50 ســـر مــن عـــالــم الرجــال "نسخة للقراءة"

[حلم المساء]

​

موضوع جديد وحصري للبلقيسيات الرائعات

هذي الحقائق نشرها أفضل المؤلفين للكتب في العلاقات الزوجية وهي تتكلم عن نظرة الرجال لبعض الأمور لأسباب تخصهم والحين احنا راح نكشفهم ونعرفها :7: << ما فيه شي يستعصي على كيد البلقيسيات ..
أدري انتوا ما بتقصرون بالردود واللي تدخل تتحفنا بردها يعني اذكري تجربتج أو اذكري تأييدج أو مخالفتج لفكرة معينة ..

أول نقطة ..
الرجل بشكل عام يعامل الامور بشكل منطق ومعلومات أكثر من العواطف .. يعني لما يدلعج ويقول لج أحبج:a200: بالنسبة له هو قال لج معلومة أو حقيقة واقعة ما تتبدل فما يحتاج كل شوي يعيدها أو يذكرج فيها كل يوم <<< عاش التفكير العقلاني :clap:..
يعني مو كل يوم تسألينه تحبني لو ما تحبني ؟ قولي له أحبك وانتظري الرد يا حلوة .

السر الثاني ...
الرجال يمكن يسوي أي شي عشان يحصل على الجنس الممتع ومستعد يلتزم معاج بعهود ووعود ما دام حصل منج الراحة اللي يبيها << يله كل وحدة تراوينا شطارتها وتفرد عضلاتها في الفراش بلا كسل:11: مو تقابلينه بكشة مثل الشمس:2: وتبخين غرشة العطر كلها تخنقين الريال وتنسد نفسه قبل ما يسوي شي و لا تنسين البسمة الحلوة اللي ترد الروح:10: هو يبي بعد يشوف حركاتج وتجاوبج معاه :3:والمظهر الخارجي ما هو إلا مجرد مثير خارجي فقط .

السر الثالث ..
آسفة عجبج أو ما أعجبج الرجال بشكل عام يحب الشعر الطويل ويعتبر بالنسبة له مثير جنسي قوي ،، أدري ملقوفات وبتقولون ليش ؟ لأن الشعر كلما طال اقترب من المؤخرة وداعبها وهذا يحفز خيال الرجل ويثيره وشي ثاني الشعر الطويل يزيد ملامح المرأة أنوثة ويصير مثل التاج على راس المرأة <<< هذا كلام الرجال آنه ما يخصني:31: .

حبيباتي آنه قاعدة أترجم الموضوع وأنسقه وأتمنى تتفاعلون مع الموضوع عشان نفيد ونستفيد وعشان أتشجع أكتب باقي الأسرار .

أحبكم :bye1:

 

[حلم المساء]

السر الرابع ..
الرجال ما فيه شدة على النكد والجدال ويكرهه كره العمى :30: فما بالج إذا كنتي انتي مصدر الجدال أو النقاش المبتور ؟؟ أكيد بينفر منج ولا تقولين ليش يطلع برا ويقعد مع أصحابه وآنه ألبس وأتمكيج وأتعطر وغيره وما يعبرني .. لأن أصحابه يروح ويفرفش معاهم وحتى نقاشهم يدخل فيه مزاح ويتقبله منهم لكن انتي لا لأنج عايشة معاه فلا تخلين الرجال كلما دخل البيت يشوف على جدار جبهتج مكتوب جدال:e076: وبخط عريض بعد .. لذلك اذا دخلتي نقاش حاد معاه اقطعيه وقولي مزاجي مب أوكي أو تعبانة وما أبي أتناقش أو سوي روحج متذكرة شي وقومي وارجعي له ببسمة حلوة ولا كأنه صار شي ..

شاعرنا المبدع شيقول :
ولا تكثري الشكوى فتذهب بالهوى
فيأباك قلبي والقلوب تقلب

السر الخامس ..
الرجل يحتاج ( ركزوا على كلمة يحتاج ) إنج تقولين له لا بعض الأحيان ( مو كل وقت ترى بيكفخج :a043: ) يعني تتمنعين عنه شوي،، تدرون ليش ؟ شوفوا إجابتهم وبتنصدمون : عشان يحس ان اللي عنده صيدة ثمينة مو كل ما بغاها حصلها ( ما يحبون الشي اللي يجي بسهولة أبد وذبحتهم المنافسة).
يعني مثلا قال لج بنطلع الليلة قولي له حبيبي عازمتني صديقتي الليلة وما يصير أكنسل الطلعة ، ان شاء الله بكرة بنطلع ) خليه يتحين الفرص عشان يقضي معاج وقت حلو ومميز .

السر السادس ..
الرجال يقولون: لا تسأليني شلون شكلي أو مظهري إلا إذا كنتي مستعدة تسمعين الإجابة الحقيقية ( نذالة ):33: .. باختصار خلج واثقة من نفسج ولا تسألين وإذا تبين تاخذين رايه في شي خلي جميع جوارحج مستعدة للرد الحقيقي واصمدي أمام الجواب :8:..

شرايكم يا حلوات ..​

 

[حلم المساء]

أشكركم بخالص الود على الردود اللي تبرد القلب .. وحبيت أرد على استفسارات بعض البنات .. اللي شعرها مو طويل وزوجها خاطره في هالشي على طول فيه حلول وايد بس المشكلة الحل اللي يناسب فلانة ما يناسب غيرها: فيه حبوب فيتامينات خاصة لتغذية الشعر والجلد والأظافر تحصلونها في الصيدليات طبعا فيه أكثر من ماركة بس أهم شي قولي له vitamins for hair,skin and nail واستخدميها لفترة معقولة شهرين أو أكثر وطبعا تساعد في تغذية الشعر والبشرة والأظافر بس لا تعتمدين عليها بروحها

استخدمي أي زيت للتطويل وفيه بعد في الصيدلية تونيك يقوي الشعر وفيه أنواع تساعد على نمو الشعر ومحاربة الشعر المتساقط واشتري بلسم معالج واستخدميه بعد كل شامبو واستخدمي قناع مغذي من أفضل الانواع عشان تحصلين على شعر وااااااو كله صحة ونعومة وغزارة ولمعة والنتيجة إغراء لا حدود له .





واللي زوجها يحب القصير والطويل يا بختها <<< ما أحسدكم بس استغلوا هالنقطة تفننوا بالحركات في الشعر القصير والطويل ،، واللي زوجها ما يرضى حتى تقصه عندي لج فكرة اطبعي صورة شعر طويل مقصوص بالطريقة اللي خاطرج فيها وخله يشوفها واذا عجبته قولي له وانتي مبتسمة ابتسامة حلوة (تدربي عليها جدام المرايا):10: ما بقصه بس بسوي فيه حركة حلوة مثل اللي بالصورة <<< هذي خطتي معاه :31:

 

[حلم المساء]

بالنسبة للتغلي استخدميه في الوقت المناسب علشان يعطي مفعول يعني مو يقول لج بشتري لج ساعة كشخة تقولين لا مشكور <<< ترى هذا مو سنع :33:

والأخت اللي قالت شلون أتغلى عليه ويؤثر فيه مو شرط في الطلعة بل في كل شي ،، مرة ثانية اذا قال بنطلع قولي له صديقتي بتمر علي خاطرها تقعد معاي وما يصير أكنسل عشان ما تقول عني ما أحب أوجبها وأضيفها ،، بس يا حبيبي أوعدك بكرة بطلعة حلوة وايد ..
والتغلي بعد حلو وقت اللي تحسينه يتقرب منج ، مثلا جا قعد جنبج وحسيتيه يبي يفترسج قولي له حبيبي بروح الحمام أو سوي روحج متذكرة شي مهم مثلا اتصال لشخص معين .. هذا تغلي بالحركات ويزيده إثارة ،، أو اذا ما عطاج مجال اهربي منه بسرعة بيلحقج وبتروحين فيها ما لي شغل ،، أو قولي لا بدلع ورقة وحاولي تقومين عنه وفي هاللحظة بمووت من الرغبة والإثارة << وكل وحدة تعرف زوجها واللي يناسبه

 

[حلم المساء]

السر السابع ..
الصوت الناعم يصيب الرجل في مقتل .. تذكري في كل لحظة انج انثى وخلي لسانج حلو وصوتج ناعم وتعمدي تتكلمين بصوت دايخ خصوصا أوقات الود أو قرب موعد النوم ترى الرجال يذوب وما يقدر يقاوم كل هالنعومة والدلع والدلال يرووووح فيها المسكين ... شوفوا حبيباتي آنه عصبية :icon28: وما اقدر بعض الأحيان أمسك نفسي لكن شوي شوي عودت روحي أني اعبر عن عصبيتي بحركات العين :30: أو أسوي نفسي أتدلع على عيالي مثلا أقول لهم: جذي تسوي حق ماما الحلوة (بصوت حزين وبدلع :8 حتى هو يقعد يطالع فيني :msn-wink: .
واتبعت بعد طريقة تبعدني عن الصراخ إذا ولدي سوا شي غلط استخدم طريقة الاستبعاد المؤقت (طريقة السوبر ناني) يعني أشيله و أخليه يقعد في مكان معين وممنوع يطلع من المكان لمدة 2 أو 3 دقايق وأقول له السبب اللي خلاني أعاقبه واذا خلص الوقت اروح واقول له يعتذر لما واذا اعتذر أحضنه وتنتهي السالفة :clap: وهالطريقة فعالة وايد تخليج هادية :bye1: وبعيدة عن صراخ الوحوش وبعيدة عن استخدام الضرب :a049:​

السر الثامن ..
يميل الرجل للبصبصة على النساء وعيونه تطلع لبرا لما يكون في حالة زعل أو خصام مع زوجته <<< والله مشكلة ابتلشنا فيهم :frown: .
لذلك حاولي تقللي فترة الخصام بس اذا كان هو مزعلنج لا تتنازلين له وإذا رجع البيت حسسيه انج مستعدة تتصالحون بطريقة غير مباشرة يعني اكشخي واذا ابتسم لج ابتسمي بسمة زعل :20: .. فيه شي حلو علمت زوجي عليه قلت له فيه قاعدة لازم نلتزم فيها ان اذا تزاعلنا ما نرقد إلا متراضين والطرف اللي سبب المشكلة يتنازل ويبدأ يصالح <<< شفتوا ما يفيد معاهم إلا الحيلة :msn-wink: .​

السر التاسع ..
ضروري ضروري يحس الرجال انج سعيدة معاه بشكل عام :a200: ومبينة له هالشي (فيه نسوان تكون سعيدة وتمدح زوجها جدام الناس لكن جدامه ما تقول كلمة حلوة :7: ولا تمدحه وإذا مدحته بكلمة شيرت (ظلت) على الكلمة طول العمر :31:.. يعني اشترى أغراض البيت قالت ما قصرت ، وداها مطعم وعشاها قالت ما قصرت ، ساعدها في أشغال البيت قالت ما قصرت .. انزين إلى متى بتظل هالكلمة لاصقة بلسانج ؟؟ ،، تعلمي كلمات جديدة تنعش حياتكم ..
رجاء حبيباتي اتركوا عنكم الروتين في الكلمات والأفعال ترى الرجال يحس انه بطل الأبطال وقلبه يغرد من الفرحة إذا حس انه قادر يسعد زوجته وانها طايرة فيه ولا تستهينون في هالشي ترى الرجال مهم عنده ان يسعد زوجته لكن لو حس ان هي ما تقدره على أبسط الأمور يجيه إحباط :30: وما يعطي ولا يسعى يسعدج مرة ثانية وتدرون شيقول في قلبه : آنه أتعب وأشقى عشان أوفر لها اللي اقدر عليه وحتى كلمة حلوة تستكثرها علي هالهبلة << لا تستغربون ترى الرجال يقولون في قلبهم أشياء لو سمعتوها بتستغربون ..
يعني حتى لو جاب لج حلاوة مصاص نطي بابتسامة حلوة وبوسيه :32: وقولي له تسلم يالغالي الله يخليك لي تذكرتني وانت في عز انشغالاتك ، الله لا يحرمني منك ومرة ثانية صدقيني بجيب لج البرادة كلها .. سويها وقولي حلم المساء صدقت ، وطبقي هالشي على باقي الأمور وبصير ريلج أبو الكرم ..
بيني تقديرج للرجال بالكلام والأفعال وبتشوفين اللي ما تتوقعينه ..
شلون بالكلام ؟؟ كل مرة امدحيه بكلمة غير : ما قصرت يالغالي أو يا حبيب قلبي ،، أحبك والله ،، فديتك يا بعد روحي ،، الله لا يحرمنا من عطاياك ،، لو كل الرجال نفس طيبتك وكرمك جان الدنيا بخير ،، واذا عطاج شي غالي : قولي وينه حاتم الطائي يجي يشوفك بس أخاف يغار منك .. كلمات بسيطة لكن عند الرجال تعني انه نجح في الاختبار وبجدارة :clap:
بالأفعال : اهتمي بنفسج عشان لما يقبل عليج تكونين مرتاحة ومستعدة لقضاء لحظات حلوة معاه .
اهتمي بجمالج :1: وخليه يشوفج بصورة حلوة ومتجددة كل يوم هذا الشي يخليه يحس انج مقدرة رغباته كرجل .. ترى ما فيه أحد ما يحب يتذوق الجمال ..
حافظي على نظافة بيته وسوي الأشياء اللي يحبها ..
فيه بلقيسيات يقولون يعني كل شي أسويه بس عشانه ، ألبس اللي يحب وأتعطر باللي يحب وأسوي كل شي يحب ،، يعني أمحي شخصيتي ؟؟
لا حبيبتي ، بس اذا انتي تبين تصطادينه لازم تستخدمين الطعم المناسب له وليس لج ،، يعني تخيلي صياد يروح يصيد سمك ويحط لهم في الطعم كبسة أو غوزي :31: <<< ما يصير لازم الشي اللي يجذبهم عشان يقدر يصيدهم ..
واللي تحبينه من لباس وعطر وغيره استخدميه مع صديقاتج وأهلج لكن معاه استخدمي اللي يغريه وإذا عندج راي ثاني بالنسبة لأي موضوع تناقشي معاه :7:واوصلوا لحل وسط .​

اترك الباقي للبلقيسيات نبي نشوف شلون يقدرون المزيون :santa_1:..​

 

[حلم المساء]

السر العاشر ..
مكمل للسر التاسع : الرجل يقولون ان هم اذا شعروا ان هم مو قادرين يسعدون الزوجة يحسون ان هم أقل رجل :thumbdown: (شبه رجل) وان هو مو رجل حقيقي :santa_1:،، يعني مثل ما قلنا امدحيه وقدريه بكل الطرق الممكنة عشان يحس بذاته كرجل لأن اذا ما حس بهالشعور بروح يدور عن اللي تمنحه هالشعور لأن ما يقدر يعيش بدون هالاحساس البطولي :a084:.. استغلي النقطة هذي زين لصالحج ما عندج عذر ..​

 

[حلم المساء]

السر الحادي عشر ..
الرجال يكرهون الانتظار و يحب المراة تكون جاهزة حزة الطلعة يعني اذا فيه طلعة جهزي كل شي تحتاجينه قبل كم ساعة واعتبري الموعد اللي اتفقتوا عليه مثل القنبلة المؤقتة اذا ما طلعتي من البيت بتنفجر ،، ترى مو كل مرة تتأخرين بيسكت أوبيهذر شوي وبينهي السالفة وبتروحون وهو مزاجه متعكر :crazy: ويمكن يقلب الليلة نكد عشان تتأدبين ومرة ثانية بكنسل الطلعة للأبد وبيتعذر بأي عذر غير شرعي :19: <<< وهذا من أسرار العشيقة تشوفينها جاهزة قبل الموعد بفترة تناظر بعمرها :1: وبالتلفون ومن يسوي رنة يلاقيها تتمختر بدلع وابتسامة:32: لباب السيارة .​

 

[حلم المساء]

السر الثاني عشر
تدخين السيجارة يخلي أي رجال ينظر للمرأة ان هي سهلة ورخيصة :a115: لذلك تشوفون بعض الرجال يركضون وراهم لأن يحسها صيدة سهلة وممكن تقبل بأي شي :31:..
طبعا مثل ما قلت لكم الدراسة هذي عالمية وهذا ما ينفي وجود هذي الظاهرة في البلدان العربية والإسلامية للأسف:4: .​

 

[حلم المساء]

السر الثالث عشر :
الرجال يخاف ان يحب المرأة :32: و تتمكن من قلبه وبعدين تستغله:e136: ، يعني الرجال يخاف يكون مصدر للاستغلال والصرف المادي من قبل المرأة فلا تحسسينه انه هو صراف آلي وتحملينه اللي ما يقدر عليه :30:حتى لو كان يحبج فعلا واعطيه اللي يبيه منج في المقابل :msn-wink: ..

القاعدة تقول: اصرفي بس بذكاء :icon30:مو تفسفسين فلوسه على اللي يسوى وما يسوى وجمعوا لكم فلوس تستثمرونها في شي يزيد سعادتكم واستقراركم و تقوية العلاقة بينكم.

الرجال يحب يصرف على اللي يحبها و يحسها تستحقه صج وتحبه لنفسه ومعجبة بشخصيته مو هدفها المال اللي يملكه . ​

 

[حلم المساء]

روح وردة ..
كلامج صح مو شرط اللي يعجبنا يعجبهم بس شنسوي لازم نستخدم الطعم اللي يحبونه عشان نغريهم ويلصقون فينا :31: ..

الرجال يحبون الشعر الأسود فعلا بس بعضهم يحبون التغيير بين فترة وفترة ..


والتجعيد يحبونه لما يكون الشعر من فوق ناعم منسدل ومن تحت مجعد خفيف مثل هذي ..



وما يحبون العصاقل يحبونها رشيقة بس فيها شوية لحم <<< أجل شلون تصير فريسة


وبعد تجذبهم ريحة إفراز العرق الخفيف والشعر اللي يلمع لمعة السيروم ..


وبالنسبة للمكياج أحسهم يحبون الدخاني الناعم أو المكياج الناعم الخفيف اللي يبرز الملامح مثل صورة نانسي اللي فوق ولكن لكل قاعدة شواذ

 

[حلم المساء]

السر الرابع عشر:
إذا المرأة ما حسسته بوقفتها معاه في حالة الانزعاج العادية فبيعتبرج ضعيفة ومستحيل يفتح لج باب قلبه في حالة الزعل :30:أو الحزن أو المشاكل الجادة .. اذا حسيتيه منزعج قدمي له كوب عصير ليمون واقعدي جنبه واحضنيه حسسيه انج مهتمة ولا تغثينه أو تسألينه مباشرة شفيك؟ ليش متضايق؟ وتمللينه من الأسئلة لأن جذي يحس انج مو واثقة من قدرته على حل الانزعاج .. بعدها يمكن يصارحج :7: أو يعتدل مزاجه وينسى الانزعاج .​

 

[حلم المساء]

السر الخامس عشر ..
إذا كان متضايق منج :30: أو متزاعلة معاه راضيه بشكل غير مباشر ،، شلون ؟ سوي له الأكلة اللي يحبها :essen: وقدميها بطريقة حلوة مثل هذي

وقعدي جنبه وظلي ساكتة بحزن بس مو تصدقين عمرج وتاكلين معاه وعقب ما يخلص تأسفي له وعيونج نازلة للأرض وردي رفعيها وكأنج تبين تطالعينه عين بعين بس مو قادرة <<< هذي الطريقة حسب كلامهم تعتبر تذكرة الخروج من قفص الأسد <<< مو سهلين بعد يعرفون يعبرون ويتفلسفون​

 

[حلم المساء]

السر السادس عشر ..
إذا سويتي شي شين ومو هين أو تعاملين الرجال بأسلوب ما يتحمله

والرجال ما فكر حتى يكلمج أو يفاتحج بالموضوع أو حتى يتهاوش معاج عليه ​

فهذا معناه ان هو مفكر يقطع حبل الوصال معاج <<< شلون عاد ؟

ما أدري كل واحد وطريقته (يمكن بالزواج ، يمكن بالحرام ، يمكن بالشات ، ويمكن بسوالف غير)​

 

[حلم المساء]

السر السابع عشر ..
الرجال يقولون وبالفم الملآن يا نساء رجاء افهمونا، احنا بشر وما نقرأ عقولكم واحنا مو نساء مثلكم عشان نفهم اللي يدور في هالراس اليابس <<< احنا بعد نحوس نحاول نفهمكم بدون ما تنطقون بس ما يصير نفضح روحنا :31:

يعني شنو نسوي؟ أي شي تبينه فهميه إياه بالكلام أو الأفعال عشان يثبت في مخه مثل المسمار وما عنده حجة يقول ما أدري أو ما خبرتيني.

ولا تتوقعين في يوم انه بيفهمج اذا ما خبرتيه عن اللي في خاطرج أو اللي تفكرين فيه أواللي تحسينه ..

وبعطيكم معلومة الرجال المساكين ذاكرتهم ضعيفة في الأمور الصغيرة وقوية في الأمور الكبيرة ، يعني لا تتوقعين بيتذكر تاريخ ميلاد ولدج أو ميلادج إلا إذا ذكرتيه ..
بقول لكم معلومة بتنصدمون منها ( سووا استفتاء على مجموعة كبيرة من الرجال وسألوهم سؤال يفشل :10: : شنو لون عيون أمهاتكم ،، وأغلبهم ما عرفوا اللون الحقيقي <<< قمة الإحراج واللي جاوبوا صح هم النساء طبعا :a084:<< محد يقدر علينا​

والحل يا حلم المساء ؟؟
إذا قرب عيد زواجكم مثلا وخاطرج في هدية ارسلي له مسج بالتاريخ وموعد الاحتفال بالضبط وحسسيه انها بتكون سهرة حلوة وفيها مفاجآت وانج مجهزة له هدية يحبها

وبعد كم يوم اكتبي له الهدية اللي خاطرج فيها في اليوم الموعود

أو امدحيه وخله يجيب هدية على ذوقه الحلو ..​

 

[حلم المساء]

السر الثامن عشر ..
يقول الرجل : حتى لو كنتي أنيقة وتتابعين الموضة وتحبين التكشخ ،، بس هو يتمنى انج تلبسين عشانه هو واللبس اللي يحبه مو عشان تفوشرين وتتفاخرين جدام باقي النساء .​

وأغلب الرجال يحبون الملابس اللي تبرز مفاتن الجسد وتدل على نعومتج كأنثى سواء ملابس داخلية أو خارجية ..​

خلي عندج ملابس متنوعة ولا تقولين هذا مو حلو علي ،، جربي وجربي لين توصلين للشي اللي يناسبج من لباس وألوان .. لبسي توبات كم قصير وبلايز كم طويل وبيجامات تبرز جمال جسمج وفساتين قصيرة وطويلة وناعمة ووبعضها مرصعة ببعض الكريستال وفساتين حتى للحمل .. خلي لباسج ينطق بمدى إغرائج وحلاوة جسمج ..
وهذي بعض الأمثلة :

بالنسبة للملابس الداخلية نوعي في الألوان والأشكال وخلج شيك على طول :

​

 

[حلم المساء]

السر التاسع عشر ..

يقول الرجل: إذا شفتيني بديت أصلع
وأفقد شعري وقمتي تتطنزين حتى لو قصدج تمزحين ترى هالشي ما يضحك لأن انتي أكيد ما تبيني أتطنز بعد على وزنج و الزوائد اللي ناطة من كل مكان


ترى الرجال وايد حساسين بالنسبة لفقدان الشعر لأنه يحسسهم بفقدان جزء من رجولتهم وجاذبيتهم (لأن فقدان الشعر يدل على خربطة في هرمون التستوسترون اللي خاص بالخصوبة) فإذا تطنزتي عليه في هالشي احذري من قنابل الرد اللي بتتلقينها
​

 

[حلم المساء]

السر العشرين ..
لما الرجال يتكلم معاج عن موضوع يهمه (مثلا هواية يحبها) وما بطلتي اذنج على الآخر و انصتي له بتكون بداية لكارثة اسمها دفن الحوار الزوجي

انزين شنو معنى الانصات؟
يعني تندمجين معاه في الموضوع وتحسسينه بأن الشي اللي تسمعينه منه مهم مو تقعدين تقرين مجلة أو تكون كل حواسج مع اللابتوب وهو يتكلم ترى هذا يسمونه عدم اكتراث ولامبالاة (تطنيش)

​

شوفوا هذي شنو صار فيها من التطنيش ،، ترى ريلج ما يفرق عن هالمزيونة بشي ..​

ولا تتصرفين كأنج متمللة منه وتبينه يخلص الموضوع بسرعة

​

كوني ذكية حتى لو كان الموضوع ما يجذبج ولا تفهمين فيه شي سوي روحج فاهمة :msn-wink: وسأليه كم سؤال بسيط عشان يحس انج متابعة معاه ويحس انه البطل اللي يعرف كل الأجوبة :a084: ..​

حبيبتي تذكري كل الأوقات اللي كان يسمع فيها هذرتج اللي ما تعني له أي شي (كلامج عن حياة ربعج وشنو صار في الحفلة أمور تافهة بالنسبة له ومو مضطر يسمعها) ولا راح تغير شي في العالم ،، ترى الرجال يحب يتكلم ويسمع في حالتين بس : حالة موضوع مهم بالنسبة له أو في حال المزح و الفرفشة .​

 

[حلم المساء]

السر الواحد والعشرين ..
بالنسبة للرجل المرأة تبدو وجذابة ومثيرة أكثر لما تلبس فستان سواء قصير أو طويل يبرز مفاتنها وأهمها الصدر والخصر والمؤخرة ..

ليش ؟؟ لأن الفستان يفصل مفاتن المرأة رغم ان هي لابسة يعني (كاسيات عاريات) والمزيون يتخيلها بنفس الجسم بس بدون الفستان مما يزيد لهيب الاغراء والاثارة وهذي بعض صور الفساتين الفتانة

لاحظتوا هالفساتين شلون منسابة على الجسد بنعومة وتبرز النقاط المغرية في الجسم رغم بساطة ديزاينها وشوفوا حركات البنات شلون مغرية وتعطيها لوك حلو رغم بساطة الفستان .

بس فيه نقطة حبيت أنبه عليها لأنها تجيب لي ضيقة في الصدر :e076:وهي لبس السنتيانة (حمالة الصدر ) المناسبة لحجم صدرج ومحيطه وترز الصدر بشموخ مثير وفي نفس الوقت تكون حلوة وناعمة ..

يا بلقيسيات والله تجيني حرة إذا أشوف وحدة لابسة الحمالة وصدرها مترهل أو كل ثدي رايح في صوب كأنهم متخاصمين والمساحة بينهم شارع يقدر يعبره القاصي والداني .. آسفة ما لقيت غير هالتعبير :e052:

رجائي كل الرجاء ادخري وقت عشان تلقين الحمالة المناسبة واللي مقاسها صح لأن حسب الاحصائيات العالمية أغلب النساء يلبسون مقاس غلط والنتيجة تكون بلاوي أشوفها في الأعراس أو يشوفها الزوج في البيت :frown: .. يا نساء ارحموا نظرنا من هالمشكلة العالمية ..



شوفوا الفرق في الصورة لما غيرت نوع الحمالة ..

الحمالة السيئة خلت الصدر يبدو مترهل وكأنه صواريخ مثلثة المقدمة جاهزة للإقلاع ..

الحمالة الجيدة رفعت الصدر وخلته طبيعي ومكور ومغري ..

صراحة انقهر اذا أشوف وحدة متزوجة وتلبس مثل هذي


والقهر أن هم يلبسونها في الأعراس (واخزياه :e136 وتبان من بعض الجهات إذا كان الفستان عاري شوي ..
بليز بليز من فضلكم يا بنات الدنيا تطورت والمحلات تارسة البلد ادخلي محل معروف زين واختاري وحدة حلوة ولونها جذاب وجربيها حتى لو كانت غالية ترى الصدرية العدلة تسوي بلاوي وتعتير استثمار جيد طويل المدى والمفعول (ترفع الصدر وتبرز الخصر وتخلي ثيابج تصير متناسقة عليج )

​

 

[حلم المساء]

السر الثاني والعشرين ..
اكثر شي يذبح الرجال ان لسانج ينط و تخبرينه شنو لازم يسوي إذا ما طلب رايج ومساعدتج ،، تدرين ليش ؟ لأنج تذكرينه بأمه اللي طول حياته تنصح وتفضح :31: والسبب الثانية الرجل يعتبر نفسه هو السيد الخبير دائما ولجنة حل الأمور :e094: وتحسين البيت واذا خبرتيه شنو المفروض يسوي ،، راح يحس انج انتهكتي دوره وتبين تحلين محله وهالشي يفقده ثقته كرجل يعتمد عليه ، في هالحالة طبعا السكوت من ذهب وبيقدرج زوجج وايد :c017: اذا ربطتي لسانج :a144: واعتبرتي نفسج ما سمعتي ولا شفتي شي :19: إلا اذا بنفسه طلب نصحج ومشورتج ،، هني عاد مربط الفرس شغلي مخج عدل :c028: قبل ما تتكلمين عشان يحس انج وحدة ذكية وتفكر قبل ما تنطق واذا حصلتي فكرة أو حل سريع افردي عضلات لسانج و اطرحي أفكار حكيمة :7: عشان يتشجع ياخذ رايج كل مرة ومنها تعرفين شنو اللي يدور في راسه من أمور بدون ما تسألين.​

 

[حلم المساء]

السر الثاني والعشرين ..
أثناء الجنس أذن الرجل تصير أفضل رادار متحرك يعني تصير حساسة جدا للكلام والآهات خصوصا الأذن اليسرى

خصوصا اذا كان الصوت حلو ومثير ويوحي بانسجامج معاه في الجنس يروح فيها الرجال وما يدري أرضه من سماه ،، وحساسية اذنه تكون بنفس مقدار حساسية جلد المرأة للمسات الرجل المثيرة ..
تدرون ان فيه بعض الرجال يتخيلون ان المرأة تقول له كلام حلو ومثير اذا كان محروم من هالشي ؟؟ :frown:

شلون نستغل النقطة الخطيرة :a115:؟؟ كل وحدة تقرر من الحين تاخذ خجلها :5: وتقطه في الزبالة ،، يعني الريال معاج من سنين لمتى بتظلين تستحين منه وتخلينه يتحلم باليوم اللي يسمع منج :7: كلمة تثيره وتحسسه برجولته :a084:وقدرته على إثارتج وإمتاعج ..
من هاللحظة كل وحدة تقعد مع نفسها و تفكر في كم كلمة وتحفظهم وتتدرب جدام المرايا شلون بتقولهم بنبرة الصوت المناسبة اللي تخلي الرجال يطيح من طوله وقت اللقاء الساخن ..

طبعا اهتمام الرجال بذكر هالنقطة يعكس مقدار حاجتهم لسماع الكلام اللي يخليه يحس برجولته وقدرته على اشباع مشاعرج كأنثى فلا تحرمون المزيون من كلمتين حلوين يخلونه يطير لسابع سماء.​