[you] اذا انتي موظفه ومتزوجه محتاجينك هنا

انا متزوجة لكن مش موظفة ولو كنت موظفة لصرفت راتبى الى اخر جنيه على بيتى وزوجى وابنى لان زوجى كريم جدا وحنون وعطوف للغاية
 
أعتقد ان المسألة مسألة تعود من البداية لكن قرأت سابقا عن رأي بعض الشيوخ ان يكون هناك اتفاق بين الزوجين قبل الإرتباط
من ناحية اخرى تستطيع الزوجة ان تشعر الزوج بأهميته كرجل في الإنفاق عليها عن طريق الشكر ووصفه بالرجولة كتشجيع له وعن طريق قصص لبعض صديقاتها اللآتي ينفق عليها زوجها وأن تشعره بأهمية دوره وانها لاتستغني عنه .
 
انا طالبة بالجامعة باقيلي سنة ونص بخلص
لكن خطيبي ما يصرف علي شي الا بهالفترة لانه موعد العرس
كل ما اطلبه شي يقولي اطلبي من امك انا ما معي
ويشتري لاخوانه وزوجاتهم هدايا ما يكلف نفسه يشتريلي شي
والله تحز ببالي اشوف زوجات اخوانه مو موظفات احلى تلفونات وفلوس ودهب وانا يقولي وفري
 
راتب المرأه حق لها

والرجال هم القوامون على النساء ومن حقها ان يصرف عليها
بالرغم من انها تستلم راتب شهري

أما اذا أرادت المرأه ان تساعد الرجل فــي المصاريف او تعطــي
جزء من راتبها له فهذا الشي يرجع لها وبرضاها دون اكراه
من الزوج
وأنا افضل أن المراة الموظفة تعود الزوج من البداية ان يصرف عليها هو. ​


__________________
 
أنا متزوجة وموظفة بصراحة في البداية كنت أصرف وكمان كنت أساعد في البيت مع العلم إن راتبه ضعف راتبي . الآن لا والله ألأنه كل فترة يقول أحمد ربك أنا مو من الرجال اللي ياخدو راتب حريمهم .
أصرف على الأشياء الخاصة جدا مثلا هدية لصديقة او قريبة هدايا لصاحبات بنتي وحاليل راتب الشغالة لكن غير كده هو ملزم وإن دفعت أنا لازم أطلعها منه .
 
شوفي اختي انا موموظفه ولامتزوجه ....
ولكن اذا اتزوجت ان شاء الله واتوظفت راح اساااعده بقدمااقدر ان شاء الله
لان هذا طبعي احب اساعد وارضي الطرف الاخر..اتكلم عن حياتي عند اهلي الآن... واكيد اذا اتزوجت ان شاء الله راح اساااااعد ابوالشباب الله يخليه لي يااارب.....
 
ياحبوبة أنا سر ماس متزوجه ولكن لست موظفه حديثة تخرج وأنتضر الوظيفة وبداية هذا العام بإذن الله راح أحضر ماستر
 
ياعيني علينا يالحريم دايم ندفع<<<< مأكولين ومذمومين ربي يفرجها لنا
 
أنا موظفة وبراتب كبير .... زوجي ليس من نفس جنسيتي وراتبه أقل بكثير ولكنه بنى نفسه من الصفر .... أنا طبعا اصرف على البيت بحدود يعني اكون بمكان واحصل اشياء احتاجها لبيتي اشتريها بفلوسي وما اطالبه يعني يكون السعر معقول ولبنتي بعد كهدية مني .... لكن مثلا يوم احط ببالي انه انا طالعه عشان اييب اغراض مخصوصة لبنتي او للبيت يعطيني ويقول هذا المبلغ حق اغراض البيت وهذا حق اغراض البنت .... لكن اشيائي الشخصية اصرف عليها من راتبي وهذا طبعا بعد ما اشتغلت قبل ما اشتغل هو اللي كان يصرف علي .... الحين افكر ابني بيت وقلت له ما ابي منك ولا فلس انا ببني بفلوسي لوحدي .... لأني عارفة ان البيت كله بيتسجل باسمي لوحدي وما ابي حد يطالبني في يوم اذا صارت مشكلة .....
أحيانا اكون مثلا ابي صرف لاني ما عندي خردة اقول له عطيني يعطيني وما يرضى ياخذ مني المبلغ اللي صرفه لي ... يعني اشياء مثل هذي ....
 
عزيزتـــــــــــــي .. حبوبه لزوجــــــــي ....
اشكرج اختي العزيزه على الموضوع واناااا اشوفه وااايد مهم ..
حبيبتي انا موظفه ومتزوجه ...
الحمدلله استلم راتب وااايد اوكيه هذا فضل من ربي ....الحمدلله والشكر بس
هذا مايمنع انه ريلي يصرف عليه ملزوم بهالشي وهذا شرطي قبل لا شتغل
غاليتي واخواتي عمر الزوجه ماتبخل ع ريلها وعيالهااااا بس فالنهايه الريل
اهو الملزوم ... انا عن نفسي مستلزماتي الشخصيه وامستلزمات البيت والعيال
عليه والله .... وانا بعد اساعده بس اهو الاول وعمره ماجبرني ادفع اي شي
الا من خاطري والله يستحي مني ويتعذر بعد وانا مقدره هالشي لانه مايقصر
معناااا ...
حبيباتي في ريايل اتكالين لابعد الحدود ياختي الموظفه اذا تبين توفرين من راتبج
عندي لج حل ....^^
قولي حق ريلج انا داخله جمعيه بالمبلغ ........؟؟؟ ع كيفج
وسمحلي ياحبيبي ماراح اقد اساعدك شرات اول ... وبجذيه بيفهم وماعليج منه
لو عصب قوليله هذا راتبي وتعبي وانت ريال البيت ملزوم تصرف مش انا ....
والجمعيه هذي حقي اضمن شي للزمن ... والله ياعمري بيسكت وبينطم .....^^
تعودي تزخي ايدج شوي هب كل شي ربعتي السوق تيبينه ...
خواتي نحن حريم وبودنا ندلع عمارنا من تعبناااا والريل مابيفتكر فينا والله عليه
ديون ومشاكل وغيرها بس التعب كله حقج انتي .... وانا ماقولج لا تساعدينه
بالعكس هذا ريلج بو عيالج ... بس حرمي نفسج من اللبس والكشخه والصالون
والميك اب والعطور وغيره وشوفيه اول مايشوف وحده متكشخه وريحته لوووووول
تهبل يبقق عيونه ... صح ولا لأ؟؟؟؟؟؟ وانا المسكينه اوفر عشان اساعده ...!!!.
سمعن نصيحتي خصمي من راتبج وقوليه دشيت جمعيه ويا اربيعاتي فادوام وماعليج
من حنته وطنته خليه يحس بالمسؤليه الريايل مانهم امان انا اصراااحه منتفه ريلي
ههههههههههههههههههههههههههه مدلعه عمري واكشخ وسياير ع كيفي لاني تصرفت صح.
واذا اي وحده عندهاااا اي استفسااار او مساعده انا فالخدمه ياقلبي ..
واسمـــــــــــــــــــــــــووووحه ادري وااايد طولت شرطيه فالتحقيق لا تلومني ,,,هههه
 
مرحبا بالبلقيسيات:cupidarrow:
شوفوا حبيباتي العامله لازم تخلي زوجها يصرف عليها:nosweat:
تلمحلوا باي طريقه
وان سوا نفسوا مو فاهم ولاطنش:strongsad:
احتالي عليه:a115:
ولاتقولوا حرام مسكين مدري اشكلوا:no:
قولي امي اختي صديقتي اخوي محتاجين وعطيتهم
او دخلت جمعيه بمبلغ انتي اختاريه ووفري من راتبك دون مايدري للزمن
حبيباتي
زي ماالرجال يختلقوا الاعزار سوا زيهم هم مو احسن مننا في الدهاء والحنكه :santa_1:
لاتنسوا00 ان كيدهن عظيم:icon30:
انا مو ضد ان الزوجه ماتساعد زوجها خاصة لوبيبني او لاي ظرف طارئ:no:
لكن ضد انها تتحمل مسؤليه البيت والاولاد وهو يسرح ويمرح
لا وكمان مايصرف عليها هي تصرف على نفسها وعياله
الزوج لازم يصرف عالزوجه وان كانت غنيه
هادا مو كلامي كلام الشرع والدين
وكلام المنطق والعقل
اجل ليش القوامه للرجال:detective2:
استغلال عيني عينك
وبعضهم ممكن يطلق زوجته لو تركت الوظيفه هادا مرا ماينفع داخل على طمع ومو كفو يحافظ عليك وعلى عياله:thumbdown:
ومن البدايه اصحك تعوديه عالصرف
خدي مايكفيكي وولدك بالمعروف:icon30:
والله اعرف وحده زوجها يباها تحمل
وماشاالله تولد بحسابها في مستشفى خاص
والله قهر:icon28:
بس حقيقي مو منو منها هيا الي ساكته له:e052:
لكن مصيرها بتندم
الا ندمت والكل بيلومها حتى امها اقرب الناس لها:sly:
 
خواتي العزيزات إن هاي الموضوع مهم جدا .. في رايي الزوج اللي يخاف ربه و يتحمل المسؤولية ما يحط عينه على فلوس زوجته ولا يسمح لنفسه إنه يآخذ منها ولا قرش اسود ... المشكلة إن احنا نحتاج حلول مع أزواجنا في طريقة إحساسهم بالمسؤولية اتجاه زوجاتهم وإنهم يصرفون علينا... ما أدري لكن لأني متزوجة واموظفة أحاول إني أحسسه بالمسؤولية واذكره دايما بأنه راع ومسؤول عن رعيته وأطلب منه طلبات بين الفترة والثانية وفي بعض الأوقات ألجاء للوالد إنه يساعدني .... وأنا أدري هاي خطأ بس لو كان وده يساعد ويصرف علي في أمور صرف ... المهم يا أخواتي خلونا انفكر في طرق لصرف أزواجنا علينا...
 
السلام عليكم اما انا فهو يجعلني في موقف انجبر اصرف على البيت واتحمل كل مصاريفه بالرغم من ان امكانياته عالية جدا واما زوجته الأولى فيصرف عليها وعلى اولادها اما انا غلا
 
السلام عليكم
انا عن نفسي لقيت الحل وهو انه كل ما يكلمني عن معاشي أقوله خله للاشياء الكبيرة دخر للزمن وكل عام ادفع زكاة عنه والحمد لله بركة واذا حان وقت سحبه بسبب شراء بيت كبير مثلا -يكون المبلغ كبير لدرجة اطلب ان يكتب ورقة بيننا يوقع عليها لاثبات حقي في المشروع وهكذا احسست بالطمأنينة بعد هذا الحل
ارجو ان اكون قد افدتكن به
 
ياليته يتركه لي و خلاص .. لا هذا يستغله و يعمل منه مشاريع .. لكن هذا آخر مشروع أدخله معاه و التوبة
إن شاء الله ما أعطيه بعدها
 
مرحبا حبايبي
بقولكم عن تجربتي من تزوجت الى اليوم
الحمدلله الله انعم علي بزوج صالح وطيب بس مايفكر في المستقبل شوفو ايش صااار معاااي بعد العرس
بشهرين اشتغلت وبعدها بفتره قصيره شفت بيت صغير قريب من بيت أخته واختي
قتله اشرايك نشتري البيت
قاااال الحين احا نقدر نشتري بيت
قتله وليش لا واحنا اشفينا
الله يسلمكم طبيعته مايفكر بالمستقبل هذا اللي انا اكتشفته من كلامه
بس انا اصريت عليه وخليت ابوي يكلمه وقتله بساعدك وكلمت اخوه بعد عشان يقتنع
المهم الله يسر امورنا وسبحانك ياااارب الله يسرها علينا وتيسرت امورنا وتشاركنا في البيت واتفقنا ان المبلغ اللي ينخصم من الراتب للقرض ما انفكر فيه ونعيش على المتبقي والحمدلله الله يسرها وسبحااااااااااان الله وعشنا حياتنا نصرف من راتبه وبعد مايخلص رصيده نصرف من راتبي واخلي البطاقه عنده عاااااادي وكنا قنوعين بلي عندنا لأننا من البداية اتفقنا على الصراحه
بس ترى انا شطوره كنت اجمع من راتبي ( ماشاء الله علي الله يحفظني من عيون الحساد ) فديتكم تراني احبكم بس العين حق )) لان هو مايعرف يجمع واقوله مايقتنع اللي عنده مو له ويصرفها
أهم نقطه في هالسالفه اول شي هو يصرف بعدين أنا وكنت أعرف في شنو يصرف
وثاني شي مع الأيام علمته اشلون يجمع فلوسه كنت اقوله حط لو 500 ريال عشان لو جاتك مناسبه والا شي ما تقولي مااااعندي والا عطيني وما تحس نفسك مستحي وانت تتطلب لين ما اقتنع بس طبعا بعد خمس سنين ( عااادي ) الحمدلله انه فكر
والحمدلله الله يسرها علينا وصار يقولي لا تصرفين من راتبج وانا اللي بعطيج الا لو احتجتي وهذا اللي انا قاعده اسويه الحين حتى لو عندي اقوله عطني ماقدر امر البنك
بس في شغله احب اوضحها الرياييييل مو كلهم نفس الشي انتي وشطارتج في الصرف ان ما كنتي تبيييين تعطينه وعرفتي انه عياااااااااااااار لا تعطينه قوليله مااااعندي عطيته حق امي او عطيته حق ابوي او خذت قرض لابوي كان محتاجهم او انج متعوده تعطين هلج وتساعدينهم ودايما خليه هو اللي يدفع وديه السوق خليه يتعلم اتشطري عليه في رييييييياييييل يبيلهم العين الحمره خليه يروح الجمعيه ويشتري أغراض البيت لاتتشطرين وتقولين انا بروح اشتري وتريحينه لا يالشيخه هذا شغله لا تبعدينه عن مسؤولياته وهالغلط اللي أكثر الحريم يسوووونها انه هي اللي تروح وتكمل شغل البيت لا تستبعدين انه يخليج انتي اللي تصرفين من راتبج ومع الايام ماراح يعطيج شي لأنه تعوووود ان انتي اللي تسوووووين انا اسوي اللي اشوف صح واللي اقدر عليه بس احمل نفسي شي من اختصاصاته لااااااااااااااااااااااااااااااااااااا ولا حظت كم مره اتشطر عليه اقوله انا بشتري وعااادي اروح شفته مره يقولي روحي اشتري انا مشغوووول اوكي مره مرتين بتعدين بس لا يمصخها وشفته يقولي روحي الجمعية واشتري قتله والله ما اقدر اروح اليهال يمللوني يعني تبيني اروح الجمعية بروحي ( لا واقوله احنا الحريم ذواااات فتنه تخليني حق اللي يسوى والا مايسوي) ارخي شوي واشد شوي وان رحت انا اقوله عطني ماعندي ومره عااادي انا اللي اصرف
صدقووووووووني الشعوووووور وااااايد حلو لما الريال هو اللي يصرف على زوجته ويحس الريال مدى حاجت الزوجه له ويقربهم من بعض ومع الايام يحس انه هو المسؤوووول لا تحسسينه بالكلام بس بالافعال واشكريه دايما يموووووتون على الشكر وانج تحسسسسينه انه هو كل شي في هالكون

وبصرااااااااحه الله يعينا اللين مانربي فيهم القطو الكبير مايتربى بس حلو انج تعودينه وان شاء الله يتعوووووووووووود والله لا يغيرهم علينا ان شاء الله ويسخرهم لناااااااااااااااا
آآآآآآآآآآآآآآآآآآآآآآآآآآآآآآآآآآآمين وعليكم دايما بالدعاااااااااااااااااااااااااااااااء وان شاء الله خير
واسمحولي على الإطاله
 
انا الحمد لله ابوي معاي واقف على راس زوجي وما يسمح له ياخذ فلس واحد مني والحمد لله ابوي عنده خير وراتبي كله لي وحتى الصرف زوجي يصرف علي

الله يخليك لي يا ابوي ذخر
 
هلا وغلا انا متزوجه غير موظفه
يزوجي يعطيني فقد راتب اول شهر فقط في وسط ونهاية شهر لايعطيني ولادرهم انا لدي طفل عمره خمس شهور يريد حاجيات...
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل