ولدي عمره سنه و7 شهور عذبني

ع

عشيقة زوجها

New member
إنضم
2007/03/18
المشاركات
37
مساء الخير ياامهات ,,,
عمري ماكتبت مشكله لي في المنتدى بس ولدي حبيبي اجبرني اني اكتب مشكلتي
ولدي جنني تعبني ارهقني بيتي وصخ على طول بسبته مايدخل مكان الا يقلبه فوق تحت
يدخل المطبخ ويطلع اللي في الدواليب يرمي كل شي ويطلعه لبرا المطبخ ملابسه البسه ويوصخها على طول
وارجع اغيرله ونفس الشي الملابس سارت كثيره كل يوم غسيل والله زهقت ,,
غييييير نقااااااااااقته والله مو طبيعيه بس يبكي واذا جلست يجي ويسحب يدي ويقومني ويمشيني وراه
والله مااجلس دقيقتين على بعضها اللا هو مقومني تخيلوا من يوم مااقوم الين ماانام وانا اقوم واجلس
لا اكل زي العالم ولا جلسه على قهوه وشاي زي الناس غير النوووم ودي انااام بدون مااشيل همه بس مستحيل
اذا نمت قمت بعد ساعه او ساعتين بسبته والخرجه برا البيت سارت في الاسبوع او الاسبوعين مررره ,,,لان زوجي
مايحب يطلع معنا ووالله عاذرته وكل هذا بسبب ولدي ونقاقته ,,سوق وين ووين اروحله لانه مايبغى احد يمسكه
يبي يمشي لحاله ومو هامه احد يمشي ولا هو داري عني
ولدي عمره سنه و7 شهور بس الله يحفظه ومشيني على الصراط المستقيم وزوجي ماسرت اجلس معاه كثير
وانا عندي جامعه والله مو قادره اتحمل البيت فوق راسي والولد من هنا والجامعه من هنا ومو قادره اذاكر بسبب ولدي
يجيه انهيار لو شافني ماسكه اوراقي واذاكر بلييييز ساعدوني ايش اسوي ودي يكون بيتي هادي ونظيف ويكون عندي وقت لزوجي ولجامعتي
ومذاكرتي ,,,
انا ماكتبت موضوعي الا لاني ابي حل
 
السلام عليكم
شوفي حبيبتي ولدك طبيعي وكل الي في سنه كذا يسوون الحل جدا بسيط كل شي بالتعود والتربيه والموضوع يبي له شوية صبر
في البداية لازم توفرين 3 اشياء رئسية 1- عربية للسوق حتى مايطفشك وتتحكمين فيه مهما يبكي طنشية وراح يتعود عليها كذا مسالة السوق والطلعات انحلت
2- مقعد سيارة عشان مايطفش ابوه ويطفشك بالسياره راح يجلس مربط الين توصلون ومهما بكى خليك اقوى منه ترى الطفل جدا ذكي وراح يحاول انه يطفشك عشان تطلعينه بس ابدا استمري على موقفك
3- سرير محبس وموجود في كل مكان وسهل انك تطوينه وتفكينه وتشيلينه معك لاي مكان هذا حطيه بالمجلس الي انتي فيه وحطي ولدك داخله وحطي له العابه ورضاعته وشغلي له افلام كرتون واتركيه وراح تلاحظين كيف مع الوقت يهدا ويصير يجلس في السريروبالعكس يصير يلعب داخل المحبس ويتفرج على التلفزيون وانتي خلصي شغلك وذاكري وسولفي مع زوجك وانتي متطمنه واذا فضيتي طلعيه العبي معه ومتى ماطفشك رجعيه للمحبس ونفس النصيحه مهما حاول فيك تطلعينه خليك اقوى وان شاءلله قدرت افيدك لان هذا نظامي مع ولدي وهو كبر ولدك بالضبط ومرا نفع معه
 
تسلمين ياقلبي ماقصرتي بس
اخاف يفضحني في السوق او المنتزهات من صراخه ,, هو عنده عربيه بس من يوم مشى استغنيت عنها
لانه مايبغاها بس بحاول ارجع واجربها .
بس كيف هذا المحبس ماعرفته ,,!

وينكم ياامهات ابي حلولكم ونصايحكم
 
مثل ما قالت لك الاخت بالضبط
الوقت اللى تروحين فيه للسوق وماتحتاجين وقت طويل ومعك احد ممكن يلاعبه دخليه فى محلات اللعب والسيارات والكور اللى فى المراكر
واذا محتاجه تدورين كثير وما احد يمسكه حطيه فى العربيه
طفلك يرى قلقك من بكائه ويستخدمه وسيله ضغط
‏ اذا شفتى ماناقصه شى تجاهليه تماما وييتعب ويسكت وبعدين ينسى الطريقه ذى لانها مانفعت
وفرى له العاب تركيب وشغل حتى لو اوانى اللعب حق البنات .فيه اولاد يحبون اوانى المطبخخ اذا جبتى له اوانى لعب تشغله عن اوانى المطبخ
وبعدينقللى له من الكل المحفوظ والمعلب والشوكولاته والقراميش كلها تسبب فرط الحركه واكليه اكل طبيعى وزبادى كثير وتمر التمريجلب هدوء واستقرارللطفل
كل تصرفات طفلك طبيعيه فى سنه بل وتدل على الذكاء
لازم تشغلين له برامج اطفال نافعه ماهى كراتين العنف والمطاردات
ولازم يتعلم يركز ويتابع اذا حبسيه فى السرير راح يظطر يتابع ولا تكلمينه وتشغلينه اتركيه ولدى فى عمره اشغل له على البرامج الطبيعيه حق الحيوانات ولا عاد يدرى عنا كلمى ولدك وتعاملى معه على انه كبير ولاتظهرين له انك مشغوله به وتتازمين من نشاطه اذا جلستى على شغله اوبغيتى تنامين قفلى كل الغرف واالحمامات والمطبخ والكان اللى هو فيه لاتتركين فيه شى ممكن يضره لو اساء استخدامه
جيبى له كتب مصوره وقصص مصوره واقراى له لكى يتعلم الانصات والمتابعه اقراى بصوت يتدرج حسب احداث القصه لان الطل ذكى ويفهم وراح يتفاعل مع اللى تقراينه
جيبى له صبوره واقلامها وجلسيه مع جنبك وارسمى له وخليه يمسك ويسوى رسمات .او الوان خشب وكراسه لو بس يقعد يشخبط ترى هذا شى ايجابى .علميه حبه حبه يشيل اشياءه پالعابه ويحط الاوراق فى الزباله واى عمل يسويه زين صفقى له وشجعيه واذا جاء ابوه امدحيه بصوت مسموع وخليه يشجعه ويشيله ويدور به كمكافاه على العمال الزينه ...
 
السلام عليكم...
اختي حبيبتي من شاف مصيبة غيرة هانت عليه مصيبته
انا عندي بنت عمرها سنة و7 شهور وتحتها ولد عمرة 6 شهور
تخيلي بس المعانة كيف؟؟؟؟
اناحيها ولا اناحي اخوها ولا غيرتها الزايدة والعض والصراخ والعناد
ماتصدق تشوفه نايم الا صرااااااااااااااخ على طول حرااااام بعد معاناه نووومته تقووومه بالساااهل
الحمد الله على كل حااال
لازم نظم وقتنا وحياتنا ونعاملهم كأنهم كبار....
 
الله يخليه لك ولدي عمره سنه و3 شهور نفس التصرفات
لكن في السوق في عربيته طبعا يرفض وصياح لكن بدون فايده....وفي السياره كان حاط ابوه له كرسي اطفال ومركب له دي في دي
وفي البيت جيبي له العاب بحجم كبير شوي وسيارات بالبطاريات عشان يلاحقها وينشغل شوي
وجميع الأبواب قفليها خوفا عليه
انا ولدي كنت نازله تحت عنده جدته وهو نايم فوق مادرينا إلا هو داخل علينا نزل من الدور الثاني​
 
ياااااااالله​

بنتي زي بنتك​

بس والله وانا اقرا اقول الحمدلله معقولة فية طفل زي بنتي هشيطونة ​

لا وازيدك اذا دخلت لدورة المياة الله يكرمك تجلس تصيح وتصارخ كانها شايفة عفريت لدرجة ماتسكت الا اذا فتحت الباب شوي ادخل نص جسمها والنص الثاني اطالع التيفي​

والله اني ماارتاح الااذا نامت اتروش وادخل النت واتابع فلم بس ساعتين وانوم علطول لانها تصحى قبلي وتعطيني الريموت تقولي أ أ يعني افتحية ​

الله يعينك خيتو والله حاسة فيك ​

تتوقعين لو ولدك كبر واتزوج وحدة زي بنتي وش بيصيرون عيالهم :31:​
 
هلا حبيبتي المحبس هذا عباره عن سرير بس عالي مايقدر يطلع منه وفيه فتحات يقدر يشوفكم والحلو فيه انك تقدرين
تطوينه وتاخذينه اي مكان والله اي مكان اروح اجيبه معي استراحه عند اهلي عند اهل زوجي وافكه وانزل ولدي فيه واعطيه العاب واخليه يتفرج علينا ويلعب وحتى حليبه اعطيه وهو في بكذا اجلس وانا مروقه اسولف وهو قدامي ماني خايفه عليه من شي وخاصه انو عندي بيبي جديد يحتاج مني وقت واخاف وانا جالسه مع بنتي يقوم هو يسوي شي بس مو معناته انه مايطلع ابدا بس خليه له اذا انتي ماتقدرين تسيطرين عليه او عندك شغل كثير او اذا قام يبي شي وماتبين تعطينه وقام يبكي مرا على طول شيليه بكل هدوء وحطيه بالمحبس وعطيه حليب
اتمنى اكون فدتك
 
الله يهديهم ويخليهم لكم

والله تربيه الأطفال جهااااااااااااااااااااااااااااادد

الأهم من هذا كله الأجر (( الله ياجرنا على اللي نسويه معهم ))

اختي (( بشاير الفجر )) ..ههههههههههه حلوه وش بيصيرون عيالهم ؟؟؟؟؟؟؟؟؟؟

وش تتوقعون ؟؟؟؟

بس أطمنكم في مقوله دايم تقولها جدتي:::

الطفل كل ماأخذ منك بيرجعه لك بعدين

يعني الطفل اللي يتعبك في تربيته بتلاقينه اذا كبر أكثر واحد باااااااااااار فيك

وهي ماقالت هذا الا لما شافت من عيالها ماشاء الله تبارك الله

عندهامن الذريه ....... << ((( مشفر ))) ...هههههههه ..

... ولاحظت خوالي اللي تعبوها في التربيه

هم اللي شايلينها شييييييييييييل الحين (( يادهينه لا تنكتين ))​
 
والله العظيم كأنك قاعده تتكلمين عني

وانتو سموني فعلا كلام جدتك صدق واحد

من خواني كان مجنن امي في طفولته ومراهقته

والحين هو ماشاءالله ملتزم واكثر واحد بار فيها

الله يعينا على اطفالنا افضل حل سوي مثلي التطنيش
 
نفس الوضع ابني سنة و6 شهور
ومطلع عيني
بس في الخروج لا استغنى عن العربية
مع انه بيمشي طبعا بس علشان لا يجري مني وافضل اجري وراه
وكذلك علشان لا يتعب لو هلف كتير
واسرع ليا في المشي
كان بيكرهها في الاول وبكى كتير
وبعدين اتعود
وحاليا في البيت باشغله قناة سمسم
حلوة كرتون واناشيد لكن بدون معازف
حاولي لا تفتحي باقي غرف البيت غرفلة واحدة للمعيشة طول اليوم يبهدل فيها افضل من باقي الغرف
وياريت الاخت اللي ذكرت المحبس تنزل لنا صورة لو تقدر
من فضلك
 
والله ياعمري ماعرف انزل الصور بس روحي اي محل يبيع منتجات اطفال وقولي له محبس وراح يوريك وتلقينه في كل المحلات شوفي سنتر بوينت - مذر كير - شيكو هذي كلها موجود فيها واسمه المتعارف عليه محبس اطفال
 
عادي جدا ولدك طبيعي الحمد لله صحيح انهم يرفعون الضغط لكن الحمد لله احسن من غيرهم والله انا عندي ولد عمرخ سنه ونص مطلع لي قروووووووون بس وش اسوي

كلهم كذا الله يهديهم​
 
بنااااااااااااااااااااااااااات انتبهو من المحبس والله يخلي اعيالكم مثل المجنين اذا نزلتوهم اوطلعتو لحد حركه بشكل مو طبيعي اصبري عليه تحملي ابعدي عنه الاشياء الخطره واتركيه هو بيمل من نفسه صدقون بتعنون اكثر في المحبس لانك تحبسي حركته ومجرد خروووجه بوريك الويل اسال مجرب وانتو احرارررر
والله يصلحهم
 
والله نفس الحاله بس هذا شي طبيعي لانه يحب يكتشف بس انا بنتي في السوق :12:لااااااااااااااااااااازم عربيه وفي السياره المقعد الخلفي حاطتلها كرسي وفي البدايه تموت من البكى اطنشها واحط في ايدها حلاوى وتسكت مع التطنيش والبيت واااااااو مابقى شي ماخربته بس استغل وقت نومها واسوي شغلي وارفع عنها اي شي تخربه وحبسه في السرير ومعاها كا العابها وحاطتلها اناشيد تجلس تسمع وتترقص فديت روحها لين تعودت وانا الحين مرتاااااااحه مع العلم عمرها سنه نصف
 
حبيبتي في الله ...
هناك قاعدة تربوية راااااائعة جدا ، وعملية ، و صحيحة تماما ... { ما سوف اقوله عن تجربة واقعية ، فالله عندي ثلاثة أبناء ولدين وبنت ولله الحمد، وماشاء الله لاقوة إلا بالله ورا بعض}
هذه القاعدة تقول :
طفلك كالضيف لايعلم عن نظام حياتك شيئ فعلميه و عوديه بالحب و الحنان مع الحزم .
شوفي يا أختي ..أنا وحدي تماما فليس معي من يساعدني أبدا ، تعاملت مع كل أطفالي على أساس هذه القاعدة .. نعم عانيت كثيرا في البداية ، وكان على حساب صحتي ونظافة بيتي و وقتي و أمور أخرى كثيرة .. والله لدرجة اني أحيانا كنت أجلس على الأرض و أبكي تعبي و دوراني طول الليل و النهار زي النحلة ، وكنت لم أنام 3 ساعات أقول الحمد لله نمت جدا ، والكل كان منتقدني على أسلوب التربية ده ، يعني ياأخت يا طيبة لازم ضرب ولازم صريخ والحاجات اللي معظم المهات بتعملها ، ولكن الآن بفضل الله تعالى من نظرة بيضبطوا نفسهم ، حتى الشيخ الصغير أبو سنتين إلا .
ياحبيبتي في الله ، مفيش حاجة اسمها يمشيك وراه ،أو..أو..أو. في حاجة مهمة جدا مع كل أطفال الدنيا اسمها ثبات الموقف ،يعني مثلا لما يرمي حاجة في الأرض مباشرة قفي أمامه وانزلي لمستواه وضعي كفيك على كتفيه وركزي النظر بعيونه وبقوة وأمريه بأسلوب مهذب وحازم :شيل اللي رميته ،و كرري مش أقل من 5 مرات ، ثم وضحي سبب أمرك ، كده امي زعلانة منك وغيره
طبعا لازم وحتما ولابد كي تنجحي في تربيته ان تكوني أنت أمه الأول و الأخيرة و الوحيدة اللي في حياته ، يعني لااااااااا للخدم ،ولااااااااااا لمرأة أخرى في حياته تعطيه اهتمام او حنان أكثر منك فيتعلق بها حتى لو جدته .صدقيني خذيه في حضنك قبل النوم وامسحي على شعره وعلى وجهه وطبطبي عليه واحكي له حدوتة لها معنى وشخصياتها من الحيوانات مثلا الحمامة الجميلة و اللي حصلها من الغراب حين لم تسمع كلام أمها و ترضيها ( ده قصة من تأليفي ) بس والله العظيم بتجيب نتايج هائلة. وطولي بالك ولا تستعجلي الثمرة ..فالطفل يعطيك إيحاء بأنه غير منتبه أو لا يفهم ما تقولينه من لوغاريتمات ،ويتململ ولكن أنتي ثابتة كملي القصة مع تمثيل صوتي وحركي بيدك ،وبعديها انشدي له نشيد هادف مثل مهما كان صوت الأم .. عند طفلها أحلى صوت في الدنيا ، و بعديها اقرأي له أذكار النوم وفهميه أن النبي حبيبنا صلى الله عليه وسلم كان بيعمل كده ،و الله الطفل بيفهم أكثر مننا وكويس جدا كمان .
لاااااااازم تحضنيه في اليوم مش أقل من 30 مرة ،مهما كان طفلك ، هيفرق معاه حضنك كثييييييييييير،و هاتشوفي نتائجه السحرية .
احذري الملل ، و استعطافه لك لا يوجد طفل يموت من البكاء ، يعني إيه؟ يعني لما تأمري و تصممي اثبتي حتى يفعل ما تريدينه مهما عمل .. صراخ بكاء عويل ، انتي بكل هدوء صامتة ، مركزة نظرات عيونك عليه وكأنك تخاطبيه :نفذ الأمر .. ممكن لا ينفذ من أول تطبيق ، لكن مع المداومة هايتربى ، و يعرف إن أمه لها كلمة واحدة مش بقسوة ولكن بحزم .
والطفل الذي تتعبين في تربيته ( انتبهي وليس في مداداته ) مع تصحيح النية سوف يكون لك بإذن الله نعم الابن البار الطيب ، وكما رحمتيه صغيرا وعلمتيه برك حتما ستجنين ثمار ذلك في الدنيا و الآخرة ..
اللهم ارزقنا بر أبنائنا ، واجعلهم للإسلام ذخرا.. آمين
​
 
ااااااااااااااااااااه يارب ينفع من ولدي توني خلصت من البكاء بسببه
قهرررررررررررررررررني اذا مانفذت اللي يبغاه يعصصصصصصصصصصصصب ويروح يرمي براسه بالارض ويرمي اي شي قدااامه حتى لو كان صحن العشاء
ااااااااااااه مدري شسوي احس زوجي كره الجلسه معانا من ولدي الله يصلحه مع اني اطبق كلااااااام كثير من الاخت الطيبه
بس ولدي عصببببببي وعنييييييييد مع ان محد يدلعه في البيت يعني نعامله عادي
وانا فيني طبع شين هو اني مااحب الازعاج
يعني لما اكون نايمه ويصحيني اسويله اللي يبي عشان يتركني انام
او كنت اتابع برنامج وهو قاعد ينقنق فوق راسي اعطيه اللي يبي عشان اسمع البرنامج
وياليت في الاخير استوعب
ااااااااه بس
الله يصبرنا
 
الله يهديه ااااممين
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل