يلا نطبخ ونتسلى الكل يشارك ويضحك

اجا الصيف والدنيا حر يعني رح نخفف من الاكلات الدسمنة ونستقبل رمضان ان شاء الله بطبخات خفيفة وصحية .
 
هذا وين شفت هذا الموضوع الزيين

اممم يا ضجى قلبي رايح يطيح كهدراي على الشخشوخة توحشتها بزااف
بصح حنايا في قسنطينة عندنا شخشوخة الظفر ولا السيار
وتاع المطبق نسميوها شخشوخة لفطير **
هاذي شخشوخة الاصلية هههه
**


وهذا لفطير**


**/SIZE]http://up.niswh.com/
 
اييييه على قسنطينة وسيدي راشد **وقنطرة لحبال ، وسيدي مبروك وبن باديس وسوق الدقسي تشفاي عليه كنت نروح في الشتاء باه نشري كلش صولد هههه تعرفي وين كنت نسكن ؟
فيلالي الحي لي بجنب الامير الجامعة الاسلامية نمووووت على قسنطينة وتوحشتها يااااسر**
انا نحب التليتلي القسنطيني **.
 
اممم شخشوخة على الصباح شهيتوني و انا اعمل شخشوخة راىعة و خاصة تاع السيار لكن للاسف زوجي لا يحب العجاىن**
 
ضحى اماني قال:
اييييه على قسنطينة وسيدي راشد **وقنطرة لحبال ، وسيدي مبروك وبن باديس وسوق الدقسي تشفاي عليه كنت نروح في الشتاء باه نشري كلش صولد هههه تعرفي وين كنت نسكن ؟
فيلالي الحي لي بجنب الامير الجامعة الاسلامية نمووووت على قسنطينة وتوحشتها يااااسر**
انا نحب التليتلي القسنطيني **.
أنقر للتوسيع...

كنت تدرسي في الجامعة الاسلامية؟
انا درست شهور فقط اول سنة وتوقفت ههههه
 
ايه كنت ثما .
جولي حبيت نسقسيك على ومرقا حمراء وتفقصو فيها البيض وش اسمها ؟
مافيها والو غير صوص وبيض ؟
 
مرقة**حمرا ونقصو فيها البيض؟؟ انا في عايلتنا نديرو شطيطحة جاج مرقة حمرا مع طرف جاج مفتت ونفقصو فيها بيض لخرا مانعرفهاش ههههه
 
انا محتارة كيفماه تجي البيضة مكورة ماشي مفتوحة ?
جولي شخشوخة المريش ماشي ثقيلة خفييييفة ورقتها كيما تاع الملسوقة في الرقة ( ورقة البوراك )
تجي تهبل**
 
نموووووووت على الشاوية
وهدرتكم
رحت لقسنطينة وكليت الشخشوشة
بصح هم كانوا موجدينها من قبل
يابسة وما نعرف كيفاش طيبوها
وكليت راس الخروف
ما نعرفش كيفاش تقولو في الشاوية
بصح يهبل عملوه في الفرن بالزعتر
وعملو معاه حلو وفي الحلو عملو
نجمات من اللوز المرحي واو يهبل.
 
لالا يا لعزيزة لعزيزةختي الحديقة السرية ماكش غريبة انت اختنا وكل ولاية في الجزائر ترحب بيك .
راس لخروف نسموه بوزلوف .
طاجين لحلو او المرقة لحلوة او شباح السفرة كي يكون مزين بازهار من عجينة مكونة من لوز مرحي .سكر .بياض بيض وتشكلي وتغمسي في البياض وتقلي وتزيني بيهم الطاجين لحلو .
الشخشوخة انواع .
شخشوخة الظفر**
شخشوخة المريش او الرقاق**
شخشوخة السيار
ارواحي عنا هاد الصيف وتشبعي شخاشخ ، وزلزف ، نعملك الملوخية تعرفيها ؟
 
الله يحفظك أخيتي احنا بالشرق ما نطيبوش الملوخية اوراق كيما المشرق نطيبوها مرحية بالكرشة او بلحم العجل او لحم الخروف بنييينة لي ما يعرفهاش يقول حناء هههه بصح كي دوقيها تعجبك .
 
الدنيا قايما وتعرض في بعضاها وانا ماكانش
هذا رمضان رايحا نعقبو في بلادي ونستفر ثم ههههاي
 
ماشاء الله تبارك الرحمن الله يسهلك اخيتي جولي وعقبال اختنا الحديقة السرية يتم بيتها ع خير والله مافي أحلى من رمضان بين لحباب بالحبيبة بلادي .
 
السلام عليكم ياحلوات
اني من العراق
اليوم الغدا رز اصفر ودجاج شوي وسلطة ورقي بطيخ يمكن يسموه عندكم وخضرة
ومرق باقلاء خضرة جدا لذيذه

عند شبع البطون تعمى العيون هههه:25:
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل