❤ تمنيت احبه و لكني حبيتك!! ❤

[العسل كلة]

أستمري عزيزتي

 

[محبة الطاعات]

بسم الله الرحمن الرحيم

= 450) this.width = 450; return false;">
​

ادري مصختها بس بجد مشغولة و حالتي حالة

بس ان شاء الله اليوم بحاول انزل بارت طويل و راح انزل كل اجازة اكثر من بارت طويل عشان احاول اني اعوض عن الفترة اللي انقطعت فيها

فديتج ديم مشكورة ابوي على الرد

و العسل كلة مشكورة حبيبتي على المتابعه

السموحة منكم خواتي
​

 

[مهر الجنان]

جزاج الله خير
ما تشوفين شر والله يعطيج العافية

حبيبتي كل وحدة عندها ظروف احنا اللي نقرا وماعندنا وقت فما بالنا باللي تكتب و تنسق و تتعب
الله يعطيج العافية
وكل شي باجره
احتسبي كل هم او ظرف او مشكلة انها تكفر سيئات

وان ربج يختبرج لانه يحبج

و الدنيا ما تصفى لاحد

(ان مع العسر يسرا)

ادعي في سجودج اللهم ارزقني رضالك

اللهم اجعل الاخرة همي


و بعد التشهد الاخير (حسبنا الله سبؤتينا الله من فضله و رسوله انا الى الله راغبون )التوبة 59

قال ابن باز رحمه الله مادعوت بهذا الدعاء بعد التشهد الاخير في امر عسير الا تيسر


اعذريني لان الخط صغير وماني قادرة اكبرة لاني اكتب من الاي باد و المنتدى كل ساعة يعلق

 

[ديم..]

معذوره ياقلبي لا تضغطين على نفسك
لو مره بالاسبوع اهم شي راحتك

 

[سمراء بلادي]

بوركتي يالغالية ربي يبارك بوقتج ان شاء الله وبالانتظار​

 

[مايويه]

جمييييييييييييله جدا
بتكتبى ببساطه عاليه جدا وده اللى بنسميه السهل الممتنع ياريت ماتتأخريش علينا يا قمر

 

[نبراس الشرق]

ما شاء الله قصه جلووووه كثير يعطيك العافيه

 

[ديم..]

وييييين الغيباااات حبوبه اقلقتينا عليك

 

[مهر الجنان]

طولتي علينا ياالغالية
عسى المانع خير

 

[محبة الطاعات]

بسم الله الرحمن الرحيم

السلام عليكم و رحمة الله و بركاتة

السموحة منكم خواتي بس بالفترة اللي طافت سويت حادث و كانت حالتي حاله

صادني تمزق بأربط الرقبة و ما كنت اقدر اقعد على اللاب توب وايد

من جي وقفت و الحمد لله الحين صرت زينة و ان شاء الله اليوم ينزل لكم بارتات طويلة

​

 

[محبة الطاعات]

بسم الله الرحمن الرحيم

= 450) this.width = 450; return false;">

في بيت محمد على العصر كان محمد قاعد يطالع تلفزيون و دلال قاعدة جنبة و لكن تفكيرها مو معاه و فجأة التفت محمد على دلال

​

* محمد: دلال!؟
* دلال(بعد ما فاقت من سرحانها): هلا؟؟
* محمد: الا شخبار صديقتج جمانة تشوفينها؟ او تتواصلين معاها؟؟
* دلال: اي اتواصل معاها .. ليش؟؟ في شي؟؟
* محمد: سلامتج بس بغيت أسأل عنها لأن مطلق تتذكرينه اللي صار له موقف معاها عند عمارتنا؟؟ .. ناوي يخطبها.
* دلال(فرحانه): من صجك؟؟
* محمد: يعني شايفتني قاعد امزح معاج اكيد من صجي .. المهم ابيج تعطيني رقم ابوها بس اول سألي لي عنها زين ابي اعرف اصلها و فصلها.
* دلال: اصلاً اصلها و فصلها عندي من زمااااااااان و اقدر اقول لك عليه الحين .. اما رقم ابوها فباخذة منها و بعطيك اياه.
* محمد: خلاص عيل اول ما تخذين رقم ابوها خبريني عشان اعطيه للرجال.
* دلال: من عيوني.

و قعدت دلال تخبر محمد عن اصل حمانة الطيب و كيف انهم ناس طيبين بس على قد حالهم, و محمد كان حاس ان جمانة هي الزوجة المناسبة لمطلق بحكم تقارب شخصياتهم.

= 450) this.width = 450; return false;">


و بعد شهر تم حمل دلال الـ 4 شهور, أما مطلق فتمت سالفتة على خير مع جمانة و ملك عليها و صارت خطيبته و كانت الفرحة مب سايعته و اعجابه فيها قاعد يزيد يوم عن يوم طبعاً جمانة تركت الشغل و قررت تتفرغ حق الزواج خصوصاً و ان مطلق كان ما يبيها تشتغل و كان مستعجل على الزواج بس هذا مو معناته انها تنقطع عن اللي معها بالشغل و لا تقطع علاقتها فيهم.
​

 

[نبضة فرح]

جاري قراءة قصتك يالغلا ...
وما أشك في روعتها لأنها من عندك ...

 

[سمراء بلادي]

االف لا باس عليك يالغالية ومتشوفين شر ان شاء الله وربي ظل بالي عندك الحمد لله عالسلامة اولا وكل عام وانت بالف خير وكالعادة ننتظر ما يجود به قلمك

 

[محبة الطاعات]

أولا حابة أعتذر عن التنسيق الرهيب في البارتين اللي قبل

ما ادري ليش مكان الرد ما كانو يشتغلون عندي ادوات التنسيق فيه

و صار مأساة

بس الحين اشوف التنسيق اشتغل

فيعني لو لقيتوا التنسيق دمار عذروني لأن الرد السريع عندي ما ادري شفية​

 

[محبة الطاعات]

بسم الله الرحمن الرحيم

كانت الأجواء متكهربة في بيت محمد, دلال كانت دوم خايفة من تغير محمد عليها و كانت حاسة ان في وحدة ثانية بالموضوع أما محمد فكان في وادي ثاني و عالم غير عالم دلال, في الفترة اللي خطب فيها مطلق صارت علاقة محمد و مطلق باردة نوعاً ما لأن مطلق انشغل مع جمانة بالتحضير للعرس في حين ان محمد في هالفترة من حياته كان محتاج صديق صحيح كان عنده ماجد بس ماجد مو مثل مطلق, لكن لأن محمد كان محتاج احد يتكلم معاه اضطر انه يتعمق في صداقتة مع ماجد و يطلع معاه و مع الزمن صار محمد يقضي اغلب وقته مع ماجد و في يوم من الأيام كانوا طالعين


​

* محمد: هههههههه, حسبي الله على بليسك يا ماجد و الله حاس اني بموت من كثر الضحك معاك.
* ماجد: هههههههههههههههه, سلامتك من الموت ياخوي خلاص خلاص بسكت لا يصير فيك شي و تقول بسبتي.
* محمد(بابتسامة باهته): هـ ـهـ ـهـ ـهـه لا تخاف لو بيصير فيني شي مب منك من شي ثاني.
* ماجد(لاحظ ابتسامتة الباهته و حب يغير جو): بل شنو هالنكد؟؟, شوف الحين و بسرعه تقولي شنو هالشي الثاني و له بقول لك نكته ثانية تدخلك في نوبة ضحك ثانية .. بسرعه .. بسرعة.
* محمد(يحاول يخفي الحزن اللي في قلبه): ههههه و انت دوم جي, مب قايل لك و بشوف شنو بتسوي.
* ماجد: ما بسوي شي بس بعطيك نكتة قوية مثل اللي مساعه .. يقول لك في واحد ........
* محمد: لا لا لا بس ارجوك خلاص بعترف بعترف ههههههه.
* ماجد: اي جي .. يلا تكلم .
* محمد(و بنظرة حزن): آآآآآآآه يا ماجد شقول و شخلي .. يا كثر ما انا شايل هموم في قلبي لكن مضطر اتحمل و اصبر و الحين فاض فيني مب قادر اتحمل اكثر.
* ماجد: افا عليك يا محمد و انا وين رحت قول و فضفض و اعتبر نفسك ما قلت لأحد شي ترى انت مثل اخوي العود و ربي يشهد علي.
* محمد: تسلم يا الغالي .. اممم انت تدري ان انا نسيب بو يعقوب صح؟؟
* ماجد: اي صح مطلق قال لي.
* محمد: تعرف ساعات اتحسف على زواجي و اقول يا ريتني تميت عزابي ابرك لي من تزوجت و انا الدنيا معاكستني.
* ماجد: افا .. ليش؟؟
* محمد: انا تزوجتها عن حب و ياريتني ما حبيتها .. حبها اهو اللي مدمرني .. هي اصغر مني و كل شي فيها احسن مني فديتها بس تدري مهما اوصف فيها ما بكفيها حقها. <<<<< محمد كان عادي عندة يتكلم عن زوجته جدام ماجد بحكم انه كان عايش في لبنان و هالموضوع عادي هناك خصوصاً و انه كان يشوف خواله هالشي عادي عندهم ففكر ان هالموضوع عادي بعد هني.
* ماجد(استغرب من محمد كيف يقول عن زوجته جي جدام رجال غريب بس ما حب يجرح محمد اللي كان متضايق): انزين .. و وين المشكلة؟؟
* محمد: المشكلة انها ما تحبني هي صغيرة و طايشة بتفكيرها و انا ما اقدر اتحمل هالطيش.
* ماجد: انزين؟؟
* محمد: و المشكلة اني ما اقدر اطلقها لأن ابوها عمي و بعدين انا احبها و ما اقدر استغني عنها بس لازم اسوي الشي الأفضل.
* ماجد: اللي هو؟؟
* محمد: اني اضغط على نفسي و استمر معاها .. لكن .. لكن .

 

[ديم..]

بسم الله الرحمن الرحيم

السلام عليكم و رحمة الله و بركاتة

السموحة منكم خواتي بس بالفترة اللي طافت سويت حادث و كانت حالتي حاله

صادني تمزق بأربط الرقبة و ما كنت اقدر اقعد على اللاب توب وايد

من جي وقفت و الحمد لله الحين صرت زينة و ان شاء الله اليوم ينزل لكم بارتات طويلة

​

حمدلله على سلامتك يالغاليه وماتشوفين شر
اهم شي راحتك ولا تتعبين نفسك

 

[ديم..]

ولكن ................ ننتظر الابداع يامبدعه

 

[سمراء بلادي]

لكن شنووووووووووو؟ لالالا يا الغالية شنو راح يصير ؟ ننتظرك بفارغ الصبر

 

[محبة الطاعات]

بسم الله الرحمن الرحيم

السموحة وقفت امس بس كانت عندي محاظرة و اضطريت اني اوقفو يوم وصلت البيت ما كان في نت و ان شاء الله الحين بكمل لكم

* ماجد: لكن شنو؟؟
* محمد: لكن انا خايف اني ما اقدر استمر.
* ماجد: غصدك يعني بتفلت اعصابك؟؟
* محمد: يريت كان اهون .. على الاقل وقتها بتكون تكرهني لكن اللي انا خايف منه اكبر .. يعني تدري انا عندي انها تكرهني و تحقد على و لا ان يصير الشي اللي انا خايف منه.
* ماجد: محمد تراك خرعتني انت شخايف منة؟؟؟
* محمد: آآآآآآآآآه .. انــ ــا خــ ــايـف اني امـــ ـــوت و اخليها لحالها .. من بيرعاها من بعدي.
* ماجد: بل فال الله و لا فالك ليش تقول جي؟؟
* محمد: جان زين لو بأيدي شي اسوية و امنع هالموضوع جان زين بس انا ما بيدي شي و المشكلة انها كلها فترة بسيطة و تجيب لي طفل و انا بروحي خايف عليها الحين بخاف زود.
* ماجد(بدا يحس بتعاطف ناحية محمد و دلال): انزين انت على اي اساس تقول انك بتموت يعني انت ما فيك الا العافية شنو هالتشائم.
* محمد: مو تشائم يا ماجد مو تشائم انا صار لي فترة يجيني ألم غريب في قلبي و ما اقدر اتحملة بس احاول اني اخبي .. لكن الحين خلاص انا مب قادر اتحمل اكثر.
* ماجد: طيب و شنو قالوا لك بالمستشفى؟؟
* محمد: ما رحت.
* ماجد: لــــــــــــيــــــــــش؟؟
* محمد: خايف يكون فيني شي و ساعتها بنصدم.
* ماجد: بس يا محمد سواء كان فيك شي او لا لازم انت تتطمن على نفسك و له حلو هالشعور اللي انت حاس فية الحين؟؟
* محمد: لا مو حلو و عمرة ما بيكون حلو .. بس انا محتاج احد يكون وياي .. انا ما بقدر اتحمل الخبر بروحي و مستحيل .. مستحيل اخذ دلال معاي.
* ماجد: دلال؟؟
* محمد: زوجتي يعني. <<<< محمد ما كان حاس بنفسة يوم يقول اسمة زوجتة جدام ماجد
* ماجد: طيب و انا وين رحت .. توني قاعد اقول لك انك مثل اخوي .. افا عليك يا محمد انا اوديك.
* محمد: بس انا اخاف يكون فيني شي خطير لا سمح الله.
* ماجد: لا تخاف و توكل على الله و انا وياك ان شاء الله.
* محمد: بس .. بس.
* ماجد: لا بس و لا هم يحزنون باجر ان شاء الله بنستأذن من بو يعقوب و بوديك المستشفى اوكي.
* محمد(سكت لفترة): ا و كـ ـي.


وقت ما قال محمد لماجد عن اللي في قلبة حس براحة بس ما كان عارف هل هالراحة نتيجة لأنه فضفض وله لأنة لقى له اخو دنيا.

و في اليوم الثاني كان ماجد عند وعدة, راح حق بو يعقوب و طلب منه انه يروح المستشفى على اساس ان هو اللي مريض و محمد مجرد مرافق لان كان عارف ان لو قال لبويعقوب على الحقيقه اكيد بو يعقوب بيسوي لهم تحقيق و ما بيخليهم يطلعون بسهولة هذا كله غير انه ممكن يروح معاهم و هذا شي مستحيل يصير, محمد ما كان يبي احد يعرف بالموضوع, طبعاً بعد الأستأذان ماجد راح لمحمد و اخذه للمستشفى


*****************


في المستشفى حلت الطامة على محمد و الخبر اللي كان خايف منه حصل


* محمد: خير يا دكتور طمني .. بصراحة شكلك ما يطمن.
* الدكتور: لا اتطمن يا استاذ محمد انت للحين جدامك فرصة.
* محمد: فرصة؟؟
* الدكتور: بصراحة يا استاذ محمد التحاليل و الفحوصات اللي عملتها تقول انك معرض للأصابة بمرض القلب.
* محمد(بانت الصدمة على وجهه و ما قدر يتكلم): ....
* ماجد: القلب؟؟
* الدكتور: اي نعم القلب .. و لازم يتم العناية في الأستاذ محمد بطريقة خاصة .. يعني في اشياء لازم يسويها و اشياء لازم يتجنبها.
* ماجد: طيب و شنو هي هذي الاشياء يا دكتور؟
* الدكتور: اشياء عديدة بس اهمها انه لازم يبتعد عن الهموم و الكدر و الضيق و المشاكل في البيت و يكون احسن لو اخذ له اجازة كم يوم من الشغل و سافر يغير جو .. و على فكرة انت لازم تسوي رجيم يا استاذ محمد طول ما وزنك في ازدياد بتكون قاعد تزيد فرصة الأصابة بالمرض عندك.
* ماجد: طيب يا دكتور ممكن تعطيني قائمة بالموانع و الأشياء اللي لازم يسويها الأستاذ محمد.
* الدكتور: اكيد و انا بعد راح اعمل له تحويل على اخصائي تغذية وايد راح يفيدة.
* ماجد: ان شاء الله.


بعد ما خلص الدكتور كلامة كان محمد مو قادر يتحرك الصدمة اثرت عليه بشكل كبير, كان مو عارف يا ترى يقول حق دلال و له لا؟؟ طيب و شلون يقول لها؟؟ و شلون يتصرف؟؟ و هل هذا معناته ان موته قرب؟؟ يا ترى شنو بتكون ردة فعل دلال؟؟ يا ترى ممكن تكون ردة فعلها قوية بحيث انها تخسر جنينها؟؟ لا مستحيل مستحيل يقول لها, و في هالوقت ماجد ساعد محمد على انه يقوم من مكانة و كان يحاول انه يخفف عليه بالكلام لكن محمد كان حاس ان اللي جاي اسوء و اسوء.

في السيارة


* ماجد: هونها يا محمد و ان شاء الله .. الله معاك و انا اخوك لو بغيت اي شي اي شي يا محمد بكون عند وجهك.
* محمد(وفي عينه دمعه و بصوت مبحوح): ربي يشهد يا ماجد انك اخو دنيا .. و الي سويته معاي ما بلاقي احد يسوية لي.
* ماجد: افا عليك و انا شسويت ما سويت شي.
* محمد: يعني انا عارف ان واحد مثلك و في مركزك الأجتماعي و المالي هذا اكيد عندة اصدقاء بالدرازن و اكثر و اكثر .. بس تكفى يا ماجد انا عارف انك ولد اصول و بتسوي لي اللي بطلبة منك.
* ماجد(باستغراب): خير ؟؟ خرعتني ؟؟ شنو الي بتطلبه؟؟
* محمد: اممم انا بغيت اللي صار اليوم ما يطلع برا و محد يعرفة غيرنا احنا الأثنين خصوصاً مطلق.
* ماجد: افا عليك سرك ببير .. بس ليش ما تبي احد يعرف؟؟
* محمد: انا ما ابي الخبر يوصل لبويعقوب و انت عارف ان مطلق علاقتة قوية فيه و انا خايف انه يزل جدامة.
* ماجد: بس لازم يعرف و له انت نسيت كلام الدكتور .. انت لازم تقول له و تقول حق زوجتك بعد عشان يراعونك.
* محمد: انت لا تخاف علي انا بدبرها بس تكفي يا ماجد لا يزل لسانك لا جدام مطلق و لا غيرة.
* ماجد: افا عليك ما طلبت شي.


و رجع محمد لحالة السرحان الي هو فيها و قعد يفكر شلون يحل الموضوع بدون ما يخبر دلال و لا ابوها خصوصاً و انه لازم يسافر نقاهه مثل ما قال له الدكتور.

و في البيت عند دلال, اللي كانت ملاحظة التغير على محمد من لحظة دخولة البيت.


* دلال: محمد!؟؟
* محمد: خير؟؟
* دلال: انت اللي خير .. شفيك من دخلت البيت و انت متغير؟؟
* محمد: ما فيني شي.
* دلال: لا فيك شي .. شوف انا صبرت وايد و سكت وايد و الحين الحين لازم تقولي شنو فيك احسن لك.
* محمد: تبين الصراحة؟؟
* دلال: اكيد!!؟؟
* محمد: ابي اروح العمرة حاس نفسي تعبان و ابي اتعبد لي شوي.
* دلال: و متى بنروح؟؟
* محمد: بروح مو بنروح .. بيني و بينج اليوم يوم رحت مع ماجد الطبيب قمت اتمشى بين المرضى و سمعت واحد من المرضى يقول جان زين لو اقدر ازور بيت الله .. شكلة مشلول .. و الصراحة من سمعت كلامة و انا حاس نفسي ميلانه على ذاك المكان.
* دلال: انزين و انا؟؟
* محمد: يا دلولتي .. يا حبيبتي انتي حامل وين اوديج وياي .. و بعدين انا بطول بقعد 3 اسابيع او يمكن شهر ابي اغتسل من ذنوبي.
* دلال: و بتخليني بروحي؟؟
* محمد: لا بخليج عند امج و ابوج .. دلولة بصراحة بصراحة .. انتي مو ملاحظة اني متغير؟؟
* دلال: بصراحة .. بصراحة .. اي ملاحظة.
* محمد: و انا بعد حاس اني متغير ما ادري شفيني من جي يمكن لي رحت بيت الله .. الله يهديني و ارجع مثل قبل.
* دلال: انزين و متى بتروح؟؟
* محمد: اول ما الاقي لي فرصة بروح.
* دلال: انزين شوف دام انك بترجع مثل قبل انا ممكن اخلي ابوي يوافق لك على اجازة.
* محمد: صج!؟؟ يا بعد عمري يا دلولة.
* دلال: بس عاد ها, مو ببلاش ابيك تدعي لي ان الله يقومني بالسلامة.
* محمد: اكيد يا بعد قلبي بدعي لج انتي اول وحدة فديت عمرج انا.
* دلال: تسلم لي يارب.
* محمد: الله يسلمج.


محمد ما كان متخيل ان دلال بتكون متعاونة معاه للدرجة هذي و الدليل على تعاونها انها اتصلت في نفس اليوم بالليل على ابوها


* دلال: الوووو!
* بو يعقوب: الوووو! .. هلا و الله هلا بهالصوت.
* دلال: ههههه هلا فيك بابا.
* بو يعقوب: وحشتيني يا الغالية و ينج ما تسألين عن ابوج؟؟
* دلال: ههههه لا تخاف اكاني بجي اقعد عندكم شهر كامل بتتملل من كثر سؤالي عنك.
* بو يعقوب: شــــــــهــــــــر .. اوووف .. ليش؟؟ شصاير؟؟
* دلال: محمد بيروح العمرة و انا بجي عندكم.
* بو يعقوب: عمرة شهر؟؟
* دلال: اي انا قلت له يقعد شهر خلني اخذ راحتي عندكم شوي و ارتاح من شغل البيت شوي.
* بو يعقوب: شغل البيت تقدرين تجيبين لج 10 خدامات بدل خدامة يعني مب ذاك الزود .. شالسالفة؟؟
* دلال: و الله لا سالفة و لا شي كل ما في الموضوع ان محمد بيروح العمرة و انا ابي اقعد مع ماماتي شوي ابيها تدلعني .. يعني انت عارف حامل و ابي اتدلع.
* بو يعقوب: هههههههه بس الحامل يدلعها زوجها مب امها.
* دلال: يعني يا بابا انت مستكثر علي شهر اقعدة عندكم .. خلاص خلاص هونت.
* بو يعقوب: لا لا خلاص لا تزعلين يبه اللي تبينه يصير كل شي و لا زعل دلولتي.
* دلال: ايه عليك يا احلى بابا بالعالم .. الله يخليك لي و لا يحرمني منك .. خلاص عيل محمد باجر يجي يقدم لك على اجازة.
* بو يعقوب: انزين و ليش ما ياخذج معاه؟؟
* دلال: يا بابا انا حامل و هو بيقعد شهر .. شيصبرني شهر بعيده عنك وعن ماماتي؟؟
* بو يعقوب: بس يا حبيبتي الحرمة لازم تكون مع زوجها.
* دلال: بس يا بابا انا ما اقدر انا اول مرة احمل و اخاف يصير لي شي و انا هناك و احنا هناك مب ببيتنا مجرد زيارة يعني بنتبهدل .. انت ترضاها علي؟؟
* بو يعقوب: اكيد لا.
* دلال: خلاص عيل انت جاوبت على نفسك.
* بو يعقوب: هييييييييه .. خلاص يا حبيبتي خلي زوجج باجر يجيني عشان اوقع له على الاجازة.
* دلال: فديتك انا مشكور يا احلى بابا بالدنيا .. و الله لا يحرمني منك.
* بو يعقوب: و لا يحرمني منج يا احلى بنوتة بالعالم كله.


كانت فرحة دلال ما تنوصف لأنها كانت حاسة ان محمد بيرجع لها محمد القبلي محمد اللي كانت حاسة انها تحبه و ما كانت تدري عن اللي بيصير لها لما يرجع.

طبعاً في اليوم الثاني محمد راح حق بو يعقوب المكتب و قدم له طلب الأجازة و سلم على ماجد و مطلق و استودعهم الرحمن و سافر طبعاً لما يرجع بيكون مطلق تزوج جمانة و ما بيقدر يلحق على عرسهم عشان جي محمد عطا دلال فلوس لزوم كشخة العرس و فلوس زيادة حق لو احتاجت شي و طلب منها انها ما تتصل عليه و ان اهو اللي يتصل عليها, و بالفعل محمد اول ما وصل اتصل عليها و طمنها على نفسه و انه بخير و كان كل يومين تقريباً يتصل عليها مجرد يتطمن عليها و وعلى الجنين و يسكر لغاية ما مضى الشهر.

بتوقف هني و بكمل لكم باجر بأذن الله

 

[محبة الطاعات]

بسم الله الرحمن الرحيم

السلام عليكم و رحمة الله و براكاتة

مهر الجنان

مشكورة وايد وايد وايد على كلامج المشجع اللي كتبتيه قبل و ايد وايد فرحت فيه يوم قريته مشكورة عزيزتي على تشجيعج و تحفيزج الدايم لي الله لا يحرمني من ردودج يا الغالية وايد وايد وايد مشكورة

احبج بالله

ديم

فديتج انا يا الغالية الكلمات تعجز عن وصف الشعور اللي احملة لج في قلبي مشكورة حبيبتي على متابعتج لي ربي ما يحرمني منج

سمراء بلادي

القارئة اللي بدت وياي من بداياتي فديتج انا تسلمين لي

و يسلم لي خوفج الدايم علي و قلقج الدايم علي الله لا يحرمني منج يا الغالية

و لا من ردودج العسل يا عسل

نبضة فرح

مشكورة يا قلبي على ردج

و قراءة ممتعه ان شاء الله

و السموحة اذا نسيت حد من الردود بس صار لي فترة ما ادري عن الرواية

مشكورين جميعاً​