أبسألك بس أبسألك وش هو شعورك وأنت تدفن قلب انسان؟!!!

الحالة
مغلق و غير مفتوح للمزيد من الردود.
الله يسعدك قولي آمييييييييين قصتك مره مأثره فيني وعجبتني ويعوضك في بندرانشاء الله بس الي احلى من القصه صاحبتها...............وانابستنى تكمليها بفارغ الصبر........بس بعتذر اني مابقدرش اقرى الباقي إلا غداًإنشاء الله................اشوفك على خير
 
الحمدلله ومبــــــــــــــــــــــــــــروك يا قلبي..
تكفين لا تطولييييييييييين.. إحنا ع نار..
أحييك ع اسلوبك وصبرك العظيييييم الله يأجرك ويعوضك عن كل لحظة الم وحزن سعاااااااااااااده وفرح,,
آآآآآآآآآآآمين آآآآآآآآآآآمين آآآآآآآآآآآآمين آآآآآآمين لا ارضى بواحده حتى ابلغها الفين آمين..
 
مبارك وان شاء الله ربنا يعوضك خير
ويهنها ويفرجها عليكِ وما طولي علينا متابعينك
 
كل شوي اطل على موضوعك بلييييييييييييييييييييييييييز كملي والله حمستيني اعرف الباقي
 
الله يبــــــــارك فيكم يالغاليات
ويجزاكم كل خـــيـــــر

بــــاقي على زواجي 3 أيام
أحس بتوتر وخوووف وكأني لأول مرة أتزوج هههه
لا وأفكر ياربي وش أقوله وش بيقولي اول مانشوف بعض..
ونورة شادة حيلها بالحفلة
والأمر لازال مخفي
نزلت عندي نورة في الليل بعد ماناموا عيالها
:ابتهال قفلي الغرفه لايدخل أحد من أخوانك
:لا أخواني يطقون الباب لاتخافين
:هاه كيف نفسيتك ياعروس
:يوووه أسكتي خوووووف بخووووف وكل ماأتذكر بطني يوجعني
:ههه ليش خايفة من بندر وإلا من هدى
:من الناس كلها إلا بندر
:خلاص مادام إلا بندر فماله داعي خوفك
:مدري أحس أني خايفه من رداة الفعل
:الحمدلله والشكر لاتصيرين كذا خوافه خلي شخصيتك قوية عشان الأشكال البايخه تخاف منك
:عمري ماتوقعت أني بيوم أدخل على ضرة سواء زواج من بندر أوغيره
:قولي لا إله إلا الله..هذا نصيبك وقدرك..موأنتي دايم تقولين الرضـــى الرضـــى أساس السعاده
:صحيح
:خلاص المؤمن أمره كله خير..أرضي بماقسمه الله لك
:الحمدلله على كل حال
:ماعليك إلا من نفسك وزوجك..وحطي رضى الله قدام عيونك..ولاتتنازلين عن أي حق من حقوقك وصدقيني بتمشي الحياة وبتكونين بإذن الله سعيدة
:أن شاء الله
:تعالي نسيت أقولك ترى حصلت لك فستان انما أيييه يجنن..سكري ومعاه الطرحه..ناعم على طلبك ويصلح لعروس حلوة مثلك وبكره بروح أجيب واحد نفس مقاسك
:يووووه يانورة وش اللي طرحه أنا موقلت لك مابي كذا
:ههه موعلى كيفك أخوي يكشخ وأنتي لا
:يانورة والله أحس ماله داعي
:أنتي وش اللي مضيق صدرك ترى هذا الشيطان يابنت عيشي فرحتك ولاترخصين نفسك أنتي عروووس أنسي الماضي كله..والله لووحده غيرك كان هي بنفسها فكرت بكذا
:أخاف يصير شئ ولايتم هذا الزواج ويطيح وجهي
:إذا طاح لقطيه هههه
:ههه تراني أتكلم جد
:ياربي الله يعيني على أفكارك السوداء ويعين بندر بتجيه صدمه نفسيه إذا شاف هذا التغير النفسي اللي فيك
:أقول أنتي ماعندك رجال وعيال
:زوجي وعيالي نايمين ..بس ماأستغني عنك قلت لازم انزل لها وآخذ جرعة قهر منها
:هههه لهذي الدرجة أنا رفعت معدل الضغط عندك
:يالله عاد أخمدي وأرتاحي وبس من التفكير في بندر ترى مابقى شئ وتشوفينه
:ههههه
:تصبحين على خير

...
جلست طول الليل أفكر..أساسا" من خطبني بندر صرت ماااأنام إلا كم ساعه الصباح
اليوم الثاني جابت لي نورة الفستان ولبسته
نـورة:الله شفتي كيف حلو عليك..خالتي وش رايك فيه
أمــي:حلو ماشاء الله
أنــــا:بس يمه أنا نحفانه
أمـي:وش نسوي فيك ماتاكلين بس ماعليه حليو جسمك
نورة:ايوه بهلوله ترى خلاص كلمت الكوافير وبتجي على الموعد
أنــــا:أووووف
نورة:ليش تأففين
أنـــا:مدري ياناس أحس اني متضايقة وخايفه
نورة:ههههه شفتي خالتي بنتك خوافه خايفه من هدى لاتقطع رقبتها
أنــــا:نووورة لوسمحتي خلاص سكري الموضوع والله يوترني
أمـي:والله ماعلينا منها يانورة هي اللي أختارت فتواجه كل شئ بنفسها..بعدين إذا هي من الحين خايفه كذا فهي مصيبه
أنـــا:يمه حتى أنتي خايفه
أمـي:هههه وأنا وش علي أنتي اللي أخذتي الرجال
أنــــا:لايمه بس المفروض توقفين معي تشدين من أزري
نـورة:ههههههه هيه أنتي يالخبله وش اللي خالتي تشد من أزرك داخله حرب وحنا ماندري
أنـــا:أنتم توترون الواحد أكثر..أروح أجلس بغرفتي أحسن لي

أدري بتستغربون بس فعلا هذي مشاعري الخوووف
أنا من بعد ضرب خالد مااااااأتحمل حتى أحد يشد علي بالكلام ويكلمني بغضب..أما الصوت العالي فماااااأحبه
أخاااااف منه..وأهلي عارفين وضعي..أنا ماأتحمل أحد يصارخ علي ولايتكلم علي..أحس الدنيا تلف فيني
أحس برجفة بجسمي..بغثيان..بإنهيار..
وشايله هم أن أحد يصارخ علي..هدى او أيا" كان..

ماباقي على زواجي إلا يوم واحد
بندر أتصل على هدى يخبرها

قالت لي نورة أنه قال لها
كنت ذاك اليوم جالسه على أعصابي وأمي نايمه بعد الظهر
..رحت أشوف جوالها مكالمات كثيرة لم يرد عليها من جدتي وخالتي أم فهود..وأم هدى..
يدي صارت ترتجف ورحت سكرت علي الغرفة أبكي
مدري أساسا" وش سبب بكائي!!..موكله خوف..يمكن يخالطه ندم..أدري أنها أخطأت بحقي بس أنا ماأحب أزعل احد مني..
بكيت على الأيام الماضيه اللي كانت بيننا أنا وبنات خالتي وخالاتي..حسيت أني أنا وهدى خربنا كل شئ
بجد ندمت
أنقهرررت لما شفت مكالمه لأم فهود..وش تبي!!

بعد ساعه جاتني أمي..قلت لها عن المكالمات
وقلت :ترى بندر خبر هدى
:أوووف الله يعيني ياابتهال الحين وش أقول لهم
:تقولين لمين؟؟ خالتي أم فهود وش تبي تتصل يعني لازم تدخل نفسها بكل شئ؟!!
:عيب ياابتهال هذي خالتك
دق جوالي وتفاجأت أنها خالتي أم فهودي جاء في بالي أنها ممكن هدى تتصل من رقمها..
أمي كانت تقولي ردي ردي...
تشجعت ورديت عليها
:أنتي قلوا عليك الرجال ماحصلتي إلا بندر
:ليه وش فيه بندر ياخاله سامعه عنه شئ!!
:أنتي ماتستحين ضحكتي الناس عليك وعلينا بيقولون ماخذه زوج بنت خالتها
:الحين أنا ماأستحي ياخاله؟!..ليش ماقلتي لها هذا الكلام يوم طلعت معه في شقة
:أيييه أنتي حاقده عليها للحين
:الله العالم من اللي قلبها مليان حقد وحسد
:والله أنك ماتستحين بتشوفين كيف هدى تطيرك من عنده
سكرت الخط
أول ماتسكر جلست أبكي بشدة وأمي تهديني وصرت أنتفض من الخوف..حسيت أني طالعه من حرب
مدري كيف رديت عليها وتكلمت معها آااااااه كلامها ونبرة صوتها جرحتني

دق جوال أمي وكان المتصل جدتي
طلعت أمي تكلمها بعيد عني
سمعت أمي تقدم أعذار لجدتي وانها مالها دخل
وأن الرأي كان عندي وعند أبوي
وأن بندر أزعج أبوي إلين وافق يرجعني له

هدى أتصلت على نورة وسبتها وأتهمتها انها هي اللي أقنعت بندر يرجعني!!
وصارت ترسل لي رسايل على الجوال سب وشتم وأني خطافة الرجال وأني مالقيت أحد يطق بابي وأني وأني
ياسبحان الله زعلانه لأنه أخذني بالحلال
ولافكرت بمشاعري وهي أخذته بليلة مني بالحرام
مافكرت بليلة وهي تتصل وتكلمه وانا زوجته ياغافلين لكم الله..مافكرت بشعوري أنا وغيري من الزوجات اللي كانت تكلم أزواجهم!!

عندها أسلوب عجيب..قلبت الدنيا على الكل
وخلت جدي وخالاتي بصفها
جدتي طيييييبه أول ماسمعت أعذار أمي
قالت الله يوفقها ابتهال تستاهل كل خير
وقالت لأمي قلبي قالي أن بندر بيرجع ابتهال لأني أدري أنه يحبها..

وقبل الفجر لي ليلة زواجي
دقت هدى وطبعا مارديت عليها
وترسل رسايل تشتم وأني خوافه مابي أرد وتسب بندر
لكن ماااافكرت أرد لأني عارفه نفسي بتضايق

أم هدى كلمت أمي زعلانه
وأعتذرت منها أمي بنفس ماأعتذرت لجدتي

حسيت بضيقة وتوتر وسعادتي أختفت من قلبي
حتى خالتي أم بندر وبناتها أتصلوا يباركون وقالوا أنهم وصلوا عشان يحضرون الزواج
لكن كنت أجاااااامل أضغط على نفسي وأجاااامل
أحس الضيقة مسيطره علي..حتى خالتي ام بندر
سألتني:أهم شئ انتي مبسوطه ومرتاحه؟
:ايوه خالة الحمدلله
:صوتك يقول غير كذا
:لاعادي خالتي مافيني شئ
:الله يتمم لكم على خير
:آمين الله يجزاك خير
:يالله حبيبتي اليوم نشوفك أن شاء الله
:أن شاء الله

أحس بخووووف وضيقه..الظهر جالسه بغرفتي أصلي وأدعي ربي...أسأل نفسي هل أخطأت أو لا..
صرت أندب حظي وأني كل شئ بحياتي يصير لازم معكرات وفرحتي تكون ناقصه..أحس بتأنيب الضمير ماكان ودي أضيق صدر أحد لاهدى ولاغيرها..مابي أحد يتكلم ويسب فيني حتى لوكنت أنا صح ..أبكي وأحس مااافيه أحد بالدنيا فاهمني..أحس اني جاااالسه بوسط صحراء لحالي..
دخلت عندي نورة
:بهلوله أفا والله تبكين
دفنت وجهي على رجولي وزاد بكاي
:الحمدلله صدق سخيفه..ممكن أعرف ليش تبكين
:مافيني شئ
:كيف مافيك شئ وأنتي مقطعه نفسك من البكي
:..
:طيب أرفعي راسك كلميني
:أكلمك بأيش ماراح تفهميني
:ليش ماافهمك..جربي وشوفي
:...
:ابتهال إذا تحسين قرارك خطأ أنا أول وحده توقف معك الحين أتصل على بندر وأكلم سعد
:بعد أيش يانورة
:وش اللي بعد أيش..الملكه بعد العصر يمديك أهم شئ لاتضيقين صدرك
:لاصعبه خلاص الناس عرفوا..هدى عرفت..أبوي وش بيكون موقفي قدامه..أمي..صعبه يانورة
:خلاص طيب تكفين لاتبكين..صلي لك ركعتين تهدي نفسك..يمكن اللي فيك نتيجة رسايل هدى وأتصالاتهم البايخه..شوفي ابتهال والله الدنيا تبي لها واحد قوي لاتصيرين ضعيفه وتخلين الناس تدوس عليك قوي قلبك
والله الناس اللي تبكين عشانهم مادروا عنك إلا لويقدرون كان أحرموك من كل شئ لكن الحمدلله أن الأرزاق منه سبحانه
:..
:يالله عاد قومي غسلي وجهك نسيتي اللي جالس على نار ينتظر شوفتك لاتخلين الناس يسلبون منك فرحتك
:ماأقدر يانورة الضيقة مسيطره علي..
:تعوذي من الشيطان .الحين صلي وبعد شوي بجيك عندي مفاجأة
:طيب

صليت ودعيت ربي..أحس فيه شئ على صدري
تمنيت أن مابيني وبين أمي حواجز تمنيت أبكي على صدرها..

رجعت لي نورة
:هاه خلصتي
:ايوه
:طيب بسمعك كلمات الشريط وتراه بدون موسيقى
:نورة ترى مابي زفة ولاأبي أروح للقاعه
:بكيفك على راحتك كم ابتهال عندنا ..الشريط بسويه على صور لكم طبعا بعد ماتصورون المهم لازم تسمعينه أنتي وبندر..
كانت كلماته

هنوني هنوني يا ناس هنوني
حبيبي راجعلي وبتفرح عيوني
في رجعته ليا بتنور الدنيا
خلوني اتهنا و لا لا تلموني
واحشني قد الكون بس انتوا ماتدرون
اخبي في قلبي أشواقي و شجوني
و ان حسيته حولي اطيح من طولي
الغالي لي جاني يخطفني من كوني
يسلملي يسلملي سيدي وكل اهلي
ابدا معاه ابدا ماخابت ظنوني
والله ما ادري اناديه يا عمري
أو روحي او قلبي يا ناس دلوني​








 
ربي يوفقك ياقلبي ويسعدك ولاتفكريين في مشاعر غيرك طالما مافكروا فيك وهم يقتلوون فرحتك
افرحي وانبسطي هذا نصيبك ورزقك من رب العالميين وباالحلال وفكري في نفسك فقط ولاتشيلين هم
ناس خربوا سعادتك قبل ولاتعطين ايا كان ان يجرحك او يغلط عليك الدنيا مدرسه وتجارب تعلمنا كيف
نوقف على ارجلنا من جديد لانعطي مجال للغير ان نطيح مره ثانيه ونجلس نصفق لهم عيشي حياتك
بالي يريح بالك ويسعد نفسك وكلام الغيرحطي تحت رجولك لانه مايصلح
ولايهم وقوليله بااااااااااااي
 
قولي آمين

الله يسعدك


انتي انسانسه نادره اللحين ماودك تجرحين احد ولا ودك تضايقين هدى ع اللي سوته فيك


الله يرزقك على قد نيتك
 
الله واكبر يافرح وش هالقصه وش هالكلام ولا في الخيال
ياقوى قلبك اللي تحمل خيانه بندر وفراقه ولااهانه خالد وضربه ولا وفاة ولدك
كرهتك حيييل يادنيا ..
كرهت اللي صارلك يافرح ..
ماقول غييييييير الله يفرحك ويجبر خاطرك
 
ايها الحزن ارحل

اشعر معك لحظة بلحظة موقفا بموقف حتى الخوف تسلل الى اعماقي من خوفك
انت طفلة بريئة في عالم يقتل كل معالم البراءة لكن لا تعدمي الخير فنحن من امة محمد صلى الله عليه وسلم والله غفور رحيم.
قلبي يؤلمني اتمنى ان تكون النهاية كما اريد
لا تتاخري وربنا معك ويسددك آمين.
​
 
فرحانه لك وبنفس الوقت قهرتيني الحين زعلانه عليهم وهم مافكروووو فيك انا لو منك لما دقت ابتهال ارد وانا اضحك ومستانسه واقولها حبيبي ورجعلي ترا مالحب الا للحبيب الاولي اقهرها مثل ماقهرتني بس انتي طيبه زياده وهالوقت يبيله وحده قويه
 
اه يالقهر من جد قهرتيني انتي وش عليكي منهم
معلش يمكن يكون ردي السابق قاسي بس لاني اشوف نفسي فيكي
ذكرتيني بنفسي خوافة ودمعتي علي عيني واذا احد طول لسانة علي ما اقدر ارد بس اجلس ابكي
اتذكرت قبل زواجي كانوا في ناس حسديني ويبغوا يخربوا علية واتهموني اتهامات باطلة من وراي بس علشان يكرهوا خطيبي في وتتفركش الخطبة ما سمع لهم
قاموا يتبلون علي اني قلت كلام ما قلتة علشان تتفركش من جهتي وانا والله لا اهش ولا انش حالي حال نفسي ولا اتكلم علي احد وبكيت لين قلت بس لدرجة اني اغيب عن الكلية وما اكل واذا اكلت اللة يعزك استفرغت وصاري اكتئاب وانيميا وامي قالتي اتركية بس انا قلت اذا ما تركني هو انا ما حتركة واللي في بالهم يحلموا انة يصير والله انهم نكدوا علي فرحتي حسبي الله عليم
والحمد للة ذحين متزوجة و عندي بنوتة والي الان ينغصوا علي بالكلام الغير مباشر

صرت اطنشهم ولا كلمة تاثر في ليش اهدم صحتي علشان ناس ما تستاهل متندمة علي الايام اللي راحت قبل زواجي لية ما فرحت زي البنات ؟ ليش اهتميت فيهم ؟ لية كانوا كل همي ؟
ليش لما اتهموني ما دافعت عن نفسي؟ لية سكت ؟ لية لما تكلمت علي ورفعت صوتها علي ما رديت عليها ؟ لية ما وقفتهم عند حدهم ؟ بس جاسة ابكي وارتجف نحفت وصارت نفسيتي بالحضيض كاني راحية عزي مو رايحة اتزوج نكدوا علي او بالاصح انا اللي نكدت علي نفسي و سمحت لهم ياثروا علي
اه يالقهر ليت الايام ترجع
اللي يسكت عن حقة يداس علية بالجزمة ما صحيت من غفلتي وضعفي الي لما لاحظت علي بنتي(عمرها 3سنوات) انها صارت نسخة مني ضعيفة شخصيتها تنضرب من الاطفال اللي بعمرها وتسكت وتخاف وما ترد علي احد وقتها حسيت صفعة جاتني بوجهي تقولي فوقي لنفسك بنت صارت نسخة منك الحقي عليها تغيري علشانها
واحسن اني بدأت اتغير واقوي شخصيتي و ما زلت احاول اطور من نفسي واترك الخوف عني

وان شاء الله تكوني انتي تغيرتي وما يهمك الناس اهم شئ سعادتك
من راقب الناس مات هما
والله يوفكي ويرزقكي بالخير ويرزق كل وحدة زينا علي نياتنا اللي المشاكل تجي الي عندنا و هي ما اذت احد ولا جرحت احد الله يثبت قلبنا ولساننا علي المفتري

انا غلطت لما سمحت لهم ياثروا علي صحتي وينكدوا علي فرحتي
ولا اتزعلي مني انتي غلطي لما في فرحك اول ما جات هدي وقالتك فلانة لها علاقة بزوجك صدقتها وزعتي وما انزفيتي مو كل كلام صدق لا تحسبي الناس زينا علي نياتنا مايكذبوا
ثاني غلط انك تطلقتي منة وخليتيلها الجمل بما حمل هذا زوجك حقك انتي لوحدك حاربي علشانة لا تستسلمي لاحد
تعرفي اللي زينا اش يبغالهم دورة مكثفة في وزن الامور بالعقل وليس المشاعر
ما اجمل المشاعر والاحاسيس عندما توضع وتصرف في مكانها الصحيح
وما ابشعها عندما تصرف في ظروف تحتاج للحزم والقوةو الحكمة فتسبب لنا التعاسة وتجعل الاخرين يدوسون علينا بلا رحمة
 
تعرفى اللى زينا اش يبغالهم دوره مكثفة فى وزن الامور بالعقل وليس المشاعر
صدقتى والله جيتى ع الجرح
متابعك يافرح بصمت وفرحت جدا برحعوك لبندر يارب يعوضك اللى فات بحنانه
بانتظارك ياغالية
 
الحالة
مغلق و غير مفتوح للمزيد من الردود.
عودة
أعلى أسفل