هل ابحث عن عشيق لي ؟

[عادي جدا]

ياالله يابنات بلاكم طلعتوني مجنونه ماهقيتها منكم والله ندمانه اني ابغى افضفض لكم

اتمنى حذف الموضوع

 

[احلام الغلا]

لا حبيبتي ماطلعانك مجنونه بالعكس انتي تفكري كيف تصلحي حالكم انتي وزوجك عشان كذا نزلتي موضووع واحنا نصحنااك

http://www.niswh.com/vb/showthread.php?t=247051

شوفي الموضووع هذا مره يعجبني وبين فتره وفتره ارجع اقراءه وانشاء الله يعجبك


http://www.niswh.com/vb/showthread.php?t=278201

وهذا عن الانماااط

وعلى فكره انا وزوجي اتزوجنا بنفس اعماركم ياكثر المشاكل اللي كانت بيننا رغم اننا نحب بعضنا بس دحين لا الحمدلله

 

[candy candy]

عادي الجفاف العاطفي منتشر جدا بين الرجال هذي الايام الله يعين بس فعلا زي ماقالو كونه يعطيط ورده احسن من يعطيك كف

 

[m!ss dream]

والله زوجك مسكين لاتزعلييييييييييييييين بس انتي عصبيه وحساسه جدا لازم تتصيرين باااااارده بعدين تحمدي ربك اهداك ورده والله ماعمره جاب لي ورده
حبيبتي لاتدققين كثير واذا تاسف اقبلي والا معاد بيتاسف
بلعكس شخصيته حلوه
والله لو اطلب زوجي ايسكريم مايجيب لي عالاقل جاب لك وقالك مطعم
انا تخيلي نرجع البيت الساعه 11 ويقول سوي عشا ترى عندك نعمه

 

[عادي جدا]

تسلمووون لي ع الردود الحلوه
لولا انه جاف واسلوبه زفت شوي وبطئ بس الله يبدل من حال لحال
وعلى طاري الورده والمطاعم ماتجي الا لو حس نفسه غلطاان ولااحلمي

 

[زوجة الناظر]

والله انا اشوف انك انتي الغلطانة من اول شي لآخره


وانتي اللي ما احد يتفاهم معك وماخذه كل شي وكأنوو آخر حل هو العصبية والطنااش


مشاكلك تافهه بس يمكن لانك توك ببداية حياتك الزوجية مكبرتها

و يبي لك صبر و طولة بال

وهو انسان مو مطنشك ابد

بس هو بالافعال يتكلم مو بالكلام

هدي بالك وروقي وبالنسبة للكلام الحلو انتي ابدي معه

وترى اذا جاب اليوم وردة ورميتيها عليه بعدين ماراح يجيب لك

وكثرة الهواش والعصبية تكرهه فيك

​

 

[العفو منك ربي]

افهمى زوجك لايجى يوم تخسرينه وانتى السبب انتى السبب

 

[ميوره الاموره1]

شوفي يا اختي اجساس المراه مو زي رجال نحب كلام الحلو وانا حاسه فيكي يا اختي لانك رومانسيه يزياده وممكن فاقده منه الحنان عشان كده انتي تمللتي منه بس لايدخل الشيطان ويوسوسك وتقولي تدردشي وتخوني مو حل قوي ايمانك بالله وادعي ربك ان زوجك يتغير ويسخر لك له مافي شيء مستحيل وبعيد عن ربك واصبري ان الله مع الصابرين ربي يفرجها معاكي

 

[مجنونةحبيبها]

لاياقلبي الاالخيانه
لا ياعمري انتي تغضبين ربك ووالدينك اللي ربوك علشان واحد مايستاهل نصيحتي لك افرشي سجادتك باخرالليل وادعي ان الله يسخره لك ويهديه

 

[sosocaty]

تبغون الصرااااااااااحه يا حريـــــــــــم



أنتم مو حقين نعمه


أحمدي ربك انك عندك رجال يقضي حاجاتك الجنسيه ,, وهذا غير مصاريف البيت ..


يا شيخه احمدي ربك

 

[الأميره الناعسه]

والله أنك عجيبه شكلك بتطفشين زوجك منك ياأما يتزوج أو يخون أسمحيلي أختي أنتي قويه وين الرجال اللي كامل وزوجك أشوف فيه حسنات كثيره وبعدين أختي مالقيتي إلا هالعنوان تحطينه لموضوعك وبعدين شكلك تقارنين زوجك باللي حولك ترى بعض الحريم تحب تنفخ نفسها وتمدح زوجها لو موريها نجوم القايله

 

[بريق الحب]

نصيحه حطي زوجك في عيونك ترا عندك نعمه انتى زعلتي وخدتي حقك خلاص نعمه انه فكر يراضيك اقلك شي اعرف وحده زوجها زي زوجك لكنها كانت تتامر عليه وتزعل علي كل شي حتى حكايت يوم الزواج كبرتها وسوتها مشكله مع اننا نصحنها وقلنالها مو ضروري تحتفلي في رجال ما يهتموا لي دي الامور مسكينه الحين تتمنا كلمه اعتدار بس مو هديه الا احيانا ما يكلمها مره يجلس بي الايام صارت تقوال اتغير

 

[سيدة عالمها]

قولي امين

الله يحننه عليك اكثر واكثر ويسعدكم ويخليكم لبنوتتكم

حبيبتي

اول شي بالنسبه لرفعة صوته قدام الناس ترى بالذات فالسوق كثير يرفعون اصواتهم طالما لاسب ولا لعن خلاص طنشي وترى الناس مادرو انها بنت فلان خاصمها زوجها ووالله لوتشوفين كيف زوجي فالسوق تحمدين الله

ثانيا لما قولتي بتمشي ولا انزل اخذ تكسي وعلى كذا ابتسم وحاول يلطف الجو مع انه كنك تقولين له تراك سواق وبدالك كثير والرجال مايحبون كذا
لاكان قولتي ابوفلانه نسيت شي او بغيت شي وخلاص الحياه تمشي
حركة الورده احتسبت صراحه لصفه وبالذات تقولين وقف مكان الورد كالعاده يااختي اقسم بالله ماتذكر اخر مره متى اهداني ورده وكثير حريم زيي ولكن الله يخليلنا ازواجنا عندنا هم اهم من الورد ومن الدنيا
انتي بنت ناس ومتربيه باين من كلامك مو حلو يالغاليه تحطين راسك براس زوجك وتهددينه انك بتروحين وتنزلين للشارع ومدري ايه والله ياقمر ان الحريم ينضربون وينلعن شكلهم وصابرات وربي يعوض ربي مايسيب احد
وبالنسبه لعيد الزواج اولا يااختي هذي بدع وسبحان الله شي استثنااااااائي بالحياه وتافه اصلا ايش يعني ماسويتو عيد زواج شي تافه يالغاليه لاتخلين زوجك يعيش معاكي يجاملك يعني بيحتفل مو لانه رغبان لا لانه خايف من النكد
وبالنسبه لحركة انه طفى الشموع وكذا خليني اشاركك الهم
مره انا اخذت فندق وحركات بمناسبة ترقيته ذا الكلام قبل 5 سنين تقريبا المهم طلع مشوار انا بديت اضبط بالغرفه ووصلت الكيكه والحركات وكل شي اول مادخل قال ياسلام بس بالله لمي الي عالسرير وصار يطيحه عالارض انتي زوجك لمها فعلبه وقلي تعالي نحتفل على سرير الفندق نتفرج مباراة المنتخب السعودي وايران ههههههههههههه والله العظيم اتذكر اخذت الكيكه وقطعتها وقومت سويتلي دش دافي حطيت فيه الورود ودلعت نفسي ياشيخه مافي شي مستاااااااااهل ياعمري

تذكري زوجك بااااااااااااااب للجنه والله والله والله ان الجنه مبتغانا ان صبرنا عالجفاف العطفي ففي الدين اقسم بالله رواء القلوب وتذكري انك اذا اصلحتي ماينك وبين ربك اصلح الله مابينك وبين الناس

وحبيبتي من كلامك مااعتقد زوجك جنوبي ارجعي سوي اختبار البوصله وتاكدي

حطي ابو بنتك بعيونك واتقي الله فيه وهدي اعصابك وتذكري انه اذا نام غضبان لعنتك الملائكه الين تراضيه وان رضى الله من رضى الزوج

اسفه عالاطاله بس اثارتني مشكلتك حياتي

 

[فداك القلب]

الله يهديك انا معك ان زوجك غلط عليك في السوق بس في الااخير الرجل ما قصر معك وش تبغينيه يسوي معك ابغاك تقرين الانماط الشخصيه وتفهمين زوجك احسن من انك تفكرين تخونينه في الشات وعشان تريحين لاتفكرين في فلانه وش حطلهازوجها شوفي منهم اقل منك عشان تزين حياتك عندك

 

[ناااايس]

[SIZE="5"اسمحي لي باطلبك تقري المشكله كأنها استشارة من غيرك وربي لتحسيها مشكله تااااافهه ماتستاهل كل هالزعل الله يصلح قلبك ترى زوجك بيتحمل مرة ومرتين وعشر لكن الصبر له حدود نصيحة عدلي من نفسك واقري في نمطه كثير والله الجنوبييين قلوبهم طيبه بس يبغالهم من يفهمهم [/SIZE]

 

[الخنساء المعاصر]

والله ان الرومنسيات والخرابيط افسدت طعم الحياة الزوجيه عاشوا امهاتنا وماخانوا وازواجهم مايعرفون الرومانسيه خير ان شاء الله ماصار رومانسي تخونيه اجل اللي ماتزوجن حلال يطلعن مع رجال
كبري عقلك واعرفي وش يحب سويه هو جنتك او نارك
وبيني اللي تحبين بهدوء
خير رفع صوته ماهي قضيه اعتذر وانتهينا الله يعين شباب ها الزمن على زوجات لاتعرف حقوق الزوج

 

[كشه ناعمه]

اهلين خيتو
انتي خلك واقعيه اكثر وفهمي مشكلتك وجلسي مع نفسك
وفكري بايجابيته وسلبياته وبتلقين الايجابيات فاقت السلبيات
واذا رفع صوته لانه عصب وياكثر ماتصير .. وانتي الي عصبتيه
تقدري تديري مشكالك بشكل اكثر اتقان وعقل وتصير حياتك مثل ماتحبين
الرجال ياحبيبتي مايجبون المراه الي تسوي روحها قويه
لان يحب يحس بحاجتها له وان هو الرجال اما اذا تنافسيه بيتفدين
جز من انوثتك وبيبدى يدور على الكلمه الحلوه والاحتوا من امراءه
غيرك قومي بدورك باكمل وجهه وقومي بواجباتك وخلي صوتك واطي
مهما عصبتي وخلي الكلام الحلو دوم بلسانك حتى وقت العصبيه
ولاتطولين بالزعل لانه ماراح يعتذر الا مره وحده الرجال ويعبر بالافعال
الاغلب يعني الورده كانت بدال كلمه اسف مفروض تفهمين نفسيات
الرجال وطريقه تعبيرهم وطريقه اسلوبهم بالحياه تختلف اختلاف كلي
لانه تكوينهم الجسمي والعقلي يكون مكمل للمراه
يعني المراه هي بالعواطف والحنان و لين الجانب والنعومه
والرجال بالصلابه والحسابات والفعل والتدبير تفكيرهم .. انتي حاولي
بالبدايه تغيرين نفسك وتشوفين عيوبك وعصبيتك وتثقفين نفسك
وتطويرين ذاتك وتكوني امراءه بمعنى الكلمه وانثى وديعه حنونه
يجد عندك زوجك كل مايحتاج له ويشعر بالامان معك .. ويقترب منك اكثر
وتفهمون بعض اكثر
حبيبتي بيئتنا الجافه وتربيه ازواجنا جافه من الاب والام ماعمرهم سمعوا
كلمه حلوه بين والديهم ولا لمسات ولا طلعات خاصه والمثل الاعلى له
بحياته والديه .. فكيف تبين يكون الرومنسي الي حلمتي فيه ايام المراهقه
مشكله الافلام اثرت بعقولنا والواقع شي آخر عن المسلسلات ..
انتي خليك رومنسيه هو بيتعلم منك قولي له احب كذا وكذا وبيلبي طلبك
بالبديه بتكون صعبه ومالها طعم لانك طلبتيها لاكن مع الوقت بيتمرسها
وانتوا توكم متزوجين اصبري عليه .. ودام مو مقصر معك بشي احمدري ربك
كلنا ادري نحتاج للكلام الحلو والرومانسيه بس مايجي الشي بالساهل اتعبي عليه
بيجيك بالمستقبل انسان ثاني .. ولو اقولك قصتي مع زوجي وصبري
لين خليته انسان اخر عرفتي معنى الصبر بس النتيجه روعه .
انتي لاتستسلمين للشيطان وتقولين اخون عشان كلام حلو ورومانسيه
حالمه .. عيشي واقعك واحتوي زوجك واعطي بدون ماتاخذين
لان بالمستقبل بتاخذين اضعاف الي توقعتيه . وزوجك الحين نصيحه
فاجئيه وكشخي ولبسي وعطري بيتك واستقبليه بابتسامه
وحلى وجلسه بلا نكد ولا تعاتبيه على الي فات خلك بالجاي
ولاتفكرين مره ثانيه تنامين بغرفه غير غرفتك لانه بيتعود على بعدك
اذا زعلتي نامي معه بالسرير وعطيه ظهرك بس خلك معه .. عشان
ماتخسرين مكانك .. واتدلعي عليه بس بفن وزعلي بس بدلال
واحتويه واحتويه بحبك وحنانك وطيبتك وكلامك خليه يدمن عليك
لاتتركينه يدور ملاذ غيرك يفرغ فيه رغباته .
وارضي الله يرضى عنك زوجك والحياه تعب قد ماتتعبين تجنين
احلى ثمر .. والله يسعدك يارب
طولت عليك بس اتمنى تقرين كلامي وتطبقينه وبتشوفين
باذن الله سعاده .. ولاتقارنين بينك وبين احد خلك مميزه مو تبع لااحد .​

 

[مملكة عشقي]

الله يهديك
طبيعي اول سنتين زواج هذا الحال كنت زيك واتاثر من اي شي
واعاند وازعل وكان يطنشني حتى لوجلست سنه زعلانه وعلى اتفهه الاشياء نتزاعل
وكل شويه وانا عند اهلي
وابغى كلمه حلوه وابغى وابغى وزوجي من النوع اللي مستحيل يعبر عن مشاعره
ولا حتى كلمه حلوه
بس بعدين شويه شويه فهمتو وعرفت ايش يحب وايش يكره
خفت المشاكل شويه سرنا نفهم بعض
هديت من العناد والزعل اللي مالو داعي احاااااااااااااول اني مااضيقه حتى لوزعلني
اللين الحمد الله اتغير هو كثير عن اول
اول حاط في اعتقاده انو رجل وانا امراءه يعني اوامر ونفذي بدون نقاش
والان الحمد الله بخبرتي شلت الشي هذا من بيتنا
وسرينا اكثر تفاهم
والاخوات عااااااااادي عاااااااااااادي لاتعصبون على الحرمه بكره تذكر وتضحك على هذي الايام
افهمي زوجك وحبييييييييه ودلعيه تملكين قلبو
وغير كذا طولي بااااااالك وخليكي هاديه قدر الايمكان وطنشيييييييييي
واذا في مشكله حلوها بهدوء واختاري وقت مناسب لحلها
وبعدين وش قصة الحريم مع الخيانه
كل وحده مالقيت كلمه حلوه تدورها بلحرام
خافوا الله ياناس
وتلومون الرجال ليه تلومونهم والحريم يجرون وراهم
اللهم العفو والعافيه
لا حول ولا قوة الاباالله العلي العظيم

 

[محبة النبي]

مسكين زوجك وربي ارحمه الله يعينه
وش تبينه يسويلك احمدي ربك على هالنعمه
هو غلط انه قام يصارخ عليك قدام الناس بس هو اعتذر لك وانتي ما قبلتي
وش تبينه يسوي يجي يحب يدك ؟

 

[رمانه العود]

اختي الموضوع عادي مايحتاج قد كذا وكويس انه محترمك ومقدرك ويلبي طلباتك وانتي تعصبي عليه لو احد ثاني كان بهدلك واهانك

والورد بالله عليكي هذه مو رومنسية يكفي بس انه فكر فيكي وفكر يراضيكي احمدي ربك في رجال يغلطو يغلطو ويطلعو الغلط بالحرمة


اكسبي زوجك قبل مايروح من يدك وانتي باين من اسلوبك انك جافة معاه خليكي دلوعة وانثى والله يلبيلك رغباتك وهو يضحك

عادي علميه الرومانسية علميه الحب بادري انتي بالاول عشان هو يتعلم منك
ادعي ربنا انه يخليه رومانسي وانه يخليه مثل ماتحبي مافي شي بعيد عن الله
وبعدين ماينفع كل شوية ناطة ببيت اهلك كل شي وديني بيت اهلي لا مايسير كذا ابدا راح تخربي بيتك بيدك وبالنهاية راح يمل الرجال ولا عاد يرجعك


واذا محتاجة حب وحنان اعطي لنفسك الحب والحنان والدلع مايحتاج تستني من زوجك عوضي الحب في بنتك يعني احضنيها كثير وكمان قدامه احضني بنتك وبوسيها قوليلها احبك دلعيها قوليلها حبيبي وحياتي خليه يتعلم خليه يشوف كيف تحسي

والله يصلح بينكم