™`•.¸¸.•¤¦¤`••._.• ][ماهية علاج الروكــتــان ][ `•.¸¸.•¤¦¤`••._.•`™

[روحي روحكـ]

مشكوره ع الموضوع الرائع انا في الكورس الاول و باقي لي نص الشهر واخلص
يارب يتمم ع خير
وفعلا الى الان فيني اثار حب لونها فاتح!!
بس مشكله بصرااااااااااااااااحه اذا في اكثر من كورس للعلاج... مره قوي
ودي يابنات نتفاعل مع بعض وايش الاخبار الجديده لكل بنوته؟؟
علشان نستفيد من بعض
وشكرا

 

[حايمتن تسبدي]

حبايبي أنا بي حب شباب بس مومرة كثير يعني حبة حبتين بس كبار

وتبقى آثاره لما رحت للدكتورة رفضت تعطين الروكتان تقول لأنه خفيف مايحتاج بس عطتن كريم (مصل) أحطه مباشرة على الحبوب يقشرهن
بس أحس مافي فآيده وش تنصحوني أحس كل يوم تنتشر الحبوب بمساحة أكبر..:sad_1:​

حبيت اقولك يابعدي حالتي نفس حالتك اثار حبوب وخفيفه ورحت اعالجها وصرفت لي كريمات لكن مانقطعت الحبوب ويبقى اثارها وصرفت لي بعدها الدكتوره الروكاتين لانه مااراح يقطعهم الا هي :exclamationpoint:
وانصحك بعيادات ادمه الدكتوره سماح شاطره وفاهمه ياعسل :icon30:

 

[ماتفرقناالليالي]

حباااااايبي في نقطه نسيت اقولها وهي ان انفي صااااار انحف من اول يعني صااار كاني مسويه عمليه تجميل والسبب ان الدهون تكبر الانف والحين الحمد لله صاار انفي شكله احلى والحمدلله

 

[كرسبي]

مشكووووووووره يا قلبي ع الموضوع الرائع بس عندي أستفسارات كثيره أنا استخدمته شهر كامل هل هذي مدة كافيه أم لازم أكمل شهر ثاني لأني حسيت بتحسن بس توني خلصت الشهر يعني مايمدي النتيجه تبان ع طول وبصراحه انا استخرت قبل ما استخدمها لأني كل ما استشير طبيبه تقول حالتك ما تستدعي أستخدامه مع العلم ان وجهي مليان واثار الحب كثيره مره والحبه متوسطة الحجم وتقول ما ينفع عشان انتي متزوجه ويعتبر مجازفه المهم اني استخدمته وياليت تفيدوني ياخبيرات ويا مجربات

 

[روحي روحكـ]

السلام عليكم

هلا حبيبتي انا الحين خلصت الكورس الاول ونصيحيتي حتى لو كنتي متزوجه <<مع ااخذ الحيطه لازم تستمرين
الحمدالله الحين وجهي صااافي ما تتخيلينه قبل كان شي يخوف كملي
واتمنى لك الشفااء وجميع الاخوات
ياليت نستفيد من تجارب بعض وربي اني عندي اشيااء تجنن بس ما افي احد يتفاااعل بلموضوع

 

[كرسبي]

الله يعطيك العافيه عيوني ع الرد بغيت أسألك عن الكورس كم مدته شهر شهرين أو أكثر ؟
ومتى أترك أستعمال الحبوب هل أذا خلاص ماعاد تطلع أو أذا راحت أثار الحبوب ..
وهل فيه كريمات وصفتها لكم الطبيبه عشان الجفاف ...لأن شفايفي ناشفه مررره ....
وأشكرك مرة ثانيه ع الرد

 

[روحي روحكـ]

هلا اختي:32: انا بصراحه وبصدق انصحك .. يكون العلاج تحت اشراف طبيب
علشان الدم وكيف وضع جسمك يتحمله او لا.
وثااني شي انا الكورس الاول سويته ب6 شهور وانا طلبت من الدكتور اني استمر ع حجم 10 غرام
والجفاف طبيعي حيلك بلفاازلين الصديق الصدوق
وااخر شي انصحك نصيحه لوجه الله لاتحطين ع وجهك ولا تسوين شي لا كريم ولا خلطات وربي وجهي ما شفى غير من الخلطات الطبيعه وخصوصاا الحلبه مع ماء..>>تحصلينه من المنتدى
وانا عندي مراجعه لدكتور واي شي جديد بخبرك اختي..

 

[رماريمو]

يسعد أوقاتكم ياحلويييييين
أنا استخدم الروكتان الآن
وهذا خامس شهر لي
باقي لي بس شهر وأخلص
جرعتي 40 غرام
حسيت بالبداية بصدااااع رهيييييب ... وألم في المفاصل
بس خفت هالأعراض في الشهر الثاني ولله الحمد
وكل شهر أحسن من اللي قبله ياربي لك الحمد
في زيارتي الأخيرة للدكتور أعطاني بعض النصائح
لجمال البشرة بشكل عام

لي عودة بإذن الله

 

[رماريمو]

مرحبا
.
.
أختي كريسبي انتببببببهي تستعملين الحبوب من دون اشراف طبي
لأنها ثؤثر على وظائف الكبد
لازم تحليل كل شهرين عالأقل
وبالنسبة للجفاف
ضروري تستخدمين كريم مرطب
أنا صرف لي الدكتور كريم ليبوبيز وقال لي ما أقيدك فيه لك الحرية في كريم الترطيب اللي ترتاحين له بس يكون طبي وغير معطر طبعا
وأعطاني قطرة لجفاف العين isotears
وفازلين للشفايف وقال لي اذا تحبين تستخدمين مرطب شفايف فأفضلها لابيللو أو مرطب الشفايف من GNC
.
.
.
نجي الآن للنصايح اللي أعطاني
.
.
سألته عن كريمات العناية بالرقبة وماحول العيون بما أنها منطقة لها نوع مختلف
قال: ومن قال انها غير !!!!
هي نفسها لكنها أرق
لذلك لاتحتاج لنوع معين من الكريمات وإنما تحتاج لمزيد عناية
وسألني : تبغين بشرة حلوة ونظرة من دون كريمات؟
قلت هااااات اكيد انها أسهل من الكريمات
تدرون وش قااااااااال
.
.
.
.
أكل صحي
رياضة
ابتعدي عن الشمس
والسهرررر
والقهوة
<<< الكريمات أرحم ... والا ؟؟؟ ههههههه

وقال لي اذا أنتِ ملززززمة تبين كريمات فأنصحك باستخدام ريتن A
مسحة خفيفة قبل النوم
المادة الفعالة فيه أثبتت فعاليتها مئات الآلاف من الدراسات
قال لي بس اللي عندها نية حمل أفضل أنها توقفه
.
.
أتمى أكون أضفت معلومات مفيدة
ان تذكرت شي رجعت أضيفه
واللي عندها سؤال لايردها شي
أنا في الخدمة

 

[رماريمو]

أنا معاك روحي روحكـ
وش جديدك؟
واذا عندك استفسار تراني بالخدمة << بحكم اني في نهاية العلاج
نبغى تفااااااااعل يا حلوييييييين
كل وحدة تعطينا معلوماتها
كم جرعتها؟
وين وصلت بالعلاج؟
وش الآثار الجانبية اللي تعاني منها؟

 

[روحي روحكـ]

هلا رمار ميو ..كيفك حبيبتي<<
انا سالت دكتور مثل اسالتك ياسبحان الله بس اعطني علاج للهلات والله قيمته غالي بس ماسوووى شي.
المهم اا مبسووطه كثير بوجودك
ووو بقولك شي انا طوول فترره الكورس استخدم.. 10 غ متخوفه جدااا من الاحجام الكبيره بصرااحه الله يتمم عليك وانتبهي لنفسك بصرااحه مغاامره.

 

[***حلولو***]

شكرا لك

*
*

 

[رماريمو]

أهلين ياعسل
.
.
الجرعة تتحدد على حسب الوزن
يعني لكل كيلو من وزنك نصف غرام إلى ثلاث أرباع غرام من العلاج
واللي حالتهم شديييييييييدة ممكن 1 غرام لكل كيلو
يعني أنا وزني 56
لو قسمت 40 على 56 يطلع أقل من ثلاث أرباع غرام لكل كيلو <<< بااااااااااين وش تخصصي .... والا؟؟؟؟هههه
.
.
وبالنسبة لكريم الهالات مرة وصفت لي الدكتورة آمنة اللي في مركز الحبيب كريم اسمه سيتريك
سعره 150 ريال تقريبا
وانا اصلا ما أعاني من الهالات بس من زود الحرص
.
.
طيب ما لاحظتوا تغير في المزاج؟ دايما معصبة؟
ومين دكتورك؟ لأني لاحظت فرق بين الخاص والحكومي
علعلوا بي الخاص ولاااافيه نتيجة تذكر
قلت يابنت
جربي الحكومي << بحكم عمل الوالد لنا عيادات خاصة vip
وأدخل على استشااااري سعودي
تحسين ما عندهم خرابيط كثيرة
جدي وعملي
والنتائج الكلللل لاحظها
.
.
أتمنى أكون قدمت لكم شي مفيد
مع خالص تحياتي

 

[روحي روحكـ]

مسااء الخيرر

سعيده جداا بتوااصلنا اخيتووو
انا عند عياده ادمه بريااض عند دكتوور سطان .. والله نشبت في حلقه رفضت ازود الجرعه:33: انا استخدام 10 غرام ووزني 60 وطولي 163
وووولان ماما وبابا بعد راافضين ازود الجرعه ويمكن اطول في العلاج ع 8 اشهر بس ما ازوود الجرعه ..:8:

حبيت اسالك يالغلا فادك الكريم الي ذكرتيه للهلات السودا!!

 

[رماريمو]

أهلين حبيتي
تلاقين الكلام عن الجرعة المناسبة مع الوصفة اللي بكرتونة العلاج
جرعتك مرررره قليلة
واذا الدكتور شايف تزيدينها انصحك زيديها
عالأقل 20 غرام
وأنا ولله الحمد كل مره أحلل ويقو لي تحاليلك تمااااااااااام التمام
بس ترا أنا من طبيعتي أكلي صحي يعني مااااااا أحب الفاست فود أبدا
وأكثر من شرب المويه
وهاليومين ابتديت أخفف قهوة ...
.
.
وبالنسبة لكريم الهالات اعجبني انه مو دهني ولا يزعج في الاستخدام
وزي ماقلت لك انا ما اشتكي من الهالات بس زيادة اهتمام
كفايه انه ترطيب مثل ما قال لي الدكتور هالمنطقة يبغى لها مزيد عناية
وابعدي عن السهررررررر
على الأقل نومي كم ساعة بالليل
.
,
وأعطاني نصيحة عن واقي الشمس
قال لازم تحطينه قبل ما تطلعين بنصف ساعة
ويفضل الـ SPF يكون بين الـ 35 والـ 60
واعطاني كم ماركة مثل
SVR
ROC
Ducray
اختاري منها اللي يناسبك

 

[روحي روحكـ]

هلا وغلا بك يعطيك العافيه يااقلبي ..
مشاء الله عليك الله يتمم عليك الصحه والعااافيه
بصرراحه احس اني اقنعت بكلامك بس وش يخلي ماما وبابا يقتنعووون شكلي بعد ما احلل
بشريه وهم ما يدرووون,,, بس ما خبرتيني عزيزتي انتي كم لك الحين من الكرووس .

 

[رماريمو]

أهلين ياحلوه
.
.

أنا الآن داخله عالشهر السادس <<< حسيت وكأني وحده حااامل هههههه
وبالنسبة للماما والبابا تقنعيهم بالحساااااااب
.
.
عندي رابط ملف مسوينه أخوات يستخدمون الروكتان
مرررررررره حلووو
لكن للأسف أنا جديدة على المنتديات وما أعرف كيف أضيف الرابط
لعلي المرة الجاية أكون تعلمت كيف
وإذا عندك أي استفسار أنا بالخدمة .
.
.
مع خالص تحياتي

 

[كرسبي]

الله يعطيكم العافيه أختي رماريمو وكذلك أختي روحي روحك .......
أنا متابعه لكم من بعيد لبعيد وحريصه ع قراءة ردودكم وأستفدت منها كثير ...ومازلت أتابع
مشواري في العلاج لكن أتمنى أتركه نصف الشهر هذا وأكون بكذا كملت الشهر ونص فقط
أولآ لأني حاسه بتحسن ولله الحمد ثانيآ لأن زوجي يقول خلاص أتركيه ...بس إلى الحين محتاره
أتركه ولا أكمل ع الأقل ثلاثه شهور ....حاليا أستخدم جرعة 20 وحده صباحا وحده مساء
وأشكركم مره ثانيه ع ردودكم عن أستفساراتي ..........

 

[رماريمو]

هلا وغلا بكرسبي
حبيبتي ما أدري ليه تمشين على رايك؟
أنتِ ما تتابعين مع دكتور؟؟؟؟
وبعدين أنصحك تقرئين الورقة اللي في الكرتونة بتلاقين فيها كلللل شي
وهذي نصااايح مني عالسريع
أولاً : كلنا تحسنا وشفنا نتيجة من الشهر الأول وكل شهر أحسن من اللي قبله وهذا مو معناه توقفين العلاج لاااا... أبدا
ثانياً:لااابد من التحليل كل شهرين عالأقل, للتأكد من عدم تأثير العلاج على الكبد
ثالثاً : لابد من إنهاااااء الكورسات كاملة
وأعرف بنات وقفوا العلاج من أنفسهم ورجعت لهم الحبوووووب
وناس أخذوه من دون متابعة وصار عندهم ارتفاع في الكوليسترول
رابعاً : الروكتان يسبب تشوهات للجنين ... لو زوجك قصده علشان الحمل فلازم ماتحملين حتى بعد ماتوقفين العلاج على الأقل 6 شهور
.
.
أتمنى أكون أفدتك
ولا تحرمينا من مشاركتك

 

[كرسبي]

مرحبــــــــــــــــــــآ رماريمو ...... كلامك معقووول جدآ بس مشكلتي إن الطبيبه نفسها تقول ما يحتاج
مع إني أعاني منه من المتوسط يعني من مراهقتي إلى الآن تزوجت وأنجبت ومع ذلك مارااااح ...
قمة الأحراج قدام زوجي وقبل كذا نفسي.... والطبيبه مصره ع رايها يمكن عشان الحمل ...
إن شاء الله بروح حق وحده ثانيه ...وماأدري هل المستوصفات الحكوميه تعالج بالركوتان
ولا لا مع أني رحت لأهليه تعطيني فقط مضادات حيويه وواقي شمس ...........
والله يعطيك العافيه ياقلبي ,,,