يخوني مع اخت طليقته

  • بادئ الموضوع بادئ الموضوع مزنزن
  • تاريخ البدء تاريخ البدء
بصراحه رجال غبيه
اختي زوجك متلخبط ومهزوز مش عارف يرضي نفسه او المجتمع
اهو يمشي على العرف والتقاليد
يعني انتي العرف والتقاليد وعشان كذا متمسك فيك
ويحب الانفتاح وهي الانفتاح
لكن صدقيني لو ان طليقته كانت بتمشي على هواه كان ما طلقها كان اصر يجيبها
ويصير الي يصير من اهله لكن هو عارف انها راح تمشي على هواها منفتحه ولا يمكن اذا ربي ما هداها انها تتنازل عن مبدئها ولو كلامي مش صح واستنتاجي مش في محلها كان استحى على دمه وما شبك مع اختها
لكن اذا رفض يرجع عن هواه هدديه وقولي راح اعلم بنتك وابوك وعليه وعاى اعدائي
بصراحه الرجال وخاصه الخليجي اهم شي شخصيته ما تنهز قدام ابوه واولاده
وهو قدوه لازم يكون مزبرق قدامهم عشان يربيهم صح
مهزوزين رجال الخليج بصراحه
يدشرون ويدجون ويبغون اولادهم سيدا
 
البنت تدري من زمان من قبل لا تجي الامارات كانت تشوف مسجات عندها من زوجي وهي مستغربة وتقول ليش
 
اختي فرج الله كربك ويسر امرك وجعل لك من كل ضيق مخرجا 000000000000000000ليش ماتستشيري احد مختص يساعدك عليه يمكن يقدر يحل لك مشكلتك 000000000000000000000وعليك بالدعء والاستغفار
 
أخاف استمر في تطنيشة ويروح لها المصرية اللي يرتاح لها .... ابي حل يوقف عند حده واكبر في عينه
حاليا انا ما اكلمه ما اقعد معاي بس اقعد مع عيالي ادرسهم واكشخ بس مقهورة اني ما اقدر اطلع برع من غير شوره
بس المره الوحيدة احس انه مو هامني
 
الله يعينج ويفرج لج كربتج ويصبرج فهذا إبتلاء من الله لكن لازم تكون لج شخصية قوية واسلوب ثاني معاه والرجل ما يحب المرأة اللي شخصيتها ضعيفة وقاطة نفسها عليه وما يحترمها اساسا ,,,,, الله يوفقج لما هو خير لج
 
الله يصبرك اكثري من الآسسسسسسسسستغفار له مفعول عجيب عزيزتي الله يريح با لك
 
اكثري من لا الله سبحانك اني كنت من الظالمين
 
نقطة ضعفة اهلة وبالخصوص ابوة


اذن جهزي كل الادلة وخبري ابوووووووة وبس
 
حبايبي ابوه متوفي وابوه متوفي وهو ما يعمل حساب لامه واخوه اصغر مني
ابي ارد له اقوى من الاول بس ما ادري كيف
تعرفون ثاني يوم الهوشة كان ياي الغرفة وبمجرد لمسة بسيطة من ايدي له اخذ عمره ونزل الغرفة الثانية ونام هناك الحبيب لايعه جبدة مني .... بس انا ما سكت نزلت وقلت له اني انا لايعة جبدي منه وراح ادور لي على واحد يكلمني ويفهمني طبعا ما اسويها على اخر عمري لاني اخااف الله وصعدت فوق وصليت ودعيت
 
اسمعي اختي
انا مريت بضروف ربي سبحانه يعلم كيف كنت وكيف صرت
والمتسبب فيها هي بنت خالتي وزوجة اخوي بنفس الوقت
لفت على زوجي مش من باب علاقه عابره ومشي حالك لا لكن كانت تبغى انها تهدم بيوتنا كلها
الاخت كانت بايعه بيتها بايعته وكانت تبغى الطلق من اخوي وتمت فتره بيت اهلها وهي تتطلب الطلاق
لكن الكل الله يسامحهم عملوا المستحيل عشان ترجع
الاخت كانت رافضه ملون بالميه انها ترجع لكن قدر الله وما شاء فعل
الي سار انها الحقيره كانت مبيته نيتها انها ترجع وتتطعنا كلنا وتخرب بيوتنا
ولاحمد الله تعالى انها اختارتني من بين البقيه
كنت مقهوره في البدايه ليش انا بالذات مع اني كنت اتحاشاها من اول رغم تسلطها وتفاهتها اسمع من هنا وارمي وراء ظهري اكتفاء للشر مش ضعف بالعكس قوه
وبعدين يوم ربي نصرنا عليها سرت اتذكر كل لحضه صعبه مرت فيني وكيف كنت اقزى منها
وتجملتها وتعديتها رغم قوتها ويوم شفت ثمرة دعائي وصبري حمت الله وشكرته وشفت انها اهي الي انهزمت وجرت وراها ذيول العار والفضيحه وخرجة مذلوله قلت انا ربي يحبني وابتلاني ببلوه كبيره واحمده انه ثبتني ونصرني عليها
ووضع اهلي في احسن حال الله يديم علينا الستر
والله لعرفت لحضتها ان الستر والشرف اكبر نعمه يحافض عليها الواحد لحد ما يفارق حياته

انا بصراحه انصحك في اشياء قومي فيها وراح تلمسين بركتها
اول شي توكلي على الله
صلي قيام اليل
الاستغفار والله ان له اثر كبير لكن مع الاسف كثير منا مش حاس فيه
طول اليوم استغفري ربك
ادعي بدعاء يونس
لا اله الا انت سبحانك اني كنت من الظالمين
ادعي بدعاء حسبي الله لا اله الاهو عليه توكلت وهو رب العرش العظيم
اكثري من قول لا حول ولا قوة الا باله العضيم نرمي بها في وجوه ظالمينا من جميع خلق الله
لاحول ولا قوة الا بالله العظيم نقصم بها ظهور من تعدا علينا من جميع خلق الله
لا حول ولا قوة الا بالله العظيم نرد بها كيد من كادنا من جميع قلف الله
وبرضه حولي اسمها وخليه من ضمن الدعاء
وقولي كل يوم يارب اني اودعت زوجي ودعة عندك ان تحفظه من كل بنت حرام شهوانيه مخربه للديار
يارب ان لي مظلمه عند فلانه اودعتها بين يديك فحكم لي فيها بخير وخذلي منها
ادعي يارب استر عوراتنا واعراضنا وعورات واعراض المسلمين والمسلمات الهم البسنا ثوب الحشمه والحياء
اللهم لا تفظحنا ولا تخزنا لا يوم العرض و تحت الارض و فوق الارض
والبسنا لباس الحياء والحشمه

والله يا اختي راح تحسين بقرب عجيب من الله تعالى وترتاح نفسيتك
وصدقيني راح تلمسيت بركة الدعاء يوم وراء يوم
وبتشوفين احلام مبشره لك
انا بنفسي مجربه والله العضيم كنت اشوف احلام بعضها تدلني كيف اتصرف وبعضها كانت تبين لي اني ماشيه صح
واخر احلامي كنت اشوفها وهي تعترف انها انتهت وخلاص لدرجة انها كانت على حافة الموت زكانت تقول خلاص
يعني دليل على انها انتهت زماعد تقدر تسوي لي شي
وحتى اهلي كانوا يشوفون احلام قريبه للي انا شفتها
تدرين ليش بركة الدعاء

اختي روحي مكه الحين الحرم خفة زحمته صلي وادعي وامسكي استار الكعبه وحتحسي شي يطلع من ظلوعك
انا صار لي كذا خرج مني شي زي الكهربه انفصلت عن جسمي وخرجت من ظلوعي ومن ايديني بغيت ادوخ بعدها ومرضت وتعبت سرت اجر نفسي عقبها ارتحت راحه الله سبحانه يعلم بها
انغسل الموضوع كله من دماغي والقهر والغبن خف كثير
انتي جربي وانتي تحكمين وانت بضك كسبانه
 
مزنزن قال:
حبايبي ابوه متوفي وابوه متوفي وهو ما يعمل حساب لامه واخوه اصغر مني
أنقر للتوسيع...
مزنزن قال:
ابي ارد له اقوى من الاول بس ما ادري كيف
تعرفون ثاني يوم الهوشة كان ياي الغرفة وبمجرد لمسة بسيطة من ايدي له اخذ عمره ونزل الغرفة الثانية ونام هناك الحبيب لايعه جبدة مني .... بس انا ما سكت نزلت وقلت له اني انا لايعة جبدي منه وراح ادور لي على واحد يكلمني ويفهمني طبعا ما اسويها على اخر عمري لاني اخااف الله وصعدت فوق وصليت ودعيت
أنقر للتوسيع...


غريب امرك متهاوشين وجايه تلمسي يده ؟؟
لو انا مكانه بيكون تصرفي مثل تصرفه ,,
لا تتوقع انك تكوني لزقة بزوجك يخليه يبعد عن طريقة بالعكس بيحس انك غثيثة ولزقة,,
لازم تتغيري عشان نفسك مو عشانه انتي جربتي الطيبة والسذاجه مانفعت جربي الطريقة الثانية
سوي الشيء من غير ماتهدديه
اصنعي من نفسك شخصية ثانية عشان نفسك مو عشانه رضا الرجال غاية لا تدرك
 
مرسى الاحلام قال:
اذا ناشلتي قدر لنفسك هو ماراح يشيل لك قدر 000قدري ذاتك اهتمي بنفسك لنفسك حبي نفسك دلعيها ابسطي نفسك بعيد عنه اخرجي من قوقعتك و تنفسي ا لصعداء وقولي لنفسك انا اولا والطوفان من بعدي حسسيه انك انتي كمان عايشه حياتك وفرفشي مع صديقاتك بما انه متعلق بالصنف المصري فاكيد هو يحب الفله والهيصة والفرفشهاذا ماجاء لاتستنية وفي نفس الوقت لاترضي بوضع المعلقه احسمي الامر معة عن طريق الاهل وحاولي تحسيه انك مش باقيه عليه وانك لازم تشوفي حياتك واذا لزم الامر سويها ولكن بعد ان تغيري ذاتك وتحسبي حساب كل قراروالله يفرج عنك
أنقر للتوسيع...
:c011::c014::c011:
 
حبايبي ما اقدر اطلع من البيت الا باذنه ما اقدر اروح ولامكان ...ولو كان عادي كنت بطلع كل يوم بروحي والا مع اخواتي
 
الله يعينك أختي على نا أبتلاك ,, والظاهر بيغالك برمجة من جديد حتى تتمكنى من زوجك غيري في نفسك ...
 
ما ادري إذا حلي بينفع لك ولا لا..
لكن حاولي تخلي بنته توصل اللي صاير بين خالتها وابوها لأمها..
يمكن امها تحاول تمنع اختها من هالشي لأنها كانت تحبه والطلاقق صار مو برضاها فتحس ان اختها تاخذ منها حبيبها الأول..
وانت خلي وضعك عادي تماما..
 
طول ماهذيج الضايعه حسبي الله عليها تكلمه والله ماراح يلتفتلج لو تكشخين من هني لي السنه مو الجايه اللي وراها بعد مويمكن كان يكلمها بالاول لانها تذكره بحبيبة القلب هاللي انجبر يطلقها (أدري كلامي يقهر بس أحاول أحلل المسأله)عزيزتي خليني أكون صريحه معاج بالاول أول ماانجبر يطلق زوجته كنت مهتمه فيه لا وتحطين راسج على صدره يعطيه العافيه ساكت مراعي شعورج واحد غيره حقد عليج واعتبرج ان انتي السبب يعني باختصار مافاد اهتمامج فيه على قولتج روح بلا جسد تبين هم الحين تحطين له أهميه وهالمصيبه اللي يكلمها متواصله معاه يعني شاغلته عنج (مو يمكن اهي اللي قطت عمرها عليه لين صادته خو اهو كان تايه بعد ومصيبه عليه مايحلاله إلا الحرام 000000 لاتفضحينه ولا شي أصلا اهو مفضوح وخلاص يعني معقوله اهله موحاسين حتى لومايدرون منو بس يمكن شاكين المهم انتي اشتبين بالضبط انتي قرري قلتلج اهتمامج فيه مافاد سوي مثل ماقالو البنات غيري نفسج عشان نفسج ليش حاطتله اعتبار عامليه يابنت الحلال بالطناش بس الل عليج شرعا أديه لاتفتشين وراه مره ثانيه ولاتواجهينه لانه مارايح يفيدج اهو أول جسد بلا روح حتى الجسد ترى بتطيرينه 0000 افتحي صفحه جديده مع نفسج بصراحه كنت أتمنى انج تنقهرين منه انه يكلم وحده ماتحل له(أي حرام )موتنقهرين انه مايقولج الكلام الحلو لانه المفرووووووووض مايمثل لج شي المفروض انه عندج مايسوى لاعت جبدج انتي منه مو العكس انتي مالج حل اللا الدعااااااااااء الدعااااااااء وبس ولا يرد القضاء إلا الدعااااااااء واظن أختي عقلانيه كفت ووفت بهالجانب والله بإذن الله بيخزيها حسبي الله عليها شايفتنه بنك بتكتبه باسمها
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل