ياااااااااااااااااااي
موضوع يجنننننننن
وشويه عليه يجنن
انا لي مع هالحديث الكثير والكثير لكن اللي ادق شي عندي..
اني تركت السفر لوجه الله سبحانه ..فأنا كنت ممن يسافرون تقريبا صيفيا وكنت ارجع وديني لايسلم من سفرتي حالي كحال اي انسان يسافر لخارج السعودية.
وبعدها والله يابنات ان الناس كلها لما تقرب الاجازة ترتب للسفر وتتحمس وانا والله كنت اكثر من مفتونة بالسفر واعشقه جدا جدا..
لكن لما تجي الاجازة اقول ان سافرنا للشرقية او الغربية او الجنوبية او اي مكان كان بها واذا ماسافرت عااااااادي واصبح الامر عندي والله اكثر من عادي لدرجة ان اهلي واخواتي يظنون اني اكابر وما ابين .
والى الآن احب السفر لكن لا احب السفر الا للمدن الداخلية في المملكة فقط لاغير وكل شي كنت اشتريه واتقضاه من برا السعودية كنت احبه جدا واحب اتقضى من برا والبس من برا لدرجة اني كنت ما ادخل السوق هنا بالسعودية الا ناااادرا وكانت مشترياتي كلها من برا .
والحين والله كل وحده من اخواتي لما تسافر لو خمس ايام او سته تجي وجايبة معها كل ما احتاجه وبدون ما اقول لها اي شي تجيبه لي كهدية الله يجزاهم خير والهدايا هذي فيها سر خيالي وهو اني اي شي احتاجه حتى لو ربطات شعر او اندر وير لولدي او اي شي تااافه يجيبونه لي وحتى الالوان توافق احتياجي.
غير كذا انا تركت الافلام مع اني الى الآن تشتاق نفسي لها .. الله يرزقني كرهها
والحمدلله ربي رزقني قناة المجد قمة وروعه وفيها كل ماهو يعوضني عن الافلام وخرافاتها وسمها المدسوس فيها..
وفيه الكثير الكثير لكن تعبت من الكتابة وان شالله ان اللي كتبته كفاية..
واقول لكم مرة ثانية الموضوع روعه وفكرة يشكر فاعلها ويشكر ايضا ناقلها والله يجزاكم خير,,
