من مازالت في قائمة انتظار الحمل؟ لنتنافس معا في المدة؟

[حواء ثقيف]

انا لي الحين سنه و5 شهور وللحين ماحملت على الله وحده

 

[عاشقه الاله]

هلا بلقيسات اني لي سنتين وتسعه شهور ورحت اكثر من مستشفى بس اني الحين اتعالج وقالو لي عندي هرمون الحليب مرتفه والله ابغي متى يقولو لي مدام انتي حامل وفي بطني جنين بس ثقتي بالله كبيره والاستغفار خير علاج الله لايحرمكم ويرزقنا جميعا الذريه الصالحه

 

[انشودتي الكويت]

هلا باحلي بلقيسييات شلونكم ..خنقول لكم شنو صااااار معاي اليوم ..
طبعا انا اخدت كلوميد 3 مرات باليوم من ثاني يوم الدورة ( خاطري بتوام واللة علشان جدي قالت لي الكتورة ا اكلي 3 حبات باليوم )وقالت راجعيني اليوم العاشر من الدورة ..اليوم رحت ويوت لي سونار داخلي وقالت لي مبايضج مية مية ..طبعا عطتني ابرة تفجير .. وعطتني تحااميل تثبيت وقالت لي بس تتتاخر علييج راجعيني ..طبعا يا ويل ابو الشباب مني ما راح اخلية بحالة خخخخخخخخخخخخخ الشهر الياي حامل بارادة رب العالميييييييين ادعولي بنااااااااااااات يا رب يرزقنا كلناااااااا

 

[وصايف ليل]

انشودتي الله لايضيع تعبك وان شاء الله الشهر الجاي حامل
وتكونين اول من يترك هالتجمع يارب
والبقيه تأتي

 

[~$اسيرة الليل$~]

ياربي يالهي وياسيدي يامولاي يارب يرزقنا ويرزقكم بذريه الصالحه ويرزق جميع المومنين والمومنات

 

[sss-aaa]

ياحبيباتي بدلكم على طريقه مره حلوة لوحده اعرفها لها 6 سنين ماحملت بس صارت تقر اسوره البقره يوميا تقسمها كدا جزا كانت صعبه عليها بس بعدين قعدت5شهور وهي على هدا الحل لانها مو يوميا تقرها وكنت تتعالج عند عيادات سمير عباس مره كويسين لان عندها مشاكل كثير بس اهم شي صلاه في اخر اليل والدعا وان شالله تصيرون حوامل الله يتمم حملها ويرزقها بطفل سليم ومعافى وانتم يارب ادعولى وكل وحده تجرب وتدعي من قلبها عشان ربي يرحمها=========وشكرا انشاالله اكون افدتكم

 

[اكبر همي امي]

انا ثلاث سنوات وما حملت يارب احمل انا معى ارتفاع بالهرمون وزوجي ضعف بالحركة والله يكتب الي فية خير

 

[برده]

يااااااااااااااااااااارب فرج همنا وارزقنااااااااااااا جميعا يا كريييييييييييييييييم
استغفر الله استغفر الله استغفر الله استغفر الله

 

[انشودتي الكويت]

وصايف ليل مشكووووووووووووورة ويا رب يرزقني ويرزقكم يا ر ب بس وربي ما بترككم بكون وياكم لين اللة يرزق الجمييع

 

[أم مارية]

انشودتي الكويت ..


الله يرزقج غاليتي .. عــ التعب اللي تعبتيه ..


و ربي يرزقنا جميعا ان شاء الله .. ^^"

 

[رموش نمله]

أنا اليوم شفت في تلفاز وحده أنجبت 5 توائم يجننووووووووووووووووووووووووووون

أنا ضحكت وقلت سبحان الله تحمل 5 أطفال في بطن واحد


وحده ثانيه أنجبت طفل مكانت تعلم أنها حامل وسبب كونها سمينه جداااااااا وقالولها الأطباء أنها ماتقدر تحمل أبداا
يعني عقيمه كونها سمينه جداااا هي متزوجه من كم سنه تقول في بداياتي كنت تعبانه وتخربطت معاي الدوره
ويعطوني حبوب مسكن أو فيتا مينات وكل شهر يزيد وكان حجمي يزيد كانت طبيبه تقولها بسبب السمنه
سبحان الله يوم جاها طلق مكانت تعرف من أساس أنها حامل
راحت المستشفه وقال طبيب في الأسعاف أكيد مراره أو زايده يوم سولها الأشاعه أنصدمو انها بتولد
مكانت مصدقه
لدرجه سولها لقاء في قنات أم بي سي أوبرااااااااااااااا 4



يارب ياكريم ترزقنا جميعا بحمل أنشاء الله

 

[المهاجره]

الله يرزق الجميع بحمل أنشاء الله

بس أختي في الله هل جربتي المر وشربتيه أربعين يوم



حبايبي المشكله زوجي فتحلي الموضوع أنه متشوق لطفل جديد بس انا شو أسوي ماخليت شيء ماسويته


طبعا غير الأقارب لاقريب ولابعيد من يلح لييييييييييييييييييييييه ماااااااااااااااااااااااااحملتي
كنهم يبون يعرفون شو سبب

كلام الناس
خلي اذن من طين واذن من عجين
الحاله النفسيه لها تأثير كبير على المنع
حتى انها تمنع مفعول الادويه
لانها تفرز هرمونات
فالتفاؤل دواء لكل داء والتشاؤم يزيد الداء قوه

الله يرزقكن جميعا الذريه الصالحه عاجلا غير آجل
اما المر
مايصلح يا اختي تشربين المر مده طويله هو له وقت معين زي وقت الدوره وبس

وزوجك
اذا كان رجلك متحمس للاطفال ما اعتقد بيمانع من الاستغفار
استغفري معه بنية الحمل ولك ان تحددي نوع جنس المولود معه
اقرئي هذه القصه عن الاستغفار مؤثره جدا
:icon30: #55 :icon-mos: اضغطي هنا
*******************

 

[وصايف ليل]

اللهم ارزقنا بالذريه الصالحه عاجلا غير آجل يارب العالمين

 

[دمعه حزن]

انا كنت مستعجله في الحمل وكنت دائما اقول ودي احمل وبسرعه وكل ما تاخرت علي الدورة ركض ع المستوصف بجنب بيتي وع طول تحليل حمل وفي الاخير ما يكون فيه حمل وانهبل ليش ما احمل تخيلوا جلست فترة كل ما تاخرت الدورة ركض وفي الاخير ما فيه حمل ...
سبحان الله حملت وكنت باطير من الفرحه وبشرتني الدكتورة اللي في بطني بنت والله انفجعت قلت تاكدي لايكون ولد ومش واضح ,, وكانت تصر بانها بنوته وانا ما فرحت وما حمدت ربي علي هالرزقه وسبحان الله كل فترة حملي تعب والله يكرمكم ينزل معي دم وتهديد ينزل الجنين والحمد لله اللين ما ولدتها وسبحان الله قامت الممرضات يصارخون ويتكلمون وانا اقول وش فيها وما عطوني وجه ورحت لغرفتي واطلب يجيبون بنتي ورافضين اني اشوفها وتخيلوا جا زوجي وقام يعطيني خطبه وانا عرفت ان فيها شي وقلته لو سمحت الزبده ابي اعرف وش فيها ؟؟؟
ما رد علي وجابوها لي تخيلوا يدينها ورجولها
خلاص ما اقدر اتكلم الحين لاني تذكرت الموقف ....​

 

[رموش نمله]

دمعت حزن شوصااااااااااااااااااااااااااار

حبيبتي الحمد الله أنك سبق وحملتي ونشاء الله تحملين وتقومين بسلامه تجيبين كومه بنات وأولاد

صحيح في وحده ألله لا يذكرها بخير جابت ولد وكانت تعايرني وقتها أن الأولاد لها والبنات دازتهم لك تقصد أنا وتقول أنشاء الله يكون عيالي كلهم أولاد ألا أنتي طبعا أبتسمت وقلت أمين والله البنات يجنون لافي لبسهم ولا لعبهم ناعمين

بس بعدين يوم كبرو كان جماعتنا يحبون بنتي لأنها مرتبه ونضيفه وهي ولدها ماتهتم فيه يحوم الكبد حتا أني أنحرج لو سلمت عليه


حبيبتي أستغفري وكثري من صدقه والدعاء

والله البنت زي الولد في المأكل والمشرب والرعايه وتربيه

 

[Tatoo]

انا لي ثلاث سنين ونص ونزلت أربع مرات بس عندي بنوته
الله يرزق الجميع:clap:

 

[أم جوووري]

الحمد لله اني عندي بنوته قمر عسى ربي يخليها لي , بس كبرت وراح تدخل المدرسة

و نفسي يكون عندي بيبي ثاني وثالث ,, وماعندي مانع بنت او ولد

وربي كل ماشفت وحده كرشتها قدامها اقول متى اصير مثلها

الله كريم ,, يارب تجبر خواطرنا وترزقنا بالذريه يااااااااااااارب

 

[رموش نمله]

أم جووووووووووووووووووووووري أنشاء الله تكونين مثلها وحامل بتوم أنشاء الله

حبايبي الله يرزق الجميع أنشاء الله

 

[كناري نجد]

مساكم الله بالخير والذرية الصالحة ان شاء الله
انا لي سنتين وشهرين بس ماحملت رحت عند الدكتورة لمدة سنة بس ماصار شي(( كلوميد وابر منشطة ومثبت ))زوجي سوى تحليل في اول مرة سليم ثاني تحليل كان عندة ضعف في الحركة ولزوجة وتشوة الحيوانات

دعواااااااااااااااااااااااتكم
يارب ترزقنا عاجل غير اجلآ

 

[رموش نمله]

الله يرزق ويرزقنا انشاء الله