@ودك تزيدين ذكاء طفلك,أوعندك طفل يعاني من تأخر نطق,فهم, تشتت؟ أقولك وش سويت@ وبالصور

[هذا رأيي]

جزاك الله خير حبيبتي​

وإياااااااااااك يالغلا :32:

 

[هذا رأيي]

الفائده الخامسه والثلاثون :-

الحمدلله الذي جعل الليل لباسا والنهار معاشا


أختي الفاضله :-


احرصي على تنظيم نوم أطفالك ..


ولاتشركينهم معك في نومك الملخبط

الفوضوي ..

للعلم أنا ماأنام بدري وأتمنى ما أسهر بس

الظروف.. بس أحرص بقوه على نوم أطفالي

بدري


لأن الطفل اللي يأخذكفايته من النوم ليلا

تلقينه يصحى الصباح نشيط ومروق

ومايتعبك باللبس والأكل

ومستعد لتلقي معلومات وخبرات جديده


بعكس اللي يسهر نفسه شينه ومتوتر وخامل

وكسول

وعشان أطفالك ينامون بالليل احرصي إنهم

ماينامون بالنهار ولادقيقه


ولما يأذن العشاء تلقينهم دايخين نوميهم

بالعافيه


وبعض الأطفال نومهم خفيف وقليل زي ولدي

الأوسط


هذا ما أخليه ينام إلا الساعه تسع تقريبا

والحمدلله مايصحى إلا الساعه ست الصباح


المهم إنك ماتسهرينهم وتقولين يعوضون

بالنهار


هذا خطأ كبيييير وللأسف أكثر الأمهات واقعين

فيه

تبين تسهرين بكيفك بس لاتحرمين أطفالك

فوائد النوم المبكر وتعرضينهم لمساويء

السهر وهذي بعضها :-

أضرار السهر ​

1- أثبتت الأبحاث العلمية إن كثيرا من ​

الهرمونات التي تفرزها ساعات النوم ومنها ​

على سبيل المثال (هرمون النمو)​

مسئولة عن إكساب الجسم المزيد من القوة ​

العضلية ,​

والقوة الذهنية , ​

ومع طول السهر ​

يحرم الإنسان من إفرازات الهرمونات بالصورة ​

الطبيعية.​

2- ولوحظ كذلك زيادة إفراز هرمون ​

(( الميلاتونين )) ​

أثناء النوم ليلاً وهو المسئول عن إعطاء الجسم ​

المزيد من الحيوية والنشاط ,

​

وإكسابه المزيد من المناعة ضد الإصابة ​

بالإمراض المختلفة بما فيها الأمراض الخبيثة ​

ولذلك نلاحظ أن الذين يدمنون سهر الليالي ​

يعانون من الكسل والهزال وضعف البنية ​

الجسدية

​

3 - من أضرار السهر إصابة العين باحمرار ​

ونقص بحدة الإبصار وذلك بسبب نقص إفراز ​

مادة(أرودوبسين )​

التي تفرز أثناء النوم ليلاً​

4_ إصابة الإنسان بالهذيان ,والتشتت ​

الذهني...

​

وقد سجلت بعض الحالات التي أصيب أصحابها ​

بذلك من كثرة السهر ليلاً,​

وتعزى أسباب ذلك إلى تأثر الموصلات ​

العصبية الكيميائية بالمخ ,مثل مادة​

(السيروتونين) (وحامض البوتريك)​

وطبعا كلنا نعرف أن النوم ليلاً له فوائد... منها:​

1- إبطاء عمل الجهاز العصبي ​

((السمبثاوى)) وهذا يؤدى بدوره ​

إلى مزيد من الراحة لجميع أجهزة ​

الجسم, ​

وخصوصا القلب. ​

والجهاز التنفسي.​

وهذه فوائد قد حرم منها المدمنون ​

على سهر الليالي ,​

فيصابون بأمراض القلب المختلفة ​

والتوترات ,​

والقلق الدائم​

2- يؤدى النوم إلى زيادة مخزون ​

الطاقة في الجسم وتجديد خلايا ​

وأنسجة الجسم نتيجة زيادة إنتاج ​

البروتينات وانخفاض نسبة ​

تكسيرها حيث أن البروتينات هي ​

المسئولة عن نمو الخلايا وتعويض ​

ما يتلف منها ​

على سبيل المثال ​

بسبب الأشعة فوق البنفسجية أو ​

بسبب الضغط النفسي ​

لهذا فالنوم الجيد هام ​

لجمالك وراحتك النفسيه وهدوءك​

3- يرتفع هرمون النمو في الجسم ​

إلى أعلى مستوياته أثناء النوم. ​

هذا الهرمون ليس ضرورياً للأطفال ​

فقط كما قد يعتقد البعض ولكن ​

للكبار أيضاً -​

إلا أن إفراز هذا الهرمون يقل مع ​

التقدم في السن.​

هذا الهرمون يعمل على تجديد ​

وبناء :_​

الأنسجة،والعضلات، والعظام، ​

كما أنه يقاوم تأثير هرمون ​

"الكورتيسول" على أجسامنا. ​

4- النوم يساعد على تقليل ظهور ​

أعراض كبر السن كما يساعد على ​

تقليل نمو الخلايا السرطانية، ​

وبالتالي فهو يساعد في الحفاظ ​

على الشباب والوقاية ضد بعض ​

الأمراض​

أختي الفاضله
​

الآن هذي الفوائد وهذي الأضرار​

عرفتيها لك الآن مطلق الحريه في ​

الإختيار .....

​

إماالنوم باكرا لأطفالك أو ​

استبدلي الذي هو أدنى بالذي هو ​

خير وسهريهم

​

والله المستعان​

 

[هذا رأيي]

الفائده السابعه والثلاثون:-

أختي الفاضله..عودي طفلك الإعتماد على
نفسه حتى في أبسط الأمور ومنذ الصغر ,,
احذري من أن حنانك واهتمامك المفرط يجني
عليه فيصبح ضعيفا متخاذلا متكلا عليك
في كل شيء حتى في أبسط الأمور


أضرب لكم أمثله ..
بنتي الصغيره عمرها سنه وأربع شهور
الله يصلحها دلووووووعه ومدلعه عمرها

لما تطيح طيحه خفيفه تلتفت لي وتصيح
يعني تعالي شيليني ,,وتطير الشغاله عشان
تشيلها ..وأقولها صبر ماخربها إلا أنت

والتفت لبنتي وأناظرها بحزم لاحظوا تراهم
يدرسون عيونكم ويفهمون معنى كل نظره
بسم الله عليهم ..وأقولها بحزم قولي بسم الله
يالله قومي أنت كبيره عيب
طبعا البنيه توها نتفه بس والله إنها تفهم إن
قصدك تقولين قومي ماراح أجيك لو مافهمت
كل كلامك بتفهم المغزى على الأقل
تجلس شوي تتأمل نظراتي..وبعدين تشوف
إنه مامشى علي دلعها وماكو فايده تسكت وتقوم

مثال ثاني :_ لما واحد من عيالك يجيب لك
مثلا بسكوت أو عصير يبيك تفكينه لاتطيعينه
وقولي أنت كبير وقوي..ولو حاول وماقدر
علميه وشلون يفتحه..أوامسكي إيده
وافتحيه وإذا انفتح صفقي له وقولي بطل أنت
اللي فتحته والمره الثانيه خففي من مساعدتك
وشوي شوي حتى يستقل عنك

وترى هالأشياء البسيطه مفيده في تقوية عضلات اليد ..
ماخرب على عيالنا إلا شيئين :_

حناننا الزايد الخالي من الحكمه والخبره

واعتبارنا إنهم مايفهمون وصغار

عزيزتي عودي أطفالك على قضاء أمورهم بأنفسهم..أنت مو دائما معاهم


يمكن يجي وقت تبعدين عنهم لأي سبب ..


فيصيرون مستقلين قادرين على التصرف وقضاء حاجاتهم بدون اللجوء لأحد ..
عوديهم وعلميهم دامك معهم مو إذا غبت ضاعوا وماعرفوا كيف يتصرفون ..

وحتى لو حطيتيهم عند جدتهم أو معارفك لما
يصيرون مستقلين حتى أقاربك بيثنون عليك
ويقولون ونعم الأم مربيه أطفالها وماتركتهم عاله على غيرهم ولاراح يشيلون همهم لأنهم رافعين أنفسهم

وصدقيني طفلك هو المستفيد الاول من التعويد على الاستقلال

لأنها بتزيد ثقته بنفسه وبتطور أداؤه ..
اليوم أداؤه خاطيء بكرا صحيح بس ناقص بعده صحيح وكامل وبعده متقن وممتاز وهكذا



وماراح يتعلم إلا من أخطائه

 

[انوثة طاغية]

السلام عليكم


بارك الله فيك يا الغالية .. و جزاك الله خيرا على كل حرف كتبتيه ... و شفى الله ابنك و عافاه و حفظه هو و اخوته من كل شر

 

[هذا رأيي]

الفائده التاسعه والثلاثون :=


إحذري من مجاراة طفلك في

عاداته السلوكيه السيئه

والمضره


مثل :_

1= وضع المصاصه~اللهايه~في

فمه طول اليوم


إذا كان طفلك من اللي يمص مصاصه


فعوديه إنه بمجرد ما يقوم من

السرير راح ترفع اللهايه حتى
موعد النوم


أقبح شي منظر الطفل والمصاصه

بفمه وخاصة لما يكون كبير

ولاتقولين ماقدرت

معقوله تسمحين لطفل ماكمل

سنتين يمشّي عليك رأيه؟؟!!!

مشكلتنا التهاون مع أطفالنا

لحد ماتسلطوا وتفرعنوا ومشوا

كلامهم علينا

خليك حازمه في هالشي وأشغليه

بأي شي يحبه بيتعبك في الأول

بس راح يتعود صدقيني


ومن العادات السلوكيه السيئه:=

2= لما يزعل من أحد يضرب

راسه بالجدار أو يرمي نفسه على الأرض

وطبعا يعوره فيبكي زياده

وهذا اللي يخليك لما ينوي

يسويها تروحين ركضه له

~~~وهذاأكبر غلط~~~

طفلك قاعد يدرس ردات فعلك

ويتعلم منها لصالحه

عرف الآن إنك تخافين إنه يسوي هالحركه خلاص الله يعينك

كل مره بيزعل فها توقعي إنه يسويها

لو بتلاحظين طفلك لما يبكي يحرص

إنك تكونين حوله عشان يصير تحت

نظرك ومراقبتك وبكذا راح

يسوي حركته المفضله ويضرب

براسه بالجدار أو الأرض وهو

متأكد إنك بتشيلينه قبل

3=وفيه بعد سلوكيه خطره

وسيئه جدا وهي إدخال الإصبع

في الفم حتى يتم الترجيع وهذي

أكثر الأحيان تؤخذ كتسليه

ومرح

لأن منظرك أنت وأبوه ويمكن

الشغاله وإخوانه وأنتم

تتسابقون عشان تطلعون إيده

منظر مضحك بالنسبه له

فأخذها لعبه لمايمل ويبي

يسوي أكشن سواها


4= ومن العادات بعد الإمساك

بالأشياء الثمينه أو الخطره

أو القابله للكسر والتهديد

برميها

ومحلى شكلك وانت تركضين بتاخذينها منه

الطفل ياعزيزتي محب للمرح

ولعوب ومستعد يتحمل الهواش في

سبيل إنه ينبسط ويهستر فيكم


طيب والحل ؟؟؟

أنت محبطه وتعبانه من

المسؤوليات

وشغل البيت والأطفال والدوام..

مانت ناقصه أعباء جديده

إضافيه وياليتها ضروريه إلا

سببها الدلع وبس

وودك ترتاحين من هاالهم

وتأدبين طفلك عشان مايسوي

هالسلوكيات المتعبه والخطره

الحل ياعزيزتي يكمن في عدة

خطوات


أولا\التجاهل..أحيانا يكون

أفضل علاج للطفل المدلل هو التجاهل

سوي نفسك ماتطالعينه

ولاتسمعينه


وكملي شغلك وكأنه مو هنا


وادخلي من غرفه واطلعي من

الثانيه بتلاحظين طفلك يابيرفع

صوته عشان تسمعينه


يايلحقك ويبكي


مره شفت برنامج فكاهي لطفل

يبكي ومصورينه بكاميرا خفيه


الطفل كان يلاحق أمه ولما

تطلع من الغرفه اللي هو

فيها كان يسكت عشان ياخذ

نفس ويلحقها للغرفه ولما

يشوفها يرمي نفسه على الأرض

ويرجع يبكي!!!!!!


وكررها كم مره على أمل إن أمه تنتبه له


الطفل كان منظره جدا مضحك


بس ظهر لي من هالمقطع ذكاء

الطفل وكيف ممكن يتلاعب

بأمه المسكينه

قوي قلبك واجزمي ولاتلينين

وتجااااااااهليه تماما

لما يشوفك ماانت لمه راح يمل

ويبطل بس يبيلك صبر وقوة قلب


ثانيا\ إذا لم يجد التجاهل

فليس أمامك سوى العقاب

وأترك تحديد طريقة العقاب لك

المهم أن تعاقبيه

فالطفل إذا علم أن تصرفاته

الخاطئه لن تمر دون عقاب راح

يحسب ألف حساب قبل لايسويه


أنت بس خلي قلبك

قوي وعاقبيه وراح تشوفين

التغيرات

هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 780x547.

 

[هذا رأيي]

السلام عليكم


بارك الله فيك يا الغالية .. و جزاك الله خيرا على كل حرف كتبتيه ... و شفى الله ابنك و عافاه و حفظه هو و اخوته من كل شر

وإياك عزيزتي ...مرورك أسعدني وفرحني :32:

 

[ايام زمان]

ماشاء الله عليكي الله يخليلك اولادك

 

[هذا رأيي]

ماشاء الله عليكي الله يخليلك اولادك

وإيااااااااك يالغلا

شاكره تشريفك :22:

 

[هذا رأيي]

الفائده الأربعون : ==


لايحزنك تدني نتيجة إختبار

طفلك في قياس مستوى الذكاء عنده..


مهما كانت النتيجه منخفضه


وهذا مو كلامي هذا كلام مختصين


سويت لولدي قبل شهر اختبار

ذكاء وطلعت النتيجه 86


بس قالت لي لاتتضايقين لأن هذا


اختبار فردي أجرته طبيبه

وحده ولمره واحده

ومن الظلم قياس الذكاء

من اختبار واحد ومن شخص


واحد وفي وقت واحد


فلربما كان الطفل في وقت

الإختبار


خايف

أو متضايق

أو متعب

أو جائع

أو أي سبب يجعله يخفق في بعض


الإجابات أو ينساها



وتذكرت بالفعل كان ولدي

خايف من الجو العام وروب

الطبيبه زاده خوف


والأصوات العاليه والناس

الكثيرين


والوجوه جديده وكلها مركزه عليه


فبحكم خجله ماتفاعل مع


الطبيبه بشكل جيد وماجاوب

على كل الأسئله مع إني

متأكده إنه يعرف الإجابه

فقالت النسبه هذي مانعتبرها


نتيجه نهائيه,,النتيجه

ناخذها بعد كم جلسه


وراح يبان بالجلسات العلاجيه


والإختبارات الجايه نسبة

الذكاء الصحيحه


بعد مايكون الطفل استقر

نفسيا


وتطمن وتعود على الجو وبدا


يتجاوب ويتفاعل مع الطبيب

تنبيه بسيط حبيت أفيدكم فيه

B.

 

[هذا رأيي]

الفائده الواحده والأربعون :==


ساعدي طفلك على الاندماج مع


أقرانه والأطفال المحيطين به


فهذا يزيد من خبراته ويقوي


تواصله الإجتماعي ويزيد
معلوماته



واحده من الأمهات تقول لي أحس

إن تدريس الصغير خطأ..

حرام يقوم من الفجر..

المفروض نخليه ينام!!!!!!

يعني الأفضل في نظرها إننا نخلي

الطفل محبوس في البيت عند

الشغاله وقدام التلفاز أو

البلاي ستيشن

أو أي جهاز يدمر ومايطور ,,


بزعمها هذي الرحمه والتعبير

عن الأمومه!!!!!!

ياعزيزتي حرمان طفلك من \\\

تطوير خبراته

وزيادة حصيلته اللغويه

واختلاطه بالأطفال

وتحسين تواصله الإجتماعي

وتعلمه معلومات جديده

حرمان طفلك من كل هذا هو

الخطأ بعينه

وإذا قصدك على النوم فنومه

بالنهار مافيه فايده ياقلبي


نوم الليل فيه فوائد لاتحصى

وأنا ذكرتها سابقا


نوميه بدري وراح يصحى نشيط

ومروق ومستعد نفسيا وجسديا

للتعلم واستقبال خبرات جديده

ولا تقولين أدرسه بالبيت


تدريسك ماراح يستمر ساعه

وتدريس الروضات تاخذ خمس

ساعات تقريبا

مقسمه بشكل متوازن ومدروس

فشوي دراسه وشوي لعب وشوي تلقين وشوي رسم وشوي أعمال

باليد كالصلصال وتركيب الخرز

وماراح يلقى عندك كل هذا

 

[جنا-99]

اختي وينه مستوصف المزروعيه هل هو مستوصف حكومي

واين موقع مركز سلطان للتاهيل

 

[هذا رأيي]

اختي وينه مستوصف المزروعيه هل هو مستوصف حكومي

واين موقع مركز سلطان للتاهيل

هلا حبيبتي ..

مستوصف المزروعيه حكومي وموجود في الدمام

ومركز الأمير سلطان بعد في الدمام

 

[جنا-99]

طيب اقدر اروح المستوصف الحكومي الي في الحي حقي
وهل يقدرون يحولوني على مركز سلظان للتاهيل
؟

ثاني شي ابني لايتكلم ابدا ولايحاول الكلام
هل ابنك كان زي كذا وبعدين تكلم
كيف عالجوه هل بالادويه؟؟ او تم وضعه في مركز الاحتياجات الخاصه؟؟
شاكره لك اختي ادري ازعجتك بس جد محتاجتك

 

[هذا رأيي]

الفائده الثالثه والأربعون :--


إربطي طفلك بالأذكار قدر

استطاعتك


وعلقي قلبه الصغير بحب الله

وحب رسوله..


والرغبه بجنته والخوف من ناره


يعني لما تعطينه صحن الأكل

انظري بعيونه وانزلي لمستواه

واطلبي منه يسمي ..

وإذا خلص علميه يقول الحمدلله


وإربطي كل فعل طيب يسويه

بمحبة الله له ..

وبالعكس لو مايطيع أو


يغلط الله مايحبه


يعني مثلا قولي:::


قل بسم الله عشان الله يحبك


أوالله ورسوله يحبون الولد


البطل اللي يسمي عند الأكل


أو يسمع كلام أمه


حتى لو ماظهر لك إنه يفهم كلامك


مع التكرار بيفهم ..

وبعض الأمهات تقول مايحتاج أتعب


نفسي هو بيفهمها تلقائي إذا كبر ..

أقولها صح بس فرق بين الطفل

اللي نشأ على تكرار اسم الله

ورسوله ومحبتهم على


سمعه دائما


وتلقينه الأذكار في كل مكان وبين


اللي مامرت عليه هالمعلومات

وهو صغير.. ولا يعرف شي من

الأذكار

يجب على كل أم أن تحرص على

تربية طفلها روحيا وتغذيته إيمانيا

مثل ماتحرص على تغذيته جسديا

عن طريق ربطه بحب الله وتعليمه


الأذكار..فتختار السهل والمهم


مثل التسميه عند الأكل والحمدلله


بعده ..


ودعاء دخول الحمام أكرمكم الله




ودعاء الخروج ,,




وحفظ المعوذات وترديدها عند


النوم

وترسيخ فكرة حب الله للمطيع



وكرهه للمخطيء



نصلي عشان ربي يحبناويدخلنا

الجنه



نطيع أمنا عشان ربي يحبناويدخلنا


جنته




علقي قلبه بالجنه ولو ماعرفها


بعدين راح يفهم وبيسألك عنها



وذيك الساعه فهميه



ورجاااااااااااء حاااااار



لاتجي وحده وتقول مايفهمون وش


عرفهم ومدري إيش

تعلقهم بالله أصلا يجي بالفطره

بس أنت تعطينهم خط أو طريق

واضح يمشون عليه اللي هو

محافظتهم على الأذكار عشان

ينالون حب الله

​

 

[هذا رأيي]

طيب اقدر اروح المستوصف الحكومي الي في الحي حقي
وهل يقدرون يحولوني على مركز سلظان للتاهيل
؟

ثاني شي ابني لايتكلم ابدا ولايحاول الكلام
هل ابنك كان زي كذا وبعدين تكلم
كيف عالجوه هل بالادويه؟؟ او تم وضعه في مركز الاحتياجات الخاصه؟؟
شاكره لك اختي ادري ازعجتك بس جد محتاجتك

السلام عليكم اختي

والله ما أظن إن أي مستوصف يحولك ..لو على كذا كان ماقطعت مشوار ورحت للمستوصف اللي عندي

لأني في الخبر والمستوصف في الدمام

ولأن اللي يحولونك هو قسم في المستوصف اسمه قسم العياده

النمائيه وما أعتقد إن هذا القسم موجود في كل المستوصفات

عشان كذا روحي لمستوصف المزروعيه نفسه وهم يحولونك

~~~~~~~~~~~~~~~~~~~~~~~~~~~~~~~~~

وبالنسبه لكلام ولدي أنا زيك ماكان يتكلم أبدا

بس سويت اللي قلت عليه في موضوعي

والمستوصف مابعد سووا له شي ولابدوا أصلا

بالعلاج

أنا باديه معه من زمان بالتدريس لأني عرفت إنه

ماراح يعلم ولدي غيري

إحنا تونا بنبدا أولى جلسات العلاج بعد اسبوع

تقريبا

واللي بيسوونه أعتقد تعديل سلوك وتحسين نطق

بس

ولاّ الكلام أنا علمته بفضل الله.. الأطباء شاطرين

بالتحطيم :8:

شوفي حبيبتي إذا كنت فعلا جاده وتبين تخلين

ولدك يتكلم لازم تعرفين أول شي إن الطريق

موسهل ويبي له عزم وإصرار

ورغبه جاده في تعليم ولدك الكلام

ثاني شي إقري موضوعي كاملا بيعلمك وشلون

تبدين معه بالتعليم وأهم شي

اصبري ثم اصبري ثم اصبري

مو لما مايتجاوب معك تيأسين و تتركين كل شي

كل فتره جربي طريقه تعليميه وشوفي

اللي يتفاعل معها وتناسبه ويحبها

وركزي عليه

بعض الأطفال يحبون الكتب المصوره

استغلي هالنقطه وجيبي قصص عن تعليم

الأحرف وعلميه

وبعضهم يحبون السيديات اللي بالصوت

والصوره ..ممتاز علميه الأحرف من

خلالها

وهكذا شوفي اللي يبيه وركزي عليه

وإذا ولدك حركي ومايجلس على الشي

شوفي ردي اللي فيه ألعاب تلعبينها

مع الأطفال الحركيين

ويتعلم من خلال اللعب

اقري موضوعي كاملا والله ماتندمين فيه تفاصيل

الموعد والأوراق المطلوبه

وبعض النصائح التربويه الناجحه

ولاتتكلين على الأطباء

والله ييسر أمرك

 

[شموخ الغيوم]

مشاء الله عليك احس انك ام تستحق هذه الكلمه
بارك الله فيك والله يجعل تعبك في موزين حسناتك والله يذوقك برهم ويجعلهم من عباده الصالحين
وانا عندي طفل يبلغ من العمر12سنه شخصو الاطباءعنده طيف التوحداكتشفت حالته وهو عمر2سنتين
بس ما نقول الا الله يعين وييسر امورنا والحمدلله انهم يمشون ويشفون وشايلتهم رجليهم اذا شفت المعاقين اقول الحمدلله والمرضاوووو
بس الله يوفقك و(عسى كل تاعب يربح الاتاعب السو)هذا مثل دايم امي تقوله

 

[هذا رأيي]

مشاء الله عليك احس انك ام تستحق هذه الكلمه

بارك الله فيك والله يجعل تعبك في موزين حسناتك والله يذوقك برهم ويجعلهم من عباده الصالحين
وانا عندي طفل يبلغ من العمر12سنه شخصو الاطباءعنده طيف التوحداكتشفت حالته وهو عمر2سنتين
بس ما نقول الا الله يعين وييسر امورنا والحمدلله انهم يمشون ويشفون وشايلتهم رجليهم اذا شفت المعاقين اقول الحمدلله والمرضاوووو
بس الله يوفقك و(عسى كل تاعب يربح الاتاعب السو)هذا مثل دايم امي تقوله

وإياك عزيزتي وتراني ما أستحق هالمدح

فيه أمهات أفضل مني بس محد يدري عن

تضحياتهم..لكن الله يرزقنا وإياكم الإخلاص في

القول والعمل ..ولايحرمنا الأجر

بالنسبه لولدك يالغلا ترى ولدي بعد أول ماكشفوا

عليه قالوا فيه طيف توحد :30:

وكان مايتكلم ولايعرف شي نهائي من اللي حوله

وشريت وسائل تعليميه وعلمته والآن بفضل الله

يتكلم وخرج من عالم التوحد والحمدلله أولا

وآخرا

وصح كلامك الحمدلله إنهم يمشون بس مو معناها

إننا نستسلم لأ لكن نجتهد ونعلم عشان يكونون

أفضل من حالهم الآن :13:

وأكيد إنك تبين الأفضل لطفلك وتتمنين إنه يكون أذكى الناس

أجل سوي اللي ذكرت ولاتستسلمين لكلام الأطباء

لأني تأكدت بنفسي إنهم يخطؤون :33:

 

[مشاعل666]

يعطيكي العافية على هذا التفاعل

وجعله الله في ميزان حسناتك​

 

[هذا رأيي]

يعطيكي العافية على هذا التفاعل ​

وجعله الله في ميزان حسناتك​

شهاده أعتز فيها..ورأيك وسام على صدري

يالغلا :32:


شاكره تشريفك وتشجيعك والله لايحرمنا وإياكم


الإخلاص والأجر

 

[new.woman]

الموضوع جدا راءع