.. :وش هالخرابيط..دلعك لها هواللي ضيعها..تبي تتركها عندك كذا خلها تتزوج على الأقل يجيها عيال ينفعونها أحتــــد النقاش بينهم كالعاده.. خرج أبوي وهوغاضب بعد ماأمطر أمي بكلمات جرحت مشاعري قبل مشاعرها.. ناظرت فيني أمي بعصبيه :أنا أحسن شئ سويته بحياتي أني زوجتك بدري..كان بندر مريحني من مشاكلك.. ...جلست أبكي على وضعي..فعلا قبل زواجي الأول ماكانوا أهلي كذا..كل شئ تغير..كبرت وكبرت المشاكل من حولي.. جلست أفكر بكلام أمي..أسأل نفسي ليش أنا رفضت الزواج؟! هل عشان بندر أو لا؟!! بس حسيت أن ماعندي رغبه بالزواج على الأقل هذا الوقت.. جرح خاااالد مااااااازاااال ينزف..
بعد المغرب..دخلت عندي أمي.. :ياسبحان الله كنت عارفه أن بندر فيه من شفت وجهك اليوم!! :يمه الله يهديك وش دخل بندر :كيف وش دخل بندر شوفي وجهك بالمرايه إذا جانا يتغير :.... :لايكون بس رافضة اللي جاء اليوم عشان بندر ترى لوتموتين ماترجعين له :ليه يمه ماأرجع له!! :يعني تبينه؟ :لا موأبيه بس أستغربت من كلامك لوأموت ماأرجع له!!! وكأنها جريمه!! :ايه جريمه بتفضحينا مع الناس..كيف بواجه أهلي..خواتي وأبوي :عادي واجهيهم مثل ماواجهتهم خالتي أم هدى بعد طلعت بنتها مع بندر لشقة.. :ماشاء الله يعني تبين ترجعين له..ليش حنا لعبه عندك مره مابيه خلوه يطلقني..ومره أبيه :يمه الله يخليك ماقلت أبيه.. دخلت غرفتي أحس اني طالعه من معركه..أستغربت من نفسي كيف تكلمت عن بندر بكل سهوله أمام أمي..وليش قلت لها كذا دخل عندي أبوي :أمك تقول أنك تفكرين في بندر :لا أمي فهمتني غلط :أمك تفهمك غلط أيه..بس انا لا...أنا عارف تفكيرك :أرجوك يالغالي :أنتي اللي أرجوك..إذا شايفه سعادتك معه أنا أول واحد أسعى برجعتكم لبعض.. :أنااا أرجع له :ايه وش فيها..أنا شايف أن الرجال يحبك ويبيك ترى أنا ياابتهال ماحد يلعب أويخدعني..عااارف كل اللي عنده مثل ماأنا عارف نفسي وشايف أنه الإنسان اللي بتكونين معه مرتاحه إلا إذا ودك تجربين نصيبك مع غيره هذا شئ راجع لك :لا أنا قلت اليوم مابي الزواج :أدري..بس فكري.. :أفكر بإيش :فكري برجعتك له :وزوجته :الله شرع التعدد :لاصعبه ماقدر :على راحتك..بس خليك واثقه أني مابي غير سعادتك وراحتك ولاعليك من كلام أمك ولايهمك أحد في الدنيا .. طول الليل أتقلب وأقلب ظروفي وأحزاني من بندر لهدى لخالد لطفلي اللي فقدته..أحس بناااااااااااار كل ماأتذكر الطفل نااااااااااار ماأحد يطفيها..أفكر بالزواج..ليش ماأتزوج وأفرح قلب أمي وأريحها..ليش ماأتزوج يمكن ألاقي شخص أرتاح معه ويرزقني الله بطفل معه أنسى اللي فقدته..بس كل ماافكر بالزواج يجي في بالي بندر..أحس بشوق له..وحبي له يزيد..ماأقدر أتزوج أحد غيره ولاأقدر أرضى برجعتي له...
اليوم الثاني كان يوم الأربعاء صحيت على رسالة من نورة (بندر بيفاتح أبوك اليوم بالموضوع بكسر راسك لورفضتي على الأقل فكري) كنت أحس بتوتر وأنزعاج وقررت أرفضه عشان أريح نفسي وأبدا حياة جديدة كعادة كل يوم أربعاء أمي بتروح لجدتي :ماتبين تروحين معي :لا يمه مابي أروح :فشلتيني بجدتك لك شهر أو أكثر مارحتي لها :أنتي تعرفين يمه أني أتضايق هناك فخليني على راحتي :براحتك ..أنتبهي لنفسك وأتصلي على نورة تنزل عندك :أن شاء الله .. :ابتهال :هلا سعد :تعالي في المجلس شوي أبيك :طيب رحت لسعد وأنا خايفه مدري ليش خفت منه :ابتهال قالت لك نورة أن بندر بيكلم أبوي :ايوه :طيب أنتي موافقه أو لا :ليش تسألني :ههه كيف ليش أسألك!!..أنا أخوك عادي بعرف.. سكت شوي أفكر :مدري أنت وش رايك :أنا مالي دخل ..هذي حياتك..وأنتي عشتي معه 5 سنين وتعرفينه أكثر مني.. :طيب أمي موموافقه :ماعليك من أمي أنا أقنعها :والله مدري :وش اللي مدري :خلاص سعد إذا كلم أبوي أفكر :الرجال الحين عند أبوي في المجلس أكيد بيجي يسألك :طيب بستخير :أستخيري على راحتك انا ماشي..تبين شئ :سلامتك
أنقلبت مشااااعري 180 درجه ماأقدر أعبر عنها ولاأوصفها لكم أحس أني رجعت أبتهااااااااال الأولى بدون حزن ومتاعب أمشي في البيت ولاأدري وين أنا رايحه أحس كل شئ عندي يرقص ويغني لي استخرت ودعيت وقررت أقول لأبوي يعطيني فرصه أستخير فترة شهر أو أكثر أتصلت على خالي :هلا بالغاليه المختفيه :هههه مختفيه مره وحده :ايه لاتتصلين ولانشوفك بجمعة الأربعاء :ظروف ياخالي :أيه أمزح معك انا مقدر كل شئ :الله يسلمك :هاه وش بغيتي أعتررفي :ههه خالي أمممم....بندر :ههههه أنا أختصر عليك بندر عندكم يبي يرجعك :أيه :طبعا أنتي موافقه والدليل الفرحه اللي باينه بصوتك :خالي أنت وش رايك :أنا أقول هويحبك يابهلوله وأنتي تحبينه ليش الفراق والمكابره وترى أنا اللي شجعته يكلم أبوك بعد ماشفت وضعه وحبه لك :طيب وهدى :كل وحده في بيتها وبيعدل بينكم ..أهم شئ أنتي تكونين معه وهومعك وأنا متأكد أنك عارفه غلاتك عنده وقدرك عنده :وجدي :جدك مهما بيسوي إذا تملكتي خلاص ماله كلام..ولابيدري إلا بعد الملكه..ومبروك مقدما" :الله يبارك فيك..يالله خالي تامرني على شئ :سلامتك..وأنا بكون معك..وأي شرط تبينه بينفذه..في آمان الله :في آمان الله
رجعت أصلي وأدعي
دخل عندي أبوي شافني جالسه عند السجادة.. :ابتهال إذا خلصتي تعالي أبيك :أن شاء الله طلعت أررركض لأبوي :أبتهال بندر بالمجلس فاتحني بالموضوع ويقول تطلب اللي تبي من الألف إلى الياء..من مهر وحفلة وبيت وأي شئ تبينه وحتى قال إذا تبي أطلق هدى طلقتها.. :لا أعوذ بالله إلا طلاقها..أنا إذا وافقت أبي العدل وبس..وأني ماأجتمع معها في مكان.. :يعني موافقه؟ :ابي أستخير فترة.. :طيب بقوله أنك بتستخيرين..
نزلت نورة وضمتني :اسم الله نوووووورة بشويش كسرتي ضلوعي :فرحااااااانه ياابتهال بطير من الفرحه ترى علي نذر الله يعيني :ههههه هدي نفسك أنا قلت بستخير :ههههه يعني فيه أمل..تصدقين لي ساعه يوم قال بندر بتستخير وأنا أرقص وعيالي يرقصون معي هههه :ههههه :ههه الله يكتب لك الخير وين ماكان سواء بندر أو غيره :آمين
طول الليل وأنا مبسوطه أحاول أسيطر على نفسي ماقدرت أوزع أبتسامات ومفتوحه شهيتي للأكل على الآخر وصرت أحس كل شئ عندي جميل..
لما قرب وقت عودة أمي رحت للغرفة وتظاهرت بالنوم خااااااااايفة من ردة فعلها...ماكنت أبيها تواجهني ولاأبيها تذكرني بالعقبات ولا المشاكل اللي بتصير من ورى رجعتي لبندر كنت أبي أعيش هالفرحه ولولأيام معدودة وحتى لوكانت بعد ذلك حلم وأختفى ووقفت بيني وبينه الظروف يتبـــع (سامحوني والله أكتب لكم وانا دااايخه من الإنفلونزا ولما خلصت مدري وش سويت وأنقلبت عندي بعض الأسطر:31: بس أوعدكم بكره الجزء يكون أكبر من كذا)
يالله وربي دمعت عيوني لما بندر كلم ابوك............ من جد رووووووووووووووووووووووعه اسلوبك بس لو ماتطولين علينا تكون اروع....... ياحليلي اتحمس وادخل جو مع القصه ولما تصير الدمعه قريبه تقولين بكمل بكره وماتنزل اركض امسحها واحتفظ فيها لبكره .......... بس ان شاء الله تكون بكره دموع فرح وتكوني ترجعي لبندر وتعيشو حياه احلى من الاولى....
اختي شو سويتي فيني...
رايحة الدوام من وقت عندي شغل لازم اخلصه... قلت كالعادة امر اول ع السريع ع منتداي الغالي (مملكة بلقيس) اللي ما استغنى عنه, اتصفحه يوميا مع كوب الشاي...
ما دري كيف فتحت موضوعك بالصدفة... من الساعه 7 وانا أقرأ فيه لحد الحين...
تأثرت بقوووووووة... بعد وصفك للحب العميق اللي بينك وبين بندر وبعدها الخيانه المؤلمة...
ما حسيت غير قلبي يخفق بقووو :icon26:والدموع تنزل :icon1366:ومتضايقه حيــــــــــــــــــــــــل...
كأن الجرح فيي أنا... خفت لا حد يشوفني وانا بهالحالة:tears:
حسيت اقرأ مسلسل ما واقع... كيف يحبها بجنون ويخونها ؟؟؟؟
انتـــــــــــــــــــــــظرك... وما عاد فيني صبر...
اريد أخلص شغلي...
