يابنات المتاخره عن موعد الولاده تدخل تشاركني موضوعي

[شارع الذكريات]

مرحبا بنات انشاء الله تكونون بخير وجنوناتكم بخير انا معطيني موعد في 27_12 ولا ولدت للحين :tears::tears:وكانوا بيعطوني طلق صناعي بس لما شافوا ان كل شي اوكي عطوني مهله بعد 00 والله اني تعبت وماخليت شي ماسويته صار لي اسبوع وانا مخلصه التاسع :thumbdown:

 

[جنة أهلي]

حبيبتي اشربي شاي قرفه , و الاعشاب اللي تفتح الرحم و تسرع الطلق.
و نقعي زعفران " الخيوط " بماي و اتركيه فتره بعدها اشربيه ان شاء الله انه يسرع الطلق .

و اهم شي اذا حسيت بالالم اكتمي نفسك و ادفعي لتحت <<<<دفعه خفيفه .

و اشربي شي مسهل >>>> خروع اخلطيه مع عصير برتقال و اشربيه.


و ياليت تكتبين اذا مفتوح الرحم و لا لا ؟؟؟ و اذا فيه طلق خفيف و لا لا؟؟

الله يسهل و لادتك و تولدين اليوم , و يرزقك بالبيبي الصالح.

 

[شارع الذكريات]

يعطيك العافيه حبيبتي هي قالت لي مفتوح واحد من يومين وفي اللااام على طول بس مو راضي يحمى الطلق معاي ولا ني عارفه وشو السبب ولا في علامات ولا شي والله احس بالاحباط عشان كذا حتى لو بيجيني طلق يروح بسبب الاحباط اللي معاي

 

[الله يصبرني]

الله يسهل علي وعليك يقولون سورة مريم مره كويسة​

 

[بدون مدح]

انا مثلك موعد ولادتي كانت 29 - 12 رحت المستشفى مسكر الرحم ولافي اي الم الله يستر مدام ان انتي افتح سانتي في امل ان شالله انا سمعت ان شاي الزعتر يفتح الرحم بسرعه حاولي اذا حسيتي بالم تمشين بس بغيت اعرف انتي بكريه؟؟؟

 

[شارع الذكريات]

ايوه اول مره او مو عارفه شسوي حتى ساعات احس نفسي نونو
مااعرف اتصرف

 

[شارع الذكريات]

طيب حبيبتي ( بدون مدح ) انت فيك طلق اللام قالوا لك بيحطون لك طلق صناعي وانت بكريه مثلي ولالا؟؟

 

[بدون مدح]

لا ماقالو لي شي لان وضعي ووضع البيبي زين انا بكريه والبكريه يعطونها مجال لين عشر ايام الا اذا نزل عليها ماي او دم بكثره الله المستعان والله معنوياتي ونفسيتي فالحضيض خصوصا لما افحصوني وقالو ولا سانتي مفتوح الله يفرجها علينا يارب

 

[بدون مدح]

انتي يجيج الم مستمر والا بين فترات طويله وين مكانه انا نهائيا مايجيني الم الظهر والبطن بس يجيني الم فالمكان الي خبري خبرج

 

[شارع الذكريات]

والله انا مثلك اليوم رحت قالوا لي كلشي اوكي مع اني صار لي اسبوع مخلصه التاسع بس عطوني مهله لان الاوضاع مستقره الحمد الله مافي اي مشاكل بس ربي يسهل علي وعليك وعلى كل الحوامل ولا نحتاج حق طلق ولا شي كل شي من ربي حلو

 

[بدون مدح]

امييييييييييييييييييييييين ياررررررررررررب

 

[شارع الذكريات]

يجيني الم في بطني وظهري والمكان اللي قلتي عليه ساعات تلاقينه طول اليوم ساعات بس بالليل وساعات في اي فتره من فترات النهار بس اكثر شي يجيني في الليل بس والله نفسيا تعبانه وخايفه انهم يلعبون فيني ويحطون لي طلق ولا يقولون لي عمليه وانا ما ودي تصير لي ها الاشياء ولا حق اي احد غيري ودي كلشئ طبيعي ومن الله

 

[بدون مدح]

لاتخافسن وخليج مستعده نفسيا حق اي شي يقولونه لج لو طلق صناعي عادي امي ماشالله عندها تسع وجربت الطبيعي والطلق الصناعي تقول نفس الشي راس البيبي عندج تحت

 

[شارع الذكريات]

ايوه تحت وعلى الطلق الصناعي انا كلا يخوفوني منه يقولون دبل الالم بس انشاء الله ما احتاجه

 

[بدون مدح]

الطلق الصناعي يحفز الرحم انه يتوسع والطلق الطبيعي من الله يتوسع الرحم فاي حاله من الاحوال اذا توسع الرحم يكون في تقلصات لاتخافين حبيبتي وتوكلي على الله كله نفس الشي والقيصري ان شالله احتمال بعيد المهم طمنيني عليج

 

[شارع الذكريات]

انشاء الله ياقلبي بس ربي يطلعني بالسلامه اقولكم في موضوع جديد نجتمع في موضوع امهات المستقبل

 

[نايس هواوي]

يمكن انتم تمشون على السيراميك او ماتدفون انفسكم ترا البرد يقفل الرحم لازم تكوني دااااااااااااااااااااافيه البسي شرابات ولاتمشين على السيراميك الا وانت لابسه شبشب

 

[شارع الذكريات]

والله صحيح انا دايم امشي على السيراميك ودايما ما ادفي نفسي

 

[ابنة العربية]

السلام عليكم
والله قعدت أبكي لمن حسيت إنو في أحد زيي وحاسس باللي أنا في.
أنا اليوم الخميس خلصت التاسع ومني حاسة بشي غير بالثقل وبألم يروح ويجي بس مو طلق لأنها ولادتي الثانية وأعرف وجع الطلق والدكتورة تقولي لو جا السبت وما ولدت حأولدك الأحد طلق صناعي وأنا ما أبغى غير ولادة ربي.تقول عشان المشيمة استوت!
والناس كل ماتشوفني تلومني كأني انا السبب: ماولدت؟ كأنهم هم اللي شايلين الهم مو أنا.
وحالتي النفسية الله أعلم بيها.. أكتبلكم وأنا أبكي.. ادعولي..
الله يفرج علينا كلنا بحق المغربية هادي..ويجعلها ولادة خفيفة وسهلة.. وأولادنا في أتم صحة وعافية

 

[شارع الذكريات]

وعليكم السلام ابنة العربيه حبيبتي كسرتي خاطري والله بس صبري ولا تصيحين كلنا شايلين بدال الهم همين بس الحمد الله على كل شي انا اقول ماعليه اتاخر بس لايولدوني ولا يصير شئ في اللي في بطني بعد ها التعب والصبر والله يساعد الجميع ويسهل علينا كلنا يارب وانا بس اولد لازم انشاء الله اليوم الثاني بفتح موضوع جديد علشان كلنا نبشر بعضنا باذن الله انا الحين صار لي 8 ايام وانا مخلصه التاسع والخوف كل ماله ويزيد صرت ما انام من قد ما احاتي والناس خليهم اخر همك لانهم صحيح غاية لاتدرك اذبحونا من الهذره والقرقه:thumbdown: