ولابد من شكوى إِلى ذي مروءة**يواسيك أويسليك أويتوجع@3/4سنين زواجنا(غايب)

[ام الغالي فيصل]

على الاقل انت تستفيد منالنصائح وتطبقيها اما انا فلا حياة للمن تنادي والله تعبت من نفسي ادعوا لي اتغير

وش فيك حياااتووو
تتغيرين من ناحية ايش على شان ندعيلك
يارب تتغير البعد همـــــــــي على ايش مدري

 

[*وسن*]

السلام .. هلا بنات

جزاكم الله خير و بارك فيكم على هالردود اللي تبرد القلب
الله يطمن بالكم بالإيمان و بطاعة الرحمن

مضااااوي – البعد همي – الالماسة – سكنات في القلوب –
همس الروووح – منتهى الرقهــ - رشا حسين – الحرة –
أم الغالي فيصل - نعومة السكين - صاحبة عيالي
احاسيس وطنية - ما يصحش هالحتسي
"احاسيس" و "ما يصحش" ..
من قالكم ما طلبت منه ننقل
مية مرة أقول له خل ننقل معك .. معيي ..
طبعا ما انحاش مننا عشان يجيبنا

عنقود عنب أختي ..
هذا اللي أنا محتارة فيييييه ..
الحين هو مأثرة فيه طريقتي شوي
بس أخاف يمل .. أحيانا أعطيه وجه شوي .. و أحيانا لا ..
بس مشاعر .. لاء .. ماقدر أعطيه ..
أنا مو كذابة .. ماقدر أوريه شي ما أشعر فيه
مع العلم إني كنت معطاءة بالسابق و حنون ..
و أبادر بكل شي
بس الغياب اللي قاعد يغيبه عن بيته جنوني ..
حتى أهله متضايقين منه .. و حاسين بمعاناتي وأنا منب شكاية ..
قالت لي اخته من قريب خل أقول لابوي يكلمه ؟
قلت : لا حبيبتي مرة قلت له بواحد من نقاشاتنا العقيمة "تراني أقدر أقول لابوك شف لنا حل و حيجبرك بس مابي تجيني كاره"
قال : لو يسويها أبوي .. حطيت لك بذيك المدينة حرمة ثانية و شوفي من يقدر يمنعني و صرت أتردد عليها رسمي ..
و ما رح يقدر يمنعني أبوي من حقي الشرعي <--- طبعا يخوفني


يا بنات عادي أنا أصمد عالتطنيش
وحتى سبحان الله أحس بديت أعتز بنفسي و أحبها
حسيت إني أقتص منه على سنين بعده بهالتطنيش
وأنا اللي كان أول هو شغلي الشاغل
وأنا وحدة أتكيف بأصعب الظروف وعندي بدال الصديقة و القريبات مية .. و مطلوبة دايما ..
و يشوفني أستقبل مكالمة و أصرف 10
وكوني محبوبة اجتماعيا واضح للعيان
لو أدخل مجلس أهله وهو قاعد .. يشوف الكل ..
من أدخل كلن يقول تعالي جنبي .. تعالي جنبي ..
بس يدي الحلق للي بلا اذان

بس أنا أقول إذا أنا راحت زهرة شبابي وحيدة ..
عيالي حرام ..
لازم أبذل جهدي عشان يعيشون عيشة سوية بظل أب و أم
موب كذا كأنهم أيتام يا حياتي

أنا بعلمكم المستجدات إذا رجع بسلامته من سفره اللامنتهي

و أنتم علقوا على طريقتي إذا صح أو غلط


جزاكم الله خير حبيباتي ..
اسأل الله العظيم
و كما جمعنا في دنيا فانية ..
أن يجمعنا في جنة عالية .. قطوفها دانية ..
أخوة على سرر متقابلين ..
آمين

​

 

[وديان الغلا]

الله يصبرك حاولي ما تشدين حيل لانه مع الوقت يبعد ويتعود الله يعلم بالقلوب حاولي اذا جى دلعيه اهتمي فيه بدون اسراف جربي

 

[ميوسه]

عزيزتي


انتي ماشيه صح



بس حاولي تزيدين جرعات الرفاهيه والدلال لك ببساطه حبي نفسك وخليه يلاحظ


انحفي شي جسمك كلنا نعاني من هالنقطه مع الشمالي نظطر نهمل انفسنا من الاحباط بس فترات وتعدي


نرجع زي اول واحسن عشان انفسنا



ببساطه هالفتره علقيه فيك بطريقتك اللي تتبعينها


وبعدين طالبيه بالفم المليان والحزم عن سفره


ياياخذكم معاه ياينقل عمله



قولي له هذا مو وضع ينسكت عليه صبرت كثير وسنوات وخلاص



وشوفي ردت فعله



موفقه

 

[*وسن*]

وديان الغلا أدلعه .. يوه تطلبين شي مستحيل .. ماقدر أعطيه أي ريق زين ..
و سبق و قلت له بنقاشنا ذاك قلت لكم عليه
اللي تكلمنا عن الرجل اللي لاهي لو يصير له مكروه ..
زوجته ما رح تخدمه بطيب خاطر هذا إذا خدمته ..
قلت له : أنا مثلا أضحك و أسولف معاك موب لأني راضية ..
أنا لوما عيالي و أمي كان ما صبرت على هالوضع ..
بس عشان أنا أنسانة فرفوشة و ونيسة و ماحب الحرمة اللي تعيش عمرها تندب حظها ..
يعني أنا أنسانة أحب أعيش على طبيعتي ما أعرف أكتم على نفسي






بس تعرفون وش اللي قاهرني ؟

إنه يرسل ايميلات عادي ولا كأن شي صاير

يعني قاعد يمارس حياته الطبيعية

وعادي ولا يفكر يرفع السماعة

مع إنه حتى لو يدق بنهي المكالمة لاني مني مستحملة منه شي

الله يفرجها يارب

إذا رجع بوافيكم بالاخبار ..

و الله يجزاكم الجنة خلكم متواصلين معي

يمكن إذا كنت منقهرة منه ماقدر أفكر صح



​

 

[الحُرّه]

صح لازم تشدي بالشدة وترخي ...
لايمل

 

[*وسن*]

هلا ميوسة


شلون أفتح معاه موضوع أُشبع نقاش له 10 سنوات !

 

[ام تولين ولين]

الله يعينك ويفرج همك بصراحة مااعرف اش اقول غير الله يعينك
وييسر امرك ويهدي سرك انت وزوجك ....

 

[*وسن*]

جزاك الله خير أختي الحرة

وآمين يختي أن تولين و لين ..

الله يفرج لنا جميع .. و المؤمنين و المؤمنات

 

[أبتسم بس أكآبر]

أختي العزيزه ربي يوفقكـ ويسعدكـ ويسخرلكـ زوجكـ يآرب يآكريم..وربي مدري أنــآ وش أشوركـ عليه بس حآولي مآتكونين على طول بآلجفآ يعني خليكـ مره طبيعيه ومــره جآفه..وربي يوفقكـ ويسهل لكـ أمــركـ ويفرج همكـ وهم الجميع يآرب..

 

[ميوسه]

هلا ميوسة


شلون أفتح معاه موضوع أُشبع نقاش له 10 سنوات !

كم تطول سفرته وهل هي للرفاهيه ولا من جد للعمل؟؟


هل تعتقدين انه يسوي شي حرام ؟؟؟؟؟ شي ينخاف منه


ولا بس يريح من جو المسئوليات




وبعدين 10 سنين بتكونين اتاقلمتي


القصد انو عيشي حياتك بالطول والعرض


وشدي وارخي معاه بس انتبهي لكلامك لايبعد اكثر


اللي اقصده الشمالي اذا حس بزوجته قويه ونفس الوقت مو رغبانه فيه لخطا سواه او شي مو راضيه عنه وسويه واجباته بما يرضي الله بدون نقصان ولا زياده وملتفته لنفسها



بهالوقت تقدرين تطلبين وراح يايلبي طلبك ياتتوصلون لحل وسط

 

[*وسن*]

ميوسه
كم تطول سفرته وهل هي للرفاهيه ولا من جد للعمل؟؟
سفرته على حسب ..
إذا أبوه بالمدينة -موب طالع يقضي نهاية الاسبوع بالشالية- .. يسافر ثلوث ربوع خميس جمعة سبت .. يقاله مراعي أبوه

إذا أبوه بالشاليه ..
يروح أسبوع .. و يجي يوم أو يومين ..
بعدين يغيب 10 أيام .. و يجينا 4 أيام و يرجع يغيب أسبوعين ..
و هكذا
بس له فترة .. وهو أقصى فترة قضاها معنا 3 أيام
ويوم رابع يسافر .. ما يستحمل ينهبل


هل تعتقدين انه يسوي شي حرام ؟؟؟؟؟ شي ينخاف منه
لا إن شاء الله ..
عقب موضوع هذيك الحرمة اللي سوا معها علاقة و اللي نقزت عيونه .. يالله يالله أفتك منها ..
أعتقد إنه بحول الله انتهى من اللعب

ولا بس يريح من جو المسئوليات
ايه يقاله يريح .. بس وش هالراحة اللي عيت تقضي
هو الحين حالته كويسة و عنده كثير ناس يديرون شغله
يعني عالاقل يدور لي عذر يقوله غير إنه يريح .. لأنه مرتاح الحين



وبعدين 10 سنين بتكونين اتاقلمتي
لا و الله يا ميوسة .. قلت لكم يخدرني ..
كل فترة يجيب عذر شكل !
مرة أنا ما عندي فلوس و الموظفين يبون مستحقاتهم عشان كذا لازم أسافر عشان يكون عذر كوني مسافر
ومرة بجيب بضاعة .. و مرة بخلص أوراق ..
و كل سفرة عذر شكل


القصد انو عيشي حياتك بالطول والعرض
اوكي عشتها ..
قلت لك عندي قدرة جيدة على التكيف مع أصعب الظروف
بس عيالي .. ارحمهم .. عايشين عيشة الايتام
بمجلس الاباء أدور من خواني احد يروح لهم عشان ما تنكسر خواطرهم


وشدي وارخي معاه بس انتبهي لكلامك لايبعد اكثر
هذا اللي انا اشوفه صح بصير اشد و ارخي ..
بس العواطف ماقدر اعطي

يعني اذا يبي بحقه الشرعي معليش و انا بعد .. اخذ اللي ابي
بس بدون عوااااطف .. بس اللي يوصلنا لحاجاتنا
بعدين من ناحيتي ينتهي كل شي -العواطف-
أما هو ,, فمن اول -قبل لا نتأزم- ينتهي كل شي
أقصد ما عنده رومنسيات

اللي اقصده الشمالي اذا حس بزوجته قويه ونفس الوقت مو رغبانه فيه لخطا سواه او شي مو راضيه عنه وسويه واجباته بما يرضي الله بدون نقصان ولا زياده وملتفته لنفسها

بهالوقت تقدرين تطلبين وراح يايلبي طلبك ياتتوصلون لحل وسط

يا ليت تشرحين هالنقطة بتفصيل أكثر
معليش .. تراني متنحة .. مع عوامل التعرية خخخختكفين عطيني روابط نافعة للتعامل مع الشمالي .. تعبت من التدوير والمواضيع تبارك الله كثيرة

اضافة ..
دايما يقول ما تجيني بالقوة .. اطلبي اللي تبين بأدب و انا انفذ ..

قال هالجملة عقب ما عصبت بمرة من المرات اللي من شهر تقريبا .. و قلت إلا بجي للمدينة اللي هو فيها أنا و عيالي نبي نوسع صدورنا -بالصراخ جيته
قال إن جيتي بترجعين بيت اهلك او شي زي كذا

رفعة الصوت صارت مرة او مرتين بالتاريخ
طبعا مع سنوات الظلم .. بديت اخرق مهابته ,,
و إلا هو (يروع) ! محد يعانده ..

وهو دينه و دين كذا ..
بس يدري احترامي له صار مشروط ..
وهو موب قادر ينفذ الشرط .. عشان كذا قال وناستي ابدا

و بآخر مرة كنت رافعة صوتي عليه .. تأسفت على رفعة الصوت و حطيتها بين قوسين إني اعتذر بس على رفعة الصوت موب على مطالبي ..
قام هو اعتذر بعد على الكلام السيئ اللي قاله

بس إنه يتخلى عن السفر .. مايقدر ..

و أنا طفشت مرة ..
و صرت حاقدة عليه ..
كيف بتصير عشتي معاه وانا اضمر له الكره
كيف بكمل مسيرتي و أنا حاقدة عليه

بنات هو رجال يذكر بالخير و خير صديق لي
بس مفتون بهالسفر ..

ياربي إذا سكنا البيت الجديد -باقي عليه سنة إن شاء الله -
يرتاح فيه و يبطل سفر
يارب

لاحول ولا قوة إلا بالله
اللهم أجعلني صابرة محتسبة
الله يجزاكم خير يا بنات الله لا يحر مسلم ولا مسلمة ..
و الله إني أفكر ببناتي ..
ياربي لا تبلاهم بأزواج كذا ..
أستغفر الله العظيم من كل ذنب .. والمؤمنين و المؤمنات

 

[ميوسه]

ميوسه
كم تطول سفرته وهل هي للرفاهيه ولا من جد للعمل؟؟
سفرته على حسب ..
إذا أبوه بالمدينة -موب طالع يقضي نهاية الاسبوع بالشالية- .. يسافر ثلوث ربوع خميس جمعة سبت .. يقاله مراعي أبوه

إذا أبوه بالشاليه ..
يروح أسبوع .. و يجي يوم أو يومين ..
بعدين يغيب 10 أيام .. و يجينا 4 أيام و يرجع يغيب أسبوعين ..
و هكذا
بس له فترة .. وهو أقصى فترة قضاها معنا 3 أيام
ويوم رابع يسافر .. ما يستحمل ينهبل


هل تعتقدين انه يسوي شي حرام ؟؟؟؟؟ شي ينخاف منه
لا إن شاء الله ..
عقب موضوع هذيك الحرمة اللي سوا معها علاقة و اللي نقزت عيونه .. يالله يالله أفتك منها ..
أعتقد إنه بحول الله انتهى من اللعب

ولا بس يريح من جو المسئوليات
ايه يقاله يريح .. بس وش هالراحة اللي عيت تقضي
هو الحين حالته كويسة و عنده كثير ناس يديرون شغله
يعني عالاقل يدور لي عذر يقوله غير إنه يريح .. لأنه مرتاح الحين



وبعدين 10 سنين بتكونين اتاقلمتي
لا و الله يا ميوسة .. قلت لكم يخدرني ..
كل فترة يجيب عذر شكل !
مرة أنا ما عندي فلوس و الموظفين يبون مستحقاتهم عشان كذا لازم أسافر عشان يكون عذر كوني مسافر
ومرة بجيب بضاعة .. و مرة بخلص أوراق ..
و كل سفرة عذر شكل


القصد انو عيشي حياتك بالطول والعرض
اوكي عشتها ..
قلت لك عندي قدرة جيدة على التكيف مع أصعب الظروف
بس عيالي .. ارحمهم .. عايشين عيشة الايتام
بمجلس الاباء أدور من خواني احد يروح لهم عشان ما تنكسر خواطرهم


وشدي وارخي معاه بس انتبهي لكلامك لايبعد اكثر
هذا اللي انا اشوفه صح بصير اشد و ارخي ..
بس العواطف ماقدر اعطي

يعني اذا يبي بحقه الشرعي معليش و انا بعد .. اخذ اللي ابي
بس بدون عوااااطف .. بس اللي يوصلنا لحاجاتنا
بعدين من ناحيتي ينتهي كل شي -العواطف-
أما هو ,, فمن اول -قبل لا نتأزم- ينتهي كل شي
أقصد ما عنده رومنسيات

اللي اقصده الشمالي اذا حس بزوجته قويه ونفس الوقت مو رغبانه فيه لخطا سواه او شي مو راضيه عنه وسويه واجباته بما يرضي الله بدون نقصان ولا زياده وملتفته لنفسها

بهالوقت تقدرين تطلبين وراح يايلبي طلبك ياتتوصلون لحل وسط

يا ليت تشرحين هالنقطة بتفصيل أكثر
معليش .. تراني متنحة .. مع عوامل التعرية خخخختكفين عطيني روابط نافعة للتعامل مع الشمالي .. تعبت من التدوير والمواضيع تبارك الله كثيرة

اضافة ..
دايما يقول ما تجيني بالقوة .. اطلبي اللي تبين بأدب و انا انفذ ..

قال هالجملة عقب ما عصبت بمرة من المرات اللي من شهر تقريبا .. و قلت إلا بجي للمدينة اللي هو فيها أنا و عيالي نبي نوسع صدورنا -بالصراخ جيته
قال إن جيتي بترجعين بيت اهلك او شي زي كذا

رفعة الصوت صارت مرة او مرتين بالتاريخ
طبعا مع سنوات الظلم .. بديت اخرق مهابته ,,
و إلا هو (يروع) ! محد يعانده ..

وهو دينه و دين كذا ..
بس يدري احترامي له صار مشروط ..
وهو موب قادر ينفذ الشرط .. عشان كذا قال وناستي ابدا

و بآخر مرة كنت رافعة صوتي عليه .. تأسفت على رفعة الصوت و حطيتها بين قوسين إني اعتذر بس على رفعة الصوت موب على مطالبي ..
قام هو اعتذر بعد على الكلام السيئ اللي قاله

بس إنه يتخلى عن السفر .. مايقدر ..

و أنا طفشت مرة ..
و صرت حاقدة عليه ..
كيف بتصير عشتي معاه وانا اضمر له الكره
كيف بكمل مسيرتي و أنا حاقدة عليه

بنات هو رجال يذكر بالخير و خير صديق لي
بس مفتون بهالسفر ..

ياربي إذا سكنا البيت الجديد -باقي عليه سنة إن شاء الله -
يرتاح فيه و يبطل سفر
يارب

لاحول ولا قوة إلا بالله
اللهم أجعلني صابرة محتسبة
الله يجزاكم خير يا بنات الله لا يحر مسلم ولا مسلمة ..
و الله إني أفكر ببناتي ..
ياربي لا تبلاهم بأزواج كذا ..
أستغفر الله العظيم من كل ذنب .. والمؤمنين و المؤمنات

طالبي بوناستك


اطلبي مثلا انو انتي تسافرين لوحدك بدونه مع اطفالك اذا عندك احد كبير


حتى لو مايرضى بس خليه يشوفك مع شخصيتك الجديده انو انتي مستغنيه بحدود


وتطالبين بهالامور حتى يبطل سفره او يقلله


وانتي انتبهي من قلة المشاعر مو تخلينها عدم احترام او تادية واجب بس اذا اعطى اعطي والعكس


وخليك غامضه لاتصرين على الموضوع ولا لهفتك وخناقتك على سفراته

طنشي

واحلوي بعينه داخليا وخارجيا بشخصيتك وبشكلك


وبدعي ببيتك وباثاثك بالمستقبل

اقري قصة ام الوليد وام بسمه الامارتيه


واهم قصه شبيه بوضعك مع اختلافات


قصة عبر الاثير

موفقه

 

[غدير الكويت]

صج كلام الاخت ميوسه طالبي بحقج بالراحه والهدوء بسفره بدون العيال مثل ما اهو بيرتاح
وان شاء الله يحس فيج وخليج جدامه دايم هاديه وحسسيه انج مشغوله بنفسج وتحبينها وتبين الراحه لنفسج
والله بسخره لج يااارب

 

[فكر راقي]

اسال الله العظيم ان يفرج كربك ويسخر لك زوجك .

 

[*وسن*]

ميوسه
طالبي بوناستك
اطلبي مثلا انو انتي تسافرين لوحدك بدونه مع اطفالك اذا عندك احد كبير
ما عندي محرم .. أصلا كم مرة تنعرض علي روحة قريباتي بس بنات و أرفض عشان المحرم و عشان ما أنبسط بدون عيالي

حتى لو مايرضى بس خليه يشوفك مع شخصيتك الجديده انو انتي مستغنيه بحدود
وتطالبين بهالامور حتى يبطل سفره او يقلله
لا ما همه ..
وده إني أسافر لحالي و أفلها عشان ياخذها عذر للنحشة

وانتي انتبهي من قلة المشاعر مو تخلينها عدم احترام او تادية واجب بس اذا اعطى اعطي والعكس
أسوي كذا

وخليك غامضه لاتصرين على الموضوع ولا لهفتك وخناقتك على سفراته
ايه قاعدة أطبق إني استغني عنه ولا أجيب طاري
والحمدلله بدت تهون المشاكل على الاقل نفسيتي

طنشي
مطنشة .. حتى يعيد و يزيد إنه بيسافر ..
يقول بسافر بكرة .. و أنا أطالعه عادي ..
و يعيد .. و يعيد
بعدين يقول هاه .. ولا أرد و أطنش و أدور شي أسويه

واحلوي بعينه داخليا وخارجيا بشخصيتك وبشكلك
وبدعي ببيتك وباثاثك بالمستقبل

اقري قصة ام الوليد وام بسمه الامارتيه
واهم قصه شبيه بوضعك مع اختلافات
قصة عبر الاثير

موفقه
الله يجزاك خير أختي و يجعل كل حرف وجهتيه لي في ميزان حسناتك
بعد ما أرد عالأخت اللي تحت بعلمك تطورات الوضع إن شاء الله

وتكفين كان قدرتي عطيني روابط الاخوات اللي ذكرتيهم لي

 

[*وسن*]

هذاني أطبق كلامكم .. الله ينفع به

غدير الكويت .. فكر راقي
جزاكم الله خير ياخواتي .. و بارك فيكم
الله لا يحجب ما دعيتوا ..
والله يهب لي و لكم من أزواجنا و ذرياتنا قرة أعين
و يجعلنا للمتقين إماما

 

[*وسن*]

بنات

الحين تغير هو و لله الحمد شوي

يعني .. خذا معاه عياله بهالرحلة بنهاية الاسبوع -ولله الحمد و المنة -عمره ما سواها ولا بالحلم إنه ياخذ عياله يونسهم لو مشوار قصير فما بالك رحلة- .. حسيت إنه يبي يرضيني

الشي الثاني حسيت بدا يحترمني شوي

و أنا يا بنات طبقت الكلام اللي قريت هنا او في أماكن ثانية عن الشمالي

وهي

-تخفيض الصوت

-الاهتمام بمظهري (أتمكيج و ألبس حتى لو ما وراي طلعة)

-إذا جت مشكلة من عياله أسلم الموضوع له أوريه إني خلاص بدلع نفسي مثله
هو يتهرب تهرب كامل من المسئولية أنا بعد بسوي كذا .. صرت أي مشكلة أقول دقوا على أبوكم
و أقول له بالفم المليان مالي شغل طبعا أنا مجهزة هالكلمة بس ما اضطرني لها ..
صار يحل لهم مشاكلهم

-أنا مستعدة أقول له أي شي .. بس هو محاول إنه ما يصطدم بي ..
لأنه حاس إني بكون قوية و هو ما يحب أحد يعانده و بنفس الوقت ما يقدر يكابر و يتطاول لأني جاية بأسلوب راقي ..
وكل ما رجع للأسطوانة المشروخة (الاستهزاء و الاحتقار و التقليل من شأني لين كل واحد يحط من قيمة الآخر -مع حفظ الادب من ناحيتي يعني ما أغلط عليه بس أرد انتقاداته بانتقادات-) أعود لأرد عليه بأدب
و أقول إذا ما عندك إلا الاستهزاء أفضل أنهي المكالمة .. و يحاول يجرني لهالمصيدة اللي توتر الجو و تعطيه العذر للسفر .. و أثبت بمحلي و أقول أرجوك .. مع السلامة .. لو سمحت .. مع السلامة .. ماحب اسمع هالكلام .. أنا الحين ما أبغى مشاكل أبي أريح راسي .. فــ بليز يعني .. خلص

حاس إني شلته من بالي .. وهذا الشي ما يبيه لأنو أول بمشاداتنا العقيمة كنت أقول قول إني ما رح أتغير و أنا أشيلك من بالي و أريحك .. و هو يقول لا .. و يضيع الأمور بطريقة ذكية
يعني كأنها شعرة معاوية

بس شعرة معاوية مقصفة جدا .. يا يحط حمامات زيت .. و إلا هي على وشك الانقطاع خخخ

عموما .. أنا شاكرة لكم يا بنات .. الله يجمعنا في ظل عرشه يوم لا ظل إلا ظله

و مثل ما أنا غاثتكم بالمشاكل بقول لكم خبر سعيد بعد غير إنه خذا عياله معاه رحلة

قال بتسافرون الحج (عشان ما يأنبه ضميره لأنه مسافر مسافر) قلت إذا بتودينا مابي بدون محرم خلاص
قال أوديكم .. بس ماحقعد معكم .. قلت المهم ترجعنا .. قال الترجيع ماقدر .. قلت أجل مابي
قال ما تبين بكيفك .. قلت أيه لا تشتري تذاكر مانبغى
جت بنته تطلب لاب توب .. قلت خوذي فلوسك اللي كانت للسفر من بابا عشان حنا بطلنا
بعدين قلت و الا تدري .. اصبر خل اشوف المدرسات يمدحونها و الا لا .. خلها بعد مجلس الامهات

قعد يومين كذا بعدين رجع يسألني .. بتقعدين منتب مسافرة ؟ قلت ايه .. إذا منتب مرجعنا ماله داعي
قال خلاص أرجعكم ..
قلت إذا ترجعنا .. اوكي

الحمدلله و الشكر ..
هو موب سيئ .. بس مفتوووون بالسفر و أقصد بالسفر مقر آخر له -ملك- فيه ثلة من صحبه الغير متزوجين .. يعني شي غصب عليه .. تعود عليهم ..

عاد يا بنات .. الحين قلت لنفسي .. دامه يهاب أبوه .. أبوه دايما وراه وراه- متضايق اساسا من غيابه .. أكلم أبوه ..
و أقول له يا عمي ولدك زين الرجال ..
بس مفتون بالبلد المشئوم اللي له بيت فيه ومسكن اصحابه العزام فيه
و أنا على كثر ما أقول له ينفر و يزيد غياب ..
وش رايك انت اللي تطالبه لأنه ما يرد لك طلب
بدون لا يدري إني شكيت لك

 

[رحيل الوقت]

ماشاء الله تبارك الله احسك ناضجه وذكيه صراحه العمر يعلم بس جد ما اعرف اسوي زيك

زوجي شمالي شرقي

وبديت اتعلم من المنتدى كثير رغم اني احيان ارتجل لاني مو صبوره ابد

الله يوفقك يارب وتتهني

 

[*وسن*]

أختي رحيل الوقت

أنا زوجي شمالي شرقي بعد

و إذا انتي مو صبورة مرة .. أنا مو صبورة عشر ):

بس فيه كلمة قالتها وحدة الله يجزاها خير .. الظاهر هنا ببلقيس

تقول إذا تعلمتي لعبة التطنيش .. و صبرتي عليها .. و اتقنتيها _ما تجي هالمرحلة للجنوبيات اللي مثلي إلا بعد شق الانفس- .. بتصيرين تستمتعين فيها .. و كل شي يمشي حسب انتي ما ترسمين له

اللهم ارزقنا الصبر ..
و اجعلنا صابرات محتسبات و يؤتينا في الدنيا حسنة و في الآخرة حسنة و يقينا عذاب النار .. و كل مسلم يارب