هل ابحث عن عشيق لي ؟

الحالة
مغلق و غير مفتوح للمزيد من الردود.
لازلتي صغيرة لم تنضجي بعد وكذلك زوجك,,ماهكذا تمشي الحياة الزوجية !!! اقرأي وتثقفي أكثر ولتعلمي أن الحياة الزوجية لاتنفع معها المزاجية وردات الفعل المتسرعة المتهورة ,, اهدأي وتعلمي أن تتعاملي مع عصبية زوجك ونزقه بصبر وروية وحكمة ,, الصبر الصبر الصبر ,,ربي يختار لك الخير.
 
ابدأي التغيير والاصلاح من تغييرك لعنوان استشارتك,,أنت إنسانة مسلمة على خلق ودين لاتقللي من شأن نفسك بمثل هذا -العنوان- حتى وإن كنت قد كتبتيه بلحظة غضب وحنق من زوجك !!!!!!!!!!!!!!!!!!!!!
 
الله يعين زوجك عليكي

ان كنت في نعمة فارعها فإن المعاصي تزيل النعم​
 
لا يا قلبي مره انتي غلطانه مره مره مره اسلوبك مافيه احترام معاه الجنوبي اذا اعتذر ارضي عليه لاتطولينها معاه صح هو غلط بس انتي مرمطيه على الاخر

تبغين زوجك يحبك اسمعي مني

خليك فرفوشه دلوعه لاتزعلين ترى يكرهك مع الايام اذا اعتذر خلاص ارضي واعطاك الورده كان قبتيها تراك جرحتيه مره

الرمنسيه كل الرجال كذا ترى لايغرك وين ربع واحد حتى مو واحد لا ربع يعني فيه شوية رومنسيه

قبل ما ينام اعطيه انتي حنان لاتنتظرين منه انتي ابدئي
اذا زعلتي خليه يشوف دموعك لاتهزئين ولاتتكلمين قوليله الاحترام اساس كل شي
وترى السنتين الاولى تعارف تفهمينه ويفهمك واصبري شوي وافهميه تعيشين معه بسلام صدقيني
 
لاحول ولاقوة الا بالله. حبيبتي اللي عندك جوهره، لاتفرطين فيها، وتنكدي عيشته حرام عليك. شو تبين منه أكثر؟؟
يعتذر منك بطريقه غير مباشره ، ويجيبلك الورد، ويمشيك ، ومن كلامك مامقصر فيك بشي. الا سالفة أونه ( مايمدحني،ومايقولي كلام حلو)انتي ألفتي انباهه ،وتزيني له،ومب شرط يمدحك لجمالك مثلا، تقدرين تخليه ، لاسلوبك الحلو ،لطيبتك، لاهتمامك به.

وبعدين انتي تقولين مايعترف بالغلط، ويفكر نفسه انه هو دايما صح!! وبعدين تقولي يوعدك انه رح يتغير للأحسن..... وهذا بحد ذاته اعتراف منه انه غلط،وعنده نيه للتغير للأحسن.

وسالفة الاحتفال بذكرى زواجكم.انتي تبين تحتفلين بهالذكرى من جيبه، وتنكدي عليه عشان تسويها .سبحان الله.انتي سويتيها ذكرى نكد مب زواج!!!

ولما وداك بيت أهلك، وقالك: تبين أجيك؟ ولابتباتين؟ قلتيله. عادي ماتفرق معي!! بالله عليك هذا رد؟؟؟؟
طيب شو بتخسرين اذا قلتيله: (هو أنا أقدر أبعد عنك ياحياتي، انته ماتعرف قدرك عندي، وحبي لك، ما أعتقد اني رح اصبر عنك، فتعالي ياعمري)

خافي الله حافظي على زوجك، واحتويه، وانتي قوليله كلام حلو ،مب تعاتبينه، وتحاسبيه على امور تافهه.
 
انتي الي لازم تغيرين نفسك مو زوجك
غيري عصبيتك
وتحكمي باعصابك
ولا تبحثين عن المشااااااااااااكل
الي بيدور المشاكل بيلقاها والي بيبعد عنها بتبعد عنه
 
معليش اختي بعض الازواج مايحب ينام ع السرير لوحده حتى لو مايبي شي
بس اهم شي انتي تكوني جنبه انا من نظرتي اني مااحب اتركه يدخل السرير وانا مو معه عشان مايتعود ع غيابي
ثاني شي واهم شي
عيييييييييييييييييب تقولي بخونه هل تليق هذي الكلمه فيك ؟
نسيتي زوجك بسبب المشاكل اوكي ماقلنا شي بس هذا مايبرر الخيانه طيب وين اهلك نسيتيهم واهلك بعد مو مهم انتي نسيتي ربك ؟؟؟؟؟؟
انا صغيره زيك عمري 22 ولو كان زوجي شاااااااااااااااااااايب وقاسي والله ماافكر اخونه لاني اخاف واستحي من ربي
واخاف ع سمعت اهلي
ولو مشيتي بهذا الطريق صدقيني حتى لو تبتي بيظل كابوس يلاحقك وين مارحتي
مو كل وحده تزوجن فارس الاحلام بس نقدر نمشي حياتنا
وانتي سويتي حفله وانصدمتي طيب انا 3 مرات وكل مره جرح اكبر ولا بخونه وبروح وبسوي حفلة عيد زواجنا باذن الله واذا مافاد بسوي حفله وبسوي ليالي رومنسيه لين يتعود
احمدي ربك جاب ورده انا مااحلم انها تجيني ماعمره جاب لي ورده صح يجيب لي كوكاو ههه شوكولا بس سرت دبا يعني لو ورده احسن
اصبري اصبري اصبري الدنيا والحياه يبيلها صبر وكل ماتضايقتي ادخلي المنتدى وفضي شحناتك
الله يعينك ويهدي بالك انا زيك عصبيه بس بعض الامور اتحكم فيها الحمدالله
 
الله يهديييج اختى انتي بس لو تتطولين بالج شووي عليه والله امورج بتمشي
وحياتج بتكون سعيده حرام عليييج زيييييييييين منه جاب لج ورد والله لو غيره ولا مفتكر
احمدي ربج
وبعدين ليش حاطه ف خاطرج انه زعلج في اول حفله لكم انتى ما تدرييين ليش اهو سوا جي
اكييييييييييييييييد في شي بس ما بغا يقولج
 
حرام عليج والله
زوجج كسر خاطري
كل اللي سوى لج وانتي ابد ماعندج احساس
اتقي الله في نفس واحمدي الله على نعمة هالزوج الحنون
صج انج قاسيه مره ودلووعه
مايسوى تكبيرن السالفه وتوصل الى الخيانه
استغفري الله وتوبي له
واعتذري من زوجج واستسمحي منه
وتذكري حديث الرسول : "من اطاعت زوجها .... ألخ "
 
لا تزعلين بس بصراحة انتي دلوعة
ما راح اعلق على موضوعك
 
انا زوجي يصرخ علي في السوق ولو بس تركته ولحقني الى السيارة راح يرجعني بيت اهلي ويقولي خلي اهلك يربوك بعدين ارجعي مو يعطيني ورد والله احمدي ربك واشكريه على النعمه واهتمي في زوجك ولا تتغلين عليه كثير اني زوجي هو اللي يغلط وهو اللي يزعل ويبيني انا اللي اراضيه
 
زووجك تنفعله وحده دلووعه وصوتها هادي واذا عصبت تلزم الصمت واذا زعلت وانجرحت طاحت دموعها من دون ماترفع صوتها عليه ولاتقول كلمه وبيحطها فوق راسه
جربي وعسى ينفع معه
وانتي ماشاءالله عليييييييييك واضح من موضوعك انك حاااره وعصبيه وتبين تمشين ررجلك على كيفك
الورده هاااذي نااااااااااس يحلمون فيهاااا الله يهديكم بس ويسخر مابينكم
 
يالله اسلوبك ياأختي مرررة غلط يعني كيف تبغيه يراضيك الورد والمطعم كله دا مو عاجبك اكيد الانسان فيه اخطاء بس والله انت في نعمة لا تكبري السالفة احنا طبعا مانقدر نحكم على زوجك بشل كاف لكن المواقف الي ذكرتيها صراحه نرفزتني منك ولاتزعلي مني بس هذي الصراحه يمكن لو رجل ثاني وتصرفت معاه زوجته بنفس طريقتك كان صار كلام ثاني
حبيبتي المعاملة مع الزوج ماتكون بالتحدي والقوة خليك رقيقة وحبوبة هو يبغى تغيير وانت كمان يبغالك تغيير وضبط اعصاب اكثر
اسال الله ان يؤلف بينك وبين زوجك
 
تدرين انك من دور اعيالي واتذكر اني مريت بالي انتى مريتي به من العصبيه لكنى خسرت ايامي الجميله الي كان ممكن اعيشها بهدوء حبيبتى انتى تصرفك غلط ومتاثره بالافلام والمسلسلات غالب الرجال الي يقولون كلام رومنسي هم خاينين المهم الفعل مو الكلام وبعدين ليه ماتكتبي الي تبينه وتبينين اهمية الكلام الحلو لنفسيتك وزوجك شكله شمالي وذوله لايمكن يعتذر او يعترف بغلطه مباشره اكسبي زوجك وابدئي بتغيير نفسيتك وبتشوفين وبالنسبه لاحتفال المفروض ماتطلبينه منه تبينه سويه لنفسك وردة فعله لاتحطينها على بالك ووسعي صدرك والله يهديك وينور بصيرتك
 
انا اقول انو الاخت حنان الكون معاها حق
بجد احسك تسوي من الحبه قبه حاولي تحببيه فيكي كوني مرحه لا تقعدي تنكدي وتصيري حساسه زياده ترى الرجال ازا كره الحرمه كرها وانتي في غلط كادح كم مرا سويتيه بالحكايه شوفي لما تزعلي لا تروحي بيت اهلك خلي عقلك اكبر من كدا شوفي يا اختي انا كمان بعد 3 شهور اكمل سنتين وعندي بنت وانا وزوجي دايما في مشاكل بس لما جيت راجعت نفسي اكتشفت انو انا نكده وعندي بنت خالتي ماشاء الله حياتها مره حلوة وليها 5 سنين متزوجه هيا وزوجها زي المخطوبين
حاولت اقلدها في معاملتها شوفي انا اقلك افتحي افلام معاه وسوي شاهي ولا قهوه وحى واضحكي وخليه كانو صاحبك وخليكي فرفوشه ليش المشاكل ووجع القلب
وبعدين ايش ذنب البنت المسكينه اللي بيناتكم
واكيد بنتك قد بينتي 9ةشهور
خلي حياتك حلوة وانسي المشاكل ووجع الراس خلي الحياة حلوة وسهله ولا تقوليليو بيت اهلي
ولا تحطي نقرك من نقرو
شوفي انواع حلى ادخلي سويلو جهزيلو عشاء حلو على جيتو
اهديلو انتي ورده حسسيه بالحب وحبيه وربيييييييييييييييييييييي المشاكل ما منها فايده ولا شي بس توجعي راسك وتضربي بنتك ليش
 
ههاااااااااايييييييييييي انا قعدة 11 سنه انطر يجيب لي الورده كل مناسبه وكل شهر يقول انطري الي ورااااهااااا يحليلج احمدي ربج لاترفسين النعمه بيدج وصج ادورين الزعل لا يجيج مصيبه غيرهااااا تقولين انا طلعت تافه اسمحيلي انا مثل اختك**
 
حبيبتي انتي شنو اللي تبينه بالضبط ترا الحياة ماتمشي على كيفنا يعني بمشكلت السوق هو ماقصر حاول يراضيك بطريقته وترا مو ضروري يعتذرلك شفهي اغلب الرجاجيل يعتذرون بتصرفاتهم يعني هو لمة يعتذرلك يجيبلك ورده تحمدي الله انا زوجي ماعمره سواها سايري زوجك ولاتسوي من الحبه قبه وعيشو حياتكم وكبريها تكبر صغريها تصغر ولاتقارنين زوجك بأزواج رفيجاتك وغيرهم كل رجال له شخصيته وطريقته بالتعامل مع زوجته والله يسعدك
 
معليه حبيبتي
ودك تخونينه وتعصين الله ايعقل هذا
وبعدين احمدي الله انه يعتذر منك ويهديك ورد
ويراضيك وير سلك
غيرك والله مايلقى كذا
فاحمدييييييييييييييييييييييييه على نعمه سبحانه
 
لاحول ولاقوة الا بالله ..

اولا : انا انصحك بدلا من البحث عن عشيق افتحي جوجل وابحثي عن الحروب والزلازل والفتن الحاصلة الايام هذه وكيفية خروج الروح وقرب يوم القيامة افضل ,,

ثانيا : الحياة قصيرة فلا تضيعيها بتوافه الامور ,, حافظي على زوجك ولاتنكدي عليه فان كان موجود عندك الان فربما غدا تفقديه ولاتجدينه حولك الله يبارك لكما في اعماركما ,,

لاتجعلي الشيطان يحرش بينكم ويحرضكم على المشاكل ,, فحركاتك من تركه وذهابك للسيارة وهو يلحقك وذهابك لاهلك ورمي الوردة بوجهه ثم ردك عيه بالجوال ووو ,, كلها حركات تنرفز ,,
زوج غيره لو عصبي كان ضربك و طلقك او عالاقل تزوج عليك ,,

زوجك يحبك وصابر عليك الان فلا تجعليه يكرهك ويمل من اساليبك فتخسري معاملته الطيبة ويجعلك تندمين ..

املآي فراغك بما يفيد وتقربي الى الله لكي لاتنشغلي بهذه التوافه وتتنكدي حياتكم ..

واخيرا لايوجد في الاسلام عيد زواج فلا تنكدي عليه من اجل معصية ,,

لاتكوني طماعه ارضي بما عندك من نعمة حتى لاتنحرمي منها ..
 
الحالة
مغلق و غير مفتوح للمزيد من الردود.
عودة
أعلى أسفل