من مازالت في قائمة انتظار الحمل؟ لنتنافس معا في المدة؟

[أم مارية]

مرحباا بكم جميعا ...


شحالكم خوااتي .. شو النفسية .. ان شاء الله مرتااحين ..؟؟^^



بالنسبة للكلوميد .. اممم ما ادري انا الصراحه تعبني واايد .. ويوم خبرت الدكتورة .. قالت لي يصير مع واايد نااس .. و عطتني دواء مفعولة شوي اقل .. اسمه ..nolvadex... وخبرتني انه ما تقدر تعطيني كلوميد وااايد .. لانه احتمال بيسبب لي تكيس في المبايض ..



عــ العموم انا شاء الله .. الله يرزقنا جميعا بالذرية الصالحه ..

و الله يوفقككم حبيبااتي .. ^^

 

[لووووز]

مسائكم ورررررررررررد جميعا يارموش نمله يا حبيبتي انا رحت عند الدكتورة وكشفت عند اكثر من دكتورة بعد وكلهم يقولون ماعندك اي شي وكل شي طبيعي وبعدها رحت عند وحده تمرخني وقالت لي عندي ميلان بالرحم ومرختني وبعدها رحت عند دكتورة مررررررررة ممتازة وقالت نفس الكلام بس قالت مايضر وعطتني طريقه اعملها وعطتني منشطات استخدمها وقت الدورة لان الكلوميد مافاد معايه وللحين انتظر فرج ربي الله يرزقني ويرزق كل وحده تبغى تحمل قولوا امييييييين عموما الي تبغى عنوان الدكتورة تقولي مرة ممتازة وكشفيتها بخمسين ريال فقط والله في ناس يجونها من خارج المملكة من الكويت ومن كل مكان بس حبيت افيدكم وعذرا على الاطاله لاكمان لما تجي تكشف عليكي تكشف بطريقة المساج ويعطيكم العافيه

 

[وصايف ليل]

حبيبتي لوووز وين هالدكتوره باي منطقه وصفي لي او هاتي رقمها
الله يرزقك يارب

 

[***فوفة***]

أجمل تحية لأجمل بلقيسيااااااااات

أبدأ من فين وأقول ايش وأخلي ايش ،،،،بأحاول أختصر

أولا::: الغالية (رموش)ماني قايلة رموش نملة مولايق على هالنفس الحلوة والروح الطيبة كلمة نملة!!!!!!!

ألف الف شكر على هذا التجمع الطيب وأنا نفس حكايتك تماما بس أنا متزوجة صار لي ست سنين ومن أيام الملكة اتفقنا

أنا وزوجي انه نأخر الأطفال شوي وعملنا مانع طبيعي 6شهور بعدين تركنا وما حملت لين أخذت خافض لهرمون الحليب

يعني حملت بعد سنة وشهر،،،،والحم\لله جبت بنت عمرها الآن 4سنين بعد النفاس جربت كذا نوع لحبوب منع الحمل

بس ماتحملت آثارها الجانبية فانتقلنا إلى المانع الطبيعي مرة أخرى واستمرينا عليه ثلاث سنوات ونص ولي 4 شهور تاركته
بس ما حصل حمل رغم اني منظمة دورتي ومنزلة هرمون الحليب طبعا تحت إشراف دكتورتي!! يالله الله يرزقنا



ثـــــــــــانـيــــــــــــــــــا:::

ألف ألف شكر للأخت حمراء الورد على مشاركتها و ردها المتميز جدا جدا صدقيني كانت استفادتي مما كتبتيه عظيمة جدا

وجعلت هذا المنهج في الدعاء منهجا عاما لأي موضوع أسأله ربي سبحانه وتعالى ،،، ومن اليوم سأبدأ وإليكم النتائج لاحقا


ثـــــــــــالثـــــــــــــــــا:::

الأخت وصايف ليل ألف ألف شكر وجزاك الله خير على هذه الدعوة النقية التي تدل على صفاء قلبك وسريرتك،،،،،
آآآآآآآآمين يارب نجتمع هنا قريبا ونحن جميعا حوامل


آسفة عالإطالة ولكنها كلمات خرجت من أعماق القلب

 

[لووووز]

اسم الدكتورة انور جيهان وعيادتها بالرياض في حي السليمانيه طبعا هي دوامها بس بالصباح واحب اقوللك ان اغلب اللي راحولها حملوا على يدها بعد فضل الله سبحانه وتعالى والرقم حق العياده هو014650947 واحب اذكر قصة وحده جاتها من الكويت وراحت للدكتورة وبعد شهر رجعت وهي جايبه للدكتورة طقم ذهب فقالت لها الدكتوره ليش قالت لها انا لي 14 سنه ماحملت والحين حملت بفضل الله ثم بفضللك والله يرزق الجميع ولاتبخلوا علي بدعائكم،،،،،،،،،،،

 

[لووووز]

لو سمحتو حابه اقول شي اي وحده تروح للدكتورة تطمنا عليها

 

[papero0o]

لوووز جزاك الله الف خييييييييييييييييييييييييير

 

[وصايف ليل]

والله يالووووز انا ودي اروح الدكتور بس ابو الشباب رااافض
الله يهديه ويخليني اروح
لانها هذي ثاني دوره بعد التسقيط
وجت بشكل فضيييع وانتم بكرامه نزيييف متكتل
لكن رحت لدكتوره غدد ولحد الآن ماظهرت نتيجه التحاليل
بس استنتجت انه عندي تكييييييييس
يارب ياكريم ترزقنا بالذريه الصالحه ياارحم الرحمين

 

[لووووز]

حبيبتي وصايف ليل اقنعي زوجك بطريقتك الخاصه انك تروحين عند ها الدكتورة وانشاء الله ماتشوفين الا كل خير بعد فضل الله وتوفيقه

 

[كوكو81]

انا الحين عمر ولدي 3سنين وشهر العمر كله واليوم سويت فحص لان الدوره متاخره واحس بدوخه ولوعه والقولون متعبني بس ظهر ما في حمل وزعلت وايد وما خبرت ريلي باي شي لانه يعايرني ويقولي اصلا انت ما تحملين وما يرضى نتعالج او نسير عند الدكتوره

 

[انشودتي الكويت]

يا حلووووووووو دعائج ربي يرزقج ويرزقنا

 

[انشودتي الكويت]

رومش نملة حبيبتي انتي ليش ما تراجعين الدكتورة ترا منتي خسرانة جيكي علي نفسج والكلوميد اللي الحين يسمونة سيروفين ( خبرة بالنواع الكلوميد ) خخخخخخخ نسبتة في عمل اكياس علي المبايض اقل يعني هو كلوميد محسن ..والقديم اتدكر اني خدتة قبل عشر سنين كان حبة الصبح وحبة بليل علي خمس اايام من ثاني يوم الدورة ..اما الكلوميد اللي الحين كثير من الدكاترة يصرفونة ( اللي هو السيروفين ) يوصف من ثاني يوم بالدورة وايضا حبة الصبح وحبة بليل .. بالنبة لي انا اعالج من الشهر الللي طاف وبالفعل اخدت الكلوميد صباحا ومساءا لكن ما صار حمل علي الرغم من ان المبايض كانوا نشطن جدا ..
الشي الجديد في الموضوع اني طلبت من الدكتورة تواام خخخخخخ( خايفة اكون مو قدها لان ولادتي صعبة ) وقالت لي خلاص لازم تاخدين 3 حبات باليوم وتراجعيني اليوم العاشر بعد الدورة وهدا انا نااااطر ة رحمة رب العالمين ..ويا رب يرزق الجمييع

 

[ام ساره حياتي]

مرحبا اخواتي الله يرزقكم ويرزقني بالذريه الصالحه
بنسبالي انا بكمل سنه على اخر الشهر هاذا من تزوجت ومانكتبلي حمل للحين بس دورتي ملخبطه مره تجي بعد خمس وثلاثين يوم ومره بعد سبع وثلاثين واحيانن تكمل خمس واربعين يوم خايفه اروح لدكتور يعطيني منشط سمعت اللي تاخذه تحمل بتوأم وانا مو قدالمسؤليه الكبيره لاني موظفه وماواطن شي اسمه خدامه تدخل البيت
ارجوكم لو حد عنده خبره اوحل يفيدني

 

[حبيبة سوونه]

حبيباتي انا لي سنه و9 شهور لسا ماحملت
وحللت انا وزوجي وطلعت التحاليل سليمه والحمدلله
والحين ننتظر ربي يرزقنا
لازم من الاسئله والكلام الماصخ بس ايش نسوي
هذا اختبار من ربنا ولازم نصبر ونحتسب
ورنا كريم ان شاء الله يرزقني ويرزق كل محرومه

 

[رموش نمله]

ياحبيلكم والله وحشتوني
أنشاء الله يكتبلنا حمل بأذن الله

يارب ترزق الجميع بلحمل أنشاء الله


بنسبه الي تقولي روحي لدكتوره أنا رحت وسويت تحاليل أنا زوجي طلع كل حاجه سليمه

سدقين صرفت مال علا الفاضي مافي نتيجه ابد يعني جلست سنه أو أكثر وانا أتعالج مافي فايده

بس الحمد الله وأشكره من فضلك

 

[لووووز]

يارموش انا انصحك بالدكتورة روحي لها وماتشوفين الا كل خير انشاء الله والعنوان ولاسم كل شي موجود بس شوفي الردود

 

[برده]

اللهم فارج الهم وكاشف الغم مجيب دعوة المضطرين رحمن الدنيا والآخرة ورحيمهما أسألك باسمائك الحسنى وصفاتك العليا وباسمك الاعظم ياحي ياقيوم
يا واحد يا احد يا رحمن يارحيم اللهم ارزقني وارزق كل محرومه وارزق كل الاخوات في هذا الموضوع يااااااااااارب

حبيبتي نموله انا لي 11سنة وما اراد الله تعالى لي الحمل الا الآن مع اني سويت فحوصات وكذلك زوجي والحمد لله فقط ضعف تبويض
الله لايحرمنا منهم يارب

 

[لووووز]

الله يجزاكي الف خير ياااااااااااااااااااااارب ويرزقنا اجمعين

 

[احلى قلب]

السلام عليكم
وانا صار لي سنتين ونص ماحملت وانا وزوجي متأثرين وايد بها الموضوع مع اني رحت لدكاتره وقالوا عندج تكيس وبعدها انصحوني بالضعف مع اني مش متينه وايد والحمد الله راح التكيس وانشاء الله الشهر الجاي بسوي طفل الانابيب وبصراحه خايفه اني مااحمل وتتعب نفسيتي زياده
يارب ارزقني وارزق اخواتي المسلمات بالذريه الصالحه
اميييييييييييييييييييين يااااااااااااااااااارب

 

[أم رونق]

الله يرزق الجميع الهم امين