((( واخيرا اتيت بالجزء الرابع من قصص زوجيه من مجتمعنا ,, دروس وعبر ))))

الحالة
مغلق و غير مفتوح للمزيد من الردود.
جزاك الله خيرا يا سلة فواكه واهلا بطلتك البهية
سبحان الله استفدت من القصة ان المسلم لا يياس من رحمة الله والحمد لله تعالى ان ارحم بعباده من الام بوليدها
دمت في رعاية الله
 
اسلوب مميز دائما
وقصه رائعه اللهم ارزقنا الرضا بالقدر خيره وشره
ولكن ملاحظه <<<كلمه دفن في مثواه الاخير لاتجووووووووووووووز لان القبر اول منازل الاخره وفي هذه الكلمه انكار للبعث هذا والله اعلم
 
هلا والله اختي سلة فواكه الله يجزاك خير ويعطيك العافيه ويجعل ماتكتبينه في موازيين حسناتك يارب

فعلا الانسان خلق عجولا والواحد منا مايدري وين الخير وايش مقدر له بهالدنيا الفانيه
عزيزتي وانا اقرا القصه تذكرت قصه وحدة من صديقاتي كانت متزوجه في سن مبكره جدا وماكملت دراستها وانجبت اطفال بعدين تفرغت لاكمال الثانويه والجامعه وانا عرفتها بالجامعه طبعا كانت اكبر سنا مني المهم كانت تشتكي من مشكله البرود الجنسش لان اهلها ختنوها وان هالمشكله مرره ماثره عليها سبحان الله انا كنت وقتها بنت بنوت ماتزوجت وغير كذا مالي بهالسوالف هذه ومااعرف شي بس كنت اقولها كلمه وانا الحمدلله متيقنه يقين كامل منها كنت اقولها اصبري يابنت والله خييييرة وكانت تضحك بمراره علي والله مانسيت هالموقف يابنات
بعدها بفتره طويله تعب زوجها تعب كثيييير طبعا نفسيا وتحول مرضه من نفسي لعقلي وصار ياخذ عقاقير قويه سببت له عجز جنسي !!!!
والله يابنات هي هذيك الفتره انقطعت اخبارها عني بسبب انشغالها بزوجها بس كلمتني وهي تصييييييح تقول يوم علمني الدكتور بحالته تذكررررت كلمتك خيييييرة فعلا (وعسى ان تكرهوا شيئا وهو خير لكم)
سلمت يداك اختي سلة فواكه ولاتحرمينا من جديدك
بانتظارك....لك مني اجمل تحيه
 
سلمت يداك عزيزتي واثابك الله على مواضيعك الهادفه
والحمدلله على كل حال ولله مااعطى ولله مااخذ وفعلا المؤمن مبتلى ولو توكلنا على الله حق توكله لماشقينا ابدا
فعلا قصتك عزيزتي تناقش قضيه مهمه لماذا ترفض المراءه الحمل بحجه كبرها في العمر وترضى بضره
احتسبي الاجر عزيزتي وربي قادر على كل شي
ياريت خالتي تقرا هالمقال رافضه الحمل بحجه كبر عمرها وعندها ولد على 4 بنات اكبرهم الولد الله يحفظه لهم من كل شر عمره 22 والبنت 20 متزوجه
ورافضه تماما تحمل تقول وش بيقولون عني خرفت احمل وانا جده علما بان عمرها 42 بس
 
هلا وغلا



سله


هلا والله


نورتي المكان

لك وحشه بجد

تدرين ما قريت الموضوع للحين

فرحت بشوفتك بس

قلت هذي رسالة أقول لج فيها

تركتي فراغ بغيابك

أدري قصرنا وما سألنا كفايه

لكن يعلم الله اني أدورج دايما


وعساها غيبة خير

وآخر الغيبات بينا

حياج من جديد

:32:
 
مرحبا

رجعت مره ثانيه بعد ما قريت القصه

القصه حزينه فعلا

وفيها الكثير من الحكم

ذكرتني بقصة وحده من أهلنا

كان لها بنت مثل القمر ماشاء الله لاقوة الا بالله

وشقيقين


انفصلت هالحرمة من زوجها والبنت كانت في الاعداديه

أمها بلغت الأربعين وقتها

تقدم لها شخص قبلت له لظروفها

زواجها لم يدم أكثر من 3 أشهر

حملت خلالها وانفصلت من هذا الزوج


كبرت البنت وشابهت اختها بجمالها واخلاقها

وانخطبت الكبرى لابن عمها

وسط فرحة وبركة أمها وأخوانها

وكان موعد تقديم بحث التخرج

سارت للجامعة مع صديقتها مسرعين

موعد التقديم

وكان الحادث

توفت البنت وعاشت صديقتها

واليوم تقول أمها

كل ماشفت أختها الصغيره تذكرتها

نسخه منها

كأن الله كتب لها الزواج في هذا السن ليرزقها العوض


سبحان الله




رجعتي لنا بقصة جميلة كعادتك

لا تحرمينا

ولا تنصدمين بالردود

المواضيع تنتقل للصفحة الثانيه بسرعه

ماشاء الله من كثرتها

ما يمدينا نشوف الجديد

لقيت موضوعك اليوم صدفة


وبانتظارك
 
سبحان الله قصة تبين مدى حكمة و رحمة الله تعالى بنا ما تمالكت نفسي و بكيت من شدة التأثر
حبيبتي انا شفت الموضوع صدفة و كالعادة من كثر المواضيع كلها تروح الصفحة الثانية ولا يهمك بنتابع و بنخليه رفع على طووول
 
سلة منوووورة والله

والله لك وحشة في المنتدى ماأحد ثاني يسدها

وهذه السلسلة روووووعة وأنا أحبها مووووووت

ربي يحفظك
 
لو تعلمين كم بكيت فانا ام فقدت ...لذلك لامست شغاف قلبي واعتصرت فؤادي عصرا والحمدلله اللهم اجرنا في مصيبتنا واخلفنا خيرا منها يارب اتراني انسي لا الام لاتنسي كلا والله ربي يحفظ اناملك وواصلي بارك الله فيك
 
سبحان الله

ربي يعطي وياخذ ويعوض .. رحمتك يارب

قصة حزينة,, لكن فيها رحمة

سلمت يداك عزيزتي
 
اماراتيه دلع
تفداه
ميشو
اليفه
الساده
الليدي نونو
سنبله ذهبيه
سفيره السعداء
فوشيه ماركه
كوكبه
ام الحلوين
يارحيم
سحر التركواز
نانا
مون لايف
queen
gloriaa2009
xstarx
شكرا على مروركم الغالي يالغاليات رفعتو موضوعي ارفع الله قدركم ان شاء الله


همس الليل
شكرا اختي عالنصيحه

لوني سمار الشمس
اسمج حلو ,, اقشعر بدني من القصه الي ذكرتيها سبحان الله رب ضاره نافعه والانسان ما يعلم الله شنوة كاتب له
اشكرج على مرورج

سكون
حبيييييييييييبتييييييييييييي وحشتيييييييييييييييييييني اشلووونج ؟؟
والله كنت انطر ردج علبالي انتي
القصه الي كتبتيها تعور القلب لكن سبحان الله شفتي حكمه الله كيف
الله يرحمنا برحمته التي وسعت كل شي

دبدوبه شيك
طيب طبعيها لخالتج وخلها تقراها يمكن تقتنع ترا سن 42 مو وااايد كبير في الحمل لكن بعد تظل عندها اسبابها تعرفين يمكن تعودت على الحياه بدون تربيه ويهال صغار الحين ما تقدر تلتزم وترتبط من جديد وسهر ومرض وصياح ..

اساور من ذهب
يعلم الله شكثر حسيت بالالم لما قريت ردج وحسيت اني جرحتج سامحيني يا اختي لكن هالقصه والله فيها حكمه للجميع واولهن الي فاقدات ابنائهم , حبيبتي الله يعوضج العوض الصالج ياارب ويمسح على قلبج وفعلا مثل ما قلتي الام ما تنسى , عمتي توفى ولدها من 15 سنه وليلحين كل ماتذكره تبكي لكن الله عوضها بداله باربعه اولاد مثل الاقمار سبحان الله مع انها ماكانت متوقعه انها تنجب او يصير عندها عيال لانها كانت اصلا ارمله لكن رحمه الله وانت ما تعرفين شنو كاتب لج الله ..

نطروني بنات بروح اصلي الظهر وبرجع بالقصه الجديده :)
 
سلوللللللللللللللله حبيبتي اخيرا
وحشتينا وايد وايد ويد بمواضيعج الحلوة
 
وأنا أشوف المنتدى منور ليش
؟؟؟؟؟؟؟؟؟؟؟؟؟؟؟؟؟؟؟

تسلمين على هالقصة الأكثر من رائعة ...
والحمدلله الله عوض الأم بإبن صالح وبار مثل ابنها السابق ..
وهذا دليل على إيمانها باقضاء والقدر وتقوها...

وفي انتظار القصة القادمة ...
 
جناح فراشه
احساس جديد
الحور العين
شرفتوووني والله حبيباتي
 
هذه المره بطلتنا عايده ,, تخرجت من الجامعه من قسم الفنون , فنانه ورسامه مرهفه الاحساس والمشاعر ,, تحب ان تضيف لمساتها على ماتقع عيناها عليه , تنشد الكمال في كل حياتها , كانت ممتلئه الوزن قليلا ولكنها صممت ان تنحف واصبحت رشيقه ويضرب في رشاقتها المثل , تحب ان تكون مميزه وجميله تهتم بشكلها واناقتها وديكور غرفتها , اتاها الكثير من الخطاب ولم توافق على اي منهم لانها لم تجد حتى الان من يرضيها ,, في حفله زفاف ابنه عمها اعجبت بها احدى المدعوات وسالت عنها وعرفت نسبها الطيب واخلاقها الاطيب وفاتحت ابنها في امر الزواج وكان ابنها يبحث عمن يكمل نصف دينه معها , اتصلت لامها وحددت موعد للقدوم الى بيتهم , تم كل شي وفي موعد اللقاء ارتاحت عايده لطلال كثيرا ,, اعجبها منطقه , شكله ونسبه ,, وحينما تم السؤال عن الشاب كان كل شئ يشجع باكمال هذا الزواج في اكمل وقت ,, في نفس الوقت قبلت عايده كمدرسه للرسم في احدى المدارس القريبه منها, بدأ الحظ يبتسم لها فالوظيفه التي انتظرتها والخطبه تمتا في وقت واحد ...
بدأت تجهز نفسها للزفاف وبعد 6 اشهر من عقد القران زفت الى طلال ,, عاشا اول ايامهما في حب ووئام سافرا شهر العسل وعادا وهما كالسمن على العسل ,, مره من المرات وفي لحظه صفاء خطيره كما تقول ناعمه الهاشمي كان كل منهما يفضفض للاخر وعما يحبه ويكرهه في الطرف الثاني , قال لها طلال انت تعجبيني ياعايده في كل شئ انتي مميزه , مثقفه , جميله , رشيقه , ولكن انفك لا يعجبني بالفعل كان انف عايده كبير قليلا الا ان من يحتك بها ويرى اخلاقها لا يابه لانفها لان اخلاقها تعطي الاخرين انطباعا بانها جميله الجميلات ..
تضايقت عايده من كلام طلال الا انه سرعان ما اعتذر لها وقال لها انت في عيني اجمل نساء العالم ,, وارضاها بكلامه المعسول ,, في مره من المرات كانا يمزحان مع بعضهما وقال لها ياذات الانف الكبير وتدريجيا بدأ يذكرها كل مره بانفها وكبر حجمه ,, حتى انها حينما حملت بعد الزواج ب6 اشهر قال لها : انت مو حامل وانفك يالله نقدر عليه شلون وانت حامل الله يساعدني اخاف ما اقدر اشوف وجهك من كبره ...
كانت تسايره وتضحك معه ولكنها تتألم كثيرا بداخلها , ولم تردعه او توقفه عند حد معين ,حينما انجبت ابنها كان يشبه والده كثيرا الا ان طلال كان يقول ان انف الولد مثلها بل انه اصبح يقول امام الجميع من اهله واهلها : يشبهني ولكن انفه كبير كأمه ...
بدأت عايده تعطي انطباع لزوجها بانها لاتحب انفها اذا وضعت مكياج لمناسبه ما تساله ما رأيك في المكياج ؟؟ هل تغير انفي ؟؟؟
وهكذا بدأ طلال يستغل نقطه ضعفها ولا يمر يوم الا ويذكرها بكبر حجم انفها وفي مره من المرات كانا يشاهدان التلفاز وظهرت مذيعه جميله فقالت عايده
هالمذيعه لاتعجبني بشرتها مو صافيه
رد عليها طلال سريعا
على الاقل انفها حلو ومرسوم مو مثل بعض الناس
بكت عايده كثيرا من كلام زوجها ولكن صالحها واخبرها انه يمزح معها , وكالعاده اغرقها بسيل من الكلام المعسول ونست او تناست الامر ..
لا تستطيع ان تبدي اي انزعاج من طلال فهو بحق زوج مميز يحبها ويقدرها ولا يبخل عليها بشئ وما بيده لها ولابنها , الا انه لا يحترمها ...
انتقل طلال لعمل اخر وصارت طبيعه عمله تحتم عليه السفر بكثره لمختلف البلدان لتنظيم الاجتماعات واللقاءات , ذات مره بعد ان عاد من السفر , سالته عايده عن البلد التي ذهب لها فقال لها في منتهى الروعه وبناتها جميلات وانوفهن جميله , كالعاده صمتت عايده ولم تردع طلال ...
ساكمل في المساء عزيزاتي استأذنكن الان ...
استودعكن الله الذي لا يضيع ودائعه
 
بنات بموت قهر انسمح الجزء الي كتبته
الغلطه غلطتي ما كتبته في الوورد
راح انزله بالليل حدي مقهوره
 
الله يعطيكي العاافيه بس بجد مقهوره من طلال انتظرك ياااااااعسل
 
ما قدرت افهم ليش يعلق على انفها؟؟
عشان يحطم ثقتها في نفسها يعني ؟؟؟
غريبين الرجال الا الوحدة تعطيهم طاف حتى يحترمون عمارهم؟؟ جتهم الارف
 
ياربي طلال رفع ضغطي وقهرني​

ويش قلة هالذووووق .. المشكلة إنه مبسوط لأنه مو لاقي اللي يوقفه عند حده​

متابعة معك عزيزتي​
 
الحالة
مغلق و غير مفتوح للمزيد من الردود.
عودة
أعلى أسفل