أول شي الخيرة عند الله
لكن بمنظورنا البشري أقول أنا ما عجبني دا الرجال
لعدة أمور:
1_ انه وافق في البداية ثم تراجع .... ما سبب التراجع ياترى ؟ هل كانت فكرة موافقته في البداية فقط لتتم الزواجة ثم يحاول الضغط عليك؟
أو أنه كان فعلا موافق ثم حصلت له ضغوط أجبرته على التراجع؟
2- الحلف بالطلاق شي سيء جدا , خاصة لو كان في فترة الملكة ( تو الناس لسه ما تزوجنا) ,وكمان على شيء تافه .
3- انه يزعل بشدة لما ما تردين , بصراحة كل انسان له مشاغله موكل وقت يقدر يستقبل مكالمات حتى لو زوجي إلا لو شي ضروري معليش بس لو شي عادي أو شي ممكن يتأجل ليش الدربكة والرجة والواحد مشغول ولا نايم .....( حسيت أنه أناني , لو هو مشغول أو نايم ما يبغ يكلم أحد)
4- الوعد اللي وعده انه يسويلك بيت مستقل بعد 3 سنين أنا ما أصدقه إلا لو كان قدام أهلك وأخوانك ( وبرضو ينخاف منه لأنه ممكن يماطل وتصير)
5- وجود أي شخص مع الزوجين في نفس المسكن شي مزعج جدا.
وأنت الآن مازلتي على البر ويبدو أنك لم تتعلقي به بشكل شديد , وما زال الخطاب يترددون عليك فلا تستعجلي
وبصراحة هذي الأمور ما ظهرت إلا بعد الملكة ولو أنك عرفتي من البداية أكيد ما كان قبلتي
ففكري من جديد بارك الله فيك ووفقك لكل خير حبيبتي
