يابنات المتاخره عن موعد الولاده تدخل تشاركني موضوعي

اشربي زعفران ويانسون وبابونج ملعقة صغيرة من كل نوع واغلي 2 كوب ماء وصبيهم عليهم واتركيهم 5 دقايق بعدين صفيهم واشربيهم وان شاء الله ما يجي بكرة الا وانتي والدة
 
بس حبيت اسالك هذي الاشياء ناخذها وقت اللي نحس بالم ولا بدون الم ويجي الطلق لما نشرب
 
يالله تدرون انا موعدي المفروض 31/12

ولا قد ولدت دخلنا 2/1
ولا في اعراض ولا تقلصات

والمشكله اختباراتي تبدا يوم السبت ولا استعديت ونفسيتي زفت
كنت حاطه في بالي ماراح يجي يوم السبت الا وانا والده

كل شيء سويت مشي وجماع وشاور بمويه دافيه

بس مافي اي اعراض

شكله بيجي يوم السبت لا ولادة ولا ذكرت زين للاختبار
:(

بقوم الحين اخذ دش دافي واصلي وادعي
لي ولكم
 
حبيبتي (انت حائره ) حتى انا سويت كل شي والمشكله ماعندي بانيو في البيت فا بس اخذ لي شاور دافي يعني اقصد لك تنقعي في المويه مو تخلينها تنرش على جسمك لان مافي فايده والله يعين الجميع انشاء الله وويسهل علينا ولاداتنا
 
استغفر الله تعبت وانا انتظر مو اني مليت بس كل ما احس ان الايام تعدي وانا مو راضي يجيني طلق زي الناس احس ان الدنيا تضيق فيني وربي يعين الجميع مالنا غيره والله
 
تدرين في حملي الاول كذا بس ماكنت ادرس كنت مقدمة اعتذار
ونسيت الولادة وسبحان الله جت
تخيلي كلمت بنت خالي قلت بكرة بروح المجمع
وقمت من النوم على الم الطلق ورحت المستشفى ولدت
.....
بس الحين شايله هم الاختبارات ماذكرت ابدا على اساس راح اكون نفاس

الحين نقعت كف مريم وبشربه لعلى وعسى
وبرسلك الحين ادعية تسهيل الولادة
 
ولا بعد اليوم زواج ولد عمي ولا رحت تخيلي جالسه في البيت لحالي
مااستعديت على انو اكون والده

يالله ان شاء الله بكرة نقوم على الطلق
 
تصدقين انا كان زواج خالي في 28 ولانهم معطيني موعد في 27 ماتجهزت مع وجهي حسبالي بولد في نص التاسع ولا ولدت بس بنت خالتي كان عندها فستان حلو حق حوامل اخذته ومشيت حالي وعلى الدراسه كنت ناويه ادرس منازل بس الله مو كاتب لي لاني تاخرت انا توقعت ان بيكون الوضع مترتب اكثر من كذا بس الحمد الله الله مايسوي حق الانسان الا الشي اللي في صالحه اكييد ويعطيك العافيه على الادعيه الحين بكتبهم وبخليهم في شنطتي علشان ما انساهم وجزاك الله الف خير حبيبتي وانشاء الله الله يسمع منك وبكره نقعد ومعانا الطلق يارب:msn-wink:
 
طمنيني عليك (شارع الذكريات) اخبارك اليوم
انا مااحس بشي ابد ومن زود الاحباط ماشربت اي شي خلاص بنتظر لين 3-1 وبعده بروح المستشفى والي فيها فييييها:icon1366::icon1366::icon1366:
 
:shiny:ربي يجعله في ميزان حسناتك عيوني فرحتيني يمكن تكونين احسن مني والله يسمع منك وانا بعد بدعي لك
 
الحمد الله انك دخلتي (بدون مدح ) خفت ماتدخلين على الموضوع مره ثانيه كنت ابي اتطمن عليك وانا مثلك ولا شي بس هذي الام تجي وتروح بس اسمعي بس تولدين فتحي موضوع جديد وبشرينا ها لاتنسين
 
وعلى طاري الاحباط توني اقول حق خالتي صرت ما اسوي شي من زود الاحباط قلت يمكن اذا ماسويت شي يجيني الطلق شسوي بعد زهقت وانا اكرر ولا في فايده:thumbdown:
 
اكييد حبيبتي راح اطمنك اذا ولدت وان شالله ماراح انساكم بالدعاء اليوم والله داخله علشان اطمن عن اخبارك الله يكون فالعون يااااااارب احساسي يقول بتولدين قبلي باذن الله
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل