ولابد من شكوى إِلى ذي مروءة**يواسيك أويسليك أويتوجع@3/4سنين زواجنا(غايب)

[*وسن*]

بنت الثريا آمين وياك .. جزاك الله خير


أجمل عيون الله لا يحجب ما دعيتي ..
وأجعل دعاك يوافق مرور ملك يؤمن فيقول الله ولك مثله آمين ياسميع يا مجيب

الله يآجرني في مصيبتي و يخلفني خيرا منها

جزاكم الله خير يا بنات ​

 

[اوروبية]

::
الله يرده ويسخره لك ولعياله .. الله يحنن قلبه عليكم يارب العالمين

وحسبي الله على كل ظالم مفتري اناني ما يفكر الا بنفسه

::

الله يفرج هم كل مهمومه يارب

 

[*وسن*]

اللهم آمين أختي

جزاك الله خير ووالديك ​

 

[زوجة شمالي شرقي]

http://www.niswh.com/vb/member.php?u=20330

*وسن*

http://www.niswh.com/vb/member.php?u=20330http://www.niswh.com/vb/member.php?u=20330http://www.niswh.com/vb/member.php?u=20330

الله يعينك ويوفقك ويسخر زوجك لك عندي وعندك خير بس لاتنسين ان نقطة ضعف الشمالي اطفاله

 

[الامومه]

لاحول ولا قوة لا بالله

 

[انوار الحق]

عزيزتي الله يعينك وصبرك وريجعه لك

 

[أنا الألماس]

قرأت موضوعك وما حبيت أطلع وما أسجل أعجابي الشديد بشخصيتك وأسلوبك الرائع,,
زوجي نفس صفات زوجك بالرغم من أنه جنوبي وأنا شمالية’’
عمر زواجنا 14 سنة وثمرة هذا الزواج 3 أطفال
ثلاث أرباع هذا العمر بعيد عنا ولاهي برحلاته وسفراته الضروري والغير ضروري
بالرغم من تحسن الوضع المادي حاليآ ,,الا أننا لانراه الا كل 15 يوم الا يومين أو ثلاث,,
وفيه أوقات كثيرة يغيب أكثر من كذا ,,ونفس ما قلتي يومين والثالث يهرب حتى لو كنا نحتاجه يتركنا
وأذا قلت له خليك عندنا هاليومين بس نبغاك ضروري يقول : يعني أنتي ماتعرفيني ولا لسى ماتعودتي على طبعي بعد العمر هذا كله!!!!
كثير تمر علي لحظات أحس أنني متزوجة مسيار مو زواج عادي وعياله أحس أنه أيتام بالرغم من أن أبوهم على وجه الأرض,,
تصدقين أختي تعبت من من محاوله تغييره ,,,خلاص والله تعبت بس والله نفسي أتغير أنا وأعيش حياتي
بس مشكلتي أني عاطفية وأحتاجه كثير من الناحية هذي,,وهو عارف نقطة ضعفي ,,حتى لما أجي أحاول أطنشه ’’
أجلس فتره مطنشته و بعدين أرجع لـ طبيعتي ’’ من غير ما أحس
لكن أملي بالله سبحانه وتعالى ,,
ودائمآ أعزي نفسي بالصبر’’وما أدري يمكن يصير بتالي الوقت خيره,,
,,,,,,,,,,,,,,,
واصلي أختي وسن حياتك,, طريقتك رائعة ,,
تمناتي لك بحياه سعيده
وأسأل الله العظيم رب العرش الكريم
في هذا اليوم وفي هذة الساعة المباركة
من يوم الجمعة أن يصلح لك زوجك وذريتك
ويبارك لك في عمرك ,,
كما أسأله سبحانه أن
يغفر لنا ولكم ويشرح صدورنا
وييسر أمورنا ويهدينا سواء
السبيل وأن يتولانا وأن يوفقنا لما فيه الخير,,اللهم آمين
دمتي بحفظ الله ورعايته,,

أختك أنا الألماس’’

 

[*وسن*]

زوجة شمالي شرقي - الأمومة - أنوار الحق

الله يقبل دعاكم ويجزاكم بأحسن الجزاء آمين


أختي أنا الألماس
أنا نفس وضعك وردود فعلك
الله يرزقنا الصبر و الاحتساب

لا والبارح مرسل لي صورته طالع رحلة
يعني ولا على باله .. ولا كأنه ناسفنا فوق أسبوعين بدون سبب
(معلوم خلاص أبوه مسافر محد يحط له اعتبار إلا أبوه)
ويوريني تراني بـ لهو بريء
قلت "بقلبي" حتى اللهو البريء ..
إذا ألهاك عن واجباتك ورعيتك اللي وصى الرسول صلى الله عليه وسلم برعايتها يعتبر حرام

عموما أنا موقفة أي تواصل معاه هاتفي -الشبه معدوم أصلا-
يمكن مرتين دق ولا رديت
مرة مارديت لأنه دق الصبح وهو يعرف إني أنام الصبح
حاولت أدق ولاتمت المكالمة قلت يالله خيرة منب راجعة أكلمه , لأنه يسويها كثير يطنش مكالماتي
والمرة الثانية دق نص دقة وسكر قلت أكيد غلطان ​

وإذا رجع -هذا إذا- بتكلم عادي بس زي ما قلت لكم بسوي عادي وإذا عندي مشوار وإلا طلعة مارح انتظر خروجه
عادي كأنه موب موجود ..
موب هو يسافر ويروح و يجي كنناموب موجودين
بس بدون افتعال ولا تشنج
لأنه بيقلبها عليّ لو بسوي كذا
بحاول -والله يقدرني على ضبط هذا الدور- إني ماني مستعدة لأي نقاشات عقيمة
أُشبعت حكي وشد جذب فاضي

وبعد من ناحية الحمل ..
كنت أبي أحمل وهذا غير ممكن لأنه مايتواجد وقت التبويض
أكثر مايصادف وجوده وقت دورة
وقد سألني قال متى تبين
وأول كنت أعالج الكيس والكيس الحمدلله راح
الحين إذا فتح الموضوع بقول خلاص ما يحتاج أعالج أنا تطمنت على روحي الحمدلله
وتجربتي ذك الشهر لما كنت أتشحذك تجي وقت التبويض ما راح أكررها ثاني مرة لأنها تعبت نفسيتي
الحمل بيجي إذا انت موجود .. إذا انت موب موجود منين بيجي ؟
والله منب مطققة روحي أبر ومعرضة مبايضي للاختلال الهرموني وأنا سليمة الحمدلله
خلاص ..
الله أحسن نظر إذا بيكتب حمل بيكتب
إذا ماكتبه ربي أبصر وأرحم



الله يصلح الحال
ويغير حالنا من حال إلى حال ..
مهوب كثير على الله عز وجل ..
هو القادر عليه سبحانه وتعالى

​

 

[كنوزالارض]

الله يعينك اختي


الله يسخر لك زوجك ويهديه


شكواك اثرت في كثيرا

وتذكرت اللي قال بعيد عن العين بعيد عن القلب

والله احس زوجك حارم نفسه من دفء الاسره الله يرده لك ردا جميلا

 

[*وسن*]

الله يعينك اختي

الله يسخر لك زوجك ويهديه

شكواك اثرت في كثيرا

وتذكرت اللي قال بعيد عن العين بعيد عن القلب

والله احس زوجك حارم نفسه من دفء الاسره الله يرده لك ردا جميلا

الله يجزاك خير أختي كنوز
بس تصحيح ..
أي حارم نفسه ..
عنده أصدقاء -عزابيه شباب صغار- لامهم حواليه موجودين معاه بالمدينة الثانية اللي هو عايش فيها لا معيشهم بنفس البيت بعد !
وكلهم هو يكبرهم بأكثر من عشر سنوات
الظاهر مغذين عاطفة الأبوة عنده

وأنا سبق و نبهته بمرة لما كان يمدّحهم قدامي
-يعني بيطمني إنه ملتزمين مارح يخربونه عساس عزابية-
قلت صدقت .. ونعم بفلان والنعمين بعلان ..
بس بقولك ..
بما إنهم رجاجيل و أصحاب مواقف
ترى أول مايرتبطون .. لا تفكر إنهم بيقضون جنبك دقيقة وحدة
بيعيشون حياتهم الطبيعية مع زوجاتهم وعايلاتهم

وانت بتدور لك على صحبة ثانية تقضي معها البقية الباقية في عمرك
والظاهر إنك منتب راجع لنا إلا وانت شايب لا تقدر تروح لا يمين ولا يسار
وساعتها .. إذا خدمتك وأحسنت عشرتك -سواءا أنا أو عيالي- ..
ترى عشان ربي والله ..
لاتفكر إني بسويها بطيب خاطر ورضى نفس

إلى الله المشتكى أختي كنوزالأرض



​