نقاشات النمــط الشمالي (الجزء الثاني )&&&&&&&&

[حورية البحار]

هلا والله اختي بوسي

والله المشكله الحين لو بس حس الشمالي انك ماتبين

المنطقه عشان اهله او عشان بتتوهقون فيهم الله

يعيييييييييينك

راح ينقلب عليك ويتوحش ويعاندك ويصر على رايه حتى

لو مو راضيه

ياغلااا انتبهي تجيبين هالطاري كوني حذره فاختيارك

للكلمات عشان تقنعينه

بس ماشاء الله عليك قدرتي تقنعينه بالشقه حلوووو

الحين قولي له حبيبي وش رايك >>> خذي رايه

ضرووووري

حسسيه بقيمته هالكلمه تاثر كثير بالشمالي

لانها تترجم بعقله الباطني انك ماتصرفتي بكيفك >>>>

خرجت عن الموضوع هههههه

قولي له الحمدلله راح تشتري لي البيت اللي كنت احلم فيه

من زمان وكنت واثقه من هالشي >>> لازم المدح خخخخ

بس بيكون بيت العمر اللي بنعيش فيه احنا وعيالنا

ودي يكون بمنطقه احسن من كذا

( حاولي تختاري منطقه قريبه شوي من اهله )

يعني من هالاسلوب ترى ممكن بسهوله يغير رايه

ربي يسعدك بالتوفيق

روووعه روووعه انتي و انا معاكي بكل كلمه بجد ماشاء الله عليكي ربي يحرسك :5:

 

[حورية البحار]

يسعد لي مساءكم بكل خير ياحلوات​

/​

حوريتنا العزيزه وكل الخبيرات بالشوشو .....كيف تاخذين منه اللي تبيه اقصد كيفيه اقناعه محتاجه فلوس منه كل مره يقول لي ماعندي او اصبري طيب صبرت وسكرت المووضوع ايام ورجعت كلمته ونفس الشىء
وهو عارف بشنو انا ابيها ناقصني اغراض شخصيه وهو يقول لي هذه له وهو مستغني عنها رديت عليه
لااااااااااااا هي لي وابيها لنفسي وهو قصده اني بلبس واكشخ اله وهو مايبي فقلت له لا هي لنفسي اولا​

معاملته دووم جااافه لما امازحه واحاول اخليه يبستم يرد علي بلا دلع اهديه ورد يرفضه / اعطيه الاكل بفمه​

يقول لي يدين وبلا دلع ولاتسوي هالحركات المياعه ولا الدلع انا رجال تسوين لي كذا ​

ولا اذا بحط راسه على صدري يبعدني ويرد انا مو ولدك ولا صغير ويرد نفس الكلام بلا دلع وبلاها هالحركات​

ودووم يردد انا شايب خلاااااااص ومالي خلق على هالحركات تضايقيني<< عمره 42 ....شسوي عجزت اتقرب منه​

افهمه حتى بالجنس لازم اذا هو يبي يتميلح وياخذ حقه وبعدها بكم يوم لو جيته انا ولمحت له اني ابيه ​

يصدني ويبعدني ويقول لي اذا انا ماابي يعني خلاص وانتي مالي شغل فيك افففففف زهقت حدي​

والكلام اللي دوم يردده انا اللي اقرر متى اعطيك فلوس وانا اذا قررت اجيب لك اللي تبيه مو انتي بكيفك​

وفي كل شىء عموما غالبا هذه رده ااذا ماكان على الصامت ​

افيدوني يالخبيرات ​

لكم مني كل شكر وتقدير ​

بجد حالتك صعبه و خلاص اخذ منك التصرفاااات

يعني بسالك انتي قبل كنتي تطالبينه بحقوقك يعني مصرووف و فلوووس لك ...؟

كنت تحظنيه قبل ؟؟

كنتي تاخذين حقك قبل منه حتى لو ماطلب هو ؟؟

كنتي تحطي راسه على صدرك قبل ؟؟



اذا ماكنتي تسوين له كل هالاشياء قبل صعب جدااااااااااااا يتقبلها منك الحين ؟؟؟؟ بس موو مستحيل لان الحمدلله رب العالمين امي قدرت على ابوي في كل شيء في حقوقها و في الحظن و كل شيء صاير هوو يركض وراها هع هع قوولو ماشاء الله لاقوة الا بالله :5:

 

[السهاد]

مرحبا ياخبيرات ...... انا زوجي شمالي شرقي
وانا جنوبيه غربيه ​

كنت كثير في صراع معاه ..وخاصة بخصوص اهله واخواته البنات ...وما انكر ان وجودهم في حياتي انا وزوجي كثير يثير غيرتي .. بما انه مسؤول عنهم كليا ...​

تعلمت الكثير من هذا المنتدى الرائع وكيف اتفهم مكانة اهله في حياته بدون ما اتنازل عن حقي ..
وكنت ماشيه تمام التمام ..​

لما صار موقف جنني وحسيت انه راح ينضحك علي فنسيت كل القواعد اللي كنت امشي عليها وانقلب كل شي ضدي ...​

واللحين ابيكم تسمعوني وتفيدوني كيف اعدل اللي صار ​

لان قلبي مررررررررررررررررررره ضايق وادعي من ربي يريح خاطري ..​

راح اختصر قد ما اقدر المفروض نروح هالصيف امريكا زيارة لاحد اقاربهم ولما اقول نروح اقصد احنا واهله ..
وبقدرة قادر خرجت انا وبناتي وزجي من الحسبه ... قلت ما عليه ..لاكن اللي ضايقني اكثر ان التذاكر تبعهم على حساب مين ؟؟​

على حساب بعلي المصون الشمالي اللي مجنني ؟؟​

والمبلغ مررررررررررررة مو بسيط ​

قلت انا بسافر ما بغى اجلس في السعوديه ؟؟ ابي اروح ماليزيا ؟؟( مادام عندك فلوس يالله طلعها) هذي اقولها لكم مو عنده هههههه​

سكت مارد .. بعدين قالي ايشرايك بدبي او سوريا ؟؟
قلت سوريا ما تنفع من اللي فيها ؟؟ ودبي في الصيف ايش اسوي فيها مره ماينفع ؟؟​

قالي ماليزيا ما اقدر الا اذا راح تمسك يدك ؟؟​

قلت ابشر ولا يهمك .........​

لاحظت انه بدا يستثقل السالفة بعد فترة وكل مرة يتهرب من الموضوع ويتشكى ان سفرة اهله ظغطته ؟؟​

لما انبطيت وخبصت معاه في الكلام وان كل شي امي وخواتي ..............وانا ؟؟​

زعل فترة بعدين تراضينا بدون ما اعتذر لاني والله ماغلطت في حقه بس قلت اللي شفته ومضايقني ؟؟؟​

بس طلع لي بقرارين مررررررررررررررررررررررررررررررررره قالبين حياتي ومثلكم عارف كيف قرارات الشمالي ؟؟​

اول شي ما في سفر هالصيف ..​

وثاني شي لا عاد اشوفك لابسه عبايه على كتفك ..​

بالله يابنات كيف اتعامل معاه انا وقتها مارديت عليه كل اللي قلته ان شاء الله لانه كان حامي الزعل لسه ..​

ايش تنصحوني ارجع اكلمه .. او اصبر .. واشوف ..او ممكن يعتبر صمتي ضعف .......​

وكيف اقدر اخليه يتراجع عن قراراته
افيدوني الله يجزاكم الجنة ...​

 

[مشمش كرز]

افااااا وينكم محد رد علي وجاااوبني :4::4:

 

[أم أسومة]

هلااا حورية

ماااسويت الشمووووع << اصلا ما عطااني فرصة هههههههه


بس تصدقين

هالاسبوعين

قلت اتصالاتي له وهو يتصل دوووم من بعد ماا كاان يعطيني ويه بالتلفونات << يقول ما له اي دااعي كثرت الكلاام ههه

ويقوولي : صرتي ثقيله وتتغلين وماتتصلين
اقوله: لا ابد بس انشغلت شوي ولما يتصل ماارد بسرعة اخليه جم رنه وعقب ارد ههههه

اتصل علي من شوي وقااالي فااضية والا مشغووله : قلت مشغوله شوي بس خير امر
قالي بقولج مسج بس ماحبيت اكتبه واطرشه بالموبايل حبيت يوصل لج بصوتي لانه من قلبي طالع مو ملطوش <<< معجزة هالحركة من هالشماااالي ههههه

قلت تفضل كلي اذان صاااغية :

قال: اللهم أدم السكينة في قلب حبيبتي ------- والمحبة في نفسها
والابتسامه على وجهها والسعاده في بيتها
والصحه في بدنها والتوفيق في حياتها
والامان في دربها واجعل ذكرك لا يفارق لسانها والفردوس سكن لها ولوالديها
زوجك المغرم بك


والله جتني العبرة وكنت بصيح بس قويت قلبي وقلت له : اللهم امين وويااك حبيبي ان شاء الله
وتسلم على المسج طلع من قلبك وسكن بقلبي



اشكركم جد جد اشكركم من كل قلبي والله تعلمت اشياا منكم واايد فادتني بحياااتي
واللي تقول الانماط مو صح والرياييل ماينفع معااهم شي
اقولها انتي قليلة صبر وماتبين التغيير

 

[الحب الآكبر]

طيب حبيبتي انا زوجي شمالي شرقي
كيف اتعامل معاه ؟؟وكيف اتقرب منه ؟؟ مع العلم ان نوع عمل زوجي متعب جدا
يعمل طوال النهار ثم يأتي للبيت وينام وبعدها يجلس ياكل ويطلع ثم يأتي متأخر في الليل يجلس ساعة معاي في الليل جنب التلفزيون بعدين ننام
ولاتقولين لي نطلع فيساعة او ساعتين بالكثير ونرجع وما احسه يستمتع في الخروج معانا انا وعياله كلى على اعصابه
هاه شالحل الويك اند لانه جوابه رايح يكون انا مشغول لمن تشوفيني فاضي واذا تكرم وطلعنا كلها

 

[خوآطر امرأة]

حورية البحآر


يا قلبي احنا كويسين اهم شيء تكوني انتي تمام وعال العال ربي يوفقك ويحققلك اللي تنوليه بحياتك ويقرب زوجك منك ويفنش هالشغلة عشان عنونك :5:
بس تدرين بنفس الوقت اقولك لو سافر لا تتركينه روحي معااه عنده القمر وش له ووش للنجوم ..

ربي ييسر امور اختك كمان ويقدملها اللي فيه الخير
وسعي صدرك وعرفنآك ذكية تقدرين تكسبين طريقة حياتك بذكاءك ..

بالتوفيق لك ولأختك إن شاء الله ...

 

[خوآطر امرأة]

يا الخبيرات بجد محتاجة اجوبه لأسألتي وما ابيكم تطنشوني كثييييييييييييييييير ربي يسعد اللي ترد علي ويوفقها بحياتها ..

انا مملكه يصير اطلبه اللي ابيه من غير ما احسسه اني محتاجه منه شيء ؟
لو ما يكلمني كل يوم يعني احيان يتركني بالاسبوع والاكثر كيف اعوده انه يكون جنبي واكون جنبه حتى احيان يمرض انا اخر من يفكر فيني بس يوم ادري اكون حريصه اني اكون جنبه وش ممكن اسوي لن بجد محتاره في حياتي وبدأت أمل ؟

 

[جرحني حبيبي]

ربي يفرجهاااا لك يااميرتنا والله دردشه الشوشوو ماتنفع بدونك اشتقنااالك و الله ربي ييسر امر اختك ويكتب لها الخيره ولاااتنازلي عن السفر وانتي ماشاء الله قويه وبتجيبي راسه ربي يعينك ويفرج همكك والله احبك لمساعدتك اخواتك ربي يجزاك الجنان وكل وحده تعطي من وقتها وتساعد خواتها والله مايجيكم الا الدعاء بظهر الغيب وشكرررا يااحلى موضوع بالدنيااا

 

[جرحني حبيبي]

يا قلب والله منت بالذل معروف ..
عشان تقـدر تلعب بحسبتك ( بنت )
خل الندم والدمع والحزن للضعوف ..
ما هانت الشيمه بـ عيني .. ولا هنت
آندم لو إنك كنت جاحد لـ معروف ..
لا تندم إنك كنت وافــــي ولا خنت !
من وين ولا من متى جالك الخوف ؟
يا قاســـــيٍ لانت سنينك ولا لنت ..
ماتشوف وجهي كيف ذابل ومخطوف ؟!
آرفق بـ حـــال إنسان وسطه تكونت . . .
ما دمت قلبي ، ليه في حالها تروف ؟
هذي هي إللي في [ يديها تكفنت ] !!
راحت معه قـــــدام عينك وآنا آشوف ..
كنها تقول : بـ غيبتك خنت ، ما صنت
دنقت راسك تحت ، والعالـم وقوف
لا تحسب إنك يوم دنقت ما بنت ..
آي حب هذا ؟ آخره كـــذب و زيوف !
آكذب عليك إن قلت لك : ما تهاونت ..
يعني متى في ذمتك حبها تعــــوف ..؟
غلطتك شف غلطتك [ حبيت وآمنت ]
ضحيت لجل الحب من داخل الجوف
وإن كان هذا تالــي الحب ؟ هونت ..
كم مره ودي آمسكك مسك بـ كفوف ..
وآقول لك : شف ويش سويت بي آنت
آصبر على حزن الغــلا آيام وتطوف
جرب .. وراح تشوف نفسك تحسنت
وإن مرت آسراب الغلا آحلام وطيوف ..
"تذكر إللي صــار" لا تذكر آش كنت ..
لا تنكسر قـــــــدام عيني وآنا آشوف ..
البنت لا راحت ، يجي غيرها بنت . . :25::25:
شرايكم بهالقصيده من جوال الشوشو:8::8: بتاعي فسررروها لي والله لدعي:38::38: لها من كل قلبي لها ضرف خااص عندي بليز سااعدوني :3::3:

 

[قصور]

اللهم لك الحمد كما ينبغي لجلال وجهك وعظيم سلطانك

 

[مجنونة حسومي]

سبحانك اللهم وبحمدك اشهد ان لا اله انت استغفرك واتوب اليه...........

 

[جنوبيه مستشمله]

مشمشة ياعمري ذكرتيني بهواية كنت ميتة اتدرب عليها من المراهقة كراتيه او وسيلة دفاعية احمي نفسي عشان الواحداذا فكر يدغدغني بس اكسر ايده وواللللللللللللللله انها طارية علي هالفترة طنشيه حبيبتي وادرسي نقاط ضعفه عدل واستمتعي بهالاجازة بعيد عنهواهتمي بنفسك اكثر والزمي الاستغفار والدعاااء ولا ترسليله ولا رسالة وتغلطين غلطتي ودوسي على قلبك شوي وبتشوفي الثمرة قريب ان شالله

 

[جنوبيه مستشمله]

يا ارق حورية ان شالله مايقبلونه في هالسفرة الاوانتي معاه لا اتضايقين يا قلبي وتحرقين دمك ومافي شي اكيد والله يعينك ويسهلها

 

[الام الراضيه]

حوريه الغاليه
ان شاء الله مايبعد عنك ويجمع بينكم وانتي ماشاء الله عليكم قدها حاولي معاه وقليله هذي فرصه نجتمع سنه نكون سوا كل يوم اصحي ونت قربي ونونسك في الغربه وسويك الي تبي وما راح اثقل عليك
مدري وش فيهم ما يحسون بالوحده لما يسافرون بس احنا الي قلوبنا تتقطع

 

[فجر..]

نزلت موافقته الحين متشددين يمكن اذا راح للسفاره يرفضون زوج اختي كذا
اقنعيه انك بتروحين معه لانه يقدر ياخذ مرافق
اختي نفس الشي وقال لها مو ماخذك وصممت على رايها واخذها اقصد مو صعب عليه ياخذ وراحت اختي والحين تدرس بمعهد للغه الله يسهل عليك امورك ويسخره لك

 

[28حكايةاحساس]

صباح الورد
حورية عفوا ع المداخلة بس أحس صعب تحلين مشاكلك مع الشمالي لأنكم مو عايشين مع بعض و هذا يسهل عليه انه مايهتم بكلامك لأنه بقرارة نفسه يقول يومين و ماشي . انا من رايي ما تحقرينه إذا دق وقوليله أسمعني لما أخلص كلامي و خليج رسميه معاه و قولي كل اللي بخاطرج طالبي بحل لوضعكم. يعني لا تاخذين و تعطين بالكلام معاه قولي اللي عندج بأدب و أنهي المكالمة لا تنطرينه يلف ويدور . و بعدها طاف لا تكلمينه* هالكلام إذا دق من نفسه.>
لأن لو كبرت المشكلة بيقول أدق عليها وهي ماترد يعني يركبج الحق و انت الغلط . انا ادري ان كلامه قوي وجارح بس شتسوين انتي اللي بحاجته لازم نحل مشاكلنا بحكمة و ما نترك للشيطان مدخل بينا.
تعبت و انا أكتب من اليوم أختصر بالكلام .
فديتج

 

[بووسي]

حورية يا عسل مملكتنا >>>>>عشان اشوف ابتسامة على وجهك

ربي يسعدك انت وشماليكي .... ويارب اذا كانت السفرة خير لكم تتم

وان كان فيها شر الله يبعده عنكم جميعا يارب

حببتي .... استخيري الله في سفره وروحتك معه

والله وباذن الله ما يصير الا اللي فيه خير عن تجربة

اما اختك ... فالله يعوض صبرها خير ويشفيها

هذا ان كان بيتخلى عنها وهو داري بمرضها فخلاص توكل امرها لله

والله ما بيترك حقها يضيع بس هي لازم تاخذ بالاسباب

تدور على العلاج وعلى صلاح احوالها مع زوجها قد ما تقدر

يعني باختصار تعمل اللي عليها عشان ما يجيها لوم

(ومن يتقي الله يجعل له مخرجا)

خليها مع الله والله ما بيسيبها باذن الله

الله يجمع بينكم على خير دائما يارب

 

[ام عبدالعزيزنور]

حوريتنا ان شاءالله الأحوال زانت يارب أنا من راي البنات قرري انك تروحين معاه ابدا ماتتركينه يروح لحاله تدرين ليه أقولك كده لأني أنا جلست في منطقة اكمل الجامعة وفجأة الاخ تجبه وظيفة في منطقة ثانية ولازم الروحه والجية بالطيارة لأنو مسافة طويلة بين المنطقتين وانا استخرت أني اجلس واكمل وربي اخترلي كده واحمد ربي بصراحه أني كملت وله كان الحين ندمت قد عدد شعر راسي المهم اكتشفت أنو في غيابي الشمالي الغربي انحرف عن المسار يعني بوجودي كان محترم نفسه شوي طبعا مكنت ادري ويش يسوي من ورايه لمن كان عندي اكتشفت يوم كنت انزل بالاجازات يكلم بنات ومتزوجات ورسايل وحاط عنده بالغرفة قنوات اباحيه
انتي استخيري والمده طويله هو امكن مايبغا يأخذك معه لأنو اتعود ماتكونين معه دايم الله يفرج همك وهم أختك

 

[First love]

ياااارب ماايسااافر .. ويتم عدااالج .. ياا حوووريه ..

والله ايسر أمر أختج يااارب ويجعل لها اللي فيه الخير ..