ترف مرحبا ،، حاولت نكون معك قبل مقابلة اخوك وزوجك .. بتاسف وقتي ضيق ..
اذا اجا زوجك ماتحكي ولا كلمة عاطلة بهذا الوقت ،، اجابة ع قد السؤال ،، ولا تتركي بيتك لأي سبب كان ،، شو ماصار شو ماصار ،، لا اهلك ولا اهلو ملزومين فيك ،، انتي هيك عّم بتخلي الفجوة تتسع ..
اهتمي بنفسك وبيتك ،، ونظمي وقتك ،، زيارات خليها رسميات مع كل الناس ،. اعطي وقتك لنفسك وبيتك وولادك وزوجك ،، تكسبي الشرقي ..
الشرقي يُؤْمِن بالافعال لا بالكلام والوعود .. فقط يرى أفعالك .. واذا كسبتيه صدقيني حتعيشي ملكة شرقي ..
فقط بدك بعض الوقت لاستعادة الثقة وبناء رصيد عنده ..
الشرقي يحب يعيش الحياة الزوجية مثل ( نساء باب الحارة امرك وحاضر ) .. اذا طلبتي طلب وقال لا .. لا تناقشيه ولا تردي وراءه .. قولي حاضر كيف مابدك ،، اهم شي رضاك .. فقط ساعات قليلة وسيغير رأيه ..( عن تجربة ) ..
كذلك لا تجيبي سيرة اهلك واهله لا بخير ولا عاطل ولا تتدخلي في اَي أمور بينهم ..
ومعليش توددي لاهله .. بس مو تكوني لصقة .. فقط اعملي شي كيك او طبخة بيحبوها .. او غراض بسيطة للبيت او شي ملبس لامو ..
قدامو وقدام اهلو .. لا تحكي اَي شي في الناس .. فقط احكي عن الأشياء العامة ..
والشرقي نقطة ضعفه ( الجنس واللبس والأنوثة الناعمة ) اهتمي بصوتك ( الصوت العالي يجعله يتحول لوحش ) ،، تعلمي فنون العلاقة الزوجية ،، كوني مرحة معه .. الابتسامة يجب ان تكون مرسومة ع وجهك بكل وقت .. كوني سعيدة كونك انثى .. افتخري بنفسك ..
ابتعدي عن وسواس الشيطان وانه مغصوب عليك .. فقط فكري في ايجابيات زوجك ،، احسني الظن بالله .. وادعي لربك ان يسخره لك ..
لا تنسي خليك ذو نظرة حنونة وحزينة بس واثقة .. الشرقي يكره الزوجة الند .. حطي عليها خط ..
تذكري انه لن يصيبنا الا ما كتب الله لنا .. راجعي حالك شو مقصرة ،، احكي معه في جلسة هادية .. شو يحب وشو يكره فقط لتتدارك بعض الأخطاء ..
تذكري ان الشرقي عبارة عن كنز في هذا الوقت ( وقت الملذات والشهوات وكل شي مباح ) لهذا فاراه انه من اقل الأشخاص انزلاقا في الملذات ..
ابحثي عن مكنوناته .. وادخلي الي قلبه واملكيه .. لا تجعلي غيرك تأخذ مكانك .. لا تجعلي صبره ينفذ ..
واعتقد ان هجرانك هو فقط لإعطاءك درس وتربيتك من جديد .. مررت في اولي فترات زواجي لموقف مشابه ..
واخيرا .. الله يلم شملكم ويهنيك
