مواقف حسن التصرف <قصة خالد وزوجاته منى وابتسام رهييبة لاتفوتكم<للقراءة فقط>

[انا صرت دلوعة]

بسم الله الرحمن الرحيم

لعيوووون ضبوبة حبيبتي والبلقيسات الحلوات وانا

منكم حبيت اني احط القصة في موضوع

مستقل<<<مااقدر عالعربية

لاني اتعب وانا احوس بين الصفحات وعشان اي وحدة

ماتكسل انها تقرا الرسالة بعد اذنك حبيبتي ضباب

طبعا القصة من كتابة المبدعة ضباب نبدا على بركة الله

السلام عليكم
خالد
رجل شرقي

حينما اراد الزواج
طلب من امه البحث عن فتاة تكون اخلاق ودين وشدد على كلمة الدين
وكانت نتيجة البحت
منى
قريبته
معروفه باخلاقها وطيبتها وشطارتها في الامور المنزليه
وهي موظفه فوق لك
وقريبه من عمره
بعد الزواج

في اليوم الثالث للزواج
اراد خالد ان ياخذ زوجته لمشوار
فرحت منى كثيرا
كانت ترتدي تنوره جميله وقميص ضاغط جدا وميك اب جميل
خالد :يلا قلبي نبي نطلع مشوار
منى:ثواني بس اغير ملابسي
خالد باندهاش:ليه حبيبتي خليها عليك حلوه
منى:ماقدر خالد انا متعوده لاطلعت البس جلابيه عشان اخذ راحتي اكثر
خرج خالد من الغرفه
واخذت قميص بيت عادي ولبسته وورمت العبائه الكبيره الواسعه عليها
دخل خالد بعد فتره
ووجدها امامه بالعبائه الواسعه والنقاب الضيق وبالكاد يرى عينيها والقفازات تغطي يديها
اخذت حقيبه سوداء وشوز اسود
خالد :خلصتي
منى :ايه يلا عشان مانتاخر خبرك عزومة اختي الليله
خالد:اعتذري منها ودي نتعشى برى
منى :لاعيب مايصير لازم نروح
خالد:حبيبتي انتي كل يوم بتشوفيهم انا ابيك الليله لي لحالي
منى:لاتخاف انا خلاص صرت لك ولاسافرنا بنقابل وجوه بعض كل يوم هههههههه
خالد لم يضحك
__________________
خرجوا للمول الكبير

واحس خالد ان منى متضايقه
خالد:ليه حبيتي احسك متضايقه
ودك نطلع
منى:خالد ماحب المولات بس خلاص دامنا دخلنا خلنا نتمشى
خالد:طيب
لاحظت منى ان خالد يبصبص على البنات اللي لابسين عبائات ضيقه ومخصره
احسست بالغبن والقهر من الداخل
خالد مازالت عيونه ماتنزل عن البنات ومنى تتافف
خالد انتبه لنفسه بعد قتره
خالد:حبيبتي نبي نشوف لنا كوفي لاني تعبت من المشي
منى بنرفزه :طيب
كان هناك كوفي راقي وبه مكان خاص للعوائل

حينما دخلت منى المقهى وتاكدت من عدم وجود احد غيرهم
كشفت عن وجهها
وخلعت القفازات
خالد انصدم من وجهها فقد ازالت منى الميك اب كله
خالد في نفسه :والله الميك اب يسوي عمايل
خالد بصوت عالي:هاااه حبيتي وشرايك في المقهى
منى بعصبيه:حلو
خالد :اوف اوف ليه الحلو معصب علينا
منى :يعني تسوي روحك برئ
خالد :افا يذا العلم حسستيني اني مجرم
ليكون الكوفي ماعجبك ترى ابسط حقوقك نغيره عشانك
منى:خالد ليه ماخليت بنت ماناظرت فيها
خالد بدهشه مفتعله:انا؟مدام معاي القمر مالي ومال النجوم
منى لاتزال معصبه:لاتقوم تضحك علي انا مب بزر قدامك
خالد يضحك؛كل هذي غيره علي يابعد قلبي اعترفي انك تحبيني هههههههه
منى عصبت اكثر:بلا تريقه لو سمحت ترى هذا يسمونه قلت احترام
خالد:وشفيك منى ترى ماسويت شي انا ماشوف بالدنيا الا انتي وبس
منى تصد بوجهها عنه :صدقتك
خالد:منى ترى ماحب هالاسلوب
انا احبك وانتي عارفه هالشي
منى تقاطعه:اجل ليه عيونك يمين شمال يعني مامليت عينك ولا ايش؟
خالد :لاحوووول يابنت الحلال وشفيك لاتقلبيها نكد من اول مره
منى:لو ماغلطت ماقلنا شي
خالد يرفع صوته:منى اقصري الشر وخلينا ننبسط
خالد يهدي صوته:يلا حبيبتي اشربي قهوتك شكلها بردت هههههه
منى صمت فضيع
بعد شرب القهوه
تعكر المزاج
خالد:انا الليله باطلع عند صديقي نواف
منى:براحتك
___________________
في الليل
وفي غرفة النوم

خالد يتقرب من منى ويحاول يراضيها
ولكن منى لازالت مجروحه ومقهوره
خالد:خلاص ياقلبي ترى الدعوه ماتسوى
منى:انت جرحتني هذا وانا عروس تسوي كذا كيف لو صارلنا مده
خالد:يابنت الحلال ماناظرت لبنت ولا يحزنون بس ...
منى تقاطعه :خالد لاتكذب انا شفتك بعيوني وحتى اسولف عليك وانت موب يمي
خالد:اكذب!!!!
منى اقول نامي اريحلي واريحلك لاتكبر السالفه على غير سنع
واعطاها ظهره ونام
منى تذهب للحمام الله يعزكم وتبكي بكاء حارا
تفتح الباب فاذا خالد امامها
ضمها لصدره وسحبها للسرير:20:

--------------------
يتبع

 

[انا صرت دلوعة]

بعد السفر
يعود خالد ومنى لعملهم
وتبدأ حياتهم الطبيعيه
في اول اسبوع
كان خالد يشتري غداء جاهز له ولمنى
في احد الايام عاد خالد للبيت
واشترى الغداء كالعاده
حينما دخل البيت
شم رائحه طبخ
استغرب هو يعلم ان منى تعود قبله مع صديقتها
طلت منى من المطبخ وهي تضحك
منى:يلا خلودي بدل بسرعه
خالد:افا مافي بوسه عاد
منى:لالالا مسويتلك احلى كبسه من ايدي وريحتي كلها طبخ
خالد يقترب من المطبخ ومنى تصرخ لالالالاتدخل
يضحك خالد ويضم منى بقووه وهي تمسكه وترميه بعيدا بدفاشه
خالد:وشفيك ههههه
منى:خالد قلتلك ريحتي طبخ يلا بسرعه بدل وتعال
خالد:طيب حبيبتي ليه ماقلتيلي قبل
وهذا شسوي فيه
<واششر على الغداء الجاهز
منى:عادي احطه بالثلاجه لبكرى
خالد:منى من جدك انتي ..لا.. ارسليه للجيران
منى:وليه للجيران حنا اولى فيه
وبعدين خلاص لاعاد تشتري غدا جاهز انا اطبخ بالليل ونسخنه من بكرى ليه الخساير؟؟؟
خالد:لا يابعد قلبي ماحب الاكل البايت
احبه فريش
منى:يعني اشلون كل يوم بتجيب من برى
خالد:ايه عادي
منى:لاوالله مب عادي وانا وشحضرتي اجل
وبعدين ترى لو اطبخه بالليل واسخنه مابتحس بطعم البايت يصير كانه جديد
خالد بتعب:خلاص خلينا من هالنقاش اللي ماله داعي انا هلكااان وتعباان
منى بحزن:طيب قول يمال العافيه عالاقل
تشوفني مثلك راجعه تعبانه بس قلت اطبخلك
خالد:ياملا العافيتين وشتبين اكثر بعد
بس كان ودي قلتيلي قبل
بدال مانلطع قدام المطعم ساعه
منى بزعل:وخير يعني ترى كله ب20 ريال
خالد:ومن جاب طاري الفلوس
انا بس اق..
منى تقاطعه:خلاص روح بدل وتعال تراني بجد تعبانه وودي انام
خالد يقترب منها ويبوسها :فديت التعبان :msn-wink:

----------------
خالد يبدل ويلقى منى محضره السفره

خالد:الله الله ياعيني عالابداع
منى:ماشفت شي بعد
خالد:فديت حرمتي السنعه
ويبدآآآن بالاكل
لاحظ خالد ان منى ماتاكل
خالد؛منى وشفيك ياقلبي ليه ماتاكلي
منى:ماشوفك قلت حلو طبخك توقعتك تمدح وتعبر عالاقل
خالد:ماتشوفين لقمتي كبر راسي هههه يعني معناته طبخك عذاااب
منى:وانا ايش عرفني يمكن تاكل لانك جيعان او تجاملني بس
خالد:خلاص ياستي طبخك لذيذ وحلو ويجنن بعد وشرايك؟هههههه
استانستي ياقلبي
منى بزعل:كم مره اقولك لاتعاملني زي البزر
اقلها كلمه حلوه تحسسني بالراحه وترفع معنوياتي
خالد:يابنت الحلال خلينا ناكل ونتهنى باللقمه احسها لصقت بجوفي
منى تقوم من الغداء وتحضر كوب ماء
وتدخل لغرفتها وتبكي

يدخل خالد لغرفته ولما راته منى رمت الغطاء فوق رأسها
وغطت نفسها
خالد يسحب الغطاء بقووه ويرتمي عليها ويدغدغها ويقول :اجل تزعلين هاااه
منى تصرخ وتقذف به بعيدا وهو يمسكها ويحاول ملاعبتها
منى تغضب بشده وتخرج خارج الغرفه
وتصفق الباب بقوووه
خالد يغضب ويرتمي على فراشه وينام
__________
منى ترتمي على الاريكه وتعظظ شفاتها
وتتنفس عميقا وتبدا بالندم والحسره
منى في نفسها:ليه سويت كذا ااخ مني شكلي باطفش الرجال
اكيد الان القاه ينتظرني
تتسحب للغرفه وتفتح الباب بشويش وتسمع شخير خالد
وتهز راسها:مافي فايده منه:8:
_______________
تقرر في نفسها انها بتسويله حلا عشان تراضيه ويعوضه عن الغدا
ودخلت المطبخ مره اخرى
______________
يتبع...

 

[انا صرت دلوعة]

في نهاية الشهر الثالث من الزواج
كانت منى تنتظر الدوره الشهريه
مر يوم يومان ثلاث
ومنى تترقب بصمت
وفي اليوم الرابع ارادت ان تحسم الامر
*
دخلت المطبخ واعددت عصير لذيذ


كان خالد يتابع التي في
ولما راى العصير ابتسم وتذكر ان منى تحب المدح كثيرا
خالد:ياسلاااام ايش هالجماال
منى:عليك بالعافيه ياقلبي
خالد في نفسه:مروقه اليوم منو اكيد فيه ان
شربه خالد ولم يعجبه كثيرا
فهو لايحب الفراوله ومنى تعرف ذلك
منى:خالد
خالد:لبيه
منى :يالبى قلبك
خالد متعجب :ترى طعمه مرررره حلو و..
منى تقفز على خالد وتقبله
خالد :هههه وشفيك نطيتي علي تقول قطوه
منى:ابي اروح للمول
خالد:خير؟؟ وشالطاري عليك موب انتي ماتحبي المولات؟؟
منى :بصراحه ابي لي بلوزه جديده باكشخ فيها بكرى
خالد؛طيب الخميس ان شالله
منى :لاانا ابي اللحين
خالد:انا اقول ورى العصير كارثه هههه
منى تعصب:شوف انا مو مصلحجيه انا سويتلك العصير حتى تروق وبس
وبعدين انت فاضي لاشغل ولامشغله ماغير جالس على التي في وتقردع بهالعصير
خالد:لحوول بتذلينا على العصير يعني
منى:وانت بتذلنا على السوق
خالد:ولييييه من حرمه ياطول لسانك
منى:خالد لاتكثر الهرجه بتوديني السوق ولا لا؟؟؟
خالد عرف ان لو الجواب لا بتصير حرب وزعل وهواش ومشاكل
خالدبعصبيه:يلا روحي البسي عباتك
منى:طيب ثواني
___________________
اختارت منى مول معين لان به صيدليه
ولما دخلت المول
منى:خالد ابي اروح الحمام(تكرمون)
خالد:طيب انا انتظرك هنا
منى لارووح انت تمشى شكلي باطول وباعدل العبايه
ولا اقول روح لبودي شوب ترى مزيل العرق حقك خلص
احس خالد بالاحراج وكان منى تلمح لرائحته
خالد:اذا طلعتي عطيني رنه
منى:اوك
خالد في نفسه:غريبه منى اول ماخطي خطوه الا وهي معي
ذهب خالد الى المحل واشترى له ولمنى عدة اشياء

حينما رأت منى خالد ابتعد عن ناظريها
هرولت الى الصيدليه القريبه منهم
ودخلت المكان وهي مرتبكه ماذا تقول
فاجاها الصيدلي:مدام بدك شي ؟؟
منى:هاااه ايه اممم ابي ...
الصيدلي :آمرينا مدام شو بدك ؟؟ كريم للسيولاليت هلق واصل و..
قاطعته منى:ابي تحليل حمل:5:
الصيدلي:اي نوع بدك ؟
منى :اي نوع بس بسرعه بليز
الصيدلي ياخذ اغلى نوع ويعطيه منى :هاي احسن نوع ومضمون
بس الافضل تستعمليه عالصبح
منى تهز راسها موافقه
يحاسبها الصيدلي وتخطف الكيس بسرعه وتجري للتواليت تكرمون كي لايكشفها خالد
تدخل احدى الحمامات وتخرج الجهاز الصغير وتدخله في حقيبتها
وتعطي رنه لخالد

--------------------------
لم تستطع منى النوم تلك الليله
وهي تنتظر الصباح
ولما جائت الساعه الثالثه
حسمت امرها
وقامت من السرير وهي تمشي بحذر تاكدت من نوم خالد
واخرجت الجهاز بهدوء
وجرت الى الحمام اعزكم الله
بدات تقرأ التعليمات عشرين مرره

ولما انتهت انتظرت النتيجه
قلبها يدق بعنف
جسدها يرتجف
يديها ترتعش وهي تمسك بالجهاز
عيونها ملئى بالدموع
تنتظر
وكانت النتيجه

حاااااااااامل
شهقت من الصدمه
لم تصدق انها حاامل
صحيح هي لم تاخذ موانع ولكن 3 اشهر قليله جدا
ومع ذلك كانت فرحتها كبيره لاتوصف
اخذت تبكي كثيرا وهي غير مصدقه
اخذت نفسا عميقا وخرجت بعد ان خبأت الجهاز
*
عادت للسرير وهي تفكر بطفلها القادم
كيف يكون

هي تريده ولد حتى تتسمى باسمه
ويكون فرحة ابيه
تريده ابيض ومربرب وجميل وصحي
ومضت بالتخيلات الجميله
والتي تقهمها كل ام مرت بهذه اللحظه الجميله
(يارب ان ترزق كل محرومه بطفل صحي وجميل)
*
التفتت منى الى خالد النائم بكل برائه
وقالت في نفسها:وصرت اب ياخلودي
وبكرى راح اصدمك بهالخبر واشوف وشبتسوي
خلاص ودع النووم ياحلو :10:
_________________
يتبع...

 

[انا صرت دلوعة]

حينما استيقظ خالد من النوم
استعد للذهاب للعمل
منى استيقظت قبله كالعاده واعدت افطارا شهيا

خالد:الله الله الريحه واصله لغرفة النوم
منى:من كبر البيت يعني الا هي خطوتين وانت بغرفة النوم
خالد:يمي يمي اليوم مبدعه وشالمناسبه ليكون يوم ميلادي هههههه
لاحظ خالد ان منى لازالت باليجاما
خالد:منى ترى بتتاخرين بسرعه غيري ملابسك
منى جلست علكنبه وشغلت التي في
خالد:اخس يالحركات يعني مب رايحه
منى:لا اليوم معطيه نفسي اجازه
خالد يقظم الساندويش ويشرب القهوه على عجل
منى:وشفيك ماتسالني ليه افرض اني تعبانه او مريضه
خالد:مافيك الا العافيه ليه تتفاولي على نفسك
منى بعصبيه :طيب انت برايك ليه جالسه!!!
خالد:انتي ادرى بنفسك وبعملك انتي موبزر اسئلك ليه وماليه؟
منى :طيب طيب بسرعه لاتتاخر
خالد:شكلي والله باتاخر والسبه اجازتك المفاجئه ههههههه
طبع على خدها قبله سريعه وخرج
منى تجري للهاتف وتتصل بصديقتها احلام
منى:هلا حلومه شلونك
احلام :هلا منو خير عسى ماشر؟
منى:الخير بوجهك لاتمريني اليوم ترى مابروح وياك
احلام :يؤيؤيؤ وليه ؟ليكون تعبانه او شي
منى:اممم اسمعيني انا شاكه اني حامل
احلام :ماشاءالله تبارك الله بس متاكده ولا شاكه
منى:شبه متاكده بس لاحد يدري
ظلت منى واحلام 10 دقائق على الهاتف ومنى تستمد من خبرة احلام عن كيفية اخبار الزوج بالحمل

-------------------------
في الظهيره عاد خالد
ومر اليوم ومنى تترقب الليله لتزف له الخبر
حينما استيقظ خالد وصلى العصر
اعدت منى له شاي العصريه

منى تفاجأ خالد بسؤالها:عندك شي الليله؟
خالد:بسم الله علينا خليني اشرب الشاهي اول!!
منى:طيب لاتاكلنا ماقلنا شي ترى
خالد:ليه السؤال ودك بحاجه ولا غرض
منى:لاسؤال بس
منى يبين عليها الارتباك
خالد:وشفيك احسك مو على بعضك
منى:ولاشي
يرن جوال خالد صاحبه نواف
خالد:خير ماعندك ذوق تدق هالحزه؟
نواف:اقول تلايط بس
خالد:وشعندك؟
نواف:فاضي انت ولا عندك شي
خالد:لا ابد اتفضالك لوكنت مشغول ياحبيبي
نواف:ههههه احبك مووت
خالد:مسرع مادخلت بالمود اخلص وشتبي ياوجه ال......
نواف:على ..... شوف ابيك توصلني للمغسله باغسل سيارتي واخليها عندهم
واطلع انا وياك نتمشى لما تخلص
خالد:طيب متى تبي ؟
نواف:انا عند الحلاق اذا خلصت اكلمك
__________________
منى:ماشالله اتفضالك ياحبيبي
ايش بالله هالكلام
يعني لو قايلتلك ابي اطلع كليتني
بقشوري وقلت مشغول ومو فاضي
خالد:نواف ياما ساعدني وماقصر
منى:اسمحلي اقولك لازم شوي تسويلهم حدود حتى مايتمادون عليك لانك طيب قلب
خالد يقف وهو متنرفز
ويروح لغرفة نومه ويبدل ملابسه
منى تلحقه:خالد متى بتجي
خالد:اشوف على حسب
منى :لاتتاخر على العشا
خالد:لاتنتظريني يمكن اتعشى مع نواف
منى بعصبيه :ياليل هالنواف بتعشيه بعد
خالد يغمز بعينه ويقول:هو اللي يعشيني
منى:ماظنتي هم بس شاطرين يسحبون فلوسك
خالد بعصبيه:خلاص يابنت الحلال باتعشى عندك
منى تبتسم:تسلملي باسويلك مكرونه بالبشاميل اللي يحبها قلبك
خالد:مسويتلي اغراء يعني..المهم تبين شي
منى:ايه لاتتاخر
خرج خالد
_______________
منى تدخل المطبخ وتبدا بتحضير الحلويات والمكرونه
ولما انتهت من التحضيرات الاوليه
جهزت مبخرتين للصاله وغرفة النوم

وبدت تتجهز لليله
_______________
يتبع​

 

[انا صرت دلوعة]

منى تترقب الوقت
وقلبها يدق
الليله ستكون غير
ليلة في العمر
كانت خائفه اكثرمن ليلة الدخله
خالد لم يفاتحها خلال الاشهر الماضيه بسالفة الحمل ابدا
وهي لاتعرف هل سيتقبل الخبر ام يتمنى لو تريثا قليلا
منى عمرها 25 وهي تريد الانجاب قبل ال30
وخالد يكبرها بسنتين فقط
الوقت يمر بطئ

ومنى تنتظر
الساعه السابعه ولم يحضر خالد
يتعكر مزاج منى
تعود لتشعل البخور
وتسخن الطعام
اقتربت الساعه للثامنه وخالد لم ياتي
لم تحتمل رفعت الهاتف واتصلت على خالد
خالدبصوت خشن وهادئ:الو
منى تصرخ:وينك انت
خالد:اكلمك بعدين
طووووووط
منى ارتفع الضغط لديها وبدات تصرخ بأعلى صوتها
انا الغبيه انا ال.....
اللي احمل من هالتافه
وبدات بالبكااء
رن الهاتف

منى تترك الهاتف يرن ويرن
حتى يتوقف
خالد يياس ويتصل على الجوال
يرن جوال منى
ومنى تعاند اكثر واكثر
خالد يرسل مسج
منى تفتح المسج فاذا به كلمه واحده (ردي علي)
يرن الهاتف وترفع منى السماعه
خالد:الو منو وشفيك ماتردين صاير شي
منى:لاياشيخ تسكر الجوال بوجهي وماصار شي
خالد:ماقدرت اكلمك نواف كان جنبي وانتي تصارخين
منى:يحقلي لو اذبحك بعد
خالد:ياساتر ليه ؟
منى بنفاذ صبر:بتجي ولا لا؟
خالد:انا بالطريق جاي
________________
منى تعيد ترتيب المكان
وتصر على ان تخبره الليله
خالد يفتح الباب
وتستقبله منى بوجه عابس:30:
خالد يقترب من منى ويطبع قبله على خدها ويقول:ادري تاخرت عليك سامحيني بس المغسله اليوم زحمه واضطرينا ننتظر
يلا يلا بسرعه حطي العشا تراااي جيعااان بالحييييل
منى:اصلا انت ماهمك الا بطنك
خالد:ايه اهم شي عندي اني اشبع من الشي الطيب ويغمزلها بعينه:msn-wink:
منى تحاول الابتسام في سبيل انجاح الليله
اعدت السفره
وقدمت لخالد طبق من المكرونه


خالد:تصدقين يامنو اليوم تقولين امس امطار ‘اليوم المغسله زحمه مررره
منى:ناس اغبياء لو يغسلون سياراتهم بالبيت اصرف لهم
خالديكمل الموضوع دون الالتفات لتعقيب منى :كان ورانا باكستاني يانه مصخره و..........................
خالد يسولف ومنى بعالم ثاني تفكر متى تبدأ بالمفاجأه
قطع خالد حبل افكارها:منو
منى تنتبه لخالد:هلا
خالد:وشفيك مفهيه!!!!!!
منى حسمت الامر:خالد
خالد:عيونه
منى:تسلم عيونك امممم تدري ان المال والبنون نعمة الحياة الدنيا
خالد:ههههههه وحنا عندنا المال ويبقى العيال يلا منو شدي حيلك وجيبلنا طفل يملى حياتنا فرحه
فرحت منى اشد الفرح:يعني ودك تصير اب
خالد:اكيد منو مين ماوده يصير اب ويسمونه ابو فلان
منو تقف وتجري لغرفة النوم وتنادي خالد بصوت عالي:خااااالد تعااال ابيك
خالد يخطو للغرفه
ويدخل فاذا المفرش غير والشمووع مشتعله والرائحه جميله

وبطاقه مكتوب عليها
مبروووك انت الان اب في هذه اللحظه
امسك خالد الورقه
ومنى تترقب وقلبها يدق بعنف
التفت خالد لمنى وقال:مافهمت
منى ترتمي باحظان خالد :خلودي خلاص صرت اب
خالد يبعد منى ويقول:شلون يعني
منى تعطيه تحليل الحمل
خالد الذي بدون خبره يمسكه ويتامل فيه:وشو هذا ؟
منى بنفاذ صبر:هذا تحليل حمل يثبت اني حامل وباصير ام :39:
خالد يرمي الجهاز وسط ذهول منى :33:
خالد:ماعليك من هالخرابيط المستشفى هو اللي يأكد لنا اذا في حمل او لا
منى تكتم الدمعه وتحاول الابتسام :بس هذا مضمون ونفس تحليل المستشفى
خالد:المستشفى اضمن
ثم يبتسم ويضم منى لصدره ويقول :معقوله ممكن اصير اب والله كبرنا :tongue:
منى تتحسر في نفسها وتلعن احلام في داخلها وهي تتذكر كلامها حين قالت لاتستغربي ان يسقط طفلك من فرحة زوجك لانه سيكون مجنون لحظتها
تتذكر وتتحسر على موقف زوجها البارد من الموضوع:8:

------------------------
يتبع...

 

[انا صرت دلوعة]

في بداية الشهر الثاني من الحمل
منى تحس ببوادر غثيان واستفراغ
وفي يوم عادت من الدوام متعبه
دخلت المطبخ لكي تعد الغداء
وحالما اشتمت رائحة الارز لم تحتمل
واستفرغت ثم غسلت وجهها بالماء
وتلثمت بشيلتها وتابعت عملها
خالد وصل فاذا منى قد اعدت السفره
بدا بالاكل ومنى تدخل المطبخ وتخرج وتدخل غرفة النوم وتخرج
خالد:تعالي منو تغدي وشفيك رايحه جايه
منى:مالي نفس اتغدى لايعه كبدي
خالد:ليه وشفيك؟عسى ماشر!!!
منى:يعني ماتعرف ان الوحده لماتتوحم تكره بعض الاشياء
خالد:اعرفها تشتهي اشياء غريبه صح:c028:
منى:لسه ماجتني هالحاله للحين
خالد يمزح:ياخوفي تتوحمين علي وماتصبرين عن ريحتي واتورط فيك:c007:
منى بعصبيه:الخوف اني اتوحم على ريحتك وماطيقها:30:
خالد:طيب تعالي كلي لك لقمتين خلي ولدنا يشبع
منى تغصب نفسها وتاكل القليل من الغداء
_________________________
وفي غرفة النوم
يستلقيان للقيلوله
وحالما تضع راسها منى تحس بانها ستستفرغ
وتجري للحمام(اعزكم الله)
وتستفرغ بقووه
وتخرج وهي داايخه
خالد يطل راسه من الغطاء ويقول:خلصتي
منى:وش شايف يعني؟
خالد:احسن ارتحتي الان يلا تعالي نامي
منى:بس هذا اللي همك
خالد:وشفيك
منى:قول علااقل سلامات ماتشوفي شر
خالد:بلا دلع تعالي بس
منى بغضب:انت انسان ناشف جامد حجر والله لو اشوفك بهالوضع غير قلبي يتقطع
خالد:لحووول ترى مو فاضي لسوالفك السامجه تعبان وابي انام
وترى كل الحريم جاهم ماجاك
يلا تعالي ارتاحي وتسدحي
منى ترتمي على السرير بقووه
خالد:شوي شوي يالخبله
منى:يعنني هميتك
خالد:انتي لا... اهم شي ولدنا هههههه
ويشد منى لاحظانه ويقبلها وهنا منى لاتحتمل وتبكي بشده
خالد يبتسم:وشفيك بابنت الحلال امزح ترى
منى لاتزال تبكي
خالد يمسح دموع منى ويقبل عينيها :يلا يادلوعتي نامي تراك تعبانه
ثم يقلب ظهره وينام
______________
يتبع...

 

[انا صرت دلوعة]

في الشهر الخامس
وفي صباح يوم خميس
منى تتصفح الانترنت
على ازياء الحوامل
[




تقرر منى انه آن الاوان لكي تتمتع بحملها وترتدي ملابس خاصه
بما ان الوحام انتهى وانها قبل يومين فقط استلمت راتبها واليوم اجازه
*
كانت الساعه تشير للعاشره والنصف
وخالد لايزال يغط بالنوم
لم تحتمل اكثر من ذلك
تتوجه لغرفة النوم وتصرخ :خاااااالد قوووووم يلااااا
وتهزه بعنف
خالد يفتح عينيه ويتثاوب بكسل وبصوت ثقيل:كم الساعه؟
منى بزعل:الساعه 11 وانت نايم حسافة الاجازه راحت وحضرتك نايم
خالد يهز راسه ويقوم من السرير :ليه ماقومتيني
منى بعصبيه:تقطع لساني وتشرخ حلقي وانا اصحيك وانت تقول ميت
خالد :جهزي الفطور
منى:الفطور من الساعه 8 جاهز و50 مره اصخنه
يدخل خالد الحمام(تكرمون)
ومنى تعيد اعداد الفطور
*
يدخل الصاله خالد ويشغل التي في ويبدا بالافطار
منى كانت بغرفة النوم تجهز عبائتها
خرجت من الغرفه وتوجهت نحو خالد ووقفت عند راسه
منى:خالد اذا خلصت ابي اروح السوق
خالد:يالله صباح خير
منى:تدري اني استلمت راتبي وابي اشتريلي كم غرض
(منى في بداية زواجها اعتمدت على مصروفها في شراء حاجاتها الشخصيه )
خالد يصمت
منى :اليوم اجازه وبصراحه لازمني ملابس حمل بطني بدا يكبر وضاقت تنانيري وجنزاتي علي
خالد :خليها بكرى بعد صلاة الجمعه
منى:لابكرى باسير على اهلي
خالد:ماشالله خططتي ودبرتي وانا اخر من يعلم
منى بعصبيه:خالد انا ماطلبت منك شي ابيك بس تقطني بالسوق
فيها شي هذي:30:
خالد بغضب :كثر بربرتك روحي البسي عباتك
_________________
في السياره
خالد:اي سوق تبين
منى:اي واحد بس بسرعه قبل يسكرون
خالد:امشي على عماي يعني خلصينا اي واحد
منى:طيب وشفيك منرفز كلما قلتلك ابي السوق هبيت بوجههي
خالد:مو انتم مايهنالكم الا تعكرون المزاج بالويك اند
منى:وشقلت ياربي ابي سوق ابي ملابس حالي حال اي وحده حامل كفرت يعني:30:
خالد صمت

--------------------
تدخل منى السوق وهي معصبه
_____________
خالد في هذه الاثناء يفرفر بالشارع
يرن جوال خالد رقم غريب
خالد:الو
صوت ناعم ورقيق:الو
قلب خالد يخفق بقووه
خالد:منو معاي
الصوت الناعم:بغيت ام شوق لو سمحت
خالد:هذا مو رقم ام شوق
الصوت الناعم بضحكه طفوليه:ههه اسفه يمكن غلطت بالرقم كالعاده
خالد:طيب حصل خير
الصوت الناعم:اوكي مع السلامه واسمحلي عالازعاج
خالد ينعم صوته:ابد مامن ازعاج ومع السلامه
الصوت الناعم بنعومه اكثر:بااااي
ويقفل الخط
اجتاح خالد شعور غريب
واحس بنفسه معررق ويرجف
اثر به الصوت ايما تاثير
شغل مسجل السياره على اخر صوت وانسجم مع الاغنيه
بدا يتخيل شكل صاحبة الصوت
انثى ناعمه رقيقه طفوليه

لم يمسح الرقم بل ابقاه في جهازه وهو لايعلم لماذا يفعل ذلك
ربما شعور بالامان
بعد فتره رن جواله
كانت منى
خالد:هلا
منى تصرخ:وينك انت المحلات سكرت بسرعه تعال
خالد:طيب
_________________
تركب منى السياره وهي محمله بالاغراض
وتتحلطم
خالد:ماشالله ماخليتي شي
منى:كله منك قمت اشتري اي شي اخاف يسكرون علينا
لو صاحي بدري كان شريت برواق وعلى مهلي
_______________________
في البيت
تعرض منى ماشترته عى خالد
خالد:حلو اختيارك يلا البسيهم ابي اشوفههم عليك
منى:بعدين الاحين دااايخه وتعبانه
خالد:مداك تتعبين
منى :اكيد باتعب تحسبني مثل اول
خالد:ابيك تكشخين بلوردي عشان نبي نزور اهلي
منى:الخميس اللي فات وحنا عندهم
حلاوه يعني كل خميس وحنا طابين عليهم
خالد:اختي منيره مسيره عليهم
(منيره اخت خالد الكبيره تسكن بمدينه اخرى )
منى:وخير ياطير اول مره تسير يعني
خالد:وشفيك انتي ماتفهمين اقولك منيره تقولي وخير ياطير
بالله من متى شايفتها انتي؟
منى:تو مامدى ملامحها تغيب عن بالي
خالدبعصبيه :احترمي نفسك والزمي حدودك الا هلي
فهمتي ولا لا؟
والليله بنسير عليهم غصبن عنك
وتوجه نحو الباب وقال:انا باروح اجيب غدا
منى بصوت عالي:لاتحسب حسابي:30:
خالد يخرج
منى تبكي وترى الملابس المكومه امامها
وتاخذ الوردي لتقيسه


__________________
يتبع...​

 

[انا صرت دلوعة]

في بيت عائلة خالد
كانت العائله مجتمعه بمناسبة وصول منيره اخت خالد

كان خالد يعز منيره جدا فهي اخته الكبرى
توجه الرجال للمجلس بينما جلست النساء بالصاله
منيره تحاكي منى:وشفيك يامنى مستعجله على ملابس الحمل ههههههههه
منى:ملابسي ضاقت علي واشتريت اليوم ملابس للحمل
منيره:بس بطنك مرره صغيره
منى بتهكم:احسن عشان ماسمن بعد الولاده وتنظر بنص عين لمنيره السمينه قليلا
تتدخل سعاد اخت خالد الصغرى:اقول منى للان ماشيكتي اذا ولد او بنت
نوره الاخت الصغرى لخالد:يارب بنووته عشان ادلعها مليت من الشياطين اللي عندنا (وتقصد ناصر وحمد اخوان خالد الصغار)
منى:والله يانوره انا خاطري بشيطون صعنون
ام خالد:اللي يجي من الله حياه الله
كلهم حلوين اهم شي يجي بخير
منيره : وراك نحفانه ووجهك مسمر يقول خالد انك ماتتغذي زين
منى في نفسها :حتى هذي قلتها
وبصوت عالي: انا وحامي صعب والحمدلله هاليومين بدت نفسي تنفتح
ام خالد:ايه يابنيتي تغذي زين ترى الحامل تاكل عن اثنين
منى:ياخالتي ترى المعلومه هذي غلط
الطفل ياخذ حاجاته الاساسيه من الام
منيره:البلا لاصارت الام نحيفه وماتتغذى يجي ولدها نحيف وتعبان
منى:حتى لو سمينه وماتكل اكل صحي بيجي تعبان ونحيف
سعاد:على كذا بيجي ولدنا نتيفه
منى:الحمدلله انا اكل الفيتامينات والحديد وباديه اكل سلطات وفواكه
والثلاجه مليانه منها
منيره:خالد فديته مايقصر من صغره وهو كريم
ام خالد:اشربي حليب ولبن تراهم مفيد يابنيتي
نوره:ايه عشان لو بنت تطلع بيضا مثلي هههههههه
يضحك الجميع
ومنى تتاكل في نفسها من العصبيه
_____________________
في السياره وفي طريق العوده
خالد:عساك انبسطتي
منى بتهكم:بالحييل
خالد:ضحككم واصل للمجلس
منى:امحق ضحك اضحك والقلب مجروح
خالد:وراك؟
منى:منيره الله يهديها بس تغالطني وتقط نغزات من اول ماجلسنا
وحتى نوره النتفه تقول ابي بنت وشدخلهم بعد ولدي ولا ولدهم
خالد:ايه والله متى نعرف اذا بنت او ولد
منى:بالشهر السادس
خالد:تصدقين وودي ببنت بس العيال عز
منى:بصراحه وودي بولد عشان تصير ابو فلان وتكسر عين كل عدو
خالد:الولد والبنت كلهم واحد
اهم شي يجون وهم بصحه وسلامه
منى بنرفزه:ترى ادوشتونا تقول اني عايشه على المغذي
اففف ماصارت سالفه
خالد:وشفيك هبيتي فيني؟
منى:من جلست لما طلعت وماغير سالفتهم بطني ووجهي
وانت ماقصرت نشرة الاخبار على طول تمدهم بالاخبار المباشره
عني
خالد:استغفر الله بس
خالد يغير وجهة الحوار ويقول:منونتي
منى :خير؟
خالد:الخير بوجهك الحلو
وشرايك لو جاتنا بنوته نسميها شوق
منى تعدل جلستها:خير وشالطاري على اسم شوق
خالد يرتبك:اليوم نسولف بالمجلس وعبدالله زوج منيره يقول ان خويه جاتهم بنت سماها شوق
(طبعا السالفه كذب في كذب بس يبي يرقع لنفسه)
منى:اها ..امم بصراحه اسم شوق مش بطال بس اكيد فيه احلا منه
خالد:المهم نحطه في اللسته
منى:اشوفه عاجبك بالحيل
خالد:بصراحه اي عجبني تحسين وانتي تنطقينه بلذه وعذوبه
كانه لحن ونغمه من قصيده
شــــــــوقـــ
وبعدين شوفي تركيبه مع اسمي مرره حلو
شوق خالد
منى:الله الله مداك تخليه قصيده ولحن مابقى الا تغني بعد
خالد:هههههههه وشو اغنيي الله يرج ابليسك
منى ينغزها قلبها
وتحس باحساس غريب ومؤلم
بان اسم شوق خلفه حكايه
وتدعو الله من اعماق قلبها ان تتحقق امنيتها بانجاب ولد

--------------------------
يتبع..

 

[انا صرت دلوعة]

تمر الاشهر سريعا
ومنى يكبر بطنها ويتكور
هي الان بالشهر السابع
وتحققت امنيتها بالولد
___________
في الصاله خالد ومنى يتفرجون على التي في
تبدا اغنيه والمغنيه كانت جديده وجميله جدا
خالد يبحلق عيونه في المغنيه وهي ترقص وتتمايل بعذوبه
منى تنظر لوجه زوجها وتصرخ:عيونك لاتطلع
خالدينظر لمنى ويكمل ليتابع الاغنيه
منى تتافف:ترى لايغرونك كلهم سيليكون وبوتوكس وتنفيخ
لو اسوي مثلهم كان ماعرفتني
خالد يتابع بصمت
لم تستطع منى الجلوس اكثر من القهر
قامت تتسند وكرشتها امامها
وذهبت لغرفة النوم ونظرت لنفسها بالمرأه
وجه مسمر ومتعب
كرش كبيره
جلد جاف
شعر مرفوع لاعلى دون مشط
_____________
لم تحتمل منظرها
وفورا فتحت الدولاب وتخطف لانجري جميل ومغري وناعم

وتدخل لاستحمام
بعد الشور تتجمل بمكياج بسيط وتستشور شعرها
وتتعطر بالعطر الذي يحبه خالد

_____________
تخرج لخالد
خالد يفرك عيونه:من القمر اللي قدامي
برقمها قبل تجي منو هههههههه
منى تاخذ خداديه وتضرب خالد على كتفه
خالد:تعالي عندي
منو بدلع:لا باجهز العشا
خالد:انا خلاص شبعت
مابي عشا
ويقوم من مكانه ويمسك منى ويشم رقبتها
منى تبعده بيديها وهو يتمسك بها اكثر
ويسحبها لغرفة النوم
منى تتفلت منه ونصرخ:مامدانا نتهنى بالاستشوار والميك اب خلنا شويه
خالد:احد يشوف هالجمال ويتحمل
ويشدها مع ذراعها
منى تفلت منه وتصرخ:خالد خلك رومنسي ترى لازم تتغزل فيني مو كذا خبط لزق
خالد يغمز عينه :msn-wink::ابشري بالغزل والدلع هناك ويأشر على غرفة النوم
منى:ياربي متى تتعلمون الرومنسيه انتم اف
خالد بزعل:خلاص بلاش منها
ويدخل لغرفة النوم ويلبس الشماغ وسط ذهول منى
منى:وعلى وين ان شالله
خالد:ابطلع شوي اتمشى
ومى:اللحين لي ساعه احورف بعمري واخر شي تطلع
خالد:انتي اللي عكرتي المزاج
منى:والعشا
خالد:تعشي انتي
وخرج
منى لم تتحمل الوضع تدخل لغرفة نومها وهي غاضبه
وتلعن وتشتم:الله ياخذ الرجال واللي تركض وراهم
تمسح الميك اب وترتمي على السرير تبكي بحرقه
________________
في السياره
خالد يشغل المسجل ويسمع لاغنيه
يمسك الجوال وهو يرتجف
لايعرف ماذا دهاه
يفتح الرقم الذي خزنه باسم صديق له
ويتذكر ذلك الصوت الرقيق الناعم والضحكه الطفوليه
ويتذكر منى بكرشتها وصراخها
ويقول في نفسه:كله منك يامنى انتي اللي وصلتيني للهالمواصيل
ويتصل على الرقم
يرن ويرن ويرن ولا احد يرد
يقفل الجوال ويستغفر ويحوقل
خالد كان له بعض السوالف وهو شاب ولكنه عزم على التوبه حالما يتزوج
بعد 5 دقائق يرن الجوال
خالد قلبه يدق ويده ترتجف
ويضغط زر الفتح
يسمع ذلك الصوت الناعم :الو ..
خالد بصوت مرتبك:هلا
الصوت الناعم:بغيت شي...
خالدبارتباك اشد :صوتك حلو
الصوت الناعم وبضحكة طفوليه:هههههآي تكلمني عشان تقول صوتك حلو
خالد:مدري من يوم سمعت صوتك وانا اسير الصوت
الصوت الناعم بدلع:عارفه ان صوتي عذاااب بس انت تعرفني؟
خالد:بصراحه ماعرفك بس اعتبريني اعرفك
الصوت الناعم :من وين جبت رقمي؟
خالد:انتي اللي كلمتيني تساليني عن ام شوق
وجذبني صوتك وضحكتك الحلوه
الصوت الناعم تضحك:هههههاااااي عرفتك
خالد:ياويل قلبي على الضحكه اللي جننتني
الصوت الناعم بدلع :حتى انت صوتك رجولي ودافي
خالد :يعني عجبك صوتي
الصوت الناعم :مرررررره
خالد:ااااه عليك
الصوت الناعم :انا مشغوله الان انت بغيت شي لما دقيت علي
خالد:اذا تسمحين اكلمك مره ثانيه
الصوت الناعم بدلع:لالالالا مافي..
خالد:تكفين بس مكالمات مابي شي ابد
الصوت الناعم :تيب افكر
وتفقل السماعه
____________________
خالد دخل جو ثاني وعالم اخر
عالم الخيانه
ومنى لازالت تبكي....
______________
يتبع...

 

[انا صرت دلوعة]

في شهرها الثامن
منى تبدأ بتجهيز اغراض البيبي
كل يومين تذهب للسوق وتجهز

منى كانت مشغوله جدا
واهملت خالد جدا خلال هذه الفتره
خالد كان ينتظر الاتصال الموعود
في احدى الليالي
منى وهي ترتب حقيبة الولاده

خالد كان بجانبها وهو يضحك
تلتفت منى له:عسى ماشر وشفيك تضحك
خالد:كل هالشناط حشا بتسافرين انتي ههههههههه
منى:وشعرفك انت بهالسوالف
خالد يجلس على الارض بجانب منى
خالد:بالله وشفيها الشناط علميني
منى:ابد تمووت بسوالف الحريم
خالد:طيب قولي
منى:مفرش للسرير..
يقاطعها خالد:وشو مفرش ؟؟ويضحك هههههههه
منى تنظر لخالد بعتب وتهز راسها
خالد:فهميني طيب خذيني على قد عقلي
منى:ليه بزر انت
خالد بزعل:وشفيكي انتي الا تقلبين السالفه نكد اففف
ويقوم ويخرج للصاله
يخرج الجوال وينظر للقائمه
خالد في نفسه:وشفيها البنت طولت شكلها كانت تصرفني
خليني ادز لها مسج واشوف ردة فعلها
ولما كتب المسج:
وينك..؟
ياطيف مر مثل الخيال
ياصوت عذبني وشقاني
يارب تحفظ هالجمال
ياخوف قلبي نساني
*
تدخل منى في تلك الحظه
ويسقط الجوال من يد خالد
منى تشك وتحاول ان تخطف الجوال
خالد يقفز ويمسك به
منى تنظر لخالد بريبه
خالد بصوت يرتجف :وشفيك تناظريني كذا؟
منى:انا اللي وشفيني ولا انت؟؟
خالد يصرف منى:اقول خلصتي شناط السفر اقصد الولاده ولا باقي
منى لازالت تنظر لخالد بشك:ايه خلصت
تجري فجاه وتخطف الجوال من يد خالد
خالد يرتمي عليها وياخذ الجوال منها
ويصرخ بصوت عالي دون مبرر:اسمعيني يامنى قسما بالله تسوين هالحركات هذي مره ثانيه افقع وجهك
ياخذ مفاتيح سيارته ويخرج من البيت
منى تصمت وعيونها ملئى بالدموع
*
بدات رحلة الشك والغيره
*
في السياره يعود خالد لجواله
ويفتح المسودات ويرى المسج محفوظ
يرسله لصاحبة الصوت الناعم
ينتظر وينتظر
لايعرف كيف فعل ذلك ولماذا ولايدري مصير هذه العلاقه الغريبه ولا العواقب المترتبه عليها
كل مايعرفه انه محتاج لمتنفس بعيد عن منى الغضوب
______________
بعد ساعه
رن الجوال وقفل
خالد بخفق قلبه
هو يعرف حركات البنات ان المكالمه عليه
خالد يتصل بالرقم
الصوت الناعم:هلا
خالد:اهلييين
الصوت الناعم:منو انت..؟
خالد:افا نسيتي ..ولعتي قلبي وتركتيني
الصوت الناعم :اه هذا انت هههههههههاي
خالد:لاتتعبيني بهالضحكه الدمار
الصوت الناعم بدلع :اوكي ماراح اضحك
خالد:لاتكفين اضحكي وعذبيني حتى عذابك يجنن
الصوت الناعم :هههههاي ماعرفنالك
خالد:لو سالتك ياقلبي تجاوبيني
الصوت الناعم:اوكي اسئل
خالد:وشسمك..؟
الصوت الناعم بدلع :ترى اقدر اكذب عليك واقولك اي اسم ههههه
خالد:افا موب واثقه فيني
الصوت الناعم:انت شسمك
خالد:خالد
الصوت الناعم:عاشت الاسامي بس جد اسمك خالد
خالد:وربي اسمي خالد
الصوت الناعم:الله احب اسم خالد
خالد:تسلمين ..طيب وانتي؟
الصوت الناعم:اسمي دلال
خالد:الله الله على الاسم الدلع اللي بجد لايق عليك
دلال:كلك ذوق..اقول خلودي اكلمك بعدين
خالد:وين تونا انا ماحمدت ربي اكلمك
دلال :معليه وقت ثاني ....باااي
وتقفل الخط
خالد يعلم ان شاكلتها قد تكلم 5 دون ان يطرف لها جفن
ولكن لم يهتم فهو لم يرد الا عاطفه وحنان

-------------------------
يتبع..

 

[انا صرت دلوعة]

في مكان عمل منى
تجتمع صديقاتها
احلام:هاه منو جهزتي اغراضك
منى:الحمدلله كل شي تمام
هدى العانس:الحمدلله الي ماعرست
تضحك منى :ودك بس مايحصلك هههههههه
هدى:والله اللي يشوف كرشتك يعيف الرجال وطاريهم
منى تمسك بطنها وتقول:وربي تعبت منها ماعاد اقدر اتحمل شهر بعد
احلام:ياشيخه انتظرتي كثير ..يلا هانت..على فكره انتي لاتتخبلين وتكثرين من الحوسه لاتنسين ان في هدايا:22:
منى:ماراح اعتمد على الهدايا اهم شي اجهز لولدي كل شي
عشان ماندم بعدين
هدى بمزح:اقول منى مالقى عندك طقم طفل حلو هديه للعنود خبرك توها والده وحنا طفرنا منكم كل يومين وحده والده :31:
منى:هههههههه قرقشي دراهمك بكرى لما تعرسين الله يعيينا عليك هدى:مايبيلها كلام.. حتى فستان العرس عليكم:10:
اجل كل هالسنين اكد عليكم عالفاضي ههههههههه
احلام :اجل رحمنا ربي يوم ماعرستي :31:
منى تشطح بخيالها قليلا بخالد وتتذكر كم هو متغير عليها
احلام تنتبه لمنى:منو وشفيك سرحتي ؟
منى:لا ابد ولاشي
هدى:تلقينها تفكر بالفلوس خبرك بخيله هالبنت جلده:10:
منى تضحك ببرود
وتقوم من الجلسه وتتصل بخالد
لديه انتظار...
تمسك قلبها وتفكر:ياترى انتظار مع من...؟
________________
خالد في هذه الاثناء كان بعالم ثاني مع دلال
خالد:دلو
دلال:عيونها
خالد:يالبى عيونك وكلك
دلو :اااااه
خالد:سلامتك من الاه ياقلبي...احبك
دلال:احيييه لاتقولي احبك
خالد:ليه ياعمري
دلال:احس بجسمي يرجف وجلدي يقشعر
خالد ينتفض
خالد:دلولتي
دلال :هلا خلودتي
خالد:ودي اشوفك
دلال:ههههااي
خالد:ياويلي عالضحكه..ادفع كل فلوسي واشوف صاحبة الضحكة الجنان
دلال:خلودي طول بالك احنا لسه مالنا الا 3 اسابيع نكلم بعض
خالد:بصراحه يادلو ماتحمل اسمع صوتك تجيني نفضه
دلال:اح
خالد:اطلبي اللي تبينه بس اشوفك
دلال خبره وتعرف ان الرجل تولع بها
دلال:خلودي امي تنادي علي ...اكلمك بعدين
خالد:متى ..؟ترى ماعدت اصبر عن صوتك صار ادمان
دلال :خلاص الوعد الليله...اوكي
خالد:ابشري تلقيني مسنتر عند الجوال
دلال:ههههههاااااي
خالد:ياويلي خلاص ماعاد اصبر اكثر
دلال :يلا بااااي
خالد:دلال
دلال:عيون دلال
خالد:فديت عيونك..ابي ....بو...سه
دلال بدلع:لازم يعني..
خالد بطريقة الامر :اي لازم
دلال:ابشر ..قرب شفايفك عالجوال
خالد المسكين صدق روحه:قربت
دلال:اموآآآآه
خالد يرتجف :ياااااااااويل حالي خلاص دخت ..يالبى البوسه وراعيتها
احبك موووت
دلال:ههههههههههااااي..باااي
وتقفل الخط وهي ترسم للضربه القويه
فهي طول الفتره السابقه وهي تسحب منه قلوس على شكل بطاقات شحن وحساب بسيط
ولكن هي تريد مبلغ ضخم قبل ان يراها
الليله بتجننه وتخليه يحط المبلغ وهو يضحك...تفكير الساقطات
__________________
تعود منى لجلستها مع صديقاتها
اجلام:منو ترى لازم ترتبين البيت وتلمعينه حتى ترتاحي الشهر التاسع
اذا احتجتي الخدامه برسلها لك تساعدك
منى:تسلمين ماتقصرين ..باتسلف خدامة اهل خالد كم يوم
__________________
يتبع...

 

[انا صرت دلوعة]

في صباح يوم خميس
يرن الهاتف في بيت منى
منى:الو
ام خالد:هلا يابنتي..وشلونك عساك طيبه..؟
منى:هلا خالتي ابشرك بخير يمال الخير ..وانتي شلونك؟وشلون عمي والبنات؟
ام خالد:الحمدلله كلنا بخير
اقول
منى:هلا تفضلي
ام خالد:ترى الخدامه جاهزه متى ماتبيها تعالي خذيها..ولو تبين سعاد تساعدك تراها فاضيه اليوم
منى:تسلمين ياخالتي ..لاتكفي الخدامه تخبرين الشقه صغيره ولولا الحمل ماحتجت خدامه
ام خالد:ادري بك سنعه وشيخه..بس يابنتي هالايام مابها طيب وسنع..لاتتعبين حالك
منى:ان شالله ..خلاص بارسل خالد يجيكم عقب الغدا ويجيبها
ام خالد:زين.. لاننا العصر نبي نمر لمنيره ونسهر عندها..زوجها مسافر
منى بدهشه:وين سافر؟
ام خالد:طلع عمره هو وخويه
منى بضيقة صدر:الله يرجعه بالسلامه
ام خالد بصوت واطي:ماتبين تخاوينا
منى:لاوين ..خبرك ابي انظف البيت مابقى شي وادخل شهري.
ام خالد:الله يسهل عليك..ولاتتعبين روحك ..يلا مع السلامه
منى:مع السلامه
--------------------------
تلتفت منى فإذا خالد خلفها
تجفل منه وتقول:بسم الله متى صحيت؟؟؟
خالد:من تكلمين
منى:اكلم خالتي ..تقول خلي خالد يمرنا بعد الغدا وياخذ الخدامه
خالد:تبشر الغاليه
منى:اخ يالقهر..
خالد:يالله صباح خير..وشمنه القهر؟
منى:قال بيروحون لمنيره ..حتى ماحسبوا حسابي ولا يعلموني عالاقل
خالد:زوجها مسافر وتبي تنبسط فيها شي يعني
منى بدهشه:يعني تدري انت بعد
خالد:وخير يعني لو دريت؟
منى تتحلطم وهي تتوجه للمطبخ:معلوم محد يعلم مكتمين عالخبر موانا ...... ولاني محسوبه منكم
خالد يهز راسه ويصرخ:خلصينا جهزي الفطور..
ويسمع منى تصرخ من المطبخ:وانت وشهمك غير بطنك
يجلس خالد ويشغل التي في
يسرح
ويتذكر ليلة البارحه مع دلال
لازال تحت تاثير صوتها وهي تغني له
كان صوتها عذبا رقيقا وذو نغمه مميزه
ويقطع تفكيره صوت قرقعة الصحون ومنى تضع الافطار امامه:30:
خالد:تعالي افطري معاي
منى:افطر لحالك موب فاضيه
خالد:وشعندك
منى:باغسل الملابس
خالد:مو تقولي الخدامه بتجي
منى:وان شالله تبيني اخليها تغسل ملابسنا..ويع مابقى الا الخدامه تحوفها
خالد:وشفيها اكرفيها ..اجل تجي ببلاش ههههه
منى:انا عارفه وش ابي منها ..انت بس خلك بعيد
خالد:ياشيخه ارحمي نفسك ..شوفي كرشك شلون صايره..احسها بتنفقع
روحي دلعي روحك وتسدحي وخليها تشتغل
منى:لحوول اللحين احد شكالك الحال
خالد:خلاص براحتك انتي ابخص بروحك
منى:ايه احسن
____________________
منى تلم شعرها وترتدي بيجاما قصيره​

وتجهز عدة التنظيف

​

وبدات بالتنظيف ولازعاج
خالد لم يحتمل الوضع وخرج دون ان اكتراث من منى
*​

 

[انا صرت دلوعة]

خالد يخرج الجوال وهو في العمل
ويتصل على دلال
دلال تستيقظ من النوم وترفع الجوال لتجده خالد
بدلع وصوت متعب :ألوه
خالد:هلا ..ليكون صحيتك..؟
دلال بتاوه:اوووه لا عاتي
خالد:كنتي نايمه
دلال:ايوه
يكش شعر خالد ويحس بقلبه ينبض:للان على سريرك
دلال بدلع:ايوه منسدحه..
خالد:يالبييييييه بس
دلال تضحك ضحكة خفيفه وكلها انوثه
خالد يحس بحراره وخفقان
خالد:دلال لاتتعبيني اكثر
دلال برائه مصطنعه:يووه ..انا وشسويت هههههههاااي
خالد:ياااويل قلبي..خاطري اقوم احظن الدلخ اللي قدامي(يقصد العامل الهندي الذي ينظف)وابووووسه
دلال تضحك بقوووه ودلع
خالد:دلو وشلابسه الان؟
دلال بدلع:لابسه بيجاما ورديه وعليها قلوب
وشورت احمر
خالد:احيييييييه
خالد:دلولتي ترى ماعاد اقدر اتحمل اكثر من كذا
دلال تصمت
خالد:ابي اشوفك دلال ولك اللي تبين
دلال صمت
خالد:تكفين دلال ..بس لمحه..باي مكان وانا اجيك
دلال صمت
خالد:انا احلم فيك كل ليله ..تكفين وشقلتي؟
دلال :تيب بس لازمها سفر
خالد غير مصدق:اجيلك لو كنتي بالمريخ
دلال:ههههههاي معقوله
خالد:انتي ماتدرين وشسويتي فيني
وبدا يتغزل فيها بالاشعار اللي يحفظها
(طبعا الكلام كله كذب في كذب )
دلال تعطيه العنوان وهو احد المولات بمدينتها
خالد غير مصدق نفسه
________________________
يعود من العمل
ويجد البيت فارغ
يكلم منى على الجوال
منى:هلا خالد
خالد:وينك فيه
منى:انا عند اهلي
خالد:طيب وليه ماكلمتيني
منى بحده:لي ساعه اكلمك وانت جوالك انتظار..
خالد:طيب ماسويتي غدا
منى :لا ماسويت اليوم ..خذلك غدا جاهز
خالد بعصبيه :ح..... عندك انا ..ليه مارسلتي مسج تعلميني ان مافي غدا
منى بعصبيه:وشصار عاد كلها خطوتين وانت عند المطعم
خالد يقفل الجوال بوجه منى
_______________
في بيت عائلة منى
منى:تتفل عالجوال وتقول:تف عليك من رجال
ام منى:ياويلي وشهذا يابنت عيب
وشفيكم
منى تبكي وهي تصرخ:ذابحه بطنه اذا جاع مايعرف امه من ابوه
حسبي الله عليه
ام منى:استهدي بالله مايصير هالكلام
ماعليكي منه هو بس ياكل بيرضى ويطخ من نفسه
منى تصرخ:ياايمه يقفل الجوال بوجهي
الله العالم ويش يهبب من ورااي
ام منى تفتح فمها بدهشه:وشيسوي؟؟؟؟
منى تتدارك الموضوع وتقول :ولاشي اقول يمكن انه تعبان وصاكه راسه يمال اللفلق راس:30:
ام منى:هذولا الرجال يابنتي اللي ماتتجرع المر ماتعيش
منى تجري للحمام وسط ذهول امهاواخوتها الصغار
وتغسل وجهها وتمسح دموعها
وتخرج وهي تكابر على الجرح

-----------------------
يتبع...​

 

[انا صرت دلوعة]

في احدى الامسيات
خالد ومنى على التلفاز

خالد يهز رجله بقووه
منى تمسك بها
خالد ينتبه لمنى
منى:وشفيك تتهزز منت على بعضك
خالد يلتفت لمنى:منى مدري اشلون افاتحك بس ضروري
منى تضع يدها على قلبها:وشفيه؟؟ وشصاير؟؟
خالد:تذكرين صديقي اللي با..... متعب
منى:متعب من ذا؟
خالد يتصنع الدهشه:ماقلتلك عنه انا؟
منى:لا ماعمرك طريته
خالد يضرب رأسه ويضحك:اصلا اشلون اقولك وهو توه واصل من السفر..جاي من برى بعثه
منى:طيب وخير يعني..جا ولا راح
خالد:بصراحه هو اليوم كلمني ..ويقول انه مسوي حفله بمناسبة رجوعه ووده ...اني ...احضر
منى تفز من جلستها وتصرخ:لاياشيخ..يعني افهم انك تبي تسافر ولا ايش؟؟؟
خالد يمسك بذراع منى ويجلسها:اسمعيني يابنت الحلال هي كلها يومين بس ..
منى تقاطعه:اللحين اتشوفني بهالوضع وحضرتك تبي تسافر
خالد:وشفيكي تو الناس عليكي
منى:من يقول تو الناس..افرض جاتني ولاده مبكره
خالد يضحك:الله يرج ابليسك ههههه اركدي بس
منى:وبعدين من وين طلعلنا متعب ولا مريح هذا؟:30:
خالد:هذا خويي ايام الدراسه بس هو كمل دراسات عليا وحنا كلينا هوا وانثبرنا على شهادتنا
منى:خله يولي هو ودراسته تلاقيه اللحين موب يمك..
خالد بعصبيه:اقولك هو اللي دق علي وكلمني وعزمني..واعتقد عيب اني احقر الرجال وماجيه
منى ترضخ للامر:ومتى بتروح
خالد:بكرى
منى بدهشه:ودوامك
خالد:ماعليك خذيت يومين اجازه
منى:يعني دبرت وغبرت وانا اخر من يعلم
خالد يضم منى ويقبلها:انتي الخير والبركه يام العيال
خالد في نفسه:ول عليها من حرمه شديده..المهم صدقت
ويفكر بدلال واللقاء ويرتجف
منى:خالد وشفيك
خالد:تعالي ابيك
ويسحبها لغرفة النوم...
منى في نفسها(هذا تفكير الرجال غالبا :8:

______________
يتبع...​

 

[انا صرت دلوعة]

خالد يتمشى بالمول
يبحث عن هديه لدلال
وبما ان دلال عمرها 19
فقد احب ان يشتري لها هديه قيمه مع دبدوب جميل
اشترى لها عطر كشخه

وساعه غاليه


وخاتم من الذهب الابيض

وغلفها بتغليف رائع


وضع الهديه بالسياره
ودخل للمنزل
كانت منى بالعمل
يتصل على دلال
دلال بنعومه:هااي خلودي
خالد:يامرحبا ومسهلا ..اشتقتلك
دلال بدلع:وشكثر؟
خالد:اشتقت لك شوق الليل للغيم
وشلون انام الليل وانا اشتقت لك
من غبت عني وقلبي صايبه ضيم
ياكثر ما بيحت سدي وبحت لك
لولا غلاكم ما عشت اناجي الغيم
ولا كتبت شعري فيك ووصفت لك
دلال بصوت عذب:ليتني بحضنك اعانق دفا جسمك
اسكر بأنفاسك و اذوب بلمساتك
تلتهمني لذة شفاتك
خالد يلتهب جسده من هذه الكلمات
خالد:احبك احبك احبك
دلال:تفداك روحي وشوقي يفداك
احبك احبك واموت انا فيك
خالد:حبيتي ..اليوم الموعود

انت عمري لو فقدتك ما بقى لعمري وجود
وين أروح بكل حبي وانتلأوطانه أمان
مالحبك يا عيوني في طرف عيني جحود
لو نسيتك ما بقالي وسطهالعالم مكان
لو برق شوقك ينادي جاوبه شوقي رعود
انت كل الناس عندي يا بعد كلالزمان

دلال: اااااه..متى بتجي على خير؟
خالد:بامشي الان ماقدر اصبر اكثر من كذا
دلال:ههههههااي لالالا تو الناس
خالد:متى تكوني هناك
دلال :الساعه 7باتلع للمول..يناسبك كذا
خالد:مدينتكم تبعد عنا 4ساعات ونص
يعني لو امشي الان يمديني اوصل الساعه 2
دلال:هههههههاي كل هذا شوق..
خالد:اااه لوتدرين وشكثر مشتاااقلك ياقلبي..وحشتييييني موووت
دلال:حبي
خالد:هلا بقلبي وعمري وروحي
دلال:امشي بشويش ترى اخاف عليك
خالد:يابعد عمري تخافين علي اجل؟
دلال تضحك ضحكه كلها رقه وانوثه
خالد :يالبيييه على الضحكه اللي تخقق
واستمرت المكالمه ساعتين
_______________________________
خالد لايحتمل الوضع
ينتظر منى وحالما تصل
منى بتعب :اااخ ظهري احسه مكسور
خالد:تستاهلين كم مره اقولك بلاش من الوظيفه
منى:اجل اجلس بالبيت غير امووت من الطفش
خالد:بكرى يجيك الصغير ويلهي فيك
منى:انا قايلتلك دوامي اهم شي بحياتي
خالد:ايه وحنا باخر القائمه
منى:ياكرهك لما تختار الوقت الغلط وتتفلسف فيه
خالد:اقول لايكثر هرجك جهزي شنطتك باوديك لامك
منى:اللحين:33:
خالد بعصبيه :اي اللحين ..انا الساعه 2 بامشي
منى وخالد يتجادلان كالعاده
وتدخل منى غرفتها وهي تصرخ:اذلف اذا تبي انا والله تعبانه واذا ارتحت كلمت احلام توصلني لاهلي
خالد يتبعها:اقول جهزي شنطتك وخلصينا تر موب فاضيلك انتي وخشتك
فجأه يتذكر خالد الهديه
يقترب من منى:افا يامنونتي انا بعد شوي مسافر ولاادري ارجع لكم او لا وانتي تقولين اذلف ومدري ايش
منى يرق قلبها قليلا:مدري عنك هاب فيني ماتقول تشوف اني تعبانه ومقدر امشي وتبكي
خالد:خلاص ياقلبي اللي يريحك ..سوي اللي تبيه بس اهم شي تكوني راضيه علينا
منى:اجهزلك الغدا
خالد:لا ياحياتي تغديت برى
وتتمدد منى على السرير ويخالد يدلك قدميها وفكره سارح بعالم اخر
__________________
يتبع

 

[انا صرت دلوعة]

الساعه السابعه وخالد يقترب من بوابة المول
ينزل وهو محمل بالهدايا
ولما اراد الدخول يفاجا بالحارس :للعائلات فقط
خالد يتلفت حوله بخجل وسط نظرات تنم عن السخريه من شباب عند البوابه
خالد في السياره يتصل على دلال
دلال بدلع:خلووودي هلا والله
خالد بصوت ثقيل:هلا دلال
دلال:وشفيه يابعد هالدنيا
خالد:يعني ماتدرين ان المول للعائلات فقط
دلال:هههههااي ..تصدق نسيت يووووه وربي نسيت
خلودي
انت يعني هنا..وانا اقول ال.... منوره
خالد لايزال تحت تأثير الخجل من الموقف السخيف:نورك فديت قلبك
دلال:روق ياقلبي
خالد:والدبره اللحين..شلون اشوفك
دلال:اممم انا بالطريق للمول
خالد قلبه يدق بعنف:وين؟؟؟
دلال:قريبه ..انت وين سيارتك؟؟
خالد بنفسه يتعجب من جرائة دلال
انا بالمواقف
دلال:وشنوع سيارتك؟
خالد يعطي دلال تفاصيل سيارته واين مكانها
دلال:خلاص لحظه شويات ادخل المول واتاكد ان السايق راح
خالد ينتظر ..وينتظر..وينتظر
قلبه يخفق وجسده يرجف
وفجاه يلمح امامه بنت بعبائه مخصره ووجهها مغطى

يرن جوال خالد:هلا دللو
دلال:هذي سيارتك اللي قدامي ..وتلوح بيدها
خالد:ايوه اشوفك ..تعالي
تقفل الخط دلال
وتفتح باب السياره وتدخل
تفووح رائحة العطر بأرجاء السياره
خالد لم يستوعب بعد ..ثم ينتبه
خالد وصوته يرتجف:ياهلا والله بازين كله
اخيرا يادبه اشوفك ..بعد ماتعبتيني ودوختيني وراك
ويمسك بيدها ويقبلها
دلال بصوت كله دلع:خلوودي
خالد:عيون خالد وروحه
دلال:يلا نطلع للمول..
خالد:افا ..مداك تمليني..يضغط على يدها ..وينظر لها يتفحصها
دلال :خالد ترى استحي..يلا لاحد يشك بالامر
خالد:ااااه ياحلوك ..اكشفي بالله ابي اشوف وجهك
دلال:يووه هنا لا..بالكوفي اكشف
خالد يلف كتفه عليها ويقربها منه ويقبلها
كانت نحيفه جدا وواضح انها صغيره
يلف خالد راسه ويخرج الهديه ويعطيها لها
دلال:مشكور ياقلب مكلف على نفسك
خالد:لو اعطيك روحي تفداك
دلال:فداك الكووون
خالد:دللوله خلينا نتمشى شويه موب مصدق انك معي
دلال :ماقدر انا واعده السايق الساعه 8
خالد:وربي اوصلك بالدقيقه ..نبي نتمشى بالسياره
دلال:تيب
يدير خالد السياره ..ودلال معه
ويرفع صوت المسجل
ومنى ..في بيت امها ترفع ارجلها على الكرسي ..

-
-
توقف خالد في مكان معزول
والتفت لدلال
خالد بصوت هادئ:يلا دلولتي اكشفي ابي اشوف وجهك
دلال:هههههه مستعجل
خالد:اااه بس باموووت
دلال تمسك بالشيله وترفعها
خالد ينصدم
لم تكن دلال تلك الفتاه التي تخيلها
فقد كانت ذات وجه طويل ونحيف جدا واسمر
وجبهه طويله
خالد يتذكر منى والفرق بينهما
يمسك اعصابه ويبتسم وتخرج الكلمات بالغصب:جمااك يذبح
دلال تخجل وتبتسم
خالد يرفع ذقنها ويبتسم ويقرب وجهها ويقبلهاا
ويبدا بتحسس جسدها
كانت ذات صدر صغير وعظام بارزه
افخاذها نحيفه
لم يصدق انه تورط بها
لم تكن تبعد عن تشكيلة منى
منى ايضا كانت تهتم برشاقتها اكثر من المعتاد
كان يحلم بفتاة ربروبه وبيضاء وجميله
_______________
بعد فتره اعاد خالد دلال للمول
وخرجت من امامه بشعور غير دخولها عليه
دلال كانت تفكر كم هو وسيم جدا
هي تعرف انها لم تعجبه لذلك كانت تتخذ صوتها سببا للجذب
وتحاول قدر الامكان ان تستفيد منه قبل ان يطلبها الاخر للقاء
_______________
خالد لم يقصصر معها اعطاها مبالغ خياليه
والهديه الاخيره كلفته غاليا
______________
في الشقه نام خالد
وفي الصباح بدئ رحلة العوده
عاد للبيت الساعه ال3 والربع
عاد بخيبة امل كبيره
اتصل على منى :جهزي روحك بامركم المغرب
منى:بسم الله متى وصلت
خالد:توي وصلت
منى:طيب انتظرك
______________
يتبع...

 

[انا صرت دلوعة]

تتضائل المكالمات بين خالد ودلال حتى تكاد تنعدم
_________________
بدات الاجازه الصيفيه
منى لم يتبقى على ولادتها سوى اسبوع
ثم تفاجأ بان يوم زواجها قبل 3 ايام من موعد ولادتها فقط
تبدا في التجهيز ليوم زواجهما بصمت
فهي تريد ان تفاجا خالد به
في اليوم الموعود تطلب من خالد ان يخرج لاهله لان صديقاتها سيزرنها
طبعا هي تكذب
يخرج خالد ليتغدى مع صديقه نواف
حالما يخرج خالد تجري للمطبخ
وتبدا بتحضير الحلا والمعجنات وتخرج لترتب البيت
وترتب مكان الشموع وتعييد تغيير بعض قطع الاثاث
كل ذلك وهي لازالت على افطارها
حينما اذن العصر وبدات بالصلاه احست بدووخه
ولما انتهت اخذت قطعه من الشوكلاته وقضمتها
وعادت للعمل
بدات تزيل شعر جسدها وتشقر حواجبها وتستشور شعرها
________________
كان خالد مع نواف بالمطعم
نواف:هاااه وشصار عليك ؟؟ويغمز عينه
خالد:ياخي شكلي باتورط فيها ذي
نواف :اذا ماتبيها وعايفها حولها علي
خالد:هههههههه خلها معي خبرك الحرمه على وجه ولاده ونحتاجها بنت الك...
نواف:اوخص شكلها خاقه عندك ..
خالد يأشر على جيب الثوب:خلاص حطيتها هنا
نواف يغير نبرة صوته:يارجال تراك متزوج .. هالحركات موب لك
ياخالد ترى الحلال مافي احلى منه
خالد يتافف ويقاطع نواف:اي زواج واي بطيخ؟؟
والله لو ادري الزواج كذا مبطي هونت
نواف:للحين مشاكل ماطخت عقب ماثقلت
خالد:الا زادت شياطينها ..يارجال مب حرمه ذي حزاات احس انها هي الرجال موب انا
نواف:الله يعينك ..بس انصحك نصيحه من اخو وصديق...هالبنت ابعد عنها
ويضحك :لو قلنا صاروخ ماقلنا شي بس جيكره وشتبي فيها
هذي لو قدامي ادعس بجزمتي على وجهها
خالد:تراها ماتسوى عندي قشه ..بس نطقطق عليها
نواف:ابعد عن هالدرب ياخالد وشفيك انتكست عقب مالتزمت
خالد:مسويلي مطوع يالس.....
نواف وخالد يضحكاان
____________________
منى لازالت تحووس فالبيت
وتشيك عالهديه
كانت عباره عن ساعه فاخره

غلفتها بشكل جميل

عندما تدق الساعه السادسه لم تستطع ان تحتمل اكثر
سقطت على الكنبه وهي تلهث
رن الهاتف وكان خالد:ترى باجيكم تبون شي من الطريق
منى وهي تلهث:اي نبي خبز
خالد:وشفيك ..تعبانه؟؟
منى :ازقح مافيني الا العافيه
خالد:الحمدلله
طبعا منى لم تكن تريد الخبز بس فرصه كي تلتقط انفاسها وترتب اللمسات الاخيره
في هذه الاثناء اشعلت الشموع وبخرت المكان وطلت على نفسها بالمراه
وهي تبتسم
________________________
يتبع...

 

[انا صرت دلوعة]

خالد يدخل المكان
فإذا الشمووع مشعله
ورائحة البخور تملأ المكان
والاضائه خافته



دخل غرفة النوم وسط ذهوله



تخرج منى من خلف الباب كالملكه

ترتدي فستان ابيض
خالد يفتح فمه
تتقدم بخطى ثابته نحوه
وتقبله وتقدم له الهديه
وبصوت رقيق:كل عام وانت الحب
خالد منتشي بالجو الجميل :وانتي الحب
ويشهق فجأه:ليكون اليوم ...
منى:تومئ برأسها نعم
يضرب رأسه خالد:يالله كيف نسيت مثل هاليوم؟؟؟!!!
منى:ماعليه ياحبيبي ..المهم ننبسط بيومنا وتقدم له الهديه
خالد:بس كذا احرجتيني ..انا ماجبتلك هديه
منى:انت هديتي وتكفيني عن كل الهداايا
خال متعجب من منى:الله على اسلوبك يامنى ..متغيره اليوم
منى تعطي خالد كف خفيف:انا من يومي كذا بس انت موب ملاحظ
خالد يحك رأسه:شكلي ..ههههه
خالد يفتح الهديه وينظر لزوجته بحب:الله على ذوقك يامنى ..ساعه خياااال
منى:بجد اعجبك ذوقي
خالد:يجنن
منى:انت اللي تجنن
خالد في نفسه:وشعندها منى متغيره ياليت تبقى كذا على طول
منى:اكيد جوعان
خالد:ايه والله هلكاان
منى:تعال انا حظرت السفره
في هذه اللحظه يرن جوال خالد
المتصل صالح صديق خالد
خالد:الو
صالح:هلا خالد..الحق علي ياخوك
خالد:خير وشصار عليك
صالح:الموتر الله ياخذه وقف علي بالطريق
منى تترقب المكالمه بقلق وتوتر
خالد:ابشر ثواني وانا عندك..وينك فيه
صالح يدلل خالد على المكان
يغلق خالد الجوال
خالد:اسمحيلي ياحياتي دقايق ارجع خويي واجيلك
منى بغضب:وانت مسؤول عنه هالح.....
خالد :معليه يالغلا هو موب بعيد بالحيل
منى:ماشالله وانت اول مايقول ابيك تقول ابشر
وانا اليوم كله كرف وتعب ..وتمتلئ عيونها بالدموع
خالد: وشتبين اقوله يعني ..الرجال بأزمه ..الا هي اقل من نص ساعه وانا عندك
منى بغضب:وهو مالقى الا انت ..ولا مايعرفونك الا وقت المصالح
خالد:والله هم ياما ساعدوني
منى تصد بوجهها وبتهكم:هه
خالد يحاول يراضيها :فديت الزعلان
ويضمها لصدره ويهمس بأذنها:يلا جهزي روحك الليله باولدك غصب ههههههههه
منى تصرخ:روح روح بسرعه لايطير صلوح البزر
وتجري لغرفتها وتغلق الباب بقووه
_______________
خالد يخرج ويجد صالح بانتظاره ويحاولان في سيارة صالح المتعطله
ينسى خالد الوقت ولما عاد اكتشف انه قد مرت ساعتين
__________________
منى في غرفة النوم تنتفض من الغضب وتحس بدووخه من القهر والجوع
تسمع الباب يفتح فتاخذ الغطاء وتتغطى وتمثل انها نائمه
خالد يراها نائمه فيمسح على راسها ويقبلها
ويهب للمطبخ ليجد الشاء مكوم على الطاوله
ياكل اي شي
ويعود لغرفة النوم ويبدل ملابسه
ويرتمي على فراشه ويغط في نوم عميق


-----------------
منى تتألم قهر وندم على تعبها وضياع وقتها
لحساب شخص لايستحق ...
تنظر لاقدامها فإذا هي متورمه تقوم من فراشها وتتوجه للمطبخ
وتسخن بقايا الاكل وترتب الباقي بالثلاجه
وتزبل الشموع المطفاه وتعيد ترتيب المكان
وتعود للغرفه وتنظر بحزن على الفستان والتسريحه
وتمسح الميكاج وتدخل الحمام لتستحم
وتعود لفراشها وتتغطى
فإذا بيد قويه تمسكها وتشدها
وتتنتهي الليله بحسره في قلب منى...
___________
يتبع...​

 

[انا صرت دلوعة]

في الساعه الثالثه فجرا
ينفجر الكيس الامنيوسي منى تستيقظ وهي ترجف
وتجد المااء يصب بين ارجلها
قلبها يدق بقووه
بصوت يرتجف توقظ منى خالد:خاااالد ..خااالد ..الحق
خالد يهب من النوم فزعا:منى ..ايش هذا؟
كان السائل قد غرررق الفراش
منى ترتجف بقووه وتبكي :خاااالد بسرعه ابي المستشفى
خالد:تبين اكلم امي او امك
منى:لالالا اصحك ..مابي احد يدري
__________________
خالد ومنى بالسياره
تبدا الالام الطلق بمنى
منى تتاوه ووتوجع
خالد ترتعش يديه وهو يقود السياره
منى تصرخ:ااااااااه
خالد تدمع عيونه وهو يرى وجه منى يتألم:حبيبتي خلاص هانت ان شالله.. مابقى شي
منى حتى وهي في اشد اللحظات لاتنسى:خالد لاتنسى الشناط اول ماتسمع اني ولدت هاتهم
خالد:يابعد قلبي انتي اهتمي بروحك وماعليك كل شي يصير مثل ماتبين
خالد يكمل :الله اخيرا قرب يجي وليدي
منى تخف الالام وتحس انها بخير
تلتفت لخالد:خالد ماحس بوجع ..خلاص رجعني البيت
خالد:صاحيه انتي ..نشوف المستشفى وشبيقولون
منى تمسك ذراع حالد وتشد عليها وتحس بالطلقه اقوى واشد
وجهها يتغير وهي تحاول ان تكتم صرخة الم
تبدا بالانين والتأوهات
خالد يدعس على البنزين ويسرع اكثر
_____________
يصلون المستشفى
وعند بوابة الطوارئ
خالد يصرخ بهم احضروا كرسي متحرك
ويأتون به بسرعه

يجرون بها عبر الممرات ومنى تأن من الالم:ااااه...اااه
يتوجهون بها لغرفة المعاينه :وتاتي الدكتوره ..وتصرخ خذوها لغرفة الولاده
منى يشتد بها الالم وتصرخ باعلى صوتها
ياخذوها لغرفة الولاده ويثبتون المغذي بيدها

يخرجون خالد من الغرفه وينظر لوجه منى ومنى تنظر اليه
كانت لحظه لن ينساها خالد ابدا
_________________
واثناء الانتظار
لايستطيع خالد الصبر اكثر من ذلك
ويقرر ان يكلم والديه
يرن على هاتف المنزل
ترد سعاد:الو
خالد:سعاد..وين امي
سعاد:وشفي صوتك..صار شي..منى وينها؟؟
خالد:اسمعيني انا بالمستشفى ال...
بسرعه صحي الوالده وتعالوا
سعاد:ابشر ..الان اكلم اصححي الوالده واكلمها
____________
يصلون اهل خالد
وبعد ساعتين
تخرج الممرضه وتبشرهم بالولد
تصرخ سعاد فرحه وام خالد تبكي
وابو خالد يحظن خالد ..وخالد يقبل راس ابيه
ويتوجه لامه ويضمها ويقبل راسها
تتوالى التبريكات من اهل خالد..لخالد
_________________
خالد يمسك سعاد ويقول لها :منى وصتني لاولدت اجيب اغراضها وشددت على تجهيز الغرفه قبل تدخلها
سعاد:طيب انت حجزت الغرفه..؟
ايه حجزت قبل تجوون
سعاد:خلاص امشي بسرعه نجيب الاغراض
________________
خالد هو وسعاد يجهزان الغرفه
وام خالد:توصي الخادمه بصنع شاي وقهوه وتشتري الحلويات
ويكلمون ام منى التي تحضر بسرعه ومعها ويجلسون بغرفة منى بانتظارها هي وولدها
بعد دقائق
تدخل الممرضات وهم يجرون سرير منى وولدها
يلتم الجميع على منى ويهنونها
خالد يقبل راس منى ويقول:الف حمدلله على سلامتك يالغاليه
منى بصوت هادئ ومتعب:الله يسلمك
يلمس بطنها ويقول :خلاص مافي كروشه..يعني بترجعين منونه الحلوه:msn-wink:
منى :ياسلام يعني ماكنت حلوه
خالد يضحك ثم يتوجه نحو طفله

يتامل وجهه الصغير وياخذه من يد خالته
ويقبل راسه الصغيره ويجهش بالبكاء
ام خالد وخالته يسموون عليه وتبكي منى لمنظر خالد
سعاد تحاول قطع المشهد المؤلم وتضرب كتف خالد:الا انتم وشبتسمونه؟؟؟
خالد :الراي راي ابوي الغالي هو اللي يسميه
ابو خالد:والله الشور شورك ياوليدي..هذا ولدك انت اللي يحقلك تسميه
خالد:والله مايسميه الا انت ..ويتوجه صوب ابوه ويقبل رأسه
منى كانت تغلي من الغضب
فقد سبق ان اعطته عدة اسماء جميله وجديده
ابو خالد:دام الدعوه كذا نسميه على اسم جدك الله يرحمه(محمد)
خالد:تم..انت تامر امر
منى تنظر لخالد بحده وخالد يتجاهل نظرات منى
خالد:خلاص انا باطلع الان واسجل اسمه
ام خالد:زين ماخترتوا من اسم..اسم رسولنا الكريم صلى الله عليه وسلم...
يصلي الجميع على الرسول الكريم.صلوات الله عليه وسلامه
خالد يخرج من الغرفه
ومنى تفور من داخلها وتقول بنفسها:هيين ياخالد تطنشني يعني
صدق انك خ...مسرع ماغيروا رأبك
اففف منك ومن قلبك الطيب

-----------------
يتبع...

 

[انا صرت دلوعة]

تعود منى لبيت امها بعد خروجها من المستشفى
لتقضي فترة النفاس
__________________
بعد 3ايام من وصولها لبيت امها
تجتمع صديقاتها لزيارتها
محملين بالهدايا

فرحت منى بالهدايا
والتمت صديقاتها حول طفلها الصغير
احلام تقبل (محمد الصغير):ياويلي يدنن يناث
هدى تخطفه منها وسط صرخات منى وهي خائفه عليه:بشويييش
امل صديقة منى الهادئه تناظر للطفل من بعيد
تعدل نظارتها وتلتفت لمنى:محمد..حلو اسمه
احلام لازالت تصرخ مع سعاد:هااتي حمودي ..ابي ابوووثه.. وه فديت ريحته
احلام ام لطفله عمرها 3 سنوات
منى تنتبه لسؤال امل:والله ياموله انا ماكان خاطري بهالاسم بس
خالد الله يهديه صمم عليه..
احلام:كش عليك يامنى ..حمستيني احمل ..اشتهيت بيبي صغنون
هدى تقاطع احلام مهدده:فكينا انتي وخيالاتك..نبي نصممد شوية بيزات..يمال الشق كروش
يضحك الجمييع
تقرص حياة صديقة منى ذراع منى وتغمز بعينها:اقول منو وشجابلك خالد هديه؟؟قولي الصدق:22:
منى بحزن:ماجاب شي:8:
احلام :من جدك ولاشي ابد ابد
هدى:ولا بوكيه ورد عاد..
منى:امحق بوكيه ..امبلا جاب بوكيه وعلبة شوكليت كلوها اهله
امل بهدوء:هذا يكفي ..انتم ليه ماتقنعون بالهديه الاحلى .وتأشر على الطفل
هدى لامل:انتي على جنب بس..وشفهمك بهالسوالف خليك فكتبك العلميه ..
أمل تهز راسها :اللحين الحرمه ولدت بالسلامه..وطفلها الحمدلله بخير
ليه تمرضونها بسوالفكم اللي مالها داعي
احلام:وشاللي مالها داعي..كل الحريم لما تجيب طفل حقها على زوجها ..هديه ..وه فديت ابو شهد لما جبت شهوده اهداني طقم ذهب
حياة:انا هداني ساعة الماس وسفره لدبي
هدى:يابختكم متى اعرررس بس:24:
منى تسمع كلامهم وتغلي من الداخل
_____________________
في المساااء يزورها خالد
منى تستقبله بوجه عابس
خالد:شلونك يام محمد..ههههه حلوه ام محمد
منى صمت
خالد ينظر لها بتعجب:وشفيك منو عسى ماشر؟؟؟
منى بغضب:صار لك كم يوم تجي وتروح يد ورى ويد قدام
خالد:وشلون يعني ..انتي ناقصك شي؟؟؟
منى بصوت عالي:انت ماتفهم وتبكي بقوووه
خالد يقترب منها:يابنت الحلال وشفيكي تبكين
يحاول ان يضمها
تبعد يده بقووه :خلاص مابي منك شي
خالد وسط ذهوله من تصرفات منى:انتي فهميني وشغلطت فيه..اسم الولد وتفاهنا فيه..مانبي نعيد ونزيد بالسالفه
منى تنظر له بحده:انا اقصد الهديه
خالد:وشهديته؟؟
منى تشيح بوجهها عن خالد:ولاشي
خالد يلف وجه منى الباكي:قصدك هدية المولود..تفكريني ناسي يعني
ويخرج من جيبه ..خاتم ذهب نعوم
منى:ايش هذا؟؟
خالد بدهشه:ماعجبك
منى:بس خاتم؟؟
خالد بزعل:وشتبين بعد ماكفاك كل هالهدايا حولك
منى بغضب:حسره علي ..الناس طقوم وسفرات وانا خويتم ذهب
هذا قدري عندك ..هذا وانا جايبتلك الولد..
يقوم خالد من مكانه :اقول احمدي ربك ..موب انتي اللي جبتي الولد وتمنينه علينا ويأشر بيده لفوق ..هذي هدية ربي سبحانه
ويخرج..
منى تمسك الخاتم وترميه بعيدا من الغضب
.........................
يتبع..