هل أنتي مع أوضدإخفاء الحمل00؟؟؟؟

  • بادئ الموضوع بادئ الموضوع رنوش 2010
  • تاريخ البدء تاريخ البدء
لا والله بالعكس ليش اخفي حملي مامسويه شي غلط ولا عيب
بالعكس ابشر كل من حولي يفرحون لي لاني حملت بعد سنتين زواج
اهلي وربعنا وجيرانه وكل من اعرفه يدري اني حامل من اول شهر
يعني الين متى بخفي حملي شهر شهرين ثلاث مردهم بيعرفون
يعني انا مع اللي تظهر حملها
 
مااشوف هذا غريب دارج عندالنساء بكثره ليش عندنا اقارب مقربين يجحدون الحمل وبعد ماتولد يحذرون لااحد يدري باللي جاهم ولد او بنت لالالالالالالالالالاتستغربين ياما حنشوف زمن غريب
 
يختي العين حق انا كنت زمان ما اخبي وابني تفتفت في بطني بدون سبب يارب عوضني عنه يارب
انشالله بس اذا ربي رزقني ماراح اعلم احد والله اخت زوجي عرفت انها كانت حامل يوم ولدت
وزوجت اخوه الكل عرف بعد السادس ياريتني كنت مثلهم
 
انا عن نفسي اخبر الناس اذا دخلت الشهر الرابع بعد مااتطمن على نفسي والجنين واخبرهم مره وحده بجنس
الجنين وبعدين مالها داعي كل من هب ودب اقوله انا حامل يكفي فرحتي انا وزوجي
 
انا بصراحه حصل لي موقف من لقافة الناس انا من تزوجت حملت على طول من اول شهر وزوجي من زود فرحته مابقى احد الا علمه ومن يومها وجاني نزيف وصرت انزف رغم كل الادويه لوقف النزيف لين الثامن وزاد علي النزيف وبغيت اموت وسوولي قيصري وطلعوا البيبي بس الله ستر عليه واليوم عمره 6سنوات الله يخليه لي ولا يحرمني منه وانا علي نفسي ما احب اعلم بس يبان علي من اول شهر
 
مساء الخير ...

مشكوووره على الموضوع والله بصراحه منتشر بين الناس هذي النقطه ...:33:

انا عن نفسي ما قلت إلا لأمي وخواااتي وأم زوجي و بنوتات بلقيييس :20:

.... فـــــــقــــــط لا غير ....

لأني في الشهر الأول ...
 
السؤال نوع من اللقافه ؟؟!!!
والكثير من الناس الراقيه الفاهمه ماتسال هاالسؤال !! وليس اسال الناس واحرجهم واحرج نفسي ؟؟!!!!
لكن اكبر غلط انفي الحمل وا قول مو حامل وانا حامل !!!!!!!!
وانا مثلا زميلاتي فيه الي علاقتي بهم قويه فانا ابادر واخبرهم بالخمل لانه مو زين صديقتي وامون عليها وماااقول لها ؟!!
لكن باقي الزميلات والي علاقتي فيهم سطحيه فما اقول لهم ومايعرفون الا بالكرشه خخخخ لان مالهم حق علي وعلاقتنا رسميه ........
 
اه من كلام الناس اللي ماترحم
انا يوم صارلي سنه و4شهور حملت وكنت مستعمله ابر التفجير اكتشفت الحمل قبل موعد الدوره باسبوع لكن تكلمت يوم موعد الدوره خبرت خواتي وام زوجي وانا اسولف على اختي اني اخذت الابرالتفجيريه الا ويوجعني بطني وانا اسولف عليها وهي تناظر بطني واقطع السالفه واسالها الحامل تحس بالم في بطنها ؟قالت يمكن ..
واروح اشوف والاقي دم ضاق صدري وعطوني ابر وحبوب مثبته لاكن ربي مااراد..
والان لي سنه و3شهور ولسه ماحملت الله يعوضني يارب قريب وان شاالله ماشوف الدوره الا بعد 9شهور
واذاحملت ماراح اخبر الا بعد 3ش...
اسفه عالاطاله بس حبيت انقل تجربتي.
 
سبحان الله...........! عجاااااايب الناس .... كله هذا كووووم واللي تحمل وتولد مانعرف عنها كوووووم ثاني ... سبحان الله .. بالعكس حنا بدعيلها ونتمنى لها كل خييير ونحس في معاناتها وتعبها ... الله يرزق الجميع القعل والفكر الناضج .. اميييين
مشكوره على الموضوع .
 
بصراااحه هاذي حريه شخصيه
انا مع ان الوحده تخبي بس ازعل لا وش دخلني فيها
بس انقهرمن اللي تسالني متى بتولدي عاااد انا قايله للعالم برمضااان
وهو احتمااال فسبعه
ويجوني جيراني ولانهم من الاجماااعه يسالوني
انتي بتولدي فرمضان صح ولا لا يعني سوال غير مباااشر متى بتولدين
مرررررررره يقهروووني
قسم بالله ان خووواتي مااسالهم فاي شهر ولا متى بتولدووون يعني وش دخلني
وغيرر كذا امي تقول ان اللي تعلم يطيح ولا تقول متى بتولد تتعسر ولادتها
وشفت كذا حاله بعد
 
انا للاسف لما حملت انتشر خبر حملي بسرررررعه في الجامعه وفي كل مكان
مدري كيف وليش انتشر بهالسرعه

لكن ماكملت شهرين وسقطت

والى الان لي سنه ماحملت

وتمنيت اني ماعلمت احد بحملي لين اخلص الشهر الثالث واتطمن على وضعي

دعواتكم لي بالذريه الصالحه ولكل من تتمنى

يعني انا مع ان الوحده تخبي حملها لين تخلص الثالث
لان عيون الناس ماترحم اذا حملتي
واذا ماحملتي لسانهم مايرحم
سبحان الله
 
موضوعك هذا ذكرني بوحده اعرفها اساس هي لها كرش من السمنه في اطفالها الثالث والرابع والخامس ماندري الى وهي والده يعني تونا عرفنا انها حامل وعلطول تولد تخيلو مع انها عايشه قريب لنا ونطلع مع بعض كثير بس ما احد يدري عنها ؟؟؟!!!!واذا شكيت انها حامل وباركتلها قالت لي توني محولي ولاده!!!!!!
 
انا كنت بكريه ماعرف بالامور هاذي الي عرفو حمولتي وانا ام 28 يوم تخيلي المشكله ابو الشباب اهو الي كلش يقوله لاهله
ان خبيت بخبي عن زوجي اول
 
انااسمعت من امهاتنا ان الي يعرفون متى تولد يحيرونها ولدت ماولدت ويترقبون بس احس موصحيح
وانا احس افضل مايدرون بكل شي لان فيه حساد لك ولزوجك
 
انا كنت من المعارضين قبل لااحمل بس يوم حملت بحملي الاول والكل عرف وهو كان بعد 3 سنوات زواج واجهضت زوجي حرررم انه يقول لاحد خصوصا انوو بعد الرقيه عند شيخ حذرنا انو لو صار حمل باذن الله مانخبر احد الا بعداقل شي شهرين....وان شاء الله راح اسوي كذا
 
الموضوع جاي بوقته انا حامل ومحتاره متى اقول لاهلي ولحمولتي..
 
زوجة صحفي قال:
انا بالنسبة لي مع اخفاء الحمل في بداية الاشهر الا ان يستقر الحمل بعدين ابشر الناس بس مو معناته ان اذا احدسالني اقعد االف واجذب لالالالالا والف لا للكذب اقول الحمد الله الله يتمم بخير ان شاء
أنقر للتوسيع...
أنا مع الاخت
 
بصراحه انا اتوقع لما احمل ان شاء الله بقووول لناااس كلللهم حتى قبل زوجي<< اما عااد:10:

بصراحه احس عادي اقول وش فيها الحمدلله شي زين لكن فيه بعضهم من النوع اللي تسقط ومايثبت الحمل هذي لا عادي تسكت ولا تعلم احد لحد ماتتاكد


مشكووووره حبيبتي موضوعك طريف :20:
​
 
طبعاا كل وحده اتعرف عن البيئه الي عايشتها وعارفه ان حواليها حساد وغيره ...

ونحن الحمدلله ربي منعم علينا بنعمه التوكل على الله بكل شي ولله ثم ولله ان امى اول ماتعرف ان اي وحده من خواتى حامل على طول اتخبر عماتى والكل يفرح الحمدلله الكل شايف خير والكل شايف النعمه ولوو لاااسمح الله صار شي فهذاا قدر وقسمه ربي ... اما الي يرفضن يعلنن فهذا رااجع ع الي حواليهن خاصه لو هم متاكدين ان في نايس بينهم تاكلهم الغيره وياكلهم الحقد وعيوونهم اللهم كاافينا شرهم ...

اما نحن الحمدلله الله منعم ع الكل الحمدلله اللهم لك الحمدوالشكر ومترقبين حملى بفارغ الصبر الله يرزقني ويرزق كل انساانه متشووقه للطفل الله لااايحرمهاا ياربي ..

الف شكر ع الموضووع الحلوو ..
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل