لا ادري من اين ابدأ... المهم انا متزوجة من 14 سنة وعندي خمسة ابناء ...كان زوجي متزوج من قبلي من مصرية عندما كان يدرس في مصر وكان يحبها ويموت فيها وخلف منها بنت من غير علم اهله ... بس كان دايما يطلب منه ان يتزوج من الامارات وهو يصبر ابوه بالدراسة وانه مايبي يتزوج الحين عشان الدراسة ...بس وافق مع الحاح من ابوي وخطبني غصب وملجنا وبعد يومين رجع مصر وطبعا ما شفته الا بعد 6شهور لمدة اسبوع وراح مرة ثانية مصر للدراسة .. ولين الحين ما في احد يدري انه متزوج ... بس ايام الملجة ما كان يتصل من مصر فيني .. حتى يوم كان موجود في البلاد كان يجني بعد عدة مكلمات ما كنا نطلع .... كانت طريقتنا الوحيدة هي الرسائل مع ان كنا في 1994.... بعدها تزوجنا في 1995 ورحنا شهر العسل 10 أيام ورجع مصر عشان الدراسة وبعد ما كان يتصل من هناك انا كنت اتصل مرة في الاسبوع .... هو ماكان يحب يتكلم معاي وايد... وبعد ثلاث شهور من الزواج وهو في مصر عرفو اهلي انه متزوج من مصرية وعنده بنت بس ما قالوا لي وانتظروه حتى رجع وواجهوا أهلي بالادلة صور امام والده فانكر خوفا على أبوه ... وقالو لي لاتروحين معاه بس الوالدة ما رضت ..الوالد متوفي قبل زواجي بشهر .. ورحت معاه وبعدها طرشوا شريط فيديو وكان الصدمة الكبيرة شو عرس كان امسوي في أحسن قاعات الاسكندرية ورقاصة وهو كان يرقص معاها كل ما مايخطر ببالكم من اعراس مصر...بعدها راح طلقها مو عشان خاطري عشان ما كان يحبني عشان أبوه... ياب الورقة لابوه ...
وانا كان عايش معاي جسد بلاروح (جماد) لايتكلم لايناقش لايبتسم ... اذا تكلمت مايعجبه ..وكل شيء لا. الرقص ممنوع ..الخروج الكثير ممنوع ..الذهاب للوالدة نهاية الاسبوع..الصديقات ممنوع ..الاعراس ممنوع الا اهلي ..ما كن يطلع معاي بروحي الا اذا اهله معاي ..يطلع ويرد مالي حق أسأل وين كان والا عصب ..يسافر من دون علمي ويرد يقول اسويها لك مفاجئة... حتى الجنس كان معاي بارد ما كان اييني لازم انا اروح احط راسي على صدره حتى يحس حتى انه ما كان يلمسني ويحضني كان يخلص بسرعه عشا يفتك مني ... كان يتهمني بالبرود مع انه حار بس ما كان يحبني وما كان طايقني لاني ما كنت أعجبه... بس انا طيبه وعلى نياتي ما احط في بالي هذي الاشياء كنت اقول هو غلط وطلق وعايش معاي خلاص باصبر عليه بس ما تغير الا هذي السنة شوي
هذا الصيف احضر بنته المصرية من مصر من غير الام لانها تزوجت .. احضرها عشان اذا عجبها الحال تبقى معانا وانا ما رفضت ...من اكتشفت أشياء ما كنت اتوقعها منه من سوالفه في مصر من بنات وخرابيط ثانية ...واكتشفت انه على علاقة مع خالتها من يوم ما ترك مصر وانه يكلمها على الماسنجر وبالتليفون ...احلى الكلام والضحك ..يوم اقول ليش ما تتكلم معاي يقول ما عندي شي اقوله ...من ثلاث شهور كان امطرش لي ايميل وفي ايميلها بنت شافت وقالت ليش ايميل خالتي عند ابوي ..رحت وقلت له وانكر قال ايميل واحد قلت له راح اتاكد باجر الجبان اليوم الثاني قال انها خالة بنته يكلمها عشان يعرف بنته شو تقول عنه...سكت ومافتحت الموضوع مره ثانية..بعدها بشهر شفت في تلفونه الثاني تذكير بيوم ميلادها وقلت له وانكر وقال لصديقي وقلت بسأل وسالت وطلع عيد ميلادها وسكت ...وهددني ان فاتحته بالموضوع راح اشوف شي ما شفته ... وسكت لين قبل كم يوم بعد ما تغير صفحة الهوت الميل ويبن انتي شبكتي مع منو ...شفت ان انضم لشبكتها كل هذا طالع في ايميلي سكت لمدة اسبوع وبعدها كان قاعد على النت قلت له براويك شيء ..يوم راويته ما عبجبه وقلت لها تعرف تشبه نجوى كرم اللي تعجبك وايد ...قلت له شو رايك قال اسكتي وروحي فوق قلت له ما بروح وعليت صوتي ادافع عن نفسي كان بيضربني وقال اني ما احترمه قلت له انا ما احترمك (والله عمري ما سبيته ولالعنته ولااهنته كل حاضر بس هو يسب يلعن صفعني 4مرات ذلني اهاني طمس شخصتي اخرها يخونني 14سنة ويهددني ) وانا ساكتة مافي احد من اهلي يدري بس يعرفونه انه مو اجتماعي وبخيل ... تهاوشنا وطلعني انا الغلطانة وهو لاعت جبدة مني وطلع ينام في غرفة ثانية لمدة 3 ايام وصادف ان خطوبة ولد خالتي كان الخميس اللي طاف تاريخ 26-3-2009 وقال ما تروحين ما قلت شيء قلت لامي اني ما راح احضر الخطوبة قالت ليش قلت لها زوجي قال لا قالت بكلمه قلت لا .. اتصلت امي وسألت ليش ما اتخليها تحضر الخطوبة قال اني قليلة الادب لامي واني طولت لساني عليه بس ما قال ليش ..بس انا ما قدرت امسك نفسي انا ساكته طول هذه السنين ومافضحتها ويطلعني انا الغلطانة ..قلت لامي انه يخونني مع خالة بنته المصريه .... يحبها ويموت فيها ومايرضى عليها اي كلمة ..مع انها اتشيش وتسهر وترقص وهو كان يرقص معاها ايام زمان ...
وانا مايتذكر لي ولا مناسبة حتى اني يوم ربيت اخر مره من سنتين وانا في النفاس ما فكر يزورني لافي المستشفى ولا في بيت امي حتى ما اتصل يسأل عني لمدة اسبوعين الحبيب موفاضي لي
الحين صرت اكره بعد الحب الكبير اللي كان في قلبي له سامحته وايد لكن هو قلبه خايس ومايسامح ابدا لازم انا اروح اصالحه حتى لو هو الغلطان والا ما كنا عشنا مع بعض طول هذه السنين على الحلوة والمرة لازم طرف واحد يتنازل....بس هذي المرة ماني قادرة اسامحه لان لين الحين راكب راسه وما صالحني...
انا مالي الا ربي ادعو له واصلي له صلاة القيام بس محتارة ما اعرفكيف اتصرف حتى لو راضاني ابي اقيد بشروط بس ما اعرف كيف حتى ما يتمادى
اتمنى يردون علي الاستشاريات بسرعة حتى احافظ على بيتي وعيالي وانا مازلت قاعدة في بيتي وهو موجود والحين ينام في الغرفة معاي بس كل واحد في حاله
وانا كان عايش معاي جسد بلاروح (جماد) لايتكلم لايناقش لايبتسم ... اذا تكلمت مايعجبه ..وكل شيء لا. الرقص ممنوع ..الخروج الكثير ممنوع ..الذهاب للوالدة نهاية الاسبوع..الصديقات ممنوع ..الاعراس ممنوع الا اهلي ..ما كن يطلع معاي بروحي الا اذا اهله معاي ..يطلع ويرد مالي حق أسأل وين كان والا عصب ..يسافر من دون علمي ويرد يقول اسويها لك مفاجئة... حتى الجنس كان معاي بارد ما كان اييني لازم انا اروح احط راسي على صدره حتى يحس حتى انه ما كان يلمسني ويحضني كان يخلص بسرعه عشا يفتك مني ... كان يتهمني بالبرود مع انه حار بس ما كان يحبني وما كان طايقني لاني ما كنت أعجبه... بس انا طيبه وعلى نياتي ما احط في بالي هذي الاشياء كنت اقول هو غلط وطلق وعايش معاي خلاص باصبر عليه بس ما تغير الا هذي السنة شوي
هذا الصيف احضر بنته المصرية من مصر من غير الام لانها تزوجت .. احضرها عشان اذا عجبها الحال تبقى معانا وانا ما رفضت ...من اكتشفت أشياء ما كنت اتوقعها منه من سوالفه في مصر من بنات وخرابيط ثانية ...واكتشفت انه على علاقة مع خالتها من يوم ما ترك مصر وانه يكلمها على الماسنجر وبالتليفون ...احلى الكلام والضحك ..يوم اقول ليش ما تتكلم معاي يقول ما عندي شي اقوله ...من ثلاث شهور كان امطرش لي ايميل وفي ايميلها بنت شافت وقالت ليش ايميل خالتي عند ابوي ..رحت وقلت له وانكر قال ايميل واحد قلت له راح اتاكد باجر الجبان اليوم الثاني قال انها خالة بنته يكلمها عشان يعرف بنته شو تقول عنه...سكت ومافتحت الموضوع مره ثانية..بعدها بشهر شفت في تلفونه الثاني تذكير بيوم ميلادها وقلت له وانكر وقال لصديقي وقلت بسأل وسالت وطلع عيد ميلادها وسكت ...وهددني ان فاتحته بالموضوع راح اشوف شي ما شفته ... وسكت لين قبل كم يوم بعد ما تغير صفحة الهوت الميل ويبن انتي شبكتي مع منو ...شفت ان انضم لشبكتها كل هذا طالع في ايميلي سكت لمدة اسبوع وبعدها كان قاعد على النت قلت له براويك شيء ..يوم راويته ما عبجبه وقلت لها تعرف تشبه نجوى كرم اللي تعجبك وايد ...قلت له شو رايك قال اسكتي وروحي فوق قلت له ما بروح وعليت صوتي ادافع عن نفسي كان بيضربني وقال اني ما احترمه قلت له انا ما احترمك (والله عمري ما سبيته ولالعنته ولااهنته كل حاضر بس هو يسب يلعن صفعني 4مرات ذلني اهاني طمس شخصتي اخرها يخونني 14سنة ويهددني ) وانا ساكتة مافي احد من اهلي يدري بس يعرفونه انه مو اجتماعي وبخيل ... تهاوشنا وطلعني انا الغلطانة وهو لاعت جبدة مني وطلع ينام في غرفة ثانية لمدة 3 ايام وصادف ان خطوبة ولد خالتي كان الخميس اللي طاف تاريخ 26-3-2009 وقال ما تروحين ما قلت شيء قلت لامي اني ما راح احضر الخطوبة قالت ليش قلت لها زوجي قال لا قالت بكلمه قلت لا .. اتصلت امي وسألت ليش ما اتخليها تحضر الخطوبة قال اني قليلة الادب لامي واني طولت لساني عليه بس ما قال ليش ..بس انا ما قدرت امسك نفسي انا ساكته طول هذه السنين ومافضحتها ويطلعني انا الغلطانة ..قلت لامي انه يخونني مع خالة بنته المصريه .... يحبها ويموت فيها ومايرضى عليها اي كلمة ..مع انها اتشيش وتسهر وترقص وهو كان يرقص معاها ايام زمان ...
وانا مايتذكر لي ولا مناسبة حتى اني يوم ربيت اخر مره من سنتين وانا في النفاس ما فكر يزورني لافي المستشفى ولا في بيت امي حتى ما اتصل يسأل عني لمدة اسبوعين الحبيب موفاضي لي
الحين صرت اكره بعد الحب الكبير اللي كان في قلبي له سامحته وايد لكن هو قلبه خايس ومايسامح ابدا لازم انا اروح اصالحه حتى لو هو الغلطان والا ما كنا عشنا مع بعض طول هذه السنين على الحلوة والمرة لازم طرف واحد يتنازل....بس هذي المرة ماني قادرة اسامحه لان لين الحين راكب راسه وما صالحني...
انا مالي الا ربي ادعو له واصلي له صلاة القيام بس محتارة ما اعرفكيف اتصرف حتى لو راضاني ابي اقيد بشروط بس ما اعرف كيف حتى ما يتمادى
اتمنى يردون علي الاستشاريات بسرعة حتى احافظ على بيتي وعيالي وانا مازلت قاعدة في بيتي وهو موجود والحين ينام في الغرفة معاي بس كل واحد في حاله
