على طريق السفر
طريق السفر الطويل يثير فى الكثير من المشاعر الجميلة... فأجد نفسى افكر فى حياتى.. ومعظم قراراتى الهامة اتخذتها وانا على طريق السفر..أشعر بنفسى صافية تماما.. وأكون فى حالة ذهنية متألقة.. تجعلنى اتأمل الطريق من حولى واتأمل ايضا حياتى.. واليكم المشهد الاتى من طريق سفر..
المشهد كالتالى:
انا وزوجى فى السيارة على طريق السفر للنزهة داخل البلاد.. الأطفال نائمين بالخلف.. والطريق امامنا طويل.. وكاسيت السيارة صوته مرتفع على اغانى أجنبية يحبها زوجى.. وطبعا لا أحبذها انا.. ولكن لا يهم.. فلأستمع الى اى شئ أفضل من السكوت التام الذى يغلف جو السيارة فى حالة نوم الأطفال..
الحوار كالتالى:
(عذرا اللهجة مصرية وانا مستعدة لتوضيح اى كلمة غامضة :smoke1
انا: ممكن توطى صوت الكاسيت شوية؟؟
هو (بتأفف): حاضر
بعد قليل..
انا: عارف.. انا فكرت ان لازم مريم تلعب لعبة تانية بجانب الباتيناج.. بافكر ادخلها اسكواش.. ايه رأيك؟؟ مش الاسكواش لعبة كويسة؟ بس تفتكر ممكن ينفعها من السن دى.. ولا محتاج تكبر شوية.. ؟؟ ايه رأيك؟؟
هو (بعصبية بالغة): يا تعدى يا تخلينى انا اعدى.. :icon28:
انا (مدركة انه يكلم احد السائقين حوله.. وطبعا لا يسمعه غيرى): باقولك ايه رأيك فى لعبة الاسكواش؟؟
هو: كويسة
انا: طيب انت عارف احنا لازم نكلم محفظة الاولاد ترجع تعلمهم قران تانى.. فات وقت طويل جدا وانا عايزة عمر يبدأ يحفظ تانى.. باحس ان الحفظ بيهدى من طباعه..
ايه رأيك لما نرجع القاهرة نشترك فى جيم؟؟ ونعمل رجيم مع بعض.. تيجى نشجع بعض ونبدأ نعمل رياضة؟؟ احنا بقينا كسالى اوى.. :in_love:
هو (بعصبية بالغة): شاطر.. كويس.. عديت وارتحت؟؟ برافو عليك.. :crazy:
ويستمر الحوار بهذه الطريقة .. حتى أصمت.. ,اشعر انى لا ينبغى على التحدث..
انا فى وادى وهو فى وادى تانى خالص..
انا فى غاية الرومانسية والهدوء النفسى.. ومحلقة مع افكارى وامالى .. وهو تفكيره مادى للغاية لا يدرك أكثر من ابعاد الطريق شيئا.. :dunno:
كان الأمر غاية فى الاحباط فى سنوات زواجى الأولى.. وكنت أقول له.. حاول تكون معايا.. صدقنى لا أحد من السائقين يسمعك غيرى.. انا لا اريد تشتيت انتباهك من الطريق.. ولكن وفر تعليقاتك السخيفة من خلف زجاج السيارة وحاول الا تكون بهذا العنف.. صدقنى الموضوع لا يستاهل حرقة اعصابك ..
وطبعا اكلم نفسى.. واللى فيه طبع لا يمكن تغييره.. وأصبحت اصم اذانى عن اسلوبه العنيف القاسى فى القيادة.. ولا اتكلم معه فى اى موضوع لا يخص الطريق او السيارات من حولنا وانواعها.. :showoff:
وادركت انه لا توجد فائدة.. فالخطان المتوازيان لا يمكنهما ابدا التلاقى.. واحتفظت بافكارى لنفسى.. وأصبحت أتأمل الطريق واخطط لحياتى ومعى دفتر صغير أدون فيه كل ما يخطر ببالى من أفكار اود تنفيذها بعد العودة من طريق السفر :icon26: