هل أنتي مع أوضدإخفاء الحمل00؟؟؟؟

  • بادئ الموضوع بادئ الموضوع رنوش 2010
  • تاريخ البدء تاريخ البدء
اؤيد الخفاء الى الاشهر الثلاثة الاولى بعض الناس يخفون انفسهم وهم يسألون انا تقهرني الحركه بصراااحه
 
انا صراحتا مع الى تخبي ثلاث شهور الاولا عشان تتاكد من الحمل وبعدين تخبر الى تبى

وبعدين في فرق بين ناس وناس في الى يسالوك بس عشان يعرفوا او يطمنوا

وفي الى يسوون تحقيق متى حملتي في اي شهر بتولدين ولد ولا بنت يرفعون الضغط

يعطيك العافيه على الموضوع
 
الحمل لاهوا عيب ولاحرام بس هيا حره في نفسها ادا حابه تتخبي الموضوع
 
انا استغرب من الي يخبوون زوجت اخوي حامل الحين بشهر الخامس يوم سالتهاا وشفيه طالعه لك كرشه كبيرهـ
قالت لا غازات بس انا عرفت انهاا حامل صدق اني مو متزوجه بس ماتبي احد يدري ومشاءالله مدري كيف تتحمل
واحس شي عادي اذا درو انك حامل بالعكس احسن

تحياتي
 
انا بصراحه عموما ما اعرف اخبي نعمة ربي عليا طبعا مع التحصين واستوداع نفسي وزوجي وجنيني
وقبل كل شي اتوكل على الله ..
بس في نقطه ذكرتيها .. حصلت معايا التلاعب بالشهور ماخبر بشهري الحقيقي .. انا ماشاءالله تممت
4 شهور والده بتؤام بنت وولد الله يحفظهم ليا ويقر عيني بصلاحهم ويعنني على تربيتهم ..حجم بطني
فترة الحمل ماكان يعطي اني توين الى تقريبا التاسع تلقيني يا اما اخبي اني حامل بتوين او اخبي انا باي
شهر اقلل الشهور بحيث تتناسب مع حجمها الطبيعي للسغنل .. ما اتوقع اتبع نفس الاسلوب لو كنت حامل
بسغنل ..
 
اذا وحدة بطنها طالع وواضح وسالوها واهي انكرت

اعتبرها مريضة نفسياً

لانة من الطبيعي انها اتقول الحمد لله على النعمة

واما بنعمة ربك فحدث
 
الناس المقربين مني اكيد بقولهم من البداية ..

بالنسبة لي .. قلت لزوجي طبعا وأهلي وقلت لأم زوجي بس من غير ما يدرون اخواته وام زوجي الله يحفظها موافقتني الرأي ..
الين ما جيت أخر اسبوع بالثالث ,, وقلت لأخوات زوجي وخالاتي ... والحين عادي الي بيعرف يعرف .. .والله يكتب الي فيه خير ..

بس أنا ضد الي العالم كلها تعرف عنها وهي بالثاني او توها بالثالث ... والله كثييييييييييييييير يجهضون سبحان الله ..

مو حكاية هي الوحيدة الي حملت لاء..

بعضهم يدققون في أكلها ويشوفون هي تتوحم ولا خفيف .. وهاتك يا حسد .. ويشوفون نفسيتها إذا مرتاحه طبعاا حسد ..لاحول ولا قوة إلا بالله ..

وأنا سمعت ان الجنين والأم الحامل في الشهور الأولى معرضه للشياطين ..والعين ..

والرسول صلى الله عليه وسلم قال (أقضو حوائجكم بالسر ) يعني ماله داعي الكل يعررف ..

وحديث اخر عن الرسول صلى الله عليه وسلم (من حسن إسلام المرء تركه ما لا يعنيه ) يعني الناس الملقوفه ماله داعي لقافتهم ..

وهذا رأيي الشخصي ..
 
انا عن نفسي اعلم بعد التحليل بسبوع الحمد الله ما جبته من حرام حلال ربي اعطاني ياه لي اخبي نعمت ربي هذي حركات مالها داعي الى يكذب وهي حامل الوحده تخاف من العقوبه بسبب كذبها او عشان فلانه ما قالت لى ولله انا بعمري سالت احد كم لك حامل او مته ولدتك لان الشي هذا ما يخصني هي الى تبي تولد موانا فاليش اتعب نفسي واسلها من اولها ما اسال اهم شي اذا سالوني جاوبت وخبر الحمل المفروض اول من يعرفه ام زوجي وخواته وامي واخواتي انا وجهت نظري
 
انامع الاخوات الي قالو تخبي حملها الي ان يبين من نفسه
ترى الناس ماتعطي خير ويدققون فيك

يعني اسكت الي ان يبين من نفسه حتى شهري ماااخبر فيه ولامتى ولادتي واكره حاجه عندي الي تسال متى يوم ولادتك سؤال غبي بصرااااااااااااااااحه
 
انا ما احب اعلم بس ما اكذب لما انسال اقول قريب واو ابتسم او اي شيء بس ما اقول لا مافيه
لانوه سنه الحياة ولا عيب بالعكس العيب اللي يسويه بعض الناس
ولا احب اني اقول موعد ولادتي بالضبط لان الناس عيونهم وسيعة وكل يوم داقين ما جاك الطلق ومن هالكلام ويحسبون وولدت بموعدها لادخلت العاشر ذا الكلام انا بغنى عنه وماتتسهل امور الشخص الا اذا صارت بالخفى ولا احد حاس فيني اصلا بس على قولة بعض الناس لقافة او تطفل
اما بالنسبة لماما فما اعلمها اخاااف عليها من كثر التفكير والهواجس تعرفون قلب الام فدايم مثلا اقول ب8 وانا بـ9وكذا بس كله لاغرااض شريف
هههههههههههههههههههه
والله يوفق
 
صراحة الحامل تخاف من كل شي بس يجب عليها أن تتوكل على الله وبعد الشهر الثالث تخبر الناس ولاتنكر نعمة الله عليها والمكتوب لها راح تشوفه مهما صار
 
في ناس نعرفهم (من اللي دومهم يحسدون ويعتقدون أنه الناس مثلهم حساده) ما يخبرون أنه الوحده منهم حامل إلا لو شفتيها "بالصدفه" بعد ولادتها ب 6 شهور وفي إيدها بيبي، عافاني الله. وأقوى كذبتين سمعتهم في حياتي هم:
1- وحده بعد حفلة عرسها ب 5 شهور ولدت (كانت مملكه قبل حفلة العرس)، وكانت جدتها تحاول تخبي أنه حفيدتها كانت حامل بعد ملكتها، فقالت للناس: مسكينه حفيدتي ولدت في الخامس، فردت عليها وحده أم عيال: ما فيه طفل ينولد في الخامس وأهله ياخذونه البيت معاهم!
2- فيه وحده متزوجه وحامل ومرابعه وحده بنت (صديقتها من قبل الزواج) ولما كانت المتزوجه في الشهر السابع لازالت تكذب على صديقتها وتقول لها أنها سمنت بعد الزواج وصار عندها كرش، وكشفت العباية وقالت لها شوفي كيف سمنت! والثانيه مسكينه مصدقه أنه هذي سمنت مش عارفه أنها حامل في السابع.
 
انا عن نفسي ما اقول الاالربع
الله يرزقنا الذريه الصالحه يارب
 
قال الرسول عليه الصلاة والسلام استعينوا على قضاء حوائجكم بالكتمان
بالنسبه لي مااقول لااحدالين بطني يبان حتى ولادتي بالضبط مااقولها في بنتي كل الناس دريوا متى اولد والله كل يوم تدق وحده تقول ولدتي ولا لسا الين اتعسرت ولادتي وبغيت اموت والحين لو يقطعوني مااقول متى اولد بس ماابالغ في تحديد موعد الولاده ااخرها بسبوعين اوثلاثه
 
انا مرة حملت وكان كل من يسألني انت حامل أقول لا فتوقف النبض وفقدت الحمل وحققية شعرت بأنه ذنب حينما أنكرت نعمة الله وبعدها ماعاد أقول لا إذا أحد سألني ولاحظ علي أعراض الحمل في الشهور الأولى .
 
انا اخبي اذا طلع بطني يعرفون

ولو سألني احد مااقول لا بس اضحك او اقول الله يرزق الكل

لأن انا في مجتمع كذاا ماندري عن الوحده الا اذا طلع بطنها

ومايحبون احد يسألهم وهم من تتزوج الوحده ينشبون لها ماحملتي احملي لاتحملين توك

ماادري وش دخلهم استغفر الله

بس انا مااحد ياخذ مني لاحق ولا باطل ومااعلمت الا اهلي واهل زوجي والباقي مااحد له دخل

ويسلموووو على هيك موضوع
 
انا مااعلم بس اذا سالوني علمت وكم شهر اقول توني يعني مولازم التفاصيل
 
والله انا علمت اهلي وصديقاتي وقرايبي كلهم من اول مااخذت النتيجة لاني اشوفة امر عادي واذا على العين زي ماتقولون اذا سقط فهذا رحمة من الله وخير لي وقضاء وقدر اولا واخيرا ولايجوز التشاؤم​
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل