هدية ثمينه. من زوجي عرفت منها غلاتي

لاحول ولا قوه الا بالله
اللهم فرج هم المهموووومين
ياربنا يااافرجناااااا
 
ياحبيبتي ليه زعلانه ..
اصلن الرجال كدا .. عادي خليه يروح مع ربعه ..
ترا الرجاجيل تفكيرهم غير تفكيرنا .. مثلا انتي تبغين تفطرين معاه ومسويه له حركات وروحانيات ... هو يبغا يكون مع ربعه .. مش معناته انه ماخذك مصلحة .. معناته يا حبيبتي انك لسه بعدك مافهمتي زوجك....
حطي حاجة في بالك زين الرجال تفكيرهم غير تفكيرنا....
ومافي داعي للطلاق ...
واذا غلط لا تروحي تتاسفين له خليه هو يتاسف او لا يتاسف بس المهم لا تتاسفي على علط انتي ما سويتيه ..ولعلمك الرجال يحبون الحرمه القويه اللي ماتعطيهم وجه..
خليكي قويه وربي يسعدك​

 
اخواتي الغاليات زوجي كنت اساله وين بتروح مثلا او متى بترجع يقول انا رجال وما احد بحاسبني على روحاتي وجياتي وكمان لما قلت لكم تنه متزوجني مصلحه لانه في ايتم الملكة قالي راح يقدم لي بالجامعه علشان اكمل الماجستير واني راح اخذ مكافئه ضعف الراتب الي استلمه من المدرسه الاهليه الي كنت ادرس فيها المهم تحمست عالدراسه ولما جينا لهالبلد قدم لي وسالته عن التخصصات الي ممكن اكمل الماستر فيها واخترت التخصص وبحثت بالنت عن الاشياءالي راح ادرسها ورحت وفتحت حساب بالبنك ولما سالته عن بداية الدراسه قال مصدقه نفسك بتدرسينوبعدين هنا اختلاط قلت طيب ليش تعلق هالشي بنفسي وبنفس اهلي وبعدين كيف تقدم لي عالجامعه اونت مراح تخليني ادرس والا تبي تنزل المكافأه وتصير حرام قال اصلا من قالك انك بتستلمينها اصلا انا سجلتك علشان اذا نزلت المكافأه نستفيذ منها نسدد ايجار الشقه وندفع فواتير الكهرب والمويه والباقي باعطيك المهم كان النقاش حاد بيننا المهم هو الحمدلله وضعه المادي ممتاز ومعطينه بدل سكن 3 اضعاف الايجار الي حنا ندفعه والمصيبه قلت له ابي انزل السوق اشتري ملابس للعيد علشان لو نزلت السعوديه ماراح يمديني اشتري قال الفلوس الي في حسابك اشتري منها قلت واكيد انت ماراح تقصر بتعطيني من غيرها قال انتي وش تقولين هالكلام ماله معنى وكم مره اذا رحت السوق مع الحريم ما عمره اعطاني فلوس منه يعني ما يصرف علي حتى يقول لاتكثرين ملابس اذا نزلتي السعوديه علشان نستفيد من وزن الشحن في اغراض نجيبها من السعوديه قلت بس انت عارف اني باروح هناك لازم يكون فيه عزايم ومناسبات وزيارات لازم يكون معي ملابس قال شوفي انا ماني ما خذ شي بس باخذ الللاب واغراضي الشخصيه قلت هين انت ملابسك الي هنا ما تلبسها بالسعوديه وعلى قولتك ملابسك انت مخليها في السعوديه ....... وغير كذا لما قلت ابويه تعبان ودي اروح اتطمن عليه قال انا تزوجتك علشان ما اجي من الدوام اقعد ازين فطوري وبعدين انحرجت من الناس كل مره يعزمون قلت طيب مو مشكله نسافر كلنا ونسلم على ابوي ونصوم رمضان عندهم المهم رفض واحيانا يجي يقولي سوي لي كذا اقوله ابشر يقول ايه خلينا نستفيد منك على الاقل لو بشي
اسفه طولت بس حبيت اقولكم ليش انا قلت انه متزوجني مصلحه
حبيت اوضح لكم
 

اختي العزيزة


إن صبرك على طاعة زوجك سبب من أسباب دخول الجنة ، كما في الحديث الذي رواه ابن حبان " إذا صلت المرأة خمسها وصامت شهرها وحصنت فرجها وأطاعت زوجها قيل لها : ادخلي الجنة من أي أبواب الجنة شئت "


ونصيحتي لك يا وخيتي

حافظي على زوجك مهما كان فهناك ازواج اسوء منه مليون مرة وانصحك بعدم نشر اسرار حياتكم الزوجية
في اي مكان حتى لو بالمنتديات لانك محاسبة على ذالك وكل عام وانتي بخير وصيام وقيام مقبوليين ان شاء الله تعالى .​
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل