50 ســـر مــن عـــالــم الرجــال "نسخة للقراءة"

[حلم المساء]

السر التاسع والثلاثين ..
الرجل يموت في الشعر المنسدل على هيئة ذيل حصان والمصفف بنعومة مع بعض الخصلات المتناثرة هني وهناك لأنها تذكره بخلفية الحصان المنسدل من قمتها ذيل حصان طويل (خلفية + طول = قمة الإثارة )

وانتي اختاري القصة اللي تناسب ويهج .. واو واو واو بس لا تشدينه وايد عشان ما تنشد ملامح ويهج وتصير قاسية وعيونج تطلع لبرا :31: وتنقلب السالفة عليج ..

 

[حلم المساء]

هدهد ..
شكرا لج على طرح النقطة عشان أوضح للبنات اللي التبس عليهم الموضوع.
حبيبتي آنه أعطيت مثال بسيط بالنسبة للسر اللي طرحته ان الرجال لما يقول شي يعتبره معلومة يخبرج فيها وليس تعبير عن عواطفه ومو لازم يعيدها كل شوي ، سواء كانت معلومة حب أو معلومة تخص شي ثاني لذلك الرجل ما يكرر كلام الحب بكثرة حتى لو كان صادق ولكن يمكن يكررها في حالتين:
عنده وعي كبير وحس رومانسي و كان فاهم ان هذي الكلمة لها تأثير على زوجته وتحتاج تسمعها بين فترة لأخرى ، أو اذا كان كذاب ويبي يستغلها عن طريقة نقطة ضعفها وحاجتها لكلام الحب .

 

[حلم المساء]

أشكر بقوة جميع البنات اللي طرحوا تجاربهم واللي مدحوني وشجعوني والحمدلله ان الموضوع عجبكم وأتمنى تستغلون هالنقاط لصالحكم وبقوة عشان نصير أقوى وأرق وأفضل بلقيسيات ..

تفاصيل ..
بالنسبة للرجل بشكل عام يحب دايم يحافظ على صورته جدامج واذا انتي ناقشتيه في تقصير يحس بالذنب والألم ويحس الصوة اهتزت لذلك تحسينه يعصب ويحقد ويبتعد عنج فترة لذلك آنه دايما أركز يكون الأسلوب حلو وطبيعة العلاقة بينكم لازم تكون فيها مودة ووفاء بالحقوق عشان يتقبل منج أي تعليق ..

بعطيج مثال حلو يوضح كلامي ..
يعني حتى لو قلتي له مثلا آنه تعبانة اليوم كان عندي أشغال وايد طايحة على راسي في الدوام ( لاحظي انج ما ذكرتي المزيون في المشكلة)لكن تدرين شنو يفكر: هذي قصدها ان آنه شجعتها تشتغل وآنه السبب في التعب اللي تحس فيه (هذا تفكير الرجل وانتي طبعا مو قصدج تلومينه لكن احنا نحب نفضفض إذا حسينا بتعب أو ألم) فما بالج إذا رميتي عليه قنبلة مباشرة من اللوم أو التذكير بالأخطاء أو الاتهام بالتقصير <<< ترى هالأمور قوية على الرجل وما يقدر يتحملها :30:

غيورته ..
عجبتيني وايد (حركاتج أكشن) وهذا المطلوب لأن مثل ما قلنا الرجل يفهم الأفعال ( تفكيرج الذكي والتصريح بالفعل اللي تبين تسوينه والسبب المغري للرجل) دليل على قدرتج على معالجة أمورج << ذكاء رائع :32:

 

[حلم المساء]

الوحيدة 1..
بالنسبة للغيرة من زميلات العمل أو الطالبات بتكون شعور حلو ومهم عند الزوج لأنها تدله على مدى حبج واهتمامج فيه وتشعل في قلبه مودة وحب تجاهج لكن اهم شي تسيطرين على هالغيرة وتكون بمقدار معقول وعلى فترات متفرقة .

الحل : حاولي تنمين الجانب الديني مثلا عن طريق قصص ترسلينها له على الايميل على فترات متباعدة عشان ما يحس انها مقصودة .

ومثل ما قالت الأخت: ارسلي له قصة ألفيها بنفسج عن وحدة كلمت الدكتور في التلفون ومنها سحبته للطريق الخطأ وبعدين فضحته وخسر عمله وأصدقاءه وساءت سمعته.

أو اذا كنتي دراسة في الجامعة خبريه عن سوالف البنات وشلون يروحون للدكتور المكتب ويطلعون عليه سوالف لمجرد ان عطاهم وجه وسولف معاهم أو ابتسم .

دايما حسسيه انج واثقة فيه وانج تشوفينه انسان نقي وطاهر ووفي عن طريق مسجات حلوة بالجوال .

أبدا لا تحسسينه انج شاكة فيه بشكل مباشر ترى بيقلب الدنيا على راسج .

تفنني في احتواء العاطفة عنده وبالجنس الممتع والاهتمام بنفسج عشان يشوفج حلوة دايما وما يقارنج بأحد واهتمي بأمور بيتج عشان لا يحس بنقص من أي ناحية.

 

[حلم المساء]

السر الأربعين ..
شفتي ريلج لابس عشان تطلعون مع بعض أو رايح الشغل بس لباسه مو متناسق من ناحية الالوان أو الديزاين ويمكن يفشل بعد :33:

انتي أكيد بتشحذين همتج وبتقولين له : عمري شرايك تلبس هذي مع البنطلون ،، مو أحسن ؟؟
الريال ما يحب يبدل بعد ما يلبس ، بالنسبة له هذي مهمة شاقة ومملة لذلك إذا بتطلعون أو بروح الشغل أو بيطلع مع ربعه جهزي أغراضه من قبل على السرير بحيث تكون مرتبة ومتناسقة عشان يرتاح وترتاحين

ترى الريال ما عنده وقت مثلنا ينسق ويعذب روحه ويفر رأسه عشان ثياب.
فكري في السالفة هو ما عنده صدر يفكر شلون يبرزه أو يخفيه عن طريق اللباس و يمكن عنده كرش وحتى لو عنده بلاوي ،، شنو يسوي؟ ما يعطل روحه و يلبس له أي شي واسع يخفيها وعلى الدنيا السلام :31:

​

 

[حلم المساء]

السر الواحد والأربعين ..
الرجل مهم عنده تحترمينه جدام الناس حتى لو كنتوا متزاعلين أو بينكم ألف خلاف ،، لا بد تحترمينه وهذا الشي يخليج كبيرة وعاقلة ويدله على وزنج الصحيح للأمور وانج ما تخلطين الأوراق مهما انعفست الامور .

وإذا انتي تبينه يكسر راسج وما يعطيج احترام أو اهتمام ، تابعي حركات عدم الاحترام والتقدير جدام الناس وشوفي النتيجة اللي ما ترضيج بالمرة وبيرد لج الصاع مو صاعين بل عشرة أصياع

وآنه احذركم من هالنقطة ترى الرجل ما يتحمل عدم احترامج له بينكم وبين بعض فما بالج جدام الناس.​

 

[حلم المساء]

السر الثالث والأربعين ..
يقول الرجل إذا انتي ما تعتقدين انج حلوة ، فهو متأكد انه لو يقول لج إياها مليون مرة ما راح تصدقينه والرجل بعد يحس من تصرفاتج وكلامج عن نفسج مدى ثقتج في جمالج ومثل ما يقولون (لا توجد امرأة غير جميلة بل توجد من لا تعرف كيف تبرز نقاط جمالها)

الثقة شي مهم حتى لو شكلج عادي حسب اعتقادج لا تحسسين ريلج بهالشي عشان لا يحس ان حظه طايح لما خذ وحدة عادية ، بالعكس امدحي روحج ولا بد فيج نقطة حلوة ابرزيها واخفي اللي ما يعجبج خصوصا اذا كانت هالنقطة تقدرين تلعبين فيها بالميك أب ، واللي ما تعرف تتمكيج تروح المنتديات وتتعلم مليانة دروس مكياج أو التحقي بدورة في منطقتكم وتعلمي وابدعي (اصرفوا فلوسكم على شي تستفيدون منه مدى الحياة )

شوفوا الزوج شلون يعاني :8:

وهذي صور قبل وبعد المكياج عشان تعرفون تأثيره على الزوج ..

شوفوا صورتها ودور المكياج في إبراز جمال العين والنظرة وشلون خشمها صار سيف وشفايفها ندية .

وهذي بعد شلون بشرتها صارت صافية ونظرتها حلوة ورموشها فتانة وشفايفها وردية طبيعية

إذا كان جسمج فيه عيوب لا تتذمرين بل كوني شجاعة وعالجيها وفيه ألف طريقة وطريقة ،، حاولي وجربي بس لا تيأسين وتظلين على نفس الشاكلة طول حياتج.

شوفوا هذي قبل وبعد الرجيم

 

[حلم المساء]

السر الرابع والأربعين ..
الرجل مو مهم عنده كم وزنج .. 50 أو 60 أو 70 ؟؟ شي حلو .. صح؟

انزين اذا هذا مو مهم ؟ شنو الأهم ؟
الأهم ان جسمج يكون متناسق مع بعضه .. ما يصير عرض خصرج = عرض حوضج !!! هذا الشكل بالذات غير مغري وما يفرق عن جسم الرجل بشي ..

الصورة اليمين جسم ناطق بالأنوثة ومغري للعين ..
الصورة باليسار خالية من الأنوثة ( فيها دفاشة)

بصراحة لو كنتين رجل ،، هل ستقبلين العيش مع صاحبة الصورة السابقة ؟؟

الرجل يحب الجسم على شكل ساعة رملية

يعني يكون الخصر نحيف وبعدين يتسع عند الحوض ويكون فيه شوية لحم عشان ما يحس نفسه قاعد مع هيكل عظمي ..

 

[حلم المساء]

السر الخامس والأربعين ..
أحيانا تشوفين ريلج سرحان ويفكر وانتي تحسين بنار تشتعل من تحتج تبين تعرفين شنو يفكر وأحيانا يكون قاعد جدام التلفزيون يطالع بدون متابعة بس مخه رايح بعيد ، تسألينه يرد عليج ما أفكر بشي <<< صدناك كذاب ويبين من عيونك ما تتابع شي .

ليش الرجل ما يخبرج باللي يفكر فيه ؟ لأن الرجل يفكر بعض الأحيان في أشياء غريبة وغير طبيعية :33: أو يفكر في خيال جنسي يتمناه ، لكن مو معناه ان اللي يفكر فيه راح ينفذه هو بس مجرد خيال ، يعني تشوفينه يتخيل ان هو متعرف على بطلة الفيلم ومسوي أكشن معاها أو يتخيل نفسه يمارس جنس ممتع مع وحدة شافها في التلفزيون ، لكن احذري الخيال يمكن ينقلب إلى واقع اذا سنحت الفرصة للرجل وكان عنده استعداد لتنفيذ اللي بباله.


لذلك تلاحقي عمرج ولا تخلين الرجل يعيش في خيالات يتمناها وانتي قادرة على تحقيقها.

 

[حلم المساء]

السر السادس والأربعين ..
مكمل للسر السابق ويقول: الرجل يفضل انج ما تعرفين شنو يفكر فيه لأن مثل ما قلنا الرجل يفكر في أشياء ما راح تصير على الأرض الواقع يعني يمكن يتخيل انه مليونير وتخدمه الحشم والخدم وقصره ملئ بالنساء المثيرات

ويركب أحسن السيارات

ويرتاد أفخم المطاعم

أو اشياء خيالية ثانية خصوصا الجنسية ومستحيل يرضى يطلع عليها أحد ، لانج لو عرفتيها أكيد بتقلبين الدنيا على راسه

اذا سألتيه وما عطاج جواب خله يعيش خياله ترى أحلام اليقظة ببلاش :31:.

 

[حلم المساء]

السر السابع والأربعين ..
إذا تعرض الرجل لخيانة أو خداع من المرأة للأسف ما يقدر يتجاوزه بسهولة وينساه مثل المرأة مهما كان السبب والرجل عنده ما فيه سبب في الدنيا يخليج تغشينه وتخدعينه . طبعا الخداع قد يكون مادي او عاطفي خصوصا اذا وصل الأمر لعلاقة جسدية مع الطرف الآخر

ترى هذي الأمور تضرب الرجل في العمق وتحسسه ان هو غبي وفاشل ومفغل ومقصصة للي يسوى وما يسوى ويفقد الثقة فيج وبصعوبة تستردينها حتى لو مشيتي معاه صح يظل الشك يلاحقه مدى الحياة.

 

[حلم المساء]

السر الثامن والأربعين..

الرجل لا يتذكر كل شي عن حياته الزوجية بالتفصيل مهما كان قوي الذاكرة تلاحظينه ينسى شغلات وايد خصوصا التفاصيل واذا ذكرتيه بموقف يقول لج متى صار هالشي ؟ ما أتذكر:33:
لكن هذا مو معناه ان ما يحبج .. لا تخلطين الأمور وتسودين عيشتج على توافه لا تسمن ولا تغني من جوع ..


لذلك مو تسوين لج مشاكل بسبب هالنقطة خصوصا اذا الشي ما يسوى واتركي الامور تجري بمجراها الطبيعي وتغاضي عن توافه الأمور لأنج اذا تجادلتي معاه على أبسط الأمور بيحس انج زوجة نكدية تبين تخلقين مشاكل من لاشيء.

 

[حلم المساء]

السر التاسع والأربعين..

أحيانا تشوفين الرجال يسكت لما يكون منزعج أو يصير جدال ولا يتكلم .. ليش ؟

لأنه منطقي أكثر ويحاول يحاسب لكلامه عشان ما يقط كلمة ويندم عليها ويغلط عليج وتكبر المشكلة وما ينسد بابها ..

حاولي تكونين مثله وعالجي الأمور بهدوء حتى لو كان عصبي وانتي الكسبانة في النهاية.

 

[حلم المساء]

السر الخمسين ..

ذكره لا يناسب مجتمعاتنا ولكن السر الحقيقي هو تطبيق ما ذكرته من أسرار لكي تصلوا لهذا الحال

لكم خالص حبي ،،

ألقاكم في موضوع أكثر تميزا

 

[واثقة]

شكر الله عملك

ورزقك عليه توفيقا وسعادة

​

 

[واثقة]

يسمح بالرد هنا لإنتهاء الموضوع

بالتوفيق للجميع

 

[لمياااا]

يارب تسلمين على ها النصايح والمعلومات المهمه والمفيده
الف شكر لك يا اللغاليه ...

 

[salmaa]

مشكوره استفدت كتير

 

[طل القمر]

الله يعطيك العافية

 

[إلى القمم..!]

جهد تشكرين عليه

أفدتيني كثيرا ..

موفقة