هدية ثمينه. من زوجي عرفت منها غلاتي

نسيت اقولكم زوجي ما يحب الحوار ولا النقاش حتى اذا جيت ابي اقوله شي يقول يالله سترك حتى لو اني ابي اعبر له عن مشاعري او اقوله تصبح على خير ولو تسمعون الرد بالع نص الكلام
 
يا بنت الحلال هم كذا فيهم دباشه
انا زوجي اهم شي عنده شباب الاستراحة وانا مو مهم
على قولتهم في بيتها وش تبي
 
طلاق ليش اختى ماسوا شي غلط يبغي يفطر مع اصحابه لالالالالالالالالالالالالالالا الحياء الزوجيه مو كدا ضروري تتعلمي الصبر خلاص طنشي وفرفشي معاه والله الموضوع مو مستاهل خصوصا انتوا في غربه مو اي شي يضايق تقولي طلاق الله يسخرلك زوجك
 
يابلقيسيات انا ماقلت اطلب الطلاق علشان شي بسيط وتافه مثل ما البعض مفكر انا ادري مالي مكان بقلبه والولد الي قلت لكم عنه ماخذ كل تفكيره تخيلوا لدرجة اننا في السوق ويقول اش الشامبو حقي ورحت وجبته له قال مو هذا قلت الا هو المهم. قال امشي بالعربيه قدامي وراح يدق عالولد بالسعوديه قال تذكر الشامبو الي استخدمه وقاله الولد على الشامبو وطلع نفس الي جبته له
 
يقول المثل كثر الدق يفك اللحام انتي شكلك ما لك خلق رجال ياختي وسعي صدرك عليه انتي تقدرين بطريقته تمشينه على كيفك بس يبغالك ذكاء ونقاش فيه بعض الرجال ما يحب بين ان المرة مسيطره عليه خليك وراه شوي شوي بالكلام اللطيف والصوت الواطي وخليك دايما مبينه له انك تخافين تجلسين لحالك خصوصا انك بغربا دايماَ الزقي فيه وربي يسهل امورك
 
الله يعينش حبيبتي :(
حآسة فيش والله

الله يحنن قلبه عليش و يسخره لش ..
 
عاااااااادي حبيبتي خليك كوووووول...
أنا نفس الحاله اول رمضان لي مع زوجي كنت احسه مايحبني من كثر ماكان يطلع ويدخل البيت في الوقت اللي يحبه وطووول الوقت مع اهله لدرجة صرت ماطييييقهم والحييين عادي واستمتع معاه ع الآخر
 
الله يهديه انشالله نصيحه لا تخربي زواجك ولا بيتج
وعلى فكره كل الريايل كذا واهم شي عندهم ربعهم
والمثل الاعلى زوجي هههههههههههه اهم شي عنده
ربعه ....... توكم عرسناااا هوو متعود على ربعه ايشطااره
منج وشويه دلع وكم كلمه حلوه بيقعد ف البيت
والله يهديه انشالله ويقعد اربع وعشرين سااعه عندج وتطفرين منه هههههههه
 
الله يسعد قلبك ياعسل حبيباتي كل كلامكم حلو ومنطقي ولكن زوجي ما تنفع معه الشطاره والدلع اش كثر ما دلعته وتدلعت واش كثر ما قلت له اشياء وكلمات وحركات حلوه بس للاسف مافيه اي ردة فعل وللمعلومية لو اقوله اني اخاف اجلس لوحدي او اكل لوحدي على طول يقول اجل انا باتاخر برا او يقول كل يوم باطلع اكل مع اصحابي وفعلا يسويها حتى احيانا يجي يقولي اش رايك البس البدله السودا أو البنية واقول البس البنية يقول يعني البس السودا ويلبسها ويطلع واقول طيب ليش تسالني دامك ما تاخذ برايي وزوجي يحس ان الرومنسية والدلع ما تناسب برستيجه
 
احم اهلين
انا جديدة على المنتدى
يا حبيبتي ليه ضايقتي نفسك عشانه من جدك خليتي احد يتحكم بمشاعرك من كلامك شفت ان زوجك
هو المتحكم وقت ما يبغى يزعلك تزعلي ووقت ما يبغى ينرفزك تتنرفزي حتى انه يطلب رايك ويختار عكسه يععني متحكم بمزاجك بشكل حبيبتي اذا قال بروح افطر مع الشباب عقدي حواجبك وازعلي شوي بس يعني تكابري بزعلك
وقولي اوكي مع اني تعبت صراحة طبعا بدلع بس ما علينا بفطر لحالي
وبعدين لما تدلعي لا تدلعي عشان زوجك يطالعك ويرضى عنك ...الخ
تدلعي عشان نفسك
بعدين الظاهر انه يكره ضعفك واحتياجك الدائم له بزيادة
عشان كذا يحاول ينرفزك عشان تطلعي قوتك وطبعا ما اقصد هنا قوتك بمعنى تصفقيه وتتكلمي بدفاشه اقصد قوة شخصيتك واعتمادك على نفسك بالنسبة للبدل اللي يخيرك فيها ويختار العكس ولا يهمك اضحكي من قلب وقولي الحمد لله اتذكر اني اخترت الثانية يلا انت الخسران واتركيه صديقاتك وين راحو كثري علاقاتك وطلعي مو معنى انك تزوجتي خلاص كل جهودك لزوجك بس خلي زوجك يتعب عشانك
احم تحمست شوي مع النصايح هههههههههه ويمكن طلعت عشر شويات عن الموضوع بس ما عليه هههههههههههه
 
هذا مو سبب يخليك تفكري في الانفصال يا اختي انت بيدك تغيريه بس الموضوع يبغاله شوية وقت عوديه على جو البيت لما يجي البيت لا تنكدي عليه وجهزي له الشاهي واجلسي معاه واتكلمي في المواضيع اللي هو يحبها وجهزي له اي لعبه يحبها والعبي معه لا تخليه يطفش ويحس بالملل يعني خلي البيت له احلى من الخرجات اللي هو يدور عليه مع اصحابه 00 ان شاء الله مع الوقت حيتغير 00​
 
الله يسعدك ياعسل والله اني قريت ردك وانا مبتسمه والله يالغاليه انا الحين احاول ارضي نفسي لدرجة صلحت بطاقات وعلقتها عالباب من اول يوم راح يصلي التراويح واليوم حطيت عالطاولة اضاءات طبعا وكنت مسويه عرض بوربوينت على اساس ان اول يوم بيفطر معي ولما طلع يفطر مع اخوياه عوضتها باليوم وخلصت تجهيز الفطور ورحت اخذت دش وبدلت ملابسي ورجعت حطيت الاكل عالطاوله وشغلت العرض وولعت اللمبات الصغيرة وقلت تعال ماودك تقرب عالطاوله قال طفي الانوار الي حطيتيها قلت ما يخالف تعال اجلس ابيك تشوف شي قال طفيها طبعا انا ما طفيتها لاني انا ابي انبسط مع نفسي وصورت الطاوله ولما جلس شغلت العرض عاللاب وكان اول عرض قلبين حمراء وكتبت عليها عبارات تهنئه برمضان وموجهه له المهم قال وخريها ما ابي هالاشياء قلت يهون عليك تعبي يروح عالفاضي طبعا ساكت بعدين قلت قريت العبارات قال ايه قلت معقول امداك قال وش هالاشياءالحمراء قلت افاااا معقول ما تعرف هذي قلبين قال لا انا اشوفها كرز قلت حرام عليك كل هذا وتشوفها كرز طيب مثل ما تبي المهم اختي تقول والله رايقه انا ما سويت الي انتي تسوينه قلت والله انا احب هالشغلات والحركات وانا اسويها لنفسي لاني ادري واعرف ردة فعله حتى لو شافها بس بيقعد يحطم فيني ويتطنز علي**
 
مع اني ما ادري عن مشكلتك الاولى
ويمكن ردي يجي متأخر
لكن حركة زوجك وفطورة اول يوم مع أصحابه عادية وطبيعية جدا
لان زوجي نفس الشي عنده جمعة أصحابه قبل وفوق وأهم من كل شي
يعني لو صارت اول يوم رمضان او اول يوم عيد
عااااااادي يروح ويخليني وهو يدري اني ما اطلع من البيت ولا عندي احد يجيني
ومرة قلت له طيب خلنطلع انا والعيال اذا انت تبي تطلع (كان يوم عيد )تصدقين مارضى ؟
وش اقول بس وش اخلي
الشكوى لله
الله يهديهم ويسامحهم
 
بس تدرين يا أختي
حلوة فكرتك وأعجبتيني انك تونسين نفسك
عشان نفسك وبتشوفين أثر هذا بنفسك وعلى نفسك <<<< ياسلام على نفسك هههههههه
المهم
تعرفين ابراهيم الفقيه المدرب المشهور حق تطوير الذات
يقول انه في بداية حياته ماكان احد يعرفه ولا يهتم فيه
ومرة نجح مدري تخرج وكان انجاز كبييير مرة
يقول محد عبرني ولا حس فيني
قام اشترى بوكيه ورد كبير وغالي وحط عليه بطاقة وكتب تهنئة من نفسه لنفسه وكتب فيها : من ابراهيم ..
وحطها على المكتب حقه
يقول كل من دخل وشاف البوكيه قال الله منين هالهدية واذا قرا الاهداء يستغرب
يقول اشوي والا المكتب يمتلي هدايا وورد من المعارف والمهنئين

طبعا أنا ما أقول سوي زيه عشان زوجك يسوي زيهم
لا
أقول لنفسي ولك
الكلام اللي تعلمناه هنا في مملكة بلقيس
اسعدي نفسك بنفسك ولا تنتظرين من احد ان يسعدك وخااااصة زوجك
وبديت بتطبيقها وفعلا شفت الوناسة حقية ولله الحمد
حتى زوجي قام يستغرب اني صرت اتحرك لحالي واونس نفسي بنفسي
واحس صار ينظر لي بإعجاب مو مصدق إني أنا زوجته كأني وحده جديدة حتى طريقته بالكلام معاي بدت تتغير

وجزاك الله خير على الافكار اللي حطيتيها استفدت منها
وان شالء الله بسوي ( لنفسي ) مثلها عشان استانس انا وعيالي ( بس ) ( بروحنا )
هههههههههههههههاي
 
الله يسعدك ويخلي لك اولادك انا والله اسوي هالشي لنفسي وفي نفس اللحظه ينتابني شعور انه بيصير متعود اني انا بس اهتم بنفسي وفيه يعنيي بيجي في باله انه ما يحتاج يونسني دام اني اعرف كيف اونس نفسي بس والله علشان اهلي لو كلموني وقالوا انتي مبسوطه اقول ايه وانا صادقه وما اكون كذبت عليهم وربي يفرجها علي وعلى الي مثلي هو القادر على ذلك وحده
 
قرأت ردك وانه يطلع ومايهتم بك وكذا....تراتصرفك غلط معاه وكأنك تقولين له انا مااهتم بك ولابكلامك ولااهتم وين رايح ومن وين جاي....انا متاكده هو حط الشئ هذا براسه لذلك يعاملك على هذا الاساس...اهتمي بخروجه ودخوله موبس تودعينه وتسكتين..(وين رايح بتتاخر...ياليت تسهر معي اليوم...ومن الكلام هذا حتى لوقالك ماني سهران معاك لاتزعلين هي كلمه تقولينها بس عشان يحس بأهتمامك....وبما انك تطبخين لاصحابه مافيها شئ لويوم تقولين تعبانه مالي خلق ...بصراحه انتي ماتصارحينه ولاتقولين له اللي تبين وماتسألين عن خرجاته تتعاملين معاه مثل مايتعامل معك بالضبط هوبارد معك وانتي ايضا )اكيد يقول عنك مثل ماتقولين عنه ماتحبني ماتحس فيني ماتهتم بي مطنشتني ...انتبهي ياقلبي لتعاملك معاه
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل