بسم الله الرحمن الرحيم
و بعد صمت دام فترة بسيطة و عيونهم متقابلة, دلال مو قادرة تشيل عيونها عن عيونه اللي مركز فيهم بقوة عليها حست ان عيونه سجن و هي مسجونه داخلة حست انها دخلت عالم يديد معاه عالم ما تمنت الي يدخله معاها فيه يكون محمد, و بهدوء حركت شفايفها و هي تقول
* دلال: محمد!!!؟؟؟
* محمد(يبتسم و يبعد ايده عنها برقة): عيونه و قلبه.
* دلال(نزلت عيونها في الأرض عشان لا يشوف دموعها): انا اسفة اذا كنت جرحتك بس انا مو متعودة اني اكون مع رجال غريب بروحي.
* محمد(حس بدموعها و رفع راسها بأيدة): و انا متفهم وضعج, دلولة .. الله يخليج لا تصيحين ترى و الله ما اقدر.
* دلال(بحزن): محمد .. تكفى خلني على راحتي و انا والله بعطيك الي انت تبيه بس مو اليوم لأن صدقني نفسيتي تعبانه مو قادرة.
* محمد(يبتسم بعطف): و انا بعطيج اللي انتي تبينه بس لا تصيحين ممكن؟؟
* دلال: ان شاء الله.
* محمد(بفرح): طيب دام احنا متوافقين ممكن الحين تروحين الحمام و تاخذين لج شور على ما انا اخذ لي شور بالحمام الثاني و نتقابل عند طاولة الاكل لأني حدي يوعان و ابي اكل و بعدين على طول نوم لأني مهلوووووك.
* دلال(ابتسمت بحزن و قالت و هي منزلة راسها): ان شاء الله.
ودعها محمد بابتسامه و طلع و قعدت لحالها تجهز ملابسها عشان تدخل الحمام و كانت طول الوقت تفكر يا ترى كلامه صج؟ بينفذ لها الي تبيه؟ يا ترى هو يحبها لهذي الدرجة؟ يا ترى هي تستحق هالحب كله وله لا؟ ما كانت تبي تشغل روحها بالتفكير كانت تعبانة و تبي ترتاح و على طول دخلت الحمام و خذت لها شور و لما طلعت من الحمام شمت ريحة حلوة كانت ريحة الاكل واصلة لغرفة النوم وقتها حست بعصافير بطنها و تذكرت انها ما كلت زين لما قعدت من النوم بسبب التفكير و على السريع نشفت شعرها و لبست لها بيجامه حرير لونها احمر و رفعت شعرها بشريطة حمرة وطلعت من غرفة النوم عشان تروح حق طاولة الأكل وقتها شافت محمد مجهز كل شي و قاعد ينتظرها و علامات الجوع مرسومة على وجهه بس مجرد ما شافها وقف على طوله حسها بهرته بجمالها بأنوثتها يعني اول مرة يشوفها لابسة جذي, و هي كانت عصافير بطنها هي اللي قايدتها على السريع سلمت عليه و جلست تطالع شنو العشى (كان العشى مشويات و سلطات و اكلات لبنانية) رفعت راسها لقته للحين واقف مكانة مبهور فيها و قالت له
* دلال: الووووو .. محمد وين وصلت؟؟
*محمد(بدا يفوق): هااا .. لا لا و لا شي حياج اكلي.
* دلال: شلون اكل و انت واقف اقعد عشان ناكل مع بعض.
* محمد(كلمة ناكل مع بعض ضربته على الوتر الحساس): هااا .. مع بعض يعني انتي توكليني و انا اوكلج؟؟
* دلال(انحرجت و بدفاعية قالت): ليش اوكلك ما عندك يد تاكل فيها.
* محمد(انحرج و بعصبيه قال): عندي بس كوني قلت لج اني بحقق لج اللي تبينه مو معناته اني بتنازل لج عن ابسط حقوقي و هو ان زوجتي تدلعني ليله عرسي يعني شفيها لو وكلتيني؟؟؟
* دلال(انحرجت بس ما بينت له هالشي و خذت لها قطعه مشويات و مدتها له): طيب انا اسفة يلا امسك.
* محمد(و هو ياكل القطعه من ايدينها): اي جي خلج زوجة مطيعه عشان احبج و اعطيج اللي تبينه. <<< و هو يحرك لها حواجبة بمزح
* دلال(فطسانة ضحك على شكلة): ههههههههههه واااااااي محمد ما اقدر حرام عليك لا تضحكني جي.
* محمد(و هو فرحان): ههههههههههه اي جذي فليها و خلينا نعيش بدل الكدر و الهم الي احنا فيه مساعه, فديت هالضحكة انا.
* دلال(استحت و نزلت راسها بالأرض): تسلم.
* محمد: الله يسلمج يا رب.
و استمر الحديث و كان محمد طول الوقت لما تخلص سالفة يحاول يفتح سالفة ثانية عشان ينسيها و يخليها تصير طبيعيه معاه و بالفعل نجح في الموضوع هذا لغاية ما خلصوا عشا.
* محمد: اقول دلولتي.
* دلال: هلا.
* محمد: انزين شرايج الحين انتي تشيلين الاكل و تضبطين المكان و بعدين تغسلين بالحمام اللي داخل و انا اغسل بالحمام الي هني عشان بعدين اطلع الطاولة برا حق السيرفس يشيلونها و نتلاقا بغرفة النوم عشان نشوف كل واحد وين بينام.
* دلال(بفرحة): طيب. <<< و سوت اللي قال لها عليه و على ما خلصت غسيل طلعت من الحمام و لقته واقف ينتظرها في غرفة النوم.
* محمد: نعيماً هع هع.
* دلال(بخوف): هـ ـهـ ـهـ ـهـ ـه الله ينعم بحالك.
* محمد: طيب الحلو وين بينام؟؟
* دلال(بخجل): شوف دام اني انا اللي طلبت منك الطلب اللي خبرك يعني انا بنام على الكنب و انت نام على السرير لاني انا الغلطانة.
* محمد: طيب .. بروح اطلع لج لحافات و مخدة.<<<< و راح فتح الخزانة و قعد يدور.
* دلال(انصدمت و ما توقعته بيصدق كلامها و بينفذة توقعت انه بياخذ الموضوع بشهامة رجال و بيخليها تنام على السرير): بس محمد اتوقع ان ما في لحافات و مخدات زيادة.<<< على امل يغير رايه.
* محمد(كان غاصد يسوي هالحركة عشان تتعلم درس و تتعذب في اول يوم و ثاني يوم تجية و تعطية الي هو يبيه منها): امبلى شوفي هذا غطى و هذي مخدة يلا اخذيهم و انا بطفي النور, وله تخافين من الظلمة؟؟ اخلي لج نور خافت؟؟
* دلال(منصدمة للحين, و بخيبة امل قالت له): هاا .. لا لا عادي انا متعودة على الظلمة.
* محمد(و هو يطفي الانوار): طيب تصبحين على خير دلولتي.
* دلال(و هي تعدل الكنب و لكنها محترة و منغاضة منه): و انت من اهله.
كانت ليله طويلة جداً على الاثنين على محمد الي كان ينتظر دلال تستسلم بين اي لحظة و الثانية و تجية و ترتمي بحظة و يحصل له المراد, و على دلال اللي قاست من الكنبه القاسية الي نايمة عليها و على امل ان محمد يعطف عليها و يحن و يخليها تجي تنام مكانة, و على الساعه 7 الصبح كانوا الاثنين في سبات عميق من بعد تعب الليله الطويلة اللي قضوها امس.
الساعة 9 صباحاً و صوت جرس الباب فاضح الدنيا
* دلال(بتعب و ازعاج و هي للحين على الكنب): مـــحـــمـــد .. قوم جرس الباب انحرق و انت نايم.
* محمد(غرقان بالنوم و بعدة مو مستوعب شي): يمه خليني انام حرام عليج خلي الخدامة تروح تشوف منو .. انا بـــــــــــنــــــــــــام.
* دلال(باحباط و عصبيه): اي يمه انت .. انا دلال زوجتك قوم افتح الباب.
* محمد(كلمة زوجتك خلته على طول يصحصح و رفع راسه و هو للحين نص نايم): دلال!!؟؟؟ .. وين؟؟ .. متى؟؟ .. منو؟؟
* دلال(تضحك عليه بتعب): هههههه قوم شوف منو جاينا الله يستر بس.
* محمد(بتعب): طيب اكاني قايم قايم.
قام محمد و راح يشوف منو و ترك دلال تقاسي على سريرها الصلب(غصدي كنبها الصلب), و كلها دقايق الا يدخل محمد بسرعه و يقول
* محمد(بفزع): دلال .. دلال, قومي .. قومي.
* دلال(انفزعت من شكلة و جلست مقابلته): شفيك .. شفيك؟؟ شصار؟؟
* محمد: امج و ابوج و امي و عمي عزام و زوجته و كلهم كلهم جاين يبون يشوفونج.
* دلال: ههههههههههههههه شنو أقول؟؟ ها قولي شنو أقول؟؟ حرام عليك مو نايمة عدل و انت خرعتني عبالي عندك سالفة مهمه هههههههههه لا حول و لا قوة الا بالله انا على بالي احد مات وله شي استغفر الله.
* محمد: مو شسوي عشان تقومين بسرعه لأن انا ما ادري اذا تقومين بسرعه و له تتأخرين بالعادة هذي اول مرة اشوفج فيها نايمة.
* دلال: ههههههههه لا اقوم بسرعه لا تخاف(و بصوت واطي مو مسموع): حسبي الله على حظي يوم انه رماني عليك.
قامت دلال من كنبها و محمد دخل الحمام يغسل وجهه و يبدل على ما دلال تجهز ملابسها و كلها خمس دقايق الا هو طالع طبعاً كان لابس ثوب لأنه ما يعرف يلبس شي غيرة, و طلع عشان يقابلهم اما دلال دخلت الحمام و غسلت و لبست لها جلابية كشخة لونها اخضر غامق و فيها نقش بالبيج و حطت لها ربطه على راسها لونها اخضر و فيها رسومات بسيطة بالبيج و تركت شعرها مفتوح و رشت لها من عطرها المفضل و كان عطر عربي و طلعت لهم, وامها على طول اول ما شفتها جلست تبكي.
* دلال(مفزوعة و انرمت في حظن امها على طول): ماما شفيج؟؟ شصاير؟؟
* أبو يعقوب: يعني ما تعرفين امج طول الليل امس تبجي تقول مشتاقة لج و من صارت الساعه 8 و هي تقولي ودني لها و ودني لها.
* دلال(و هي تبكي مع امها): اهئ اهئ و انا بعد مشتاقة لها.<<< و تضم امها بقوة
* أبو يعقوب(انحرج و حب يغطي على الموقف): هههه و انتو يا الحريم كله جي دمعتكم عند الباب ههههه.
* مريم: اكيد يا ابو يعقوب هذي الحياة و اكيد دلال مشتاقة لأمها لأنها عروس كلنا كنا هيك لما تزوجنا و شعورها طبيعي خليها تعبر عن نفسها.
* أم يعقوب(و هي تبكي): فديتج انا يا دلولة يا حبيبة قلبي انتي.. ها يمي بشريني عساج مرتاحة؟؟
* دلال(ارتبكت): اكيد يا ماما بكون مرتاحة دام محمد زوجي .. لأن محمد عمرة ما قصر علي بشي.
* أبو يعقوب: كفو و الله يا بو الحومد و الله ادري انك رجال و تستاهل بنتي عسى الله يخليكم لبعض.
* محمد(منحرج و هو يطالع دلال و بعدين نزل راسة بالأرض): تسلم يا عمي انا وعدتك و ان شاء الله بكون عند وعدي.
و استمر الحديث و سوالف تجر سوالف لغاية ما صارت الساعه 10 و بعدها الضيوف استأذنوا و تركوا دلال مع محمد مرة ثانيه لوحدهم.
*************
دخلت دلال غرفة النوم بعد ما قالت لمحمد انها بترجع تلبس بيجامتها لأنها تعبانه و تبي تنام و طلبت منه انه ينتظرها على ما تخلص لأنها تبيه بموضوع وقتها محمد كان تعبان و النوم هالكه و ما كان بيدة شي غير انه يوافق, و دقايق الا دلال طالعه.
* دلال: محمد؟؟
*محمد: هلا .
* دلال(مستحية): اممم ابي اطلب منك طلبين ممكن؟
* محمد: بس طلبين قولي ثلاثة اربعه عيوني لج امريني؟؟
* دلال(استحت اكثر): تسلم .. اممم اول طلب بصراحة انا مو يوعانه و خاطري اتفطر بعد ما اقعد من النوم لأن امس طول الليل كنت نايمة على الكنب و ما ارتحت بالنوم ظهري عورني من جي الحين ابي انام و اشبع نوم.
* محمد(بابتسامه تعبانه): تم يا الغالية .. و الطلب الثاني؟؟
* دلال(باحراج و ترجي): مشكور .. اممم الطلب الثاني يا طويل العمر اذا انت ما بتنام يصير انام على السرير.
* محمد: بس من قال لج اني ما بنام انا بنام لأني نفس حالتج امس ما نمت عدل.
* دلال(بفزع): ليش السرير بعد مو مريح؟؟؟
* محمد: هههههههههه لا يبة من قال, السرير مريح و ريش نعام بعد بس انا امس كنت افكر فيج و كنتي كاسرة خاطري من جي ما قدرت انام.
* دلال(بفرح ممزوج بالخجل): طيب اذا انا كاسرة خاطرك خلنا نبدل انا انام على السرير و انت تنام على الكنب, يعني انت رجال و جسمك يتحمل مو مثلي.
* محمد: ههههههههه سلامة عمرج, انتي اللي قلتي ما تبيني يعني تتحملين.
* دلال: بس محمد انت اللي قلت لي انك بتنام على الكنب امس.
* محمد(بخبث): ههههههاي يا حلوة انا قلت جي امس عشان لا تطلعين اما اليوم ما يهمني اذا طلعتي وله لا لأن انتي اللي بتنفضحين اما امس كنت انا اللي بنفضح و الحمد لله تمت على خير الحين دورج يا شطورة تبين تنفضحين الباب يوسع جمل عن نفسي تعبان و بروح انام على السرير. <<< و يتثاوب و يمشي عنها و يدخل غرفة النوم
* دلال(تلحقة و بعصبية تقول): يعني شلون الحين؟؟
* محمد: يعني يا حلوة تبين (و يضرب بايدة على السرير) تعالي نامي يمي و ما بسوي لج شي .. و اذا ما تبين الكنب موجود او الباب ولو اني مو هاين علي اتركج بس انتي اللي ما تبيني, اللي يريحج يا غلاي.
* دلال(بعصبية): اوووووووف.
* محمد(و هو رايح للحمام عشان يبدل): اوف وله ما اوف انا واحد تعبان بروح الحمام و ببدل و بجي انام و اذا شفتج نايمة على السرير و حاجزتة كله بزيحج شوي و بنام يمج و له نسيتي اني اضخم منج و بصبع واحد اشيلج.
* دلال(حست نفسها محترقة من داخل بس اضطرت انها تقول كلمة هي ما تبيها): خلاص اسمع انا بنام يمك وامري لله, لكن شوف اياني و اياك تجرب مني سنتيمتر واحد و له الله لا اوريك.
* محمد(وقف عند باب الحمام و بملل قال): و انا فيني طاقة اسوي اي شي انا بنااااااااااام بناااااااااااام يا انسانة بنااااااااااااااااااام اووووووووف على قولتج ههههههههههه. <<<< و كمل ضحكته داخل الحمام
* دلال(داخل قلبها كانت تقول): ههههههههه يا اخي و الله دمه خفيف بس ما ادري شفيني عليه صج لي قالو المحبة من الله .. يلا خلني انا انام احسن لي.<<< و بعد شوي طلع محمد من الحمام
* محمد: ترى لا تخافين انا وعدتج وعد و وعد الحر دين ما بقرب منج الا لما تقولين لي ترى انا احبج و ما ابي اخسرج (انبطح يمها و حط وجهه بوجها) ترى انتي غاليه و مستحيل اغدر فيج لأن هذا مو من شيمي و اي شي بسوية لازم اخبرج عليه من قبل.
و حط وجهه الصوب الثاني و كلها دقايق الا الأثنين في سابع نومة.
فتحت عيونها و حست بيد تحت جسمها استغربت و كانت حاسة نفسها ثقيلة من النوم مو قادرة تفتح عيونها و بالغصب فتحت عيونها و انقلبت الجهه الثانيه و انصدمت يوم شافت وجهه مقابل وجها كانت بتصرخ بس تذكرت الموقف اللي حصل بينهم قبل لا ينامون و انصدمت يوم سمعته يتمتم و هو نايم و يقول
* محمد: دلال و الله احبج احبج احبج.
حست بالخجل من نفسها لانها معذبة انسان يحبها و يموت فيها و حست انها غلطانة و لازم تصحح غلطها عشان جي, قامت بشويش من جنبة و راح الحمام خذت لها شور و تعطرت بالحمام و فتحت شعرها و لبست احلى بيجامة عندها كانت مستحية تلبس قميص نوم ما تعودت انها تلبس اشياء جي جدام رجال غريب, بس قالت ما عليه اكيد هو بيعذرها خذت لها نفس عميق و طلعت لكنها انصدمت يوم شافته قاعد على السرير و يشرب مالي
* دلال(بصدمة): محمد!!!؟؟؟؟
* محمد(بعصبية): و انتي شفيج كله منصدمة و مخترعه و مفزوعه شقصتج تراني مب وحش؟؟
* دلال: لا بس انا ما توقعت انك تكون قاعد لأني كنت جاية على اساس اقعدك, ابيك بموضوع.
* محمد(و هو يرجع ينبطح على السرير): حسيت فيج يوم قمتي و رحت اتحمم على اساس اني بقعد بس الصراحة بعد الدش حاس بنفسي للحين دايخ و ما ادري يمكن اكمل نوم .. خير فيج شي؟؟
* دلال(بخجل): اي في .. بصراحة انا نويت اني اعطيك الي انت تبيه وقت ما تبي.
* محمد(نقز من السرير): حلفي؟؟؟ الحين؟؟
* دلال(بخجل): انا ما قلت الحين انت اللي قلت و بعدين محمد بس عاد استحي. <<< و جلست جنبة على السرير
* محمد(بفرح):فديت قلبج انا يا بعد عمري انتي. <<<< و اخذها بحظنه
و تحقق حلم محمد دلال صارت زوجتة و حبيبته و كل ماله في هالدنيا و دلال بعد حست بشي غريب ناحية محمد حستة انها تبي تحقق له اللي يبيه و تبيه يسعد معاها تبي تبين له انها تحبة حتى لو ما كانت تحبة كانت تبي تحاول تحبة لأنه حبة بالنسبة لها صار امنية لازم تحاول تحققها.
لهني بوقف و اكمل لكم البارت الجاي
احداث مثيرة بالبارت الجاي بتغير حياة محمد و دلال انتظروني :37:
