هل ابحث عن عشيق لي ؟

الحالة
مغلق و غير مفتوح للمزيد من الردود.
ارومااا قال:
معليش حبيبتي بقولك الصرااحه وانت أخت لي وبقولك اللي اشوفه صح
زوجك مبين عليه من الرجال اللي ما يحب يكسر بخاطرك يعني ما يحب يكون بينكم شي او انك تشيلين عليه عشان كذا يحاول يداريك ويراضيك صح انه غلط بحقك بس انت ما قصرتي حاول يرضيك بكذا طريقه وما رضيتي لانك من النوع العنيد اللي يحب الشخص يقعد يراضي فيه لآخر قطره وهذا غلط بكره زوجك راح يمل ولا راح يرجعلك مره واثنين وثلاثه
على الاقل كان قبلتي الورده وقلت انا ماحب الشي هذا يتكرر لانك احرجتني قدام الناس
شكله زوجك عقله كبير بس يبيله تنبيه للامور اللي ما تعجبك وانت شكلك من النوع اللي ما يبين وش يبي مثل موضوع الليله اللي سويتيها كان بينتيله اثر انصدامك في ردة فعله صدقيني بيحس فيك
وعلى فكره اغلب الرجال يمدحون كثير وحاولي تنبهينه على هذي النقطه ان الحرمه تحب تسمع وانا حرمه وما اسمع الا منك حاول تحسسني بهالشي....
أنقر للتوسيع...



نفس كلام الاخت جزاها الله خيرا
 
تبين الصراحه انتي اللى محتاجه تعديل مو زوجج انا اللى قريته كله مدح فيه .. الله يهديكم لبعض وبعدين عنوان مو حلو من وجهت نظري
 
روحي دوريلك عششيق يقولك كلآم حلو ويمدحك ويحسسك بأنك ملكة ويلعب فيك..

يآأختي انتي بدآل ماتدعين ربك وتشكرينه بأنه عطآك زوج صآلح وعآقل ويحبك

تروحين تقولين أدورلي عششيق ..؟

بالنسبه لزوجك انا مآألومه أنه يعاملك كذآ لأنك تعاملينه بصوت عالي وبدون إحترآم

وبدل ماتكسرين الشر تزيدين الطين بله يعني يوم صحيتيه من نومه وزعل ونزل لتحت تروحين تنزلين وراه وتهاوشين وتصارخين (ودني لأهلي) والله لو إنه غيره كآن كسسرك تكسير ورمآك على أهلك

إستغفري ربك ولآتزعلين من كلامنآ لو ماتهمنآ مصلحتك ماردينآ عليك

كل زوجه تعيش مع زوجها تفهمه وتعرف كيف تجيبه بإسلوب صح بدون زعل أحد الطرفين

الله يهدينآ ويهديك ..
 
وبعدين مو حرام عليك تسوين عيد زواج

يالله شكلك بعييده عن الدين

الله يصلحك ويهديك
 
ياحبيبتي زوجك فيه صفات رائعه لكن الشيطان عامي عينك كونه يجيب ورده هذا شيء رائع ولما انتظرك عند السياره وقال لك ردي البيت وطلب منك تساعديه ولما اتصل عليك ياحلوه الشماليين الشرقيين مايقولون كلام حب ولارومانسيه وكلامهم عن الشغل وغيره لازم تقرئين عن نمطه لانهم شخصيه مخلصه كريمه وفيه حنونه منظمه عادله وهذا لايوجد في باقي الشخصيات ياعمري كنا مثلك وتاقلمنا وعرفنا متى وكيف يحبونا ولكن بطريقتهم واذا على الكلام الحلو قولي لنفسك واشبعيها واحظني زوجك كل مااحتجتي ودلعي عمرك بفلوسه تراه مايقصر
 
الحق انا مع كلام البنات وبالاخص كلام ( اروماا) لان الحقيقه انتي مانك شايفة زوجك بمكانه الطبيعي
وازا يا اختي ما بسمعك كلام حلو وغزل وهيك شي ,, بس ماشاء الله عليه فهمان بعرف يصالح على طريقته. لاا تنسي انك لسه عروس جديده وحسب السنين الي حكيتي عنها كلها سنتين بالاكثر يعني الحياه قدامك لسه طويلة وزوجك مع الوقت بتعود يحكي بس انتي اصبري عليه وعلميه بالطريقة الحلوة صدقيني راح يتعلم وكمان راح يفاجئك بتغيير اسلوبه للاحسن
انتي حاولي تتفهيه وتحتويه بالحب والحنان ,,, وربي يكتبلك ويكتبلي الي فيه الخير ان شاء الله,,,,
 
حبيبتي إبدأي بتغيير طريقتك معه قبل ما تخسرينه والا بيجي يوم يمل نتيجة تراكمات بيشيلها بنفسه عليك ووقتها ما عاد يفيد الندم
 
والله زوجك مابه شي ينعاب احمدي ربك عليه
لو جاك زوج يخون...وزوج سكران..او زوج يضربك ضرب
او زوجك يجرحك بالكلام ويستهتر فيك ولا انتي عاجبته..
شلون بيكون موقفك؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
 
يابعد عمري هو غلط عليتس بالسوق .. طيب ميب مشكله .. قبل الغلط كان موقف يبي يشتري لتس ايسكريم يبرد على تسبدتس ..وكان يبي يصرف وشوله موب عشانتس انتي وبنتس ...
وهو تنرفز وقت صلاة اساسا زين منه رايح معتس السووق لان الرجال اكرره ماعنده السسووق ..
بعدين يا حبيبتي يمكن هو مايعرف يعبر .. هو حاول يراضيتس بس ماعرف .....
هو يعبر عن اعتذاره بافعال ماهوب بكلام وانتي الظاهر تبين قول بدون فعل ياعمري خلاص جاب لتس ورده والله لو انه انا تسسان .. اول مادخلت البيت خميته وقلت له حبيبي لاعاد تسوي الحركه هذي من جديد ..
وانتي تفاهمي معه قولي له بجلسة مصارحه انتس تحبين اسسلوبه وتحسينه حلو بالاعتذار بس انتي تبينه بكلام يعني يقولتس ااسسف وشوفي وش بيرد عليتس ..
الله يسخره لتس ياارب ..
 
احمدي ربك على زوجك زي ماقالوا الاخوات كويس انه مو خاين واي شي غير كذا يهون وحتى لوكان خطاه كبير هذا مايبرر لك انك تخونين لانك اول شئ تعصين ربك ثانيا تخونين نفسكوالرجال ما يستاهلون انك تغلطين عشانهم
 
لاحول ولاقوة الا بالله ..بيجي وقت تركضين وراه تدورين رضاه اذا طفش منك وتزوج غيرك ..ياختي احمدي ربك وخذي لفه على مشاكل الاخوات في المنتدى عشان تعرفين النعمه اللي انتي عايشه فيها ..قوي علاقتك بالله حتى ترضين وتقتنعين ويديم عليك ربك النعمه ورددي اللهم اني اعوذ بك من تحول عافيتك ومن زوال نعمتك ومن جميع سخطك..
 
بصراحة تصرفاتك كلها غلط مع زوجك
وطبيعي لو هو يموت بالرومانسية يسوي معك كذا

ياغالية في فرق بين الحرمه والرجال
انت تبيه يعاملك مثل مالحرمه تعامل زوجها ؟!
انا ماشفت زوجك غلط بشي كبير
ولو هو وداك لاهلك كنت انحرجتي قدام اهلك من موقفك لان الكل بيقول انت كبرتيها وزودتيها
وضروري زوجك يتادب ويعتذر بشكل فصيح لما يكون غلط غلطة كبيرة محتاج عليها تاديب
يكفي كلمتك حطلي فلوس وسواق وبسوي لي ولبنتي
!!!!
مدري يااختي انت شكلك ماقدرتي قيمة الزوج والزواج
وماخذة الدنيا عناد وكبر راس
اذا ماانتبهتي على عمرك بتخسري زوجك لانسانة تقدره وتفهمه
وتقدر تغيره على كيفها لانها اعطته فرصة وفهمت شخصيته ​
 
الحمد لله اسمحي لي اقول انتي المشكله مو زوجك وصدق اصحاب العقول في راحه انتي لانك توك مابعد كفختك الدنيا قاعده تتعاملين معه كذا لو انه يوم حطك عند اهلك طنشك كم يوم كان عرفتي قيمته من متى والرجال يعتذر وخاااااصه انه مو ذاك الغالط اللي يستاهل بس الله يعينه عليك
 
الله يعين زوجك والله كسر خاطري
لو هو مو طيب كان لما شافك تتحدينه عشان روحتك لبيت اهلك كان قالك روحي ولاعاد تجين
بس هو يحبك ومتمسك فيك وانتي ما حسيتي فيه
و يقدملك الورد كاعتذار وترفضين ترى مع الوقت ورفضك للورد بيترك هالحركه
و ترى الرجال بافعالهم يحبون مو بالكلام
وانتي حبي نفسك ودلعيها ودلعي بنتك واشغلي نفسك بالمفيد عشان تنسين عيوب زوجك
 
عزيزتي .... السعادة بيدك انت
انت من يستطيع ان يبني بيت على الحب
الرجل لم يقصر معاك وهذة الامور الي ذكرتيها تعتبر تافهة جدا يمكن احنا نحبها بحكم عاطفتنا
نحب الرومانسيه ونحب الكلام الحلو
انت شوفي افعاله ولا تنتظري منه الكلام الحلو بل انظري اليه والى تعامله معاك وهل هو مقصر عليك بشي
ولا تتسرعي بالزعل او خلق مشكله حتى لا تكوني تعيسه
انظري جيدا الى حياتك تامليها وحبيها فزوجك ما شاء الله عليه شخص عاقل ومتفهم لا تنكدي عليه
حتى لا يهرب منك بكلمه حلوة من غيرك اونظرة حلوة وما اكثر بنات الحرام الان واحمدي الله انه ليس بخائن او بخيل او غيرة من المشاكل التي تريها بالمنتدى
كل ما تطلبيه من حقك ولكن لا تجعلي منها مشكله في حد ذاتها
وانتبهي له دليله واسعديه ولا تنظري منه كلمه حلوة انما فعل
وانا ارى انه يحبك ولكن انت لا تقدري هذا الشي اما تنظري كلمه الاسف منه
مجرد ما اعطاك وردة فهذا يعتبر تاسف . لماذا لم تقبليه ؟ ولماذا كبرتي الموضوع الى هذا الحد
وانا مع راي الاخوات ثقفي نفسك في الحياة الزوجيه وقدريها
ثم لماذا تفكري تخونيه ؟ حتى لو اتى بامراة الى البيت لن اخون نفسي وديني
لن اخون الرجل الذي رباني واحسن تربيتي
ولن اخون اطفالي واجعلهم منكسرين في المستفبل
اكثري من التعوذ من الشيطان ولا تجعليه يدخل اليك من اي باب
واقرئي البقرة لانها تبعد الشيطان عن البيت وبالتالي تبعد عنك المشاكل
واخيرا اسعدي زوجك لتسعدي انت
 
بنا ت خلاص قفلوا على الموضوع تهجمكم علي ضايقني
وخلاني اندم اني فكرت انزل موضوع واطلب استشارتكم من جد انا اسفه لاني نزلت موضوعي بينكم

انا ماحب المشاكل ودايم تصير مشاكل بيننا وعادي اتغاضى وابلعها بس بعض الاحيان اوصل الى مرحله ماقدر امسك نفسي وزوجي عارف هذا الشي وهو الي محببه فيني اني مادقق على اشياء بايخه ومالهاداعي
بس زوجي كل ماقوله شي يقول لا ويبي كلامه يمشي وفوق هذا احترم وجهة نظره في كل شي
بس لما اكون ابغى الشي لازم اخليه يوافق لاني اعرفه من البدايه بيقول لااا

ع العموم اتوقع الكلام الي وصلني من بعض الاخوات اقنعني وازاح همي

والله يوفقكم لما تحبونه وترضونه
في امان الله
 
وانا احب زوجي واخذته عن حب وهو عارف معزته عندي بس في لحظات الضعف الانسان محتاج
لمن يمسك بيده ويرشده للطريق الصحيح بعض النظر عن الطرف الثاني لان سوء النفس يخلي الواحد يقول كلام هو مايبي يقوله
 
الحالة
مغلق و غير مفتوح للمزيد من الردود.
عودة
أعلى أسفل