❤ تمنيت احبه و لكني حبيتك!! ❤

[زوجي قرة عيني]

ااااااااااااااااااااااااااااااب

 

[مـلاك الصغيرة]

..................

 

[محبة الطاعات]

بسم الله الرحمن الرحيم

السلام عليكم و رحمة الله و بركاتة

ملاك الصغيرة

مشكورة حبيبتي على مرورج و على متابعتج :37:

ورد الأوركيدا


الله يسلمج حبيبتي

و مشكورة على المتابعه و المرور :37:

سمراء بلادي


الله يسلمج يا الغالية

و افا عليج لا ازعاج و لا شي بالعكس

اممم و بالنسبة لجمانة انا ذكرتها في البارت الأول من الصفحة الثانية ^,^

و مشكورة يا عسل على متابعتج :37:

زوجي قرة عيني

مشكورة على الأب

و مشكورة على مرورج حبيبتي :37:​

 

[زوجي قرة عيني]

محبة كل مرة اشيك على الموضوع الله يعطيك العااافية

 

[محبة الطاعات]

بسم الله الرحمن الرحيم

و في يوم الزيارة و هو يوم الخميس, كانت الساعه 4 العصر في بيت محمد.

​

* محمد: دلولة .. دلاااااااال .. دلولتي.
* دلال(بعجل و هي طالعه من المطبخ): هلا هلا!!؟؟
* محمد: وينج سنة اناديج؟؟
* دلال: كنت بالمطبخ و اكاني جيتك .. خير شفيك؟؟
* محمد: يلا انا ريحتج من شوفت ويهي و من قبل ما توصل صديقتج؟؟
* دلال: شلون؟؟
* محمد: اتصلت على مطلق الي يشتغل معانا بالشركة و قلت له يمر علي عشان نطلع مع بعض بيني و بينج قررت يكون عندي ربع بدل قعدت البيت الي مامنها فايدة احسج شجعتيني يوم عزمتي صديقتج.
* دلال: اي و الله عيزت و انا اقول لك غير جو تعرف لك على احد الوحدة مو حلوة ترى و الحياة حلاوتها بكثرة المعارف.
* محمد: و الله انج صاجة خلاص انا قررت اني ان شاء الله اتغير.
* دلال: انزين ما قلت لي متى بتطلعون؟؟
* محمد: يعني على الساعه 5 و نص قبل ما توصل رفيجتيج بنص ساعه.
* دلال: اها .. بس لحظة مطلق هذا الي انت كله تسولف لي عنه؟؟
* محمد: اي هذا اهو .. الله يسلمج من اشتغل معانا و انا احسه قريب مني و ما شاء الله عليه اخلاقة عاليه و هذا اللي ريحني له.
* دلال: هههههههه حسستني انك بتزوجة وحدة تصير لك مو كانك بتصير صديقة ههههههههههه.
* محمد: ههههههههه .. يعني اكيد يا دلولتي اذا بصادق واحد اول شي بدور عليه هو اخلاقه لأنها اهم شي.
* دلال: ادري بس طريقتك تضحك.
* محمد: ههههههه عيل ان شاء الله دوم تضحكين على طريقتي دام انها فرحتج.
* دلال: هع مشكور .. (و بجدية قالت) .. المهم الساعه 5 و نص ابيك تكون طلعت وياه اوكي؟؟
* محمد: بعد تتأمر .. انزين بعد عندج اوامر ثانية مدام دلال؟؟
* دلال: لا سلامتك.
* محمد: الله يسلمج.​

*************


و على الساعه 6 الا ربع تحت عند عمارة محمد كانت قاعدة داخل سيارتها و حاسة بدقات قلبها تزيد كل دقيقة تقعدها زيادها ودها تنزل و تنهي هالشعور بس ما تقدر هي واعدت دلال على الساعه 6 و للحين باقي ربع ساعة يعني يمكن دلال للحين ما جهزت؟؟ او يمكن زوجها للحين ما طلع من البيت؟؟ .. و هي قاعدة تفكر و سرحانه جذب اهتمامها صوت سيارتة الرياضية كان شكلها وايد حلو و صوتها وايد قوي و بدون شعور قعدت تطالعه و شافته وقف سيارة و مسك تلفونة و قعد يتكلم و في لحظة حست بنفسها و حست انها عيب تطالع شخص ما تعرفه بهالطريقة خصوصاً و انها في مكان جديد عليها يعني شنو بيقولون عنها الناس و تدركاً للموقف قررت انها تنزل و تروح حق دلال لكنها انصدمت يوم انها طلعت من سيارتها و وقفت عشان تقفل الباب ان هالشخص بعد طلع و قعد يقفل سيارته و حست انها انبهرت من مظهره الانيق اللي جذبها بقوة ناحيته و وسامته اللي خلتها تفقد الشعور و تدخل في عالم ثاني و فجأة رفع راسه ناحيتها و تلاقت عيونهم لكن للأسف كان القاء قصير و كان باين عليه انه مشغول البال, خجلت من نفسها و قررت انها تدخل سيارتها مرة ثانية لكنها فكرت و قالت
​

* جمانة: لو دخلت سيارتي مرة ثانية اكيد بيقول شفيها ما دخلت العمارة و اكيد بيشك في الموضوع و يمكن يفكر اني جاية لا سمح الله لشي غلط خصوصاً و اني اول مرة ادخل هالمنطقة .. لازم انزل و ما اطالعه ابد عشان يمكن يخطر في باله ان في بالي شي و شاغلني من جي انا اطالعه بهالنظرات .. بس عيل لازم اسرع خطوتي عشان يشوفني و يعرف اني ما عندي شي غلط.​

و بالفعل سرعت خطوتها و دخلت العمارة و شافته واقف عند المصعد ينتظر و قتها حست بخجل و قالت معقولة ادخل معاه بالمصعد بروحي .. لأ مستحيل اسويها لكن بوقف وياه عشان يتأكد اني مب جاية لشي غلط و اثبت وجودي و لما يركب بقول له اني بنتظر المصعد ينزل عشان يعرف بعد اني انسانه محترمة و ما عندي سوالف .. جي صح, و قتها مطلق كان مشغول البال و يفكر في محمد اللي تأخر عليه و محمد كان محذر مطلق و قايل له ان دلال بيجونها ضيوف من جي يبي يطلع معاه و مطلق كان خايف انه حط محمد في موقف محرج و في قمة انشغالة وصل المصعد و اول ما وصل و انفتح الباب, دخل و لما التفت وراة انصدم لما شاف وحدة واقفة جنبة و من شدة الصدمة جسمة نفض و قال

​

* مطلق(مرعوب): بسم الله الرحمن الرحيم.
* جمانة(خجلانة على معصبة و منزلة راسها): انا اسفة لو خرعتك بس شكلك كنت سرحان و ما انتبهت لي.
* مطلق(يضحك بغباء و يحك راسة): هههههه انا اسف و الله .. بس بالي مشغول و ما انتبهت ان في احد واقف معاي .. حياج تفضلي.
* جمانه(للحين منزله راسها بالأرض و بخجل قالت): لا .. مشكور روح انت و انا بعدين لي نزل المصعد بركب.
* مطلق(بخجل و يتظاهر بالجراءه): لا .. افا عليج .. حياج تفضلي .. انتي اي طابق صاعدة؟؟ انا بصعد الطابق الأول و الموضوع هين يعني الدري يكفي و يوفي و في الحركة بركة اسوي رياضة شوي هع هع هع. <<<< و يرجع يضحك بغباء
* جمانه(لما قال الطابق الاول و هو نفس الطابق اللي ساكنه فيه دلال قالت في قلبها يمكن يكون هذا محمد زوج دلال او يمكن بيت جيرانهم و في كلا الحالتين في صله بينه و بين دلال و رفعت راسها بسرعه و ارتباك): هاااا لا انا ضيفة عند ناس في الطابق الثالث يعني مو مشكلة اصعد انت بالمصعد و انا بصعد بالدري مو مشكلة بالعكس انا الي محتاجة رياضة شوي لاني سمنانة هاليومين هيهيهيهيهيهيهي.<<<< ضحكة غبية
* مطلق(شاف عيونها الخضرا و حس روحه ذايب و مو قادر يوقف على بعضة و لما قالت عن نفسها سمنانة ما قدر يمنع عيونه من انه يتفحصها من راسها لي ريولها و بدون شعور قال): اذا انتي سمنانة و جي عيل لي ضعفتي شتصيرين؟؟
* جمانة(بعصبية): لو سمحت احترم نفسك. <<< و لفت عنه و راحت ناحية الدري بتصعد هناك او بالاحرى بتنتظر هناك عشان يصعد و يقضي شغلة و بعدها بترجع تروح عند شقة دلال
* مطلق(بارتباك و حرج): بـــ بـــ بـــ بــــس يا ......


​

و باب المصعد حرمة من انه يكمل كلامة معاها لانه تسكر عليه و لما رجع فتحه لقاها راحت حزن و تكدر و ضرب رجلة بأيدة و بخيبة امل ضغط على الرقم واحد

​

*************​

و لما وصل فوق عند شقة محمد ضغط الجرس و كلها دقايق الا محمد يفتح الباب و يطلع له

​

* محمد: هلا مطلق .. شلونك .. شخبارك؟؟
* مطلق: هلا و الله فيك .. الحمد لله تمام .. انت شلونك و شخبارك؟؟
* محمد: الحمد لله انا بخير .. خرعتني عليك شفيك تأخرت؟؟
* مطلق(للحين يفكر في جمانة): هاا و الله الزحمة مو طبيعيه اليوم.
* محمد: اها .. انزين عيل يلا امش. <<< و سحبة ناحية المصعد
* مطلق: لا .. لا خلنا ننزل بالدري احسن.
* محمد: ليش؟؟
* مطلق(و هو يسحب محمد): تعال انت بس.
​

جمانة كانت واقفة على الدري تسمعهم شنو يقولون و ارتاحت لما عرفت ان مطلق مو محمد و تنفست الصعداء و قبل ما تكمل نفسها سمعتهم بيجونها و من خوفها نزلت تركض على الدرج لكن للأسف ما قدرت تسبقهم

​

* مطلق: اقولك في وحدة مساعه كانت عند المصعد ..... <<< و قبل ما يكمل شافها نازلة على الدري تركض و قطع سالفته
* محمد: انزين؟؟
* مطلق: لو سمحتي .. لو سمحتي.
* جمانة(واقفة مكانها و تتمنى الأرض تنشق و تبلعها و بهدوء و خجل لفت عليهم و هي منزلة راسها): خير اخوي .. بغيت شي؟؟
* مطلق: انا اسف و الله ما كان غصدي لو جرحتج بجد انا اسف انا مو من طبايعي اقول هالكلام بس و الله غصبن علي.
* جمانة(بعدها على نفس الوضع): حصل خير .. مو مشكلة .. بغيت شي ثاني؟؟
* مطلق(بكل حماس): اي بغيت لحظة .. (و راح عندها و مد لها كرته) .. لو بغيتي اي شي .. اي شي .. لا تترددين اتصلي علي و انا ما بقصر وياج ان شاء الله.
* جمانة(بعصبية): انت هييييي شجايفني هاااااا؟؟ ليكون عبالك انا من البنات اياهم اللي من كلمتين تخق و تعطيك اللي تبيه مالت عليك بس مالت وخر عن ويهي وخر اهووووو. <<<< و بعصبية وخرته عن وجهها و طلعت للطابق الأول
​

محمد حس بمطلق و بالأحراج اللي تعرض له و ما حب يزيد حدة الموقف خصوصاً و ان هذي اول مرة يطلع معاه من جي بدون كلام نزل لعند مطلق و سحبة معاه لي سيارته و ركبوا اثنينهم بهدوء و راحوا.

​

*************​

عند دلال في الشقة كانت سامعه اصوات بس ما كانت عارفة الموضوع و كانت خايفة تطلع بروحها يعني هي اول مرة تتعرض لهذي المواقف و ما تعرضت لها الا لما محمد طلع من الشقة و كانت حاسة روحها بتتجمد من الخوف لما سمعت صوت الجرس و ترددت تفتح الباب و له لا و بعد مدة قررت انها تفتح.


​

* جمانة(بخجل): السلام عليكم.
* دلال(بخجل و خوف): وعليكم السلام.
* جمانة: دلال مو؟؟
* دلال: انتي جوجو؟؟
* جمانة: اي نعم.
* دلال(انقضت على جمانة و حست انها خيراً في امان و حضنتها بكل قوتها): هلا و الله .. هلا.
* جمانة(مستغربة من ردة فعل دلال): هلا فيج.
* دلال: حياج تفضلي .. البيت بيتج.
* جمانة (و هي تدخل الشقة): الله يحيج تسلمين يا الغالية.​

في السيارة مطلق شرح كل شي حق محمد و شرح له ان ما كان غصدة شي يوم يعطي البنت البطاقة كان غصدة شريف و كان يبي يعتذر لها ما كان فاهم ان ردة فعلها بتكون بهالحدة و محمد كان متفهم مطلق لأخر درجة خصوصاً و انه كان عارف الحالة اللي فيها مطلق بسبب انه تأخر على موعدة معاه و هو من النوع اللي ما يحب يتأخر على مواعيدة .. اما عند دلال بالبيت فكانت جمانة بعد قاعدة تشرح لدلال الموقف خصوصاً و انها اول مرة تشوفها و كانت خايفة ان دلال تاخذ عنها فكرة غلط خصوصاً و ان محمد حظر الموقف كله و اكيد اكيد لما يرجع بيقول لدلال عنه, و دلال بعد كانت متفهمه الموقف و حاسة بالحرج اللي جمانة فيه لأن هذي اول مرة يشوفون فيها بعض.

يا ترى شنو بيصير في البارت القادم

انتظروني :37:
​

 

[العسل كلة]

قصة مشوقة جداً
شكراً وننتظر المزيد

 

[ورد الاوركيدا]

ننتظرك

 

[محبة الطاعات]

بسم الله الرحمن الرحيم

و بعد مرور الوقت حان موعد رحيل جمانة للبيت و دلال تضايقت يوم تذكرت انها بترجع للملل مرة ثانية بس كانت عارفة ان هاللحظة لازم بتجي .. سلمت جمانة على دلال و طلعت و تحيرت تنزل من الدري وله بالمصعد, لكن طرى على بالها مطلق و الموقف الي صار لها معاه و قررت تنزل من الدري بتشوف البطاقة يا ترى هي للحين موجودة وله خذاها معاه و اتجهت على الدري و عيونها تدور البطاقة و حست بشعور غريب لما شافتها موجودة و قالت في داخلها

​

* جمانة: يا ترى شنو اسمه؟؟ و في وين يشتغل؟؟ دلال ما قالت لي شي عنه صج اني حسيتها متفهمتني و متفهم موقفي معاه بس ما قالت لي شي عنه غير انه صديق زوجها .. انزين شفيها لو القيت نظرة على البطاقة بشوف بس شنو اسمة و برجعها على الأرض و هو شدراة لو شفتها وله لا .. و حتى لو خذيتها شدعوة بينتبه بيقول يمكن اللي ينظف المكان خذها او حتى اي احد من سكان العمارة يعني مب شرط انا اللي اخذتها .. و الله فكرة ليش ما اخذها و اخليها عندي بس جي, و انا شدراني عن الدنيا يمكن صج احتاجة في يوم من الأيام .. لا لا شبحتاجة فيه بس بعد باخذها و بخليها عندي عشان اخليه يتعذاب و يفكر ليل و نهار و يخاف ان احد غريب اخذ البطاقة و ساعتها ما بيرقم بنات الناس.​

و بحركة سريعه نزلت و خذت البطاقة و خبتها في شنطتها و نزلت على الدري تركض و كانت فرحانة مثل الطفل في ليلة العيد و بسرعه ركبت سيارتها و على طول على البيت خافت احد يشوفها او يحس فيها انها مسويه شي.

و بعد دقايق من خروج جمانة دلال اتصلت على محمد و خبرته انه صديقتها رجعت بيتهم يعني اهو يقدر يرجع في الوقت اللي يبيه خلاص الوضع رجع على ما هو عليه, و محمد خبر مطلق انه يبي يرجع البيت لأنه الضيوف مشوا اما مطلق الي كان سرحان يفكر بجمانة و جمالها اضطر انه يفوق من احلامة الوردية و يرجع البيت مع محمد و في الطريق تذكر مطلق البطاقة و انه يوم يطلع مع محمد ما اخذها من الأرض و قرر انه لما يوصل بيت محمد يوصله لي شقته عشان فرصة يشوف البطاقة و اذا هي للحين موجودة ياخذها مرة ثانية, و بالفعل بعد ما وصلوا للعمارة مطلق وصل محمد لي باب شقتة و رجع على الدري و انصدم يوم شاف البطاقة مو موجودة و قعد يدور عليها يمين و يسار لعل يكون الهوا طيرها او واحد و هو نازل بسرعه طيرها معاه لكن لا حياة لمن تنادي البطاقة اختفت و كأن احد اخذها و لكن مطلق ابد ما خطرت في باله ان ممكن احد ياخذها لأنها مو بطاقة بذيك الأهمية اللي تخلي الناس ياخذونها, و بخيبة امل طلع من العمارة و كان متضايق بسبب هالموضوع.

لما دخل محمد عند دلال شافها قاعدة بالمجلس

​

* محمد: السلام عليكم.
* دلال: وعليكم السلام.
* محمد: هااا شخبار ضيفتج؟؟
* دلال(و هي تطالع التلفزيون بعدم اهتمام): الحمد لله زينة .. انت شخبارك؟ و شخبار طلعتك؟
* محمد(و هو يجلس جنبها): تمام و الله استانست و غيرت جو.
* دلال(و هي تبعد عنه): الا محمد ما قلتي وين رحتوا؟؟
* محمد(باستغراب): رحنا مجمع .. ليش وخرتي عني؟؟
* دلال(بضيق): افففف يا اخي كل مرة اقول لك لما ترجع من برا على طول روح أخذ لك شور ما يصير جي.
* محمد(بعصبية): دلال شغصدج يعني؟؟
* دلال(بهدوء): ما غصدي شي .. بس انا احب اني اشوف ريلي دوم نظيف و كشخة حتى لو لي انا بروحي يعني حرام يتكشخ لي؟؟
* محمد(هدا): اكيد مب حرام .. خلاص عيل انا رايح اخذ لي شور تامريني بشي؟؟
* دلال: سلامتك .. حمام الهنا.
* محمد: على قلبج.​

و راح محمد و اخذ له شور و بعد ما رجع كانت دلال بالمطبخ تجهز العشا

​

* محمد: ها دلولة شرايج الحين؟؟
* دلال: اي الحين فديتك صاير كشخة .. محمد ممكن اكلمك بصراحة؟؟
* محمد: امريني؟؟
* دلال: يعني هاليومين شكلك وايد تتعب بالشغل من جي على طول تعرق بسرعه اظنك فاهمني حبيبي .. يعني انا ما اقول لك هالكلام الا عشان اني احبك و لو اني ما احبك ما قلته لك.
* محمد: بس انتي اول مرة تقولين لي جي و بعدين انتي من فترة بسيطة اللي قمتي تلاحظين ريحتي وله اول ما تدرين عني .. شسالفتج انتي؟؟
* دلال(بارتباك): هاااا .. لا و لا شي بس ما ادري احس ان فيك ريحة.
* محمد: سمحي لي العيب من خشمج مو مني.
* دلال(بحيرة): و الله ما ادري. <<<< و بعدها الأثنين سكتوا كل واحد يفكر في نفس الموضوع اللي يفكر فيه الثاني
* محمد: الا اقول دلولة .. اممم شخبار الدوخة اللي تجيج هاليومين؟؟
* دلال: محمد انا فاهمه اللي انت تغصدة انا الحين ما فيني الا العافية.
* محمد: بس دلال انا حاس انج حامل و انا الرجال شلون انتي الحرمة مب حاسة بروحج هااا.
* دلال(بعصبية): محمد قلت لك انا ما فيني شي و اللي فيني الحين فترة بسيطة و بيروح. <<<< عصبية دلال حسست محمد انها ما تبي تحمل منه خصوصاً و ان عندة فكرة عن البنات الصغار انهم يحبون يحافظون على جسمهم و بما ان دلال ما تحبة اكيد ما تبي تخرب جسمها على شانه اما دلال فخوفها من الموضوع مخليها تتكلم بهالعصبية
* محمد: دلال شفيج عصبتي علي ترى انا اقول يمكن .. يمكن.
* دلال(بعصبية زيادة): و لا حتى يمكن انا ما فيني شي خلاص انهي الموضوع.
* محمد(خذاها بعناد و عصب عليها): لا بقول يمكن و باجر باخذج للطبيب و مب ناطر رضاج يا هانم .. و الله .. تبين اخليج جي و كل شوي تقولين لي ريحتك, و ريحتك و انا ما فيني شي .. مستحيل اخلي الوضع يستمر على هالحال.
* دلال(بعناد): ما بروح الطبيب شرايك؟؟
* محمد(بعصبية): لا بتروحين حتى لو اضطريت اجرج من شعرج شعندج؟؟؟؟؟
​

و طلع عنها و راح قعد في المجلس, تركها و خلها .. لأول مرة دلال تكون محتاجة محمد و ما تلاقية .. لأول مرة دلال تكون خايفة و ما تلاقي محمد معاها يهديها و يهون عليها .. كانت مرعوبة ما كانت عارفة شنو تسوي شلون تقدر تمنع محمد من انه يكشف لها حقيقة اهي تدري و متأكدة مليون بالمية انها موجودة في داخلها شلون بس شلون؟؟

مضت الليلة و كانت ليله باردة كانت اول ليله تنام فيها دلال بعيدة عن حظن محمد الدافي كانت ليلة كلها كوابيس و احلام مزعجة ليله كلها خوف من المستقبل المجهول, على الساعه 9 الصبح رن تلفون دلال و كان محمد اهو اللي يتصل

​

* دلال: الوووو.
* محمد:الوووو .. السلام عليكم.
* دلال: عليكم السلام .. هلا محمد.
* محمد: عقب نص ساعه بكون عندج لبسي و تجهزي باخدج للطبيب.
* دلال: بل و لا في حتى صباح الخير.
* محمد: عندج نص ساعه يلا .. مع السلامة.​

دلال حست ان مو محمد الي يكلمها كان شخص ثاني شخص اول مرة تكلمة او تتواصل معاه ما تعودت محمد يكون معاها بهالجفاء .. ليش يا محمد ليش؟؟


*************​

و بعد نص ساعه دلال كانت جاهزه و تنتظر محمد كانت قاعدة على اعصابها تنتظر و فكرت انها تنزل عند امها تغير جو شوي لانها لو قعدت ثانية زيادة في هالمكان بروحها بيصير فيها شي من كثر التفكير .. و نزلت و لقت امها قاعدة فاضية تطالع التلفزيون.

​

* دلال: السلام عليكم.
* ام يعقوب: هلا و الله بحبيبتي .. و عليكم السلام.
* دلال: هلا فيج يا الغالية.
* ام يعقوب(اللي لاحظت وجه دلال المتغير): دلال يمة شفيج؟؟
* دلال(تحاول تغطي بتوتر): ما فيني شي .. ما فيني الا العافية.
* ام يعقوب: دلال ما بتعلميني في بنتي الي انا مربيتها .. شفيج؟؟ عسى ما شر؟؟
* دلال(انهارت و ارتمت في حظن امها): محمد يا ماما محمد.
* ام يعقوب(مفزوعة على بنتها): شفيه محمد؟؟ شنو سوى لج؟؟ مد ايده عليج؟؟
* دلال: اهئ اهئ لا .. محمد تغير علي يا ماما اول مرة يعاملني بقسوة امس.
* ام يعقوب: ليش؟؟ شصار بينكم؟؟
* دلال: انا شاكة اني حامل و انتي عارفة في هالوقت اصير كارهه ريحتة و يوم قلت له عصب علي و قال بياخذني اليوم للطبيب غصب اهئ اهئ.
* ام يعقوب(بعصبية): و ليش يعصب يعني اهو ما يدري ان هالفترة طبيعي يصير فيها هالشي؟؟
* دلال: اهئ اهئ ما ادري .. ما ادري .. اهو اول مرة يعصب علي جي.
* ام يعقوب: خلاص يا ماما خلاص يا حبيبتي لا تصيحين .. انا بخبر ابوج و بخلية يتصرف معاه.
* دلال: لا .. لا تخبرينه اخاف يتهاوشون بسبتي و هم اعز اصدقاء.
* ام يعقوب: بس ما يصير يا ماما نسكت عن حقج.
* دلال: لا مب حق بس انا غلطانة المفروض ما اقولة شي عن ريحتة لأنه اهو ما فيه شي العيب من خشمي مو منه.
* ام يعقوب: بس يا ماما .....
* دلال(قاطعتها): الله يخليج يا ماما لا تقولين حق بابا ما ابي اسبب مشاكل و اصلاً اهو اللحين لي درا اني حامل ان شاء الله بيرجع مثل اول .. و بعدين هذي اول مرة يسوي فيني جي.
* ام يعقوب: ليش سوا فيج شي ثاني بعد؟؟
* دلال: لا ما سوا بس عصب شوي .. لا تخافين الحين ان شاء الله بيصير زين.
* ام يعقوب: آآآآه عليج يا بنتي الناس يفرحون بخبر مثل هذا و انتي الحزن لاحقج .. لاحقج.
* دلال: لا يا ماما مب حزن و لا شي .. بس انا كنت متضايقة من لهجة محمد معاي امس بس اليوم اهو صار اوكي .. احسن وايد من امس.
* ام يعقوب: الحمد لله .. المهم هو متى بياخذج للطبيب؟؟
* دلال: بعد شوي قال بيمرني.
* ام يعقوب: اها.​

كانت ام يعقوب متضايقة على حال بنتها الي تقوم من هم و تطيح في الثاني لكنها حاولت تداري عن بنتها اللي في قلبها و دلال اصلاً ما قعدت معاها وايد كلهم دقايق و محمد اتصل عليها عشان يروحون للطبيب و أول ما اتصل عليها نزلت له من بعد ما سلمت على امها.

و في المستشفى من بعد ما طلعت نتيجة التحاليل و الدكتور بارك حق محمد و دلال على الحمل طلعوا الأثنين كل واحد فيهم بحال, دلال كانت خايفة من المستقبل و مو عارفة شنو بيصير لها يعني هذا اول حمل لها و من حقها يجيها هالشعور, اما محمد فكان طالع و علامة النصر على وجهه و شعورة كان شعور لا يوصف اولها بيصير اب و أخيراً و ثانيها حس انه انتصر على دلال و قدر يجيبها للطبيب و يثبت لها انها حامل منه غصبن عليها و حركات البنات الصغار هذي ما تمشي عندة غير انه اثبت لنفسة انه نظيف مب فية ريحة مثل ما قالت له دلال, و لما كانو بيطلعون من باب المستشفى

​

* محمد(اللي حاب يزيد من شعورة بالنصر و يزيد انكسار دلال): اقول دلال احسن لج تنسين الجامعه هالسنة .. انتي حامل و ما ابي يصير في ولدي شي بسبب طموحج الزايد.
* دلال(انصدمت من كلام محمد): بس انا صبرت وايد و ما اقدر اصبر اكثر وايد بنات حمّل و يروحون الجامعات ما فيها شي يعين.
* محمد: و الله شوفي انا واحد ما احب حرمتي تدرس و هي حامل .. كيفي .. بتسمينها نذاله لعانه كيفج .. جامعه ما في.
* دلال(حست انها مقهورة و من كثر القهر و الانكسار مب قادرة تنطق و اكتفت بانها تنزل راسها و بهدوء قالت): يصير خير.
* محمد(حب يزيدها شوي): اكيد يصير خير غصبن عليج.​

كانت دلال محتاجة حظن محمد كانت خايفة من خبر الحمل و كانت محتاجة تتخبى شوي في قلبه تاخذ من حنانة و تتدفى داخله .. لكن محمد سكر الباب في وجهها بسبب عدم تفهمه لحالتها و ظن السوء اللي ظنه فيها و عاندها و تكبر عليها و هي اكثر وحده كانت محتاجتة .. و كان هالوقت هو اكثر الأوقات اللي تحاجه فيها.

وصلها البيت و هو رجع الشغل و لما وصل ناداه بو يعقوب عشان يعرف وين راح, لان محمد قبل ما يروح ما خبر بو يعقوب وين بيروح و قال له لما يرجع بيخبرة

​

* أبو يعقوب: ها محمد وين رحت؟؟
* محمد: و الله شقول لك .. دلال كانت تعبانه صار لها يومين.
* أبو يعقوب(فز قلبة): سلامتها شفيها؟؟
* محمد: لا تخاف يا عمي الموضوع هين كلها دوخة و شي بسيط.
* أبو يعقوب: انزين و دام انها صار لها يومين ليش ما وديتها من اول ما مرضت.
* محمد: لأن اللي فيها مب مرض.
* أبو يعقوب(باستغراب): مو مرض ؟؟؟ شنو عيل؟؟
* محمد: حمل.
* أبو يعقوب: من صجك؟؟ احلف؟؟
* محمد: و الله العظيم دلال حامل .. أيوة أيوة بتصير جد و أخيراً .. صرت شايب ههههههههه.
* أبو يعقوب(طاير من الفرحة): ههههههه مبروك .. مبروك يا الغالي .. شوف عاد حط بالك عليها زين ترى ان صار بحفيدي شي ما بلوم احد غيرك .. فاهم وله لا.
* محمد: ههههههه الله يبارك فيك .. بل من اولها جي الله يستر لي وصل عيل.
* أبو يعقوب: هههههههه الله يا ربي يبارك لكم.
* محمد: آمين يارب.​

كان بو يعقوب فرحان و مو مصدق انه اخيراً بيصير جد و الدنيا كانت مب سايعته و كان مستعجل يبي يروح حق ام يعقوب يبشرها بس قال اكيد دلال قالت لها و ظل يفكر في الموضوع و كيف بيكون شكل دلال و هي حامل يا ترى؟؟ و يا ترى شنو شعورها الحين؟؟ يعني وايد اسأله في باله و لما وصل البيت انصدم من حزن ام يعقوب و لما سألها شفيها قالت له عن سالفة محمد و دلال و اللي صار بينهم وقتها بو يعقوب فرحته تحولت لغضب و ضحكته صارت زمجرة و كان ودة يروح لمحمد و يضربة بكل ما عندة من قوة ما كان متصور ان محمد ممكن يعصب على دلال و هي حامل, و الحمد لله ان دلال ما قالت لهم باللي صار بالمستشفى و خلته في قلبها لأنها لو قالت لهم في ذاك الوقت اكيد كان صار في بو يعقوب شي من شدة الغضب اللي كان فيه.

بوقف هني و نكمل في البارت القادم

انتظروني :37:​

 

[ملكـــــة]

الله يعطيك العافية

حافظة الرواية في المفضلة وأقرأها أول بأول

عن البارت الأخير صراحة قهروني أهل دلال مزودينها كل ماقال محمد شي زعلوا وسووا منها مشكلة​

 

[زوجي قرة عيني]

ننتظر

 

[محبة الطاعات]

بسم الله الرحمن الرحيم

السلام عليكم و رحمة الله و بركاتة

زوجي قرة عيني


الله يعافيج يارب و مشكورة على متابعتج الحلوة لي

و مشكورة على الردود الاحلى :37:

العسل كله


مشكورة حبيبتي على مرورج

و ان شاء الله تعجبج الرواية :37:

ورد الاوركيدا


مشكورة على مرورج و متابعتج حبيبتي :37:

ملكة


الله يعافيح يارب

و الله انج فرحتيني يوم قلتي لي انج حافظتها بالمفضلة و عطيتيني دفعه ايجابية قوية مشكورة فديتج


اممم عن نفسي انا حاسة ان الغلط علط دلال المفروض انها ما تقول كل شي لاهلها لان هذا كله يتراكم في قلبهم و بالتالي يخليهم يكرهون محمد حتى لو كان الموضوع بسيط و صغير على العموم في تطورات بتصير قريباً بسبب هالموضوع

مشكورة حبيبتي على مرورج اللي اسعدني وايد وايد :37:

احتمال هالفترة شوي اطول في تنزيل البارتات و ما اقدر انزل كل يوم لأن الجامعه رجعت و بحاول انزل على الأقل بالأسبوع بارتين او 3

و السموحة منكم
​

 

[سمراء بلادي]

مشكورة عالبارت الحلو واضم صوتي للملكة لاني كل رواياتج اخليها في المفضلة واتابعهة اول باول تسلمين يالغالية وبالانتظار واتمنالج التوفيق في الجامعة

 

[مهر الجنان]

الله يعطيج العافية محبة الطاعات
رواياتج رووووعة

 

[وهووجة]

كاسرة خاطري دلال

فوق ما هي متزوجة وهي صغيرة :13: وبشخص من عمر ابوها

احس محمد اناني شوي وما راضي يحط باعتباره مستوى تفكيرها :33:

:23:والام ،، مو مساعدة بالمسائلة ابدا،، احسها تزيدها طينة وكل شوي تاخذ منها الاخبار وتحطه بإذن زوجها..

ودلال ما تفصح عن مشاعرها واحتياجاتها لمحمد...

الله يعينهم،، ومثل هذه القصص نعيشها ليومنا هذا والحوار معدوم او ناقص بينا الزوجين

يعني إذا الواحد تكلم او فصح عن احتياجاته ومشاعره كانه فقد كرامته واهان كبريائه :33:

باذن الله راح نستفيد من حكاية دلال ومحمد الكثير.. عسى يا رب النهاية تكون سعيدة ومحمد ما يفرط بدلال..

متابعين لك حبيبتي

وربي يوفقك​

 

[ملكـــــة]

آب آب آب يالغالية فينكــ

ننتظركــــــــــــــــ​

 

[ديم..]

جوناآآآآآآآآآآآآآآآآن
على الرغم ان الدكتوره مانعتني عن الاب توب الاا اني ما قدرة اترك الروايه
بعد زواج اخوي قبل اسبوع العدسات عدمت عيوني وسببت انسلاخ في القرنيه وجلست 3 اياام ما اشوف بس على العلاج وغطى العين
انتبهو يابنات من العدسات لا تلبسون الا من دكتووووره
الحمدلله على كل حال

 

[سمراء بلادي]

ليش يالغالية نسيتينا ! وينك ؟كل يوم نطل عالرواية وما في جديد ننتظرك عساك بخير وربي يوفقك

 

[محبة الطاعات]

بسم الله الرحمن الرحيم

السلام عليكم و رحمة الله و بركاتة

سمراء بلادي


فديتج انا يا الغالية اولاً مشكورة على انج تشجعيني دوم

اممم و الشي الثاني انا اسفة لأني ما انزل بارتات بهالفترة

بس و الله ضغط الجامعه الأسبوعين الي فاتو شي مو طبيعي

و هذا غير تسجيل المواد و حالتي النفسية اللي ما تسمح لي

اني اكتب و غير هذا كله كنت مريضة و حالتي لله و ان شاء الله من الحين برجع انزل لكم بارتت اول بأول

و مشكورة حبيبتي على سؤالج :37:

مهر الجنان


الله يعافيج يارب

و مشكورة حبيبتي على مرورج الأروع :37:

وهووجة


مشكورة حبيبتي على هالرد الحلو

و اللي بجد بسطني يوم قريتة

اما عن دلال و محمد كان الله بالعون كل واحد منهم في وادي

و الام و الاب في وادي ثاني

بالأول ظلموا دلال بهالزواجة و الحين الله يستر من الجاي

مشكورة حبيبتي على مرورج :37:

ملكة


مشكورة يا الغالية على الأب فديتج انا :37:

ديم..

وي فديتج انا سلامات ما تشوفين شر حبيبتي

عسى ياربي الله يشفيج لا حول و لا قوة الا بالله

يعني الرواية موجودة و بتلحقين عليها بس عيونج وحدة ما تنتعوض

الف سلامه عليج عسى ربي يشفيج و يرجع لج بصرج احسن من اول

شاكرة لج مرورج حبيبتي :37:​

 

[محبة الطاعات]

بسم الله الرحمن الرحيم

كانت حالة محمد النفسية هي نقيض حالة دلال, محمد كان شعورة شي ما ينوصف يعني لو في كلمة اكثر من كلمة سعيد و فرحان بتكون هي الكلمة المناسبة لحالتة كان متشوق للجنين اللي في بطن دلال بشكل مو طبيعي, اممم بصراحة اكثر هو كان متشوق للبنت اللي في بطن دلال بشكل مو طبيعي لأن محمد كان في باله انه يبي بنت و دام انه يدعي ليل و نهار و يتصدق و مسوي اللي عليه من الناحية الدينية اذاً اللي في بطن دلال بنت و نسى ان مهما الأنسان تمنى اي شي هالشي ما يصير الا لما ربنا يقول له كن, اما دلال الوردة الذبلانة فحياتها صارت كلها قلق و تفكير و خوف من المستقبل المجهول خصوصاً مع التغير اللي صار حق محمد و بطنها اللي قاعد يكبر يوم عن يوم و دلال ما كانت تبي تخبر امها عن وضعها مع محمد لانها كانت خايفة انها تثقل على امها بمشاكلها.

أما بالشركة فبدأت تنشأ علاقة صداقة قوية بين محمد و مطلق و ماجد و في يوم من الأيام محمد كان قاعد في مكتبة و سمع طرق على الباب

​

* محمد: تفضل.
* مطلق(و هو يطل براسة داخل المكتب): تسلم يا بو صالح.
* محمد: ههههه هلا و الله بطوط هع.
* ماجد(وهو يدخل ورا مطلق): هههه لا تقولة طوط لا يهيج علينا الحين.
* مطلق(معصب): هي انت وياه .. شنو يهيج و شنو طوط انتوا ما تستحون تبون ادوس ببطونكم الحين؟؟
* محمد: ههههه لا لا مشكور ندري انك قوي بس انت اللي بديت.
* مطلق: تسمح تشرح لي شلون أنا اللي بديت؟؟
*محمد: انت قلت بو صالح و انا واحد خاطري ببنت يعني قول يا بو مريم.
* مطلق: الحمد لله و الشكر في واحد بالعالم للحين زوجتة ما ولدت و يقول يبي يسمي نفسة بو فلانة اذا حتى اللي عندهم بنات ما يحبون ينادونهم بأسمي بناتهم مب مثلك.
* محمد: و انت شدخلك يا اخي انا ابي تسموني بو مريم انت شضارك؟؟
* مطلق: مو ضارني شي و انا شعلي منك .. انت حر.
* محمد: المهم ما قلتوا لي شنو سبب الزيارة اللطيفة الضريفة اللي حضرتكم مشرفيني فيها.
* ماجد: الله يسلمك طوط يبي يسألك عن وحدة تصير لكم و جايبني معاه خطابة ههههه.
* مطلق(يضرب ماجد على كتفة بعصبية): انت هيييي شنو خطابة استح على وجهك هذا و انا جايبك لي عون.
* ماجد: تصدق انا الغلطان اللي جاي معاك انت ما تستاهل الحين انا فتحت لك الطريق و تقوم تضربني بدل ما تشكرني.
* محمد: شالسالفة؟؟ شفيكم؟؟
* مطلق(بتوتر): ما في شي و اصلاً انا ما ادري اذا البنت تصير لك وله لا بس كنت حاب اسأل عن البنت اللي شفتها اول يوم جيتك فيه يعني هي قالت لي انها زايرة ناس عندكم في الطابق ...
* محمد(قاطعه): غصدك جمانة؟؟
* مطلق(في قلبة يقول جمانة يا زينة من اسم و بتوتر قال): اللي لما عطيتها الرقم طنشتيني و زفتني.
* ماجد: هههههههه نو كمنت الصراحة احراااااج.
* مطلق(بعصبية): جب انت.
* محمد: هههههه يحليلك يا مطلق .. اممم ما قلت لي ليش تسأل لأن اذا غصدك شريف مستعد اوصلك لي ابوها بس لو عندك نية مو شريفة من الحين سكر على الموضوع.
* مطلق(باندفاع): شريف و الله شريف.
* محمد: ههههههه صج مستعيل .. طيب اسمع يا ولد الناس جمانة هذي صديقة المدام خلني اسأل لك عنها عدل و عقب اخبرك بكل اللي يسرك .. شنو قلت؟؟
* مطلق: يكون احسن .. و يكون جزاك الله الف الف الف خير.
* ماجد: هههههه محمد صرت انت الخطابة الحين.
* محمد: ههههه شفت شلون.
* ماجد: انزين انا جوعان ابي اكل الحين الحين وله ترى باكلكم.
* مطلق: بل بل متوحش .. اقول محمد قوم خلنا نفطر لا ياكل الأخ ماجد.
* محمد: هههههه اي و الله .. يلا انتوا سبقوني و انا دقايق و بجيكم الكافتيريا.


​

اما بالنسبة للشركة من الناحية المادية فهي بدت تصير من اكبر الشركات في مجالها في الديرة و بدوا محمد و بو يعقوب يفكرون كيف يطورون هالموضوع.

​

يتبع :37:​

 

[ديم..]

لاآآآآآآآآآآ حرام عليك حبووبه مرررررررررررـآ البارت قصيييييييييير
في انتظاركـ