مواقف حسن التصرف <قصة خالد وزوجاته منى وابتسام رهييبة لاتفوتكم<للقراءة فقط>

[انا صرت دلوعة]

بعد ان خرج خالد من عند منى غضبان
عاد للبيت
وتسدح على الفراش
رق قلبه قليلا وتذكر وجه منى في غرفة الولاده حينما اخرجوه من عندها
تذكر تلك النظره وكأنها تستغيث به الا يتركها وحيده
وبدا يلوم نفسه
؛انا خربت عليها ليلة زواجنا وماعطيتها حق تسمي ولدنا والان اتفضل عليها بخاتم..ويهز رأسه ويزفر وهو مقهور من نفسه
لازم اعوضك يامنونتي وافرحك قدام خوياتك
وينام
_______________
في الصباح يقوم باكرا
ويذهب لاسواق الذهب
ويحووس بينهم يبحث عن طقم ذهب معتبر
حتى يجد ضالته

يسحب المبلغ من الصرافه وهو يقول :تستاهل ام محمد
ويشتري طقم الذهب بثمن غالي جدا
ويغلفه بطريقه جميله
ويتصل على منى
منى لاترد
يرسل مسج حب واعتذار
شف كيف قلبي
قبل اجيلك..
حضر لك!
عليك يسبقني
وأنا مابعد..
جــيــت!
أخطـــيت؟!
و مسامح
وجيت..
أعتذر لك!
بالـلـه من يقدر!!
يقول أنك..
أخطيـــت
ويكتب في نهايته بانه سيزورهم بالعصريه

منى ترسل له مسج جاف:لاتجي العصر ام سعد وبناتها بيسيرون علينا
خالد يرسل مسج :اجل تحريني الليله..احبك
________________________
يتبع...
​

 

[انا صرت دلوعة]

في بيت منى
منى تقرا المسج عدة مرات وتقول:مايجون الا بالعين الحمره
ام منى تراقبها
وتسالها:من اللي ارسلك؟
منى:خالد يقول بيجي العصر وانا كذبت عليه قلت ام سعد بتجي
وبيمر الليله
ام منى تزفر:لحووول ..يعني كل يوم غاثنا وجاي..تعبنا وحنا ماغير نعبي الترامس عشانه
منى:شكله جاي يعتذر عن سالفته البارح
ام منى:تهقينه جايب معه هديه تسوى
منى:مايحتاج اكيد..
ام منى :قوليله خلاص لاعاد يجي الا بعد اسبوع
ترى موب حلوه يشوفك وانتي تعبانه..وتقرب من ابنتها وتهمس اخاف يتهور وينسى نفسه
تضحك منى:الله يهديك يايمه وشيتهور هههههههه
هو لاجا يجلس بعيد عني تقول غريب
ام منى:خلاص خليه يجي كل اسبوع لما ترجعين لبيتك بالسلامه
يحز هالكلام بخاطر منى وتحس انها ثقيله علىهم
________________
يتبع...
​

 

[وفااااااااء]

يسلمووووووووووووووووووووووووووووووووووووووووووووووووووووووووووووووووووووووووووووووووو

 

[نووووفه]

المسااااء
وقبل مجئ خالد
تتشيك منى وتتكحل وتضع روج وردي فاتح
وترتدي جلابيه شيك


ام منى تدخل الغرفه:ياوجه الله وشمسويه بروحك انتي؟؟
منى بدهشه؟ليه وشفيها؟
ام منى:عيب..عيب.اللحين يحسبك متعافيه وياخذك للبيت
منى:يخسي ..مابقى الا هذي ..
ام منى :اجل امسحي كحلتك وغسلي وجهك وغيري جلابيتك
حشا تقولين رايحه لعرس
منى:مابي ..خليه ينقهر ومايقدر يطولني..
ام منى:راسك يابس وماينقدر عليك..براحتك
_______________
بعد فتره
يدخل خالد محمل بالهديه
يدلف غرفة منى
وحالما يراها ينبهر :الله وشهالزين وشهالاحلاوه
ماشالله تقولين عروس
ويقترب منها ويقبلها
ويشمها بقووه
ينظر لوجهها ويقول:زعلانه حبيبتي..
منى تصد بوجهها
يلف وجهها ويطبع قبله على خدها
ويقول :رديلي البوسه
منى تغصب ابتسامه خفيفه من شفايفها
خالد يصر على البوسه
ومنى تطبع قبله خفيفه جدا على خد خالد
خالد:فديت الشفايف ..
ويقدم الهديه لها
منى تاخذ الهديه وتضعها بجانبها دون اكتراث
خالد:منونتي ماتبين تفتحيها
منى:بعدين ..
خالد:طيب براحتك ياقلبي
يخرج من جيبه صندوق صغير به
خاتم ذهب

 

[نووووفه]

خالد:هذا هديه لخالتي تستاهل ام منى ..
منى تمسك الخاتم وتقول:يعني لامي تعرف تختار ولا لي ياحسره..
خالد:بس هذا دفش ..وانتي نعوومه ومايليق عليك الا اناعم..
منى:ايه هين ..صدقتك
يقوم خالد ويتامل حمودي النائم ببرائه:ياحليله يجنن ماشالله ويغمز لمنى بعينه:يشبهني صح؟؟
منى بتهكم:بالحيييل وخاصه خشمه الكبير يشبهك
خالد يضحك ليرطب الجو
ياخذ حلاوه من علبة الشوكليت ويفتحها ويقربها من شفايف منى:
يلا حبيبتي افتحي فمك ..
منى تمتنع وتقول:ذبحنا اكل الحلا كثرنا منه اليوم
خالد:عشان خاطري بس هذي
منى تاخذها من يد خالد وتاكلها
خالد يصب القهوه لها وله
ويتأمل منى بنظرات ثاقبه
منى :وشفيك كليتني بعيونك
خالد:ياخي قمر انتي..حلووه مووت
يقوم من الكنبه ليجلس بجانبها على طرف السرير
يضمها بقوووه ويشم رقبتها ويقبلها
ومنى تقاومه وتصرخ:خالد ابعد عني ..ترا اصرخ والم عليك البيت
خالد:ماتسويها..بتمنعيني عن حلالي
منى:وشفيك انت انا نفاس
خالد:عادي كثير سويناها وقت الدوره
منى بدهشه:من جدك انت لا اليوم شكلك مب صاحي
خالد:انا اشهد اني موب صاحي من شفت هالجمال قداامي
ويضغط على صدرها المنتفخ ويقول:ماشالله كبر صدرك ؟
ويداعبها ومنى تقاوم وتقاوم
وفي النهايه تصرخ بصوت عالي
تدخل ام منى فزعه وترى المشهد المخجل امامها
خالد يتنحى بخجل عن سرير منى
وينظر لمنى نظرات حاده وغاضبه
ام منى تمسك خالد على جنب:ياوليدي ترى منى توها تعبانه..لايغرك تزينها وتكشخها
خالد يخجل بقووه :ماصار شي ياخالتي بس ابي ابوسها وقامت تصرخ
منى تصرخ:يكذب يايمممه بس يغطي على نفسه
ام منى تصرخ بوجهها:اسكتي انتي..
ام منى:ماعليك من هالخبله ..تعال تقهوى وعين خير..
خالد ينظر لساعته:ماعليه ياخالتي بكرى ان شالله ..ويخرج
ام منى:الله ياخذك من بنت ..ماتستحين تصارخين على الرجال
يومني اقولك لاتلبسين وتتزينين ماطاوعتيني..بس وشأقول طول عمرك قوية راس ومايقوالك الا اللي خلقكك
منى تبكي:وشفيكم كلكم علي ..المفروض توقفين معي مو مع ولد سويره وتقصد ام خالد
ام منى:قص يقص لسانك..اسكتي بس
وتلمح الهديه :ايش هذا؟
منى ترمي الخاتم على امها:خاتم لك ..منه مالت عليه
ام خالد تتفحص الخاتم وتهز راسها:واخزياااه وليه مكلف على روحه
وتلمح هدية منى:وهذا ايش بعد؟
منى:مادري
ام منى :افتحيها اشوفها
منى تفتح الهديه بعصبيه لتنبهر من طقم الذهب
ام خالد تمسك راسها:ياوجه الله ..ايش هذا؟؟:33:
ماشالله تبارك الله وتنظر نظرات حاده لابنتها:والله انك ماتستاهلين خالد
وبهذه الكلمه يزيد الجرح في قلب منى...
________________________
يتبع...

 

[نووووفه]

يعود خالد للبيت
وهو خجلان من الموقف السخيف الذي وضعته منى فيه
يجر رجليه لاقرب كرسي
ويجلس ليفكر :منى ماتحترمني ..وتصرخ علي
ليه اتحملها اكثر من كذا ليييييييه؟ويمسك رأسه وهو يتالم من الصداااع

يشغل التي في
ويفرفر بالقنوااات تصادفه قناة رقص
يعدل جلسته
ويفتح عيونه للاخر
كانت على الشاشه
راقصات جميلات يرقصن بشعورهن وتهتز خصورهن برقه
عللى خالد صوت الاغنيه على الاخر
وبدأينظر باعجاب... لاجسادهن المخصره وشعورهن الطويله
مرت ساعه واثنتين وهو في مكانه لم يتحرك..
بعدها بدأ يحس بالجوع..ولكنه لم يرد الخروج ..امسك الجوال واتصل لاقرب مطعم وجبات سريعه
ولما انتهى من المكالمه
لمح رقم دلال...
لم يقاوم ..
ضغط الرقم ..
جائه صوت دلال العذب وحاول ان يتخيلها احدى الراقصات
وقضى ليله حمراء مع دلال على الجوال
....
في اليوم الثاني
ينتظر مسج اعتذار من منى ولكن منى العنيده تكابر اكثر واكثر
يمر يوم يومان
وخالد ينتظر

يقرر السفر للقاء دلال
ولكن اللقاء هذه المره سيكوون سااخن جدا
_____________
يتبع...​

 

[نووووفه]

منى تنتظر ايضا
عودها خالد ان يبدا بالاعتذار حتى لو اخطأ
ولما يأست ترسل له مسج عتاب قوي
ألي يصد وهاقي اني الاقيه
اقطع لساني لو لساني يحكي به..
والي يصد وشاف جرحي مسليه
عندي حضوره يشبه غيابــــــه..

خالد يتلقى المسج وهو فالطريق
يهز راسه باسف
ويرد بمسج لمنى:
اجرحيني ثم روحي
مادام
الحب راح
لاأنتي أول من جرحني
ولا آخر
من يــروح
لاخسرتي عاشقك!
لاتحسبينه..
"نجــــاح"!
جيت أعزي فيك قلبي
وجا قلبي
ينــــوح
في مهب الريح
يامعاكس أمواج
الـريــــــاح

منى تتلقى المسج الأليم
وتبكي بحسره
_______________________
خالد يحس بالراحه اكثر ويبرر لنفسه
ويحملها وزر خيانته

يقضي خالد ليلتين مع دلال
ويعود
في الطريق
كان يقود السياره باقصى سرعه
رن الجوال ولما انتبه له غفل عن الطريق
ولما رفع راسه وجد سياره تسير بسرعه امامه
انحرف عن الطريق بقووووه وكاد ان ينقلب لولا رحمة الله
________________
يوقف السياره وهو يتنفس بصعووبه وقلبه كاد ان يقف
جلس قرابة ال5 دقائق دون حراك
تجمع الناس حوله :سلامات سلامات ..الحمدلله ماصارلك شي
فتح الباب عليه رجل ملتحي واطفئ المسجل
امسك كتف خالد المرتجف وقال:الحمدلله ياخوي على سلامتك
نظر خالد للشاب الملتحي بنظرات خوف
الشاب الملتحي يبتسم في وجه خالد :باين عليك صالح وطاهر قلب
وهذه انما هي موعظه من الله لك ..الله يهديك
تجمهر بعض الناس يعرضون عليه المساعده ولكن خالد يرفض ويشغل السياره ويعود لبيته
بقلب اخر
________________
يتبع...
​

 

[نووووفه]

خالد يحس بضيقة صدر في بيته
يتصل على اخته منيره
منيره:ارررررحب
خالد بصوت حزين :هلا منيره وشلونك وشلون العيال وابوهم؟؟
منيره:الحمدلله كلنا طيبين..انت شلونك؟
خالد:بخير الله يسلمك
منيره :وشفيه صوتك مو عاجبني ..صاير شي بينكم؟؟
اعرفها منى الله يهديها طويلة لسان..
خالد:الا اقول..ياإني مشتهي كبسه من يديك الحلوه
منيره بفرح:ابششششر.. انت تامر امر؟
خالد:الليله امرك..بس مابي احد يدري..
منيره:..يالله انك تحيييه..
*
تغلق السماعه
وتكلم نفسها:اقطع يدي ان ورى هالاتصال انً
وتبدا الهواجيس تجتاح صدر منيره
ترفع الهاتف وتضغط على رقم منى
منى:الو
منيره:هلامنى وشلونك وشلون امك والبنات..وشلون حمودي فديت دلبو؟
منى بصوت منرفز:الحمدلله كلنا بخير..وانتي شلونك وشلون عيالك؟
منيره:ابد نزقح ..
منيره:وشلون نفاسك ..عسا الخياطه تمام
منى لاتحب احد ان يتدخل بامورها الشخصيه
منى:الحمدلله ماشي الحال
منيره تعطي نصائح لمنى ومنى تبعد الجوال عن اذنها وتتهكم بسخريه
على كلام منيره
تعود لتلتقط اخر كلمات منيره
منى:ان شالله يصير خير
منيره تحس بانها ثقلت على منى
منيره:الا اقول يامنى..بيجيكم خالد اليوم
منى بغضب :والله هالادمي ماينعرفله..ماتقول عنده ولد..صارله غاط من اسبوع
منيره بدهشه:افا عسى ماشر؟؟
منى:وشدراني عن اخوك البزر..ياكرهي لاقام يتدلع دلع البزران
منيره تبلع الشتيمه بقوة اعصاب وتكمل:وليه وشسوى الغالي؟
منى تنقهر بزياده وتكمل:غريبه ماتدرون يعني..خبري فيه وكالة انباء
منيره تضحك لتلطف الجو المكهرب:وشوكالته الله يهداك..علمي فيه من ذاك اليوم اللي سيرنا فيه عليك عقب طلعتك من المشفى بالسلامه
منى تحرج جدا من الموقف..فقد كانت تظن ان الكل عرف قصتها مع خالد
منيره تكمل:خير ..صاير بينكم شي..قولي ياوخيتي واعتبريني اختك
منى :اكيد اعتبرك اختي الكبيره وتشدد عليها
بس مابيننا الا الخير شوية مناوشات ودلع فاضي..
منيره تضحك بغصه:ياختي الرجال مايجون الا بالسياسه
ترى عبدالله يعدني امه ..حتى انه ماياكل دواه الا من يدي
منى:وخير وين عايشين..هو ماله يد ياكل فيها وشذا الدلع الماصخ اللي مال اومه داعي
منيره:وشنسوي الحرمه تبي تنثبر عند عيالها..خبرك البنات كثروا اللحين..وتشدد على هالكلمه بقووه
منى:قوليها لنفسك انا خالد مايبدلني بحريم الارض كلهم
منيره:يختي لاتوثقين بأي رجال..مالهم امان
منى:مدري عن رجلك اوما انا خالد صافطته بمخباي ..
منيره لاتحتمل اكثر وتغلق السماعه كي تتقي شر منى الغاضبه
منيره تهز راسها وتقول:الله يعينك ياخالد على هالحرمه اللي لسانها اطول منها..معلوم ليه ضايق ..اجل منها ومن لسانها
كسر خاطرها اخوها ..وذهبت للمطبخ كي تعد حلا للعشاء
_________________
يتبع

 

[نووووفه]

تستقبل منيره اخيها الحبيب
وفي صالتها الخضراء ينشرح صدر خالد المتعب​

منيره:شفت ياخويلد صرفت عبودي عشان خاطر عيونك
خالد يعلم بالحب الكبير بين عبدالله ومنيره ويبتسم:الله يخليكم لبعض
منيره :امين ويخليلك منو وحمود
يشيح بوجهه عن اخته ويقول بغضب:فكينا من هالنسره..الله ياخذها
منيره بدهشه:اوف اوف ..وليه ياساتر؟؟
خالد :وربي يامنيره لولا محمد كان قطيتها عند اهلها بدون حسافه
منيره تقوم وتصب لاخيها قهوه:روق ياخوي ترى الحريم يبيلهن صبر
وخاصه بهالوقت
خالد يشرب القهوه ويقول:هذي يبيلها صبر ايوب..حسبي الله عليك من حرمه
منيره تمسك فم خالد:الله يخليك ياخوي لاتتحسب عليها
خالد يطءطء براسه ويزفر:ياختي شسوي ..عجزت عنها..عنيده وقوية راس..الود ودي اعرس عليها واكسر راسها
منيره بتهكم:مو هي تقول صافطتك بالمخبى
خالد ينظر لاخته بوحه محتقن من الغضب:وشتقووول؟؟؟
تخسي وتعقب ..مابقى الا هذي..
منيره تزيد الجرعه من قهرها من مكالمة منى:مو هي اللي تقول وتقلد صوت منى بسخريه:خالد مايقدر يبدلني بحريم الارض كلهم
خالد يعصب بقووه:وخير وشصايره هي ليكون مفكره روحها هيفا وهبي على غفله
وبعدين متى قالتلك هالكلام
منيره قصت له سالفة المكالمه مع شوية بهارات الحريم
خالد ينتفض من الزعل ومنيره تحاول تروقه وتهديه
منيره:سويتلك كبسه من يدي تاكل مو اصابعك الا يدك كلها تاكلها
وتخرج من جو الغرفه وتترك خالد يهدئ من اعصابه
خالد لايتحمل اكثر يمسك الجوال ويتصل على منى
منى تفرح لما رات رقم خالد​

منى بزعل:خير؟
خالد بصوت قوي :فوووقي لنفسك ..واعرفي قدرك واحشمي نفسك
منى ترجف :انت جاي تزعق علي على بالك بخاف منك
خالد يكمل دون الاهتمام بمنى:مو انتي اللي صافطتني بالمخبى
ماعاش ولا انخلق اللي يوطي راسي فهمتي ولا لا...
منى تلعن منيره من داخلها وتقول:مداها الجزيره نقلتلك الكلام..واكيد زودته بهارات
خالد يعصصب اكثر:احترمي نفسك لااجي ادوس ببطنك
منيره تدخل لتجد خالد واقف ويصرخ بالجوال
تخطف الجوال منه:اسمعي يامنى اقصري الشر يابنت الحلال
منى تبكي بقووه:حسبي الله عليك يالعقرب
منيره تبكي وخالد لايحتمل المنظر يمسك الجوال ويسمع صوت منى وهي تصرخ:كله منك ياوجه البوم ياغراب البين يالحقيره..
هي لاتعرف ان الجوال مع خالد
خالد يجن جنونه ويفلت لسانه:انتي طالق ويقف الجوال بوجه منى
منيره تصرخ :خالد لاااا الله يهداك
خالد:ماعاش من يهينك وانا حي..ويقبل راس اخته الكبيره
يخرج من البيت
ومنيره تبكي بكاء حارا على مافعلته من تاجيج مشاعراخيها​

---------------------------
يتبع..​

تجتمع العائله على راس خالد ويقنعونه بترجيع منى
خالد يرفض ولكن يرضخ بعد ان قبلت امه راسه
يجتمعون في بيت منى محملين بالهدايا
ام خالد لمنى:ماعليه يابنتي امسحيها بوجههي
ترى خالد لو زعل قلبه قلب طفل
منى بزعل:اسمحيلي ياخالتي جيتك عزيزه ..بس انا مالي رجعه لبيت خالد
ام خالد:الله يهديك يابنتي ترى الحرمه مالها الا بيتها وعيالها
منى:شوفي ياخالتي لاتوجعين راسي دامه طلق يتحمل مايجيه
خليه يبلش بولده
ام خالد:ترى سألنا شيخ وقال مايجوز طلاق النفساء
منى:هو ولدكم يعرف حلال من حرام
ام خالد تحاول بالكلمه الطيبه اقناع منى الثائره
حتى رضخت ووافقت ان تكمل النفاس وتعود لبيتها
______________________
تخرج ام خالد وترغم خالد يقبل راس منى ويسترضيها
خالد يراضي منى بطقم ذهب من امه
فقد رفض ان يشتري لها لولا ان امه اشترته حتى يقدمه رضوه لها
متحرجا من تقبيل راس منى يكتفي بتقبيل خدها
خالد:انا اسف اسمحيلي يام محمد
منى بصوت جاف:يمكن خيره ولا كان نسيت ولدك..
يخرج هو وامه ومنى ترفع راسها بعجرفه وتنظر لامها وتقول:ماقلتلك بيجون ورجليهم فوق رقبتهم..
ام منى:والله انهم ناس اجواد..البلا انتي ..ياخوفي يوم يقطونك عندي وابتلش فيك
منى:افا يايمه ماتبين بنيتك حبيبتك..وبعدين لاتخافين مايسترجون يطلقوني..شفتي وجه ام خالد شلون اعتفس لما قلتلها خلي خالد يبتلش بمحمد يربيه
اصلا خالد وين يلقى حرمه مثلي حتى المصروف مايصرف عليها
يحمد ربه هو ووخشته
ام منى:اقوول اركدي بس وعيني من الله خير
هذولا الرجال لاعافوا بطقة صبع قطوكي ولا افتكروا فيكي..
تتجادل منى مع امها
يبكي محمد وينهي الجدال ...
____________________
يتبع...

 

[نووووفه]

في بيت خالد
يستيقظ خالد بعد صلاة المغرب
يدخل الحمام ويستحم ويجمع صلاة العصر والمغرب
يكلم المطعم يريد كبسه فهو لم يتغدى
بعد 10 دقائق يصل الطلب
يجلس خالد على سفرة العشاء
ويتابع التلفاز يرن الجوال
خالد:هلاسعاد
سعاد:خالد هلا ..انت فاضي؟
خالد:خير وشفيك؟
سعاد:صديقتي عندي وودها ترجع لبيتها بس السايق طلعت فيه امي ولسه مارجعوا يقولون زحمه
والبنت اهلها يبون يطلعون مشوار ويبونها ترجع تجلس عند اخوانها
خالد بعصبيه:وانا مكفول فيها وين اخوانها يرجعونها
سعاد تخفض صوتها:البنت امها وابوها مطلقين وماعندها الا اخو كبير متزوج واقشر...
خالد:وين ابوها؟
سعاد :مسافر ..وبعدين تعال تحقيق هو..اخلص بتجي ولا الشكوى لله ننتظر الوالده
خالد:خلاص اكمل غداي واجيكم
_____________________
في بيت اهل خالد
سعاد تلتفت لصديقتها ابتسام:خلاص فرجت لقيت من يوصلك وتفتكين من حنة خالتك(زوجة ابيها)
ابتسام تبتسم بخجل:وربي منحرجه منكم
تضرب سعاد كتف ابتسام:اقول تلايطي بس
اصلا انا ودي اطلع اغير جو شويه
________________________
خالد يجد البوابه الرئيسيه مفتوحه
ويقترب من البوابه الداخليه
ويسمع ضحكات طفوليه ثم صوت عالي جميل :سعاااد هااتي عبااتي يالدووبه
تذكر على الفور صوت دلال
انصدم من اخته كيف تصادق هذه النوعيه من البنات
يعود لسيارته ويتصل على اخته:يلا انا برى احتريكم
يلتفت خالد الى البوابه ويلمح سعاد وخلفها فتاه ترتدي عبائه واسعه ووجه مغطى يغطوه ثقيله ويلمح يدها الغضه البيضاء
واطراف قدمها الناعمه
يلف وجهه عنهم مع اقترابهم
تدخل سعاد السياره بجانب خالد
وخلفها ابتسام :وبصوت رقيق
ابتسام:السلام عليكم
خالد:وعليكم السلام
سعاد:هذي خويتي ابتسام ..
خالد يلتفت براسه ناحية ابتسام ويلمح يدها البيضاء وينتبه للمعة الخاتم الصغير المغروس بين اصابعها الناعمه
خالد:هلا والله بابتسام وشلونك؟
ابتسام بصوت خفيف:طيبه
_______________
خالد يدق قبله
يستظرف دمه ويمازح سعاد بنكت وحكايات
(حركات شباب)
ويلتفت كل لحظه لابتسام
لكي يسالها ويتأكد عن وجهة بيتها
------------------------
حالما يصلون وقبل ان تفتح باب السياره تقول بصوت هادئ:
تسلمون عذبتكم معاي ويعطيكم العافيه
خالد :مامن تعب سياره عانيه
سعاد:ايه عانيه انتي اصلا سويتي خير فيني عشان خالد يمشيني شوي وتضحك وتضحك ابتسام ضحكه رقيقه وتخرج من السياره
وخالد يتابعها بنظراته
كانت ذات قوام قصير قليلا ودبدوبه
______________
سعاد تنتبه لخالد:هييه انت ..استح على وجهك
خالد:ماشالله عليها باين عليها دينه وخلوقه
سعاد:ياحليها مرحه وطيوبه ..بس حياتها معاناه
خالد:ليه؟؟
سعاد:ابوها طلق امها وتزوج وحده ثانيه وجابها عنده تعيش معه
بعد ماتزوجت امها
خالد:مسكينه ..اكيد زوجة ابوها معذبتها
سعاد:لا ياحليلها بالعكس طيبه معاها
خالد ينسى نفسه:معلوم بتصير طيبه ..هي باين عليها مربيه ومحترمه..ويكمل :هي معاك بالكليه
سعاد:لا هي زوله ماتحب الدراسه
لما خلصت الثانوي جلست فالبيت معدلها مايدخلها كليه
خالد:اهاا
سعاد:دامي صدتك ابيك تمشيني وتشربني عصير كوكتيل
خالد بشعور فرح غريب:ابشري ياسعوده وانا كم عندي سعوده غيرك
سعاد تستغرب من انقلاب مزاج خالد
_____________________
يتبع..



​

 

[نووووفه]

حينما اوت ابتسام الى فراشها

تذكرت خالد الوسيم
لاتعرف لم احسست بشعور غريب تجاهه
_________________
خالد ايضا حينما اوى لسريره
تذكر ابتسام
لابعرف لم احس انها قريبه منه
اخذ يتقلب يمين وشمال يحاول النوم ولم يستطيع
تناول المصحف واخذ يقرأ ايات من القرآن الكريم
علها تهدئ سره
وبعدها اغلق المصحف وغط في نوم عميق
___________________
يتبع..​

بعد انتهاء فترة النفاس
تعود منى لبيتها
يفتح خالد باب الشقه ويستقبل منى مرحبا بها:تو مانور البيت..
حالما تدخل منى
تمسك انفها:وععع وشهالريحه الخايسه
خالد من خلفها يضحك:لاتدخلين المطبخ بتتعذبين
منى:مالت على حظي..الحريم يرجعون مدلعات وانا من بدايتها
كرف وغثا
خالد:خلاص ارتاحي انتي انا اجيب خدامة اهلي تكرفلك
وبعدين سعاد عرضت عليك تنظف البيت قبل تجين وانتي اللي رفضتي
منى تنظر لخالد :ل..ثم تعدل عن الكلام
تدخل غرفة النوم وتنصدم من الفوضى
تضع محمد في مهده
خالد يدخل الغرفه :حطيت كل اغراضك بالصاله
ابي اطلع شويات
منى تلتفت لخالد بحده:نعم نعم..بتطلع وانا توي ماقلت ياهادي
خالد:يمديك ترتبين اغراضك ..وتنومين حمودي
شوفي الثلاجه وشناقصها وارسلي مسج
ويخرج
منى تستغرب من تغيير خالد
وتقول في نفسها:حسبي الله عليكم من اهل..صدق من قال الاقارب عقارب
اكيد حرشوه علي لما تغير
______________
تدخل المطبخ وتنظفه وهي تسب وتلعن وتشتم
يرن الهاتف
تعصب منى:وهذا وقته اففف
منى بغضب:الو
ام خالد:هلا بنتي ..حمدلله على سلامتك وطالعه من الشر
منى في نفسها:ياليل من هالعجوز وشتبي بعد..
منى:الشر مايجيك
ام خالد:تو كلمني خالد يقول انك محتاجه الخدامه..
تقاطعها منى بغضب:من يقووول؟؟الحمدلله انا بصحتي باقي ماطحت
ام خالد:دووم يارب بصحه وعافيه
منى:ياخالتي مو كل ماقالكم خالد شي صدقتووه
تراه احيانا يألف من خياله..وانتم عاد عطول تصدقون
ام خالد:ماصار شي يابنتي يحقلك تجي الخدامه وتساعدك مافيها شي..تلقين خالد مايبي يتعبك..
منى:مشكوره ياخالتي مابي الخدامه ..
ام خالد:تبين سعاد تعاونك
منى في نفسها:ياكبر فضولكم عشان تجي سعاد وتنقل لكم باقي الاخبار
منى:لا مايحتاج تتعب روحها الحمدلله اقدر عليه البيت موب من كبره
قد عين النمله
ام خالد:الله يقويك..مع السلامه اجل
منى:مع السلامه وتقفل الهاتف..اففف حشا الا غصب يطلعوني عند خالد رفله ومهين
وخالد هذا شكله ماتأدب
تتصل على خالد وتقول بحده:انت من فوضك عني محامي..
خالد باستغراب:وشفيكي معصبه
منى:من قالك تقول لامك اني ابي الخدامه
خالد:وشفيها طيب..قلت تعبانه واخليها تجي تساعدك
منى:ترى افهم حركاتك تبي تبين اني مقصره ورفله
خالد:الله ياخذك من حرمه دايم قلبك اسود..تفوو عليك الشرهه على اللي يساعدك
طوووووووط
منى:يعني كذا ياخالد..هين اوريك هين
____________________
منى تعود لغرفتها وترتب اغراضها
وهي تبكي بقووه
خالد يعوود بعد منتصف الليل
ليجد منى جالسه ترضع محمد
يقترب منها ويقبلها تصد بوجهها
خالد بصوت هادئ:اسمحيلي لو غلطت عليك كنت منرفز
حقك علي
ويقوم ليقبل راسهها
منى تبكي بصوت خفيف
خالد يمسح دموعها ويضمها
يتركها ويذهب للفراش وينتظرها
منى بعد ان انتهت من رضاعة طفلها تضعه في مهده
وتخرج للصاله
خالد يلحقها ويجلس بجانبها
يلف ذراعه حول كتفها ويضمها اليه
منى تنظر لخالد نظرات حاده:اسمعني ياخالد..موب انا اللي يرضيها بوسه وكلمة آسف
انت غلطت علي..وتفلت بوجهي
خالد يمسك يدها ويقبلها:صدقيني ياقلبي كنت معصب وانتي عصبتيني اكثر
منى:تعصب وتحط الحرره فيني..ترى بجد ماعدت اتحمل اغلاطك
خالد يبتسم:خلاص ياقلبي عديها هالمره عشاني
منى تصمت
خالد : تكفين بس هالمره..ويطبع قبله على خد منى
منى محذره خالد:ترى مره ثانيه ابسط ماعندي اسحب شنطتي واخلي ولدك تربيه
خالد:ابشري يالغاليه ..خلاص منونه مانبي هواش ..
تفتح من فمها ..ويضع خالديده على فمها :بس لاتقولين شي تكفيين..
نبي ننبسط الليله..
ويمسكها مع يدها ويدخلها غرفة النوم..
_______________
يتبع...

 

[نووووفه]

تمر الايام والشهور وتفتح المدارس ابوابها من جديد
يعود خالد لعمله
وتستأنف منى عملها
في الصباح منى تجهز الافطار
خالد يدخل المطبخ :وحشني حمودي
منى وهي تضع الشاي بالابريق:خلاص عاد بتقلبها مناحه كل يوم
خالد:ياقو قلبك..كيف يهنالك تخلين ولدك..
منى:مخليته عند عدو؟؟!!!عند امي حلوة اللبن..يمكن تكون ارحم مني عليه
خالد:نفسي افهم ليه موب راضيه تتركين الوظيفه ..اول نقول فاضيه الحين عندك حمود يشغلك
منى ترفز :لحووول ليمتى هالاسطوانه تتكرر..ماتمل ولاتفهم قلتلك وظيفه موب تاركتها
خالد :الحوار معك عقيم
منى:عقيم ولا حامل ..لاتتعب روحك
يخرج خالد من المطبخ وهو يهز رأسه بأسف ..ويتذكر وجه طفله حموود..كم اشتاق له
منى تترك طفلها لدى امها طوال ايام الاسبوع عدا يوم الخميس والجمعه
منى لاتستطيع ترك الوظيفه فهي دون علم خالد تقسم بعض من الراتب لامها لان والدها متوفي
كانت هي واختها المتزوجه التي تصغرها بعام
يصرفان على بيت امها دون علم ازواجهم
________________​

يتبع...​

 

[نووووفه]

في يوم اسود
تجتمع العائله في بيت اهل خالد
حالما تدخل منى البيت
يتخاطف الجميع حمودي
وسط صرخات منى والخوف عليه
تجتمع النساء في الصاله كالعاده
ام خالد:يالله انك تحييها وتقترب من منى وتقبلها
منى:الله يحييك
منيره بالكاد تسلم على منى:هلا منى ..وشلونك وتصافحها..
منى لاتهتم
تنزل سعاد من الدرج وتسلم على منى:يالقاطعه وينك مانشوفك
منى:خبرك مشغوله بالدوام والكرف
سعاد:تكرفين لمنهو..اذا ولدك عند امك.كأنك ماخلفتي ابد وتضحك
منى باستخفاف:تصدقين تعرفين تنكتين ياسعاد ..
ضحكتيني وانا مابي اضحك..وتلف لترمي عبايتها
سعاد تأشر لامها :وشفيها ذي(طبعا بالاشاره)
منيره تأشر بيدها مجنونه)
منى تلتفت فجأه على اشارة منيره بيدها
وتصرخ:انتي قد الحركه هذي
منيره تفجر كل الغضب المكبوت:وشبتسوين يعني خوفتيني
منى تاشر بأصبعهابقرب وجه منيره:انتي يالحيه الرقطا..فكيني من شرك..لاتشوفي شي مايسرك
منيره تبعد يد منى:خوفتيني يعني ..لالالا صدق خفت يممه
ام خالد تتدخل :وشفيكم الله يهديكم..عوذبالله من ابليس
منى:لو ماخوفتك كان سويتيها بوجهي موب بقفاي
لكن اعرفك حيه من تحت تبن تلدغين من تحت لتحت ..بالجبانه
منيره تفلت اعصابها:انتي عقرب الطين ..يحقله خالد لو عشق غيرك..
منى بتهكم: شكله رجلك اللي يعشق ..وترمين بلاويك علينا
منيره دون وعي من العصبيه:الا عشق وحتى اسأليه عن دلال
منى تفتح فمها بدهشه:من دلال؟
منيره تنتبه لنفسها وتصد عن منى..وتبتعد
منى تلحق منيره وتمسك كتفها بقووه وتلفها ناحيتها
وتقرب وجهها الغاضب وتاشر بيدها بوجه منيره وتصرخ:قسما بالله ان ماقلتي من دلال ..لاشوه وجهك
منيره لاتحتمل اكثر من تجريح منى:تمسك بيدها وتلويها:لو فيك خير ..طلقي من خيلك عشر..
منى تنقض على شعر منيره وتشده بيديها بقووه
ام خالد وسعاد تصيحان وتصرخان وتحاولان الفكاك بينهما
محمد يبكي بقوووه ويسمع الرجال بالمجلس صوت الصراخ
يجرون ليروا منى ومنيره تشدان شعور بعض
خالد يجري ويمسك منى ويدفعها بعيدا
ومنى دون شعور تعود لمنيره وهي تصرخ:والله لاذبحها بنت الك...
ابو خالد ينصدم من المنظر ويغضب بشده من كلمة منى
ويصرخ :انتي الك.... يالواطيه ياللي ماتربيتي
خالد يبعد منى ومنى تصرخ على ابو خالد:الواطي الي ماتربى ولدك حتى اسئله عن دلال
خالد يعطي منى كف قوووي جدا حتى سقطت والدماء تسيل من شفتيها
تبكي منى بقووه خالد يقف امامها وهي متكومه :انتي طالق
منيره:كفو ياخوي
ام خالد تمسك رأسها :لاحول ولاقوة الا بالله
ابو خالد يخرج من الصاله وبقول:اذلفي ..اذلفي..لابارك الله فيك
خالد يلحق بأبيه..يسترضيه
ام خالد وهي تبكي:روحي يابنتي لاهلك..خلي السابق بوصلك
منى وهي تبكي:اهنتوني وذليتوني عشان ماوراي سند بس ربي ياخذ حقي منكم ..واشوف فيكم يوم
وهذا ولدكم خلوه عندكم وابلشوا فيه
وتخرج ..وتخرج خلفها ام خالد:يابنتي ترا بس نبي نهدي النفوس ولا حنا مانستغني عنك يام محمد
تأشر للسائق:وتركب منى معه عائده لبيتها وتلم ملابسها وتعود لبيت امها
_____________________
في المجلس يمسك ابو خالد كتف خالد ويساله:منهي دلال؟؟
خالد يرتبك :انت مصدق هالخبله..مجنونه هذي خرفت شكلها
ابو خالد:والله لولا انها بنت فلان ويسمي ابوها رحمة الله عليه كان توطيت ظهرها
خالد :اخخ مابرد قلبي منها ودي لاعن خيرها
ابو خالد:خلها ماعليك منها..هذي من يوم خذيناها وهي ماتطيق كلمه ولاحرف
خالد:ايييه يايبه انتم غصبتوني ارجعها ولاانا عايفها من زمان بس اصببر نفسي عشان محمد بس
ابو خالد ينادي ام خالد بقووه:ام خالد تجري وتقف امامه:سم يابو خالد
ابو خالد:وينها عساها ذلفت مذلاف ابوي
ام خالد:ايه خليت السايق يوصلها لاهلها
ابو خالد:ومحمد؟؟؟
ام خالد :محمد بالصاله خلته تقول ماتبيه
ابو خالد يستشيط غضبا:قلعتها ..حنا نربيه هذا ولدي ..ويضرب على صدره:والله مايقصر عليه شي طول ماخشمي يشم الهوا...
______________________
حاولت ام خالد ان تعيد المياه لمجاريها
ولكن هيهات
القلوب مجروحه والنفوس مصدوده


مات حبك والبقيه في حياتك
في حنايا خافقي لاقي مصيره
خذ مع الجثمان باقي ذكرياتك
تجربه حبي معك كانت مريره

______________________

يتبع...

خالد ينعزل في بيته اسبوع بعد الطلاق
كان محرج من اهله
بعد ان فضحته منيره وافشت السر بينهم
منيره كانت تحاول الاتصال بخالد
وخالد لايرد عليها
كان غاضب منها اشد الغضب
منيره لاتحتمل وتزور خالد في بيته دون علمه
ترن الجرس
خالد يستغرب
يفتح الباب فإذا منيره بوجهه
وبصوت خفيف:هلا منيره
منيره تندفع على رأس اخيها وتقبله
خالد :محشومه ..ويدعوها للدخول
تجلس منيره وبصوت باكي:ياخالد ..يحقلك لو تجيب السكين وتقطع وريدي..وتأشر على رقبتها
خالد:ماكان العشم يامنيره..اخر شي توقعتك تفضحيني ..
منيره تبكي:وربي ياخالد هي استفزتني..
خالد:ادري انها طويلة لسان..وتطلع الواحد من طوره..
بس ولو ..ماكان لازم تجيبين طاري دلال..
ويصد بوجهه:انتي كسرتيني قدام امي وابوي
وربي مالي وجه اناظر بوجيههم
منيره تمسك بكتف خالد:يابعد قلبي ياخوي وربي اني استاهل تذبحني وتقتلني..ياخالد انا مريضه من ذاك اليوم الاقشر..ماآكل ولا انام..انا بدونك ياخوي اضيع..وتمسك بيده وتقبلها
خالد يسحب يده ويقبل راس اخته:محشووومه يامنيره
وادري انك ماطلعتي سالفة دلال الا وانتي اعصابك فالته من القهر ..
خابرك انا بير غميق..
منيره ترفع يديها للسماء:حسبي الله عليك يامنى وين ماكنتي؟؟
وتزيد الجرح في قلب خالد:تلاقيها ماخلت احد ماقالتله عن دلال..وياخوفي تزود من خيالها المريض قصص وعلوم
والخوف..يوصل الخبر ..للناس ويرفضون يزوجونك..
خالد ومن قال اني ابي العرس..انا عفت الحريم عقب النسره منى
منيره:افا عليك ..والله لازوجك من تنسيك منى وسوالف منى
خالد:واللي يعافيك يامنيره فكينا من هالسيره..انا ماعاد لي رغبه بالحريم ابد..
منيره:انت تقول كذا عشان توك مصدوم ..بس لامر عليك شهر قمت تتحكحك تبيلك حرمه..اخبرك ماتصبر عن الحريم:22:
وتقرصه مع اذنه :ليكون بس للحين مع دلال انت..:22:
خالد يضحك ويلوح بيده:لالالالالالا ..خللاص تبنا من جنس الحريم
ثم يتساأل:انتي من جابك ..ليكون عبدالله؟؟؟؟
منيره:لا ..انا جيت مع سايق اهلي..ولطعته تحت..المسكين تلقاه تملل من اغنيته اللي صك راسنا فيها..
وتقف:انا جيت هنا عشان خاطر عيونك ..ياخوي انت ماتدري وشكثر قدرك عندي ..وماصبر تزعل علي..امووت والله
خالد :فديتك ..انا كنت شرهان بس..ولا انتي لك معزه خاصه عندي غير عن الباقيات
منيره بعد ان تطمن قلبها وهدأت نفسيتها:يلا ياخوي..تلقى سعاد على ناار..تتواكل
خالد:ليه؟؟؟
منيره:خليت عيالي عندها ..وهي تبي تتونس مع صديقتها
خالد يدق قلبه ودون وعي:ابتسااام
منيره بدهشه:وشعرفك انت بابتسام
خالد يرتبك ويحرج:انا مره وصلتها لبيتها..
منيره تجلس وهي تضحك:هذي سالفه جديده اجلس اجلس مالي طلعه الا لما تقولي عن هالسالفه كلها :22:
خالد يحكي لمنيره على السريع ماحدث ذلك اليوم
منيره:ياخي هالبنت من شفتها دخلت قلبي
خالد:باين انها محترمه وطيبه
منيره:بس ترى لايغرك هدوئها ..تراها مزوح وجريئه هههههه
خالد:معقوله مانخطبت..
منيره:الا جاها الكثير ..بس هي ترفض ..
خالد:والسبب..لتكون تحب ؟؟؟
منيره:لاماعندها هالسوالف..دينه البنت..بس هي على قولة سعاد..تصلي الاستخاره وماترتاح ..
يرتاح بال خالد :الله يرزقها..
منيره تغمز لخالد:الله يرزقك مثلها..
خالد:امين ويضحك هههههههه
منيره:بجد خالد ..وشرايك فيها اجل..
خالد يضحك من منيره :ابد ماتجوزين عن سوالفك هههههه
منيره:نتكلم بالسالفه بعدين..تلقى سعاد شاده شعرها ..
تخرج منيره وتعود لبيت اهلها
خالد يتذكر ابتسام ..ولايستطيع ان يتحمل
يركب سيارته ..ويدير المقود لوجهة بيت ابيه
__________________
يتبع...

 

[نووووفه]

يصل خالد لبيت ابيه
ويدخل للبيت وعند المدخل
يسمع صوت امه وهي تغني لمحمد
خالد يتنحنح وبصوت عالي:يمممه
ام خالد تفز من مكانها وهي تهلي وترحب:يامرحبااا ومسهلا..تعال فووت ياوليدي
خالد يقبل راس امه ويدها:وشلونك يالغاليه؟؟
ام خالد:بخير ياوجه الخير..تعال حيااك فوت وراك مستحي؟؟
خالد:عندكم احد انتم؟
ام خالد:ايه خوية سعاد فوق مع سعاد بغرفتها
ومنيره توها مشت ..
خالد يدلف للصاله ويرى حمود
وهو يلعب

ويمسك بابنه ويرفعه ويشممه بقوووه
خالد:خلاص يايمه لاتأكليه..صاير دبدوب
ام خالد تمسك بمحمد وتحظنه بقووه:يابعد عيني هالوجه..
خالد:الله يطول بعمرك يالغاليه..الا وين ابوي ماشوفه؟
ام خالد:ابوك مادري وشصاير عليه..ماغير ماسك اوراق الاراضي ويراجعفيها ..وتوه طلع ..يصور اوراق طالبينها منه..
خالد:خليه يطلع يوسع صدره..
يسمع صوت هرج ومرج وضحك وجري عبر الدرج وسعاد بصوت عالي:يالدوبه ماتقدرين تلحقيني حررره
وتنزل مع الدرج بقووه وتضحك:لاخليك فضيحه اليوم واخلي امي تشوف صورتك الفاجعه.. وهي تمسك بصورة
وخلفها صوت طفولي:تعاالي وربي ماخليك يالفضيحه انتي..
تفاجأ سعاد بخااالد امامها
ابتسام المسكينه ماتدري ان خالد بالصاله
تجري خلف سعاد لتفاجا ايضا بخالد امامهم وحالما تنتبه لوجوده
تعود مع دربها وتجري لفوق بخجل​

خالد يبحلق بابتساام
سعاد تنزل من الدرج وتضرب خالد :انت متى جيت؟واخزييياااه تلقى البنت حدها منحرجه
وتسلم على اخيها وتعود لابتسام لتجدها ترتجف من الاحراج
سعاد :صدقيني مادريت انه موجود
ابتسام بصوت خفيض:وربي احرااااج..وتمسك بوسادة سعاد وتضرب سعاد بها:كله منك يالدوبه
سعاد تضحك وتضرب مؤخرة ابتسام بالمخده:والله الدبه انتي وو.....
_________________
خالد كل ماستطاع ان يلمحه
وجه ابيض مدور ..وشفاه ورديه ملمعه
وشعر اشقر مرفوع لاعلى على شكل ذيل حصان
وتنوره جينز على جسم ممتلئ نوعا ما
_________________
ام خالد:ويه ويه ويه ..تشوف هالبنت(تقصد سعاد) اللي ماتستحي وتغطي وجهها بيديها
خالد ينحرج ويسلم على امه:انا باروح ..
ام خالد:وين تبي؟؟اجلس تعشى عندنا
خالد:امركم الليله ان شالله..خلي البنات ياخذون راحتهم
ويبووس حمودي ويخرج
___________
يركب السياره وباله مشغوول بفتاة دخلت قلبه بدون استئذان
يتبع...​

​

 

[نووووفه]

تقترب منى من انتهاء عدتها
ولاجديد
في غرفتها تتصفح البوم صور الزفاف
ترى صورة خالد وهو يبتسم بجاذبيه وتتحسسر كيف ضيعته من يدها
تتساقط دموعهااا على صفحات الالبوم
*
*
دلال على فراشها تقلب بالارقام
وترى رقم خالد
وتتذكر كيف قضت معه ليلتين من اروع الليالي
تتمنى اتصاله وسماع صوته الدافئ ولكن تتذكر
كلامه في اخر اتصال بأن ينساها
لانه يريد الالتزام..وتتذكر كلمته الاخيره:الله يستر عليك دنيا وآخره
حتى دلال تركت ذلك الطريق
وتريد الستر..
*
*
ابتسام تسرح شعرها على التسريحه
وتتأمل وجهها في المرآه تغمض عينيها وتتخيل خالد
الشاب الوسيم
وتتذكر نظرته لها وهي واقفه خلف سعاد
تفتح عينيها
تضع المشط وترفع يديها في السمااء ان يجعل الله خالد من نصيبها
____________________
يتبع...


​

 

[نووووفه]

في مساء خميس باارد من فصل الشتاء
تجتمع العائله في بيت اهل خالد
كان الاجتماغ سري بدون علم خالد
فقد قررت ام خالد انه آن الاوان للبحث عن عروس لخالد
تدير سعاد القهوه على الجميع
ثم توزع الحلا
ام خالد تلتفت لابو خالد:وشرايك فبنت فلان..
تدلي منيره بدلوها:لاهذي امها تقرب لام منى ..والعرق دساس
سعاد:فكينا انتي من مداخلاتك وخلي الشيبان يفكرون بدون تشويش
منيره:انتي على جنب مابقى الا البزران يتدخلون بكلام العقًااال
سعاد بمزح:خفي علينا يام عقل ..
ام خالد بصوت عالي:وبعدين معكم خلونا ندبر لهالولد حرمه ينستر معها بدال دشرته بالشوارع
سعاد: حشا قطو ..ههههههههههه
ابو خالد بصوت هادئ رزين:انا ودي ابعده عن بنات عمه وخاله
حتى لو صار شي ماتصير حزازيات بيننا
ام خالد:عين العقل
سعادبمزح:كسر خاطري خلود..بتحرمونه من بناتنا القشرههههههه
شكلي بادورله من كليتنا ..ههههههههه
تنتبه منيره لكلام سعاد وتتذكر كلام خالد عن صديقتها ابتسام
تلتفت لامها:يممه
ام خالد:هلا
منيره:بس ..لقيت البنت اللي تناسب خالد
ام خالد:منهي؟
منيره وتنظر لسعاد:ابتسااام
ام خالد بدهشه:ابتسام ماغيرها
سعاد:انتي من جدك؟..ثم تقف وتدور حول منيره وتضرب راسها:
كش راس..اول مره تقنعيني بشي ..وتقف امام امها:يمممه..صدق صدق مافيه انسب من ابتسام لخالد
ابو خالد يتدخل:ومن ابتسام هذي ومن بنته؟؟؟
سعاد:بنت فلان الفلاني
ابو خالد:ونعم بقبيلتهم معروفه بالطيب
ام خالد:انا اشهد انه نعم الراي يامنيره
منيره:اجل توكلنا على الله ..؟
سعاد تدوور من الفرحه :وااااااي ماصدق ابتسام بتصير مرة اخوي ..ونااااسه
ابو خالد:اصبروا خلوني اسئل عنهم من بعيد لبعيد..وبعدها يصير خير
يفض النقاش وتنتهي الجلسه بقدوم العشااء

___________________

يبتع...



​

 

[نووووفه]

خالد يستجيب لمكالمة من امه
ويدلف للبيت ليحس بجو غريب
العائله مجتمعه
والكل يرحب به وينظر اليه
سعاد تركض بالدله لتصب فنحال من القهوه لاخيها
ومنيره توزع الحلوى عليه وهي تغمز بعينها له:22:
ام خالد وبحظنها محمد
ابو خالد يبدا بالكلام:يابو محمد
خالد يستغرب اللهجه الجديده من ابيه
خالد:سم ياتاج راسنا..
ابو خالد:يسلم راسك..تدري ياولدي ان الرجل بلاحرمه مثل الخيمه بدون عامود
ومثل الجسد بدون الراس
ومايعمر بيت بدون الحريم
وينظر لام خالد بحب..
وحنا بصراحه ياوليدي موب عاجبنا جلستك بدون حرمه تحوفك وتداريك
واصابعك ياوليدي مو سوا ..وربي يقطع من هنا ويرزق من هنا
ولعل تجربتك الاولى ..زودتك خبره بالحريم اكثر.

ام خالد تتدخل:حنا ياوليدي تشاورنا بموضوع زواجك
خالد بدهشه:زواجي؟
ام خالد تومئ براسها:اي ياوليدي..انت ياوليدي موب صغير
وحنا نبي نفرح فيك..تشاورنا ونبي نسمع رايك؟
خالد:الشور شوركم..
ام خالد:ياوليدي حنا اخترنالك ام محمد والله ماكتبلك تكمل معها
ومانبي نغصبك على وحده ثانيه يمكن ماترغب فيها
خالد لابيه:انتم فصلوا وانا البس..
سعاد تتدخل وتضحك:اموووت بالذراابه انا..:31:
خالد ينظر بحده لسعاد بصمت
ابو خالد:حنا جبناك عشان تسمع شورنا وراينا..
ورضاي عليك لو ماعجبك الراي تقول لا..
خالد باحترام:الراي رايك يابو خالد
منيره تكتم ضحكه وتنظر لخالد:الا اكيد ياخالد الراي اللي بيرضيك..وانا متاكده..:22:
خالد ينظر بتساؤل لابيه وقلبه يدق بعنف
ابو خالد ينظر لام خالد في اشاره ان تكمل الحديث
ام خالد تلتفت لخالد:خالد
خالد:لبيه
ام خالد :تلبي بمكه حاج..وشرايك بابتسام خوية سعاد؟؟؟
خالد يكاد قلبه يتوقف من فرط الفرح:ابتسااام؟!!
منيره:ماقولك خوش راي..وتضحك
سعاد :الف الصلاة والسلام عليك ياحبيب الله محمد ..كللللوووش
وتمسك بصينيه القهوه وتغني :الف مبروك افراح واماني
زواج سعيد ونزف التهاني...
ام خالد تصرخ على سعاد:اركدي يابنت..خلينا نعرف راي خالد اول..
سعاد بضحك:مايحتتاج طالعي وجهه شلون فههى...
ابو خالد بصوت عالي :اسكتوا كلكم ..ويهدئ صوته:وشرايك ياوليدي ..
انا البنت سألت عنهم من بعيد ..والكل يثني عليهم..عايله محترمه ومستوره
خالد يتذكر ابتسام الجميله يقوم ويقبل راس ابيه:ابشر بعزك..
ويقبل راس امه وسط موجه من الزغاريد من منيره وسعاد
__________________
يتبع...



​

 

[نووووفه]

تتم الموافقه على خالد من قبل اهل ابتسام
وتتم الملكه
وتبدأ التحضيرات للزفاف الذي تحدد بعطلة الربيع
كانت ابتسام تصر على ان تتسوق مع منيره وسعاد
لدرجه ان تأخذ رأيهم بفستان الزفاف
وحتى الذهب تستشير ام خالد فيه..
الكل كان فرح ومبسوط ..وخالد لايسمع سوى الثناء والمدح على اختياره
لم يكن من عوائدهم ان يكلموا بعض خلال الملكه
لذلك كان خالد في اشد الشوق لرؤية ابتسااام
________________
ابتسااام كانت بقمة الفرح وتعد الايام وهي تترقب الزفاف
_________________
منى تسمع بزواج خالد ...وتتألم بصمت
وتحاول تخريب الزفاف
ترفع منى قضيه وتطالب بحظانة طفلها
يتدخل اهل خالد ويقولون للقاضي بانها تنازلت طوعا عن حظانته
منى تشدد على انها كانت بحاله نفسيه اثر وقوع الطلاق
والان هي بكامل اهليتها لتربية طفلها
تحدث مجادلات بين اهل خالد ومنى
ويتم الحكم لمنى بحظانة طفلها مع وجوب النفقه عليه
_______________
كان يوما حزينا حين جائت ام منى لتنزع محمد من احظان ام خالد التي تبكي لفراقه
بعد خروج محمد
تلتفت ام خالد لترى العاب محمد مرميه على الارض
لم تحتمل اكثر فيغمى عليها..
يأخذوها للمستشفى..
يقرر الطبيب ان ترتاح عندهم يومين
سعاد ترافق مع امها
______________
في اليوم الثاني يزور خالد امه ومن خلف الستاره
يسمع صوت ناعم ورقيق:ماتشوفي شر ياخالتي ..طهور ان شالله
ام خالد بصوت واهن:الشر مايواجهك..تسلمين يابنتي..انتي اللحين عروس والمفروض تتجهزين وتفرحين بعرسك..
ابتسام:الفرح لما ترجعي لبيتك بالسلامه..عز الله بيكون اسعد من يوم فرحي
ام خالد:الله يفرح قلبك ..وينور دربك..
سعاد :ماعليك من ام خالد تتدلع علينا شافتنا مشغولين بالعرس وحبت تسوي اكشن عشان نذكرها
يسمع خالد ابتسام توصي سعاد:الله الله بخالتي ..اياكم احد يغثها بكلمه ..او يكدر خاطرها..تراها راس المال..
سعاد تضحك:وربي حسيتك ام سعود العجيز..اقول طسي بس لانتف حواجبك الشقر..ترى وراك عرس يمال الدلاخه
يتنحنح خالد:يمممه
ام خالد:هلا هلا تعال ادخل
سعاد :تعال ماعندنا الا حرمتك هههههه
ابتسام تقرص ذراع سعاد
يرفع الستاره ويدخل خالد يسلم على الجميع
ابتسام تقبل راس ام خالد:تطلعين بالسلامه ان شالله..توصين شي
ام خالد:الله الله بنفسك يابنتي ..وماله داعي يابنتي انتي اهتمي بروحك وماعليك مني ..
تستاذن بالخروج
وحالما تخرج يلحقها خالد
خالد:ابتسام
ابتسام تجفل:وبخجل :هلا
خالد:كبرتي بعيني..الله يرضى عليك..
ابتسام بصوت هادئ:ماسوينا الا الواجب..وخالتي ..غلاها مثل غلا الوالده
خالد:وانتي غاليه على بعضهم..ويقصد نفسه
تحرج ابتسام وتلف لتسير عبر ممر الخروج خالد يراقبها بنظرات الاعجاب والحب
ابتسام تحس ان عبائتها الواسعه تضيق عليها من الخجل
_________________
يتبع..

يوم الزفاف
في بيت اهل خالد
تصل الكوافيره الساعه2ظهرا
وتبدا بعمل التسريحه لمنيره وسعاد
ام خالد مشغوله في تجهيز التوزيعات قبل الذهاب للقاعه
_____________
في بيت ابتسام
العروس تتحظر بالمناكير والباديكير قبل ان تبدا بالمكياج والتسريحه
______________
في بيت ام منى
منى على سريرها
تسقط مريضه في ذلك اليوم
تعض طرف الغطاء وتظغط بقووه عليه
كي تكتم صوت بكائها
وتترك دموعها تنساب بغزاره
___________
..

في بيت اهل خالد
وقبل التوجه للقاعه بقليل
يعود خالد من الحلاق.. يتجه للدرج كي يصعد لاعلى ليستحم
طبعا خالد قبل الزفاف باسبوع انتقل الى بيت اهله
لانهم اجروا تعديلات في الشقه وغيروا جميع الاثاث
وقبل ان يصعد تنزل نوره وهي بكامل شياكتها
ترتدي فستان نعوم
​

خالد :اش اش وشهالزين ؟؟
نوره:يالبى عيونك..اوخص مضبط السكسوكه!!
خالد:تغيير هههه.. الا اقول
وين خواتك؟؟
نوره ترفع يديها لاعلى:ماقول الا الله يعين الكوفيره عليهم..وخاصه من سعاد..كلما حطتلها الشدو تمسحه وتعيده..لما اقتنعت اخيرا بعد ماضيعت الوقت
خالد يضحك ويصعد لاعلى
_________________
كان الاتفاق على ان تزف ابتسام للكوشه امام الحريم
ثم يزفونها الى الغرفه الخاصه بالقاعه وتتصور هناك مع خالد واهلهم
ثم يزفون الى الفندق
__________________
لم ترد ام خالد ان تبذخ
وان تجعل خالد يزف امام الحريم كما في زفاف منى
كانت تريد قدر الامكان ان تتحاشى عيون الحساد
وخاصه انه الزواج الثاني لخالد
_________________
يخرجون جميعا للقاعه
وعلى البوابه يبدأون باستقبال المعازيم
كانت سعاد في قمة الجمال والكشخه
ترتدي فستان راقي من اللون الازرق​

​

اما منيره كانت ترتدي فستان راقي​

الاجواء كانت روعه والدي جي يصدح بأغاني الاعراس
كانت هناك شاشه كبيره تعرض صور ابتسام من طفولتها حتى كبرت
يبدا الرقص
ترقص منيره مع امها وتنقطهم سعاد
ثم ترقص سعاد ونوره..ويتبعها بقية البنات
بعد الرقص
تظفئ الانوار لدخول العروس
تهدئ القاعه وتبحلق عيون الحريم على البوابه
تفتح البوابه وتدخل العروس
بفستانها الابيض الجميل
وباقتها الناعمه..وسط زغاريد النساء
وتبدأ الزفه..الى الكوشه..وتنثر اوراق الورود ..​

حياك ربـي يـا ضيـا الحفـل حيـاك
يا (ابتسام) منتي مثل باقي الحور
قلوبنـا ترقـص علـى دقـة اخطـاك
و الملـح كلـه والحـلا فيـك منثـور
لك بسمة لامـن بـدت مـن شفايـاك
يجبر بها الخاطر ليـا صـار مكسـور
ولك ضحكـة لا وخـرت عـن ثنايـاك
تسحر غلا قلب ن من العـام مسحـور
ولـك نظـرة لا صوتـت للغـلا جـاك
لو دونـك جبـال ومسافـات وبحـور
اللي مدح لو قال مـا قـال مـا اوفـاك
واللـي تكلـم فيـك مسكيـن مقهـور
و للحاسـد اللـي بالغـرور يتـبـلاك
قولـي طبيعـي كـل مزيـون مغـرور
ما لوم شعـر مـا كمـل فـي مزايـاك
وبيت تعـذر عـن وصايفـك معـذور
و (خالد) اللي ينتظر يوم لقياك
دقايقـه ساعـات وايـامـه شـهـور
يفرح بشوفـك يـا الغـلا و يتحـراك
فرحة ربيـع بآخـر الوسـم ممطـور
له قلب ما يـدري وش الحـب لـولاك
وله عين يغنيها وجـودك عـن النـور
يفـداك يـا سيـد المزاييـن يـفـداك
قلـب تعلـق فيـك مـا رد لـه شـور
:icon26::icon26::icon26:
تجلس ابتسام على الكوشه
تشغل الانوار
وتبدا صديقاتها بالسلام عليها والتصور معها
ثم يستأنف الرقص
وبعدها بفتره تفتح بوابة البوفيه
وتبدا الحشود من النساء بالدخول لتناول طعام العشاء​

...................
بعدها تمسك ام خالد العروس وتاخذها مع خالتها الى الغرفه..وقبل دخولهم ترخي الطرحه على وجه العروس..وتدخل
وهناك يلتقي خالد اخيرا بابتسام وجها لوجه
_________________
يكشف خالد الطرحه عن ابتسام لينبهر بجمالها الاخاذ
يقبلها ..ثم يبدآن التصوير
تدخل اخوات خالد وابتسام الغرفه ويتصوران معهما
(اخوات ابتسام من ابيها صغيرات بعمر ال11 و10)
________________
بعد التصوير يمسك خالد بيد ابتسام ويخرجان من الغرفه
وقبل الخروج من القاعه ..تلبسها خالتها(زوجة ابيها) عبائتها..وتقبلها وهي تبكي..ابتسام كانت تتمنى لو امها مكان خالتها وتودعها..
لكن ام ابتسام كانت مسافره مع زوجها خارج الدوله...
____________
خالد يفتح باب السياره لابتسام ويساعدها في دخول ذيل الفستان
ثم يركب بجانبها ..وتبدأ الزفه لباب الفندق
_____________
يتبع...​

في غرفة الفندق الملكيه
تجلس ابتسام على طرف الكنبه
خالد يرمي البشت ويجلس بجانب ابتسام
ينظر لابتسام نظرات مباشره ويتأملها
تخفض ابتسام برأسها لاسفل من الخجل
يرفع خالد وجه ابتسام ويلفه له:تجنين ياقلبي حلوه موووت انتي..
تبتسم بخجل
خالد :واخيرا يابتسام مابغيت اشوفك قدامي..ااااه لو تدرين وشقد كنت انتظر هاليوم اللي بتصيرين فيه بين يديني..
ابتسام يعقد الخجل لسانها
خالد :أحبك..
يمسك خالد بيد ابتسام المرتعشه..ويقربها من انفه ويشمها ثم يقبلها
يلف ذراعه حولها ويضمها اليه بقووه..ثم يشم رقبتها ..ويمرر بشفايفه على وجهها ويقبلها قبلات خفيفه على كامل وجهها
ابتسااام ترتجف ويدق قلبها بعنف...
خالد:حبيبتي ..
ابتسام تصمت
خالد:بسومتي..
ابتسام بالكاد تفتح شفايفها وبصوت بالكاد يسمع:هلا
خالد:يالبى الصوت..تحبيني؟؟
ابتسام لاترد
خالد:افا يعني ماتحبيني..
ابتسام راسها لاسفل وتبتسم...
خالد:تكفيين ابي اسمع صوتك ..اللي جنني وعذبني..قولي احبك ولاترى بازعل هههه
ابتسام تخجل ولاتستطيع الكلام
خالد:انا ماراح اتركك ليما تقولي احبك..يلا قولي..
وينتظر ابتسام التي اخيرا تنفرج شفتيها وتهمس:أ ..ح ..بك
خالد يضمها بقووه :وانا احبك واموووت فيك يابعد عمري انتي..
يلا ابي بووسه
ابتسام :انت اول
خالد:طيب ..ويبوسها ..يلا وين بوستك..
ابتساام تقبله قبله خفيفه على خده
خالد:ااااه منك ..ياحلو بوستك تدووخ
وعلى الطاوله الصغيره كان هناك كاسان من العصير ..وحلويات..وكعك
يتناول كاس العصير ويسقيها ثم تمسك كأسها وتسقيه
وبعد الاكل..يطلب خالد من ابتسااام ان ترمي فستانها..تدخل ابتسام لغرفة النوم
وتبدل فستان الزفاف الثقيل
وترتدي قميص نوم ماروني حرير

تفك التسريحه وتخفف من المكياج الثقيل
وتبخ بخاات من العطر الجميل
(ابتسام كانت شبه متاكده ان منى قد لبست في هذه اللحظه قميص نوم ابيض..كما اغلب العرائس.. لذلك ارادت ان تختلف كليا عنها)
وقبل ان تنتهي يدخل خالد
ويصقع من المنظر الذي امامه
يمسك ابتسام مع ذراعيها ثم يمرر يده على صدرها وخصرها ومؤخرتها
ولايتحممل اكثر من ذلك ينزع الرداء ليرى بياض اكتافها المستديره بنعومه....ثم يطفئ الضوء....
_________________
يتبع...

 

[نووووفه]

في المسااء يقيم اهل خالد حفل عشاء بسيط
للسلام على العروس
وفي مجلس النسااء الكبير

تتوسط العروس المجلس وهي ترتدي فستان فخم ذهبي
وقد ارخت شعرها الاشقر على كتفيها

وبدأت وفود من النساء بالسلام عليها..وتقديم الهدايا
كان الكل فرحا ومبسوطا
سعاد توزع الشوكلاته والحلا على النسااء
ومنيره تصب القهوه..
وبينما هم كذلك...
تدخل منى بهدووء بخطى ثابته..الكل ينظر لها وهي تخطو نحو العروس..ام خالد تحبس انفاسها..وهي تخشى ان يحدث مكروه او مشكله
تسلم منى على ابتسااام...
وابتسام لاتعرف منى لذلك لم تهتم وردت السلام بابتسامه..
منى وهي لاتزال ممسكه بيد ابتساام:ماعرفتيني..
ابتساام:لي الشرف..من انتي؟؟
منى:انا حرمة خالد الاولى..
ابتساام تصعق وتفتح فمها بدهشه
منى:طلعتي مش بطاله..كنت احسب خالد اختياره احسن من كذا
ابتساام تمسك اعصابها وتبتسم:اهم شي خالد راضي فيني
منى:ماقول الا الله يعينك عليه..تراه نسونجي..واذا تبين تتاكدين اساليه عن عشيقته دلال..
تشهق النساء في المجلس
ابتساام تحرج ومنيره تتدخل:انتي ..وشجابك يام المشاكل..ولا سمك ملى صدرك..وجايه تقذفيه علينا يالافعى..
منى لم يكن فبالها الا ابتساام لذلك لم ترد على منيره..
وخرجت كما دخلت بصمت وعينها على وجه ابتسااام المطئطئ بحرج
ام خالد تمسك ابتسام وترى عينيها الملئى بالدموع:ماعليك يابنتي من كلامها..بس هي لازالت مقهوره ولما شافت جمالك ولعت من الغيره..
ابتسام تبتسم بكبرياء:حصل خير ياخالتي..
منيره تهدد وتتوعد وتتحلطم
ام خالد تنظر لها بحده..:قومي صبي الشاهي ..بسرعه بلاحكي فاضي
وتستأنف الجلسه
________________
يتبع...

في بيت اهل خالد
وبعد ان ذهبت النسااء جميعا ولم يتبق الا اهل البيت واهل ابتسام
ابتساام تدعوهم كلهم وترجوهم الا يخبروا خالد بموضوع منى
منيره:ليكون صدقتيها ..هذي كذوب..بس تبي تخرب عليك
شافتك احلى منها وانقهرت لانها سمره وشيفه..
ابتسام:سواء كذب او صدق ..انا يهمني خالد بعد الزواج..
ام خالد:الله يكملك بعقلك يابنتي..عز الله خالد لو يدور الارض مابيلقى مثل طيبتك واخلاقك..
ابتساام:يخالتي الزواج مسؤوليه..والاخطاء اللي قبل الزواج ..ممكن نغض الطرف عنها..حتى مانفتح باب للشيطان لايمكن سده..
_____________
في السياره وهم عائدين للفندق
خالد يلتفت لابتسام :عسا عروستي الحلوه انبسطت الليله؟؟
ابتسام بخجل:ايوه انبسطت مررره
خالد:عسااه دووم ...وحتى انا انبسطت اليووم طلعت مع خويي نواف عقب العشا ..(يصمت ثم يتابع:
باقولك سالفه بس ماتعلمين احد!!!
ابتسام يدق قلبها ..وتنظر له بدهشه
خالد:اليوم نواف كلمني عن سعاد
ابتسام بدهشه:مافهمت
خالد يضحك: هههههههه..لو شفتي شكله قسم تضحكين عليه
مسوي روحه مؤدب وذرب ههههههه
ابتسام:يعني فاتحك بموضوع خطبه؟؟؟
خالد:ايه..يقوول انه وده يكمل نص دينه ومايلقى احسن من نسبنا..
وانه وده يخطب سعااد
(نواف يقرب لخالد قرابه بعيده)
ابتسام:والله شي طيب..سعاد تتزوج !!بجد فرحتلها
وتلتفت لخالد:الا انتم وافقتم..اقصد يعني موافقه مبدأيه
خالد:بصراحه انا ماعندي اعتراض..نواف ولد حلال صدق دلخ احيانا بس احسن من غيره..البلا بسعاد جاها 3 ورفضتهم..
ابتسام:اذا انت راضي عنه..اترك سعاد علي..
خالد يلتفت لابتسام:كفو
ابتسام:كفوك الطيب
خالد:فكينا من نواف وسعاد..وخلينا في القمر اللي جالس جنبي..وبتسم
ابتسام من خلف الغطوه تبتسم بغصه..
_______________
في الصباح
يقوم خالد نشيط وابتسام لاتزل تغط بنوم عميق
يتأملها خالد
وجه مستدير عينان غافيتان ببرائه كالاطفال
انف صغير...وشفاه مفتوحه بجاذبيه
تفتح ابتسام عينيها بهذه اللحظه لتفاجا بخالد يتاملها
تبتسم ابتسامة خجل..
خالد:ياحلوك وياجمالك..انا احسد نفسي انك عندي..
ويرفع الغطااء بقووه:قومي يابطه..صح النوم ياعسل
ابتسام ..تنهض من السرير بتثاقل..وتمسك المنشفه لتستحم..
وفبل ان تدخل الحمام يمسكها خالد ويحظنها بقووه ويقبلها
تذووب ابتساام حين تكون بين احظان خالد لذلك قررت ان تنسى(جرح) ليلة البارحه ..وتعيش حياتها بسلام..
__________________
في بيت ام منى
تتآكل منى من الداخل
لم تستطع ان تنام ..كانت تتوقع ردت فعل
ولكن الهدوء القاتل ..اصابها بالجنون
تتسآئل في نفسها
..لازياره ولا حتى اتصال
ماذا دهاهم؟؟
لمَ لم يتبين شيئ؟؟
معقوووله ان كلامي لم يأثر عليها؟
اين خالد لم لم يتصل ؟
(كانت بشوق جارف لخالد)
تعرف انها بهذه الحركه خسرته للابد ولكن على الاقل لم تخسر وجوده في عالمها..حتى لو بالكره!!
تنظر لطفلها محمد..وتبتسم..
_________________
يتبع...​

​

​

 

[نووووفه]

في الساعه الرابعه عصرا
يتجهز خالد وابتسام للخروج من الفندق ويتسوقان من السوبر ماركت ليعودا للشقه
وحين وصولهما
تجلس ابتسام على الكنبه :خالد
خالد:يالبيه..
ابتسام:ابي اكلم امي(تقصد زوجة ابيها)ودي ترسل الخدامه حتى ترتب معاي..
خالد الذي تعود على منى:ماشوف في اغراض وااجد..مانبي الخدامه تخرب جونا
ابتسااام بدلع:تكفى ..فديتك ..ابي ادلع نفسي هاليومين وتضحك ضحكة خجوله
خالد:يالبييه الضحكه..لو تبين خدامة اهلي بعد مافي مانع..
بس على شرط؟
ابتسام تبتسم:ايش شرطك؟
خالد:ابيك تعيدين كلمة فديتك..حبيتها موووت منك..
ابتسام تخفض راسها بخجل:فديتك..
خالد يمسك راسه:يااااويل قلبي..اذووووب بالدلع انا..صووتك يعذذذب
ويجرها لاحظانه:فداااك الكوون ياقلبي..
ابتسام تغمض عينيها وتدخل بعالم اخر..
_________________
يتبع...
​

​