ابشري يالغلا انا فعلا كنت ماشيه على رجيم الكربوهيدرات بالنسبه إذا ذكر في الرجيم استيك لحم او دجاج انا على طول كنت اخذ همبرغر اشويه بالفرن من دون اي قطره زيت على طول اخذه من الفريزر واشعل النار عليه من اعلى واذا حمر اقلبه من الجهه الثانية واكله بالعافيه لذيذ مره ,,,, اما شوربه الخضار فكنت اخذ كوسه وجزر وفاصوليا الي موجود عندك من خضار كله حلو الا البطاطس مااحطها ابد في الشوربه لأنها تسمن طبعا اسلقها بمويه واحط عليها بصل انا اقطعه شرايح وشويه ملح وشويه بهارات واخليها لين تنضج وبعد ماتنضج تمام اخلطها بالخلاط الكهربائي لين تصير ناعمه واحط عليها ليمون علشان استسيغ طعمها وكانت لذيذه نوعا ما ,,, اما بالنسبه للحلويات فعلى طول كنت اخذ باونتي لأنها اخف الحلويات من ناحيه السكريات هذا ماذكرته الأخت الي منزله الرجيم الله يذكرها بالخير ,,, بس كنت اخذ قطعه واحده فقط واحيانا اكل الثنتين اذا حسيت ان جسمي محتاج للحلى واذا كنت شبعانه اكتفي بقطعه فقط وتقدرين تاخذين اي نوع حلى على كيفك بس لو تدورين الحلويات الي خاصه بالرجيم والحميه افضل طبعا وماتكثري يعني تاكلي صحن كامل مليان حلى لا اكتفي دائما بقطعه واحده فقط بس على النفس علشان ماتحرمي نفسك واي استفسار انا في الخدمه يالغاليات رجيم سهل وممتع وانصح كل واحده تطبقه وينفع لو فيه اكثر من وحده تطبق نفس الرجيم ونفس الأسبوع يكون الحماس اكثر والتطبيق للرجيم افضل والله يوفقكم جميع ,,,,
