وضاقت علي الأرض بمارحبت ساعدوني وأحتسبوا الأجر لوجه الله تعالى...

قيود حبيبتي اصلا الفتره طويله باقي على الفرح 6 شهور بس هو مصر على رايه وانا محتاره يالتعامل معه وخايفه اني اخسر ثاني مره
 
مرحبا أختي
أولا أنتي مازلتي على البر فلا تشيلي هم أبد
الرأي الحين بيدك
وإذا أنتي حاسه أنك مراح تتأقلمي
أستخيري
بعدين أنتي موظفه وماعندهم شغاله
هل إذا تزوجتيه بيجيب لك !!
وألا بيصير الشغل نصه عليك !!
شوفي أسلوبه عشان بس مارديتي حلف بالطلاق !!!! وين عايشين احنا
يختي أيام الملكه أحلى أيام العمر
وهو من أولتها يحلف بالطلاق !!!!!

يختي ناس تتزوج وتعيل سنين وتصير بينهم مشاكل
ماعمر ازواجهم لفظو كلمة طلاق

عموما
أنتي أدرسي الوضع من كل جانب
خذي ورقه وقلم وأكتبي
لو تزوجتيه
أيش راح تستفيدي
وأيش راح تخسري

وإذا حسيتي أنك راح تخسري كثير
أنصحك تبتعدين عنه
وربي ماينسى عباده

موفقه يارب
 
نسيت
أكثري من الاستغفار فيه راحه عجيبه سبحان الله
أستغفري بنية أن الله يكتب لك اللي فيه الخير والصلاح
أذا بتتزوجيه
وأذا لا بناتك بالدنيا

..........
 
إنتي موظفة بتقدري تجيبي شغالة على حسابك تساعدك؟؟؟؟؟بس عندي احساس من خلال ردودك إنو إنتي مامقتنعة فيه يعني حاسستيه مستغل تجربتك السابقة وإنك مطلقة؟؟؟ياترى مجرد تخوف لأنك مارة بتجربة زواج فاشل لما عندك ملاحظات عليه من خلال تعاملك معه ...؟؟؟يعني كأنك مامرتاحة لشخصه مو مجرد قصة البيت ؟؟؟لأنو البيت والسكن مع أهله حل مؤقت هو وعدك بعد 3 سنين ممكن تستقلوا ببيت لوحدكم....نصيحتي لك استخيري ولاتضغطي على نفسك اذا مامرتاحة معه ...الله ينور بصيرتك للقرار الصح.
 
عذاب السنين
ياعمري عليك والله ريحني اسلوبك
هو انسان طيب بس سريع الانفعال اذا غضب مايحترم احد وهذا انا بايام الملكة بعض الاحيان يتصرف ويسب اسلوب مايصلح..
اهلي خايفين من كلام الناس وانا اخر ماافكر فيه كلام الناس
لان انا اللي عايشه مو الناس
بارك الله فيك
 
الشغاله امر الى الان ماتكلمنا فيه لان انا وظيفتي معلمه بمدرسه خاصه
مافيه امكانيه للشغاله الوقت هذا..
بس انا اتوقع انه استغل ظرفي اني مطلقه من قبل فقال بنفسه بترضى غصب عشان ماتتطلق ثاني مره
 
بصراحه الان حسيت ان المشكله مو فيه هو وبس انتي كمان في داخلك خوف من الفشل والإنفصال لاتخلي تجربتك الاولى تحبطك
 
عذاب السنين ....

يالغلاا بناتي موعندي اخذهم ابوهم من اول اسبوع طلاق فكرك لو بناتي عندي راح اتزوج اكيد مستحيل بس لجات للزواج بعد عدم وجود بناتي
 
قيود حبيبتي انا حسيت انه مستغل وضعي باني مطلقه وجلس يجبرني على اشياء ماابغى اسويها بس يجبرني عليها
البعض اوافق علية والبعض ارفضه وهذا اللي مخليني اتردد
 
غاليتي


فكري شوي بعقلانية


من خلال كلامك يبدو إنك طيبة وعلى نيتك



العيش مع أهل الزوج يحتاج لها قلب مثل الصخر


أنا حطيت نفسي مكانك




وقلت لو إنه من البداية صارحك هذا شي ثاني



لكن الآن فكري وفكري وفكري




أنت الآن لوحدك وموظفة وانت ادرى باحتياجاتك ومحد يقدر يعطيك القرار إلا ذاتك



ركزي كدة واستخيري وربي يلهمك الصواب
 
ام سكر بارك الله فيك
فعلا انا طيبه لحد ماتتصورينه
بصراحه استغلهاااا

شاكرة لكي يالغلاا
 
الشغاله امر الى الان ماتكلمنا فيه لان انا وظيفتي معلمه بمدرسه خاصه
 مافيه امكانيه للشغاله الوقت هذا..
 بس انا اتوقع انه استغل ظرفي اني مطلقه من قبل فقال بنفسه بترضى غصب عشان ماتتطلق ثاني مره


ما اقدر اقتبس فحطيت كلامك
اختي يابعض الناس عليهم حلووووول ....
كيف انتي راح تجيبي شغاله وانتي بيت اهله انتي مو مكلفه فيهم
ومن خلال ردودك حسيت انه استغلالي وانتي حاسه بها الشي
وانتي اللحين على البر تقدرين تنفصلين قبل لاتتورطين بعيال مرة ثانيه
اعرف وحده 3مرات تزوجت وتطلقت وكل تطلع بطلاقها بعيال...ان شاء الله ماتكونين مثلها
واعرف ثانيه تطلقت وعندها بنت وزيك جميله تزوجت ولد وبشروطها وشايلها من الارض شيل
انتي عنك مقومات الجمال والاخلاق وزي ما قلتي يخطبونك شباب
فلا تستعجلين
والافضل اهلك يتفاهمون معاه ومو بس تصرين على شروطك مادام انتي على البر
واذا وافق وتم الزواج اجلي الحمل سنه على الاقل لانه ممكن يرجع في كلامه
والله يوفقك

 
بعد الاستخاره فما خاب من استخار انصحك انه كلشي خايفه منه تتواجهون فيه امام اهلك يعني لازم احد يحط لكم النقط على الحروف قبل الزواج دامكم عالبر خليكي فطينه هذا زواج مولعبه وخصوصا انك مجربه من قبل وعارفه المشاكل فليش تسمحي لنفسك تعيشي بتوتر من جديد الزواج سكن مو قهر وهم لذا انصحك حطو النقاط عالحروف من اولها وارتاحي نصيييييييييييييييييحه والله يوفقج
 
يمكن انتي مو شايفه قدر نفسك الى الان,ولو لاحض هوه عليك هذا الشي
رح يشوفك بنفس النضره اللي انتي شايفه فيها نفسك..
طلاقك لا يعني انك ما تستحقي السعاده,وياليت ما تربطي اسلوبه بفرض
اشياء معينه عليك بانك ضعيفه ممكن يكون هذا اسلوبه.
واعتذر لاني ما اقدر افتيك بالزواج او عدمه لان من الصعب ان يكون المستقبل واضح
اتمنى لك التوفيق,وانصحك كالباقيات بلاستخاره​
 
واذا كنتي مطلقه يعني
المطقله مو انسانه ولها مشاعر واحاسيس وكرامه وتغبى تعوض بالي احسن مو تكرر نفس التجربه او تكون اسوا
يعني لو مصر على كذا انا اقول اجلسي عند اهلك معززة مكرمه احسن من ما يشغولكي عندهم خدامه حشاكي
ويحصل طلاق تاني​
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل