ملف خاص لزوجات الجنوبي ((لمن ارادت تغيير حياتها )) لليوميات

ماتجيبينها من مكان تكتبين يومك .. اش صار واش سويتي
 
موو اجيبهاا خخخخخخ
قصدي اليومياات الي ابي اطبقهااا وين احصلها مكتووبه فيه بس
 
بصراحه كلامكم وايد يشجع ويحمس
حبيت البنات اللي يهتمون ببشرتهم وشعرهم
أنا كنت جيه كنت وايد أحب أهتم من يبت ولدي الثاني صابني كسل غريب
بس إن شاء الله من الأسبوع الياي ببدا لأن هالأسبوع عندنا عرس وأنا وايد مشغوله
ودي اكتبلكم يومياتي بالتفصيل الممل بس ماعندي وقت حاليا

أهم شي صارلي من بديت وياكم إني أحاول أتحكم بأعصابي وأحافظ على نبرة صوت هاديه
والله إن هالشي انعكس على نفسيتي ونفسية زوجي وعيالي فديتهم
يا رب استمر وما أرجع لعادتي القديمه يا رب
ادعولي بنات .. أنا وايد متفاءله إن هالتجمع بيغيرني وانتوا ما شاء الله تحمسون بصراحه
 
صباح الورد والجوري للحلوين بما اني ماقدر ادخل باليل واكتب الواجب لانو الجنوبي قاعد على الجهاز وماعندي لابتوب راح اكتب ويش صار امس من بعد العصر جاء الجنوبي من شغله ولقيني مرتبه نفسي وطلعت له الغداء قالي جهزي نفسك عشان مراجعه الدكتور ه بصراحه انا نسيت المراجعه قلت طيب لبست عبايتي ولبست الاولاد ودينا الاولاد عند جدتهم ورحنا عند الدكتوره اول ماشافتني قالت ماشاء الله اليوم وجهك منور ابتسمت سالتني اذا كنت مشيت على النظام اكل بدون ملح وكركديه بارد قلت لها ايوه قاست الضغط قالت تمام وسالها زوجي ممكن يرتفع مره ثانيه قالت له ايوه اذا انت زعلتها طبعا انا ماقلت لها شيء بس هي جزاها الله خير ماقصرت وكانها حاسه فيني قالت لوزعلتها راح تتعب في المستشفيات وطلعنا من عندها رجعنا على البيت كان على اذان المغرب قلت له تبي قهوه قال بعد الصلاه وبعد الصلاه سويت القهو والحلى قلي حطيه جنب الجهاز حطيتها وانا مبتسمه وجبيت لي كتاب وقهوه وحلى في صينينه ثانيه وقعدت اشرب القهوه وانا اقرا ومنسجمه في القراءه في البدايه ماانتبه لي بس بكى ولدي شلته في حضني وقعدت اقرا طالع فيني قالي ايش تقرين سويت نفسي ماسمعته ورجع على صوته ايش تقرين قلت كتاب قال كتاب ايش وريته وكان كتاب في ا لبحث العلمي سكت وانا كملت وماهتميت شويه الايقوم من الجهاز وجاء نام في حضني وقاعد يقولي ماشاء مثقفه اول مره يشوفني اقرا قدامه كنت دايما اقرا وهو مو موجود ابتسمت وشويه يقولي سامحيني على كل شيء سويته فيكي مارديت دمعت عيونه قلت له سامحتك قال طول عمره قلبك كبير وقعد يحضن فيني وجت بنتي الصغيره وخربت علينا الفلم الهندي وراح صلى العشاء وهو مبسوط على الاخر المهم راح وتاخر مره ورجع على 11 وانا اقرا وردي جاء لعندي وسويت نفسي مشغوله وماسالته ليش تاخرت لااني متاكده انه كان يكلمها قلت له تبي عشاء قالي اذا انتي جيعانه طلعي العشاء قلت مادم كذا اخلص وردي واطلعه خلصت وطلعته وهو جلس على الجهاز الا اشوفه وجهه انقلب وعيونه حمرت اقوله تعال تعشاء قالي تعشي انتي انا بتاخر ماهتميت ولاسالته وتعشيت وعشيت اولاد ودخلتهم نيمتهم وبعدين طلعت من الغرفه لقيته ماسك راسه كانه فيه مصيبه صارت انا خفت وقلت له ايش فيك قال مافي شيء روحي نامي كانه يصرفني وطبعا تعرفون ولدي الصغير صعب اتحكم في نومه كان صاحي قال مابتنامي قلت له مو راضي ينام شويه ونام ولدي قلت له تبي شيء قال لابس انا بطلع ادخن لاتقلقي وعلى فكره ترك التدخين من زمان بس رجع له الحين خرج وتاخر بصراحه قلقت وماقدرت امسك نفسي اتصلت عليه قال شويه وجاي جاء وطاع فيني لقيني غفت عيني قالي نمتي وفي صوته الم وحزن قلت له غفت عيني وحسيت انه يبغا يحضني قربت منه حضني بقوه وقال عمرك كرهتيني قلت له لاانا متسحيل اكرهك انا ازعل منك لااني احبك ضمني بقوه وبكىوبكى قلت له ايش فيكايش الي قلب حالك قالي كافي الهم الي عندك مابغا ازودك هم قلت اذا ماقلت لي همك تقوله لمين قالي لالالاكافي الي فيكي انا سكت وماحبيت اضغط عليه وتنهد تنهيده كلها الم وحزن وقعدت اقرا عليه لحد مانام انا قلت في قلبي اكيد صار شيء بينه وبينها ونمت ماصحيت الفجر ولاحسيت فيه لما خرج لااني نمت على الساعه 3 وصحيت على 9صحاني ولدي ورحت ارسلت له الرساله حق واجب امس مارد علي لما خرجت لقيت المسن حقه مفتوح يعني صحي وقعد عليه ونسي يمسح المحفوظات واشوف كاتب لها صباح الخير ياعمري ان شاء الله نمتي كويس جاني احباط وبعدها فطرت انا والعيال وقعدت اكتب لكم بالله قولي لي ياختي صموته تصرفي معه صح او غلط
 
\مرحبا بديت يومي بدري الساعه ثلاث الفجر ابتسمت واستغفرت ع نفاس ودي اصلي واقرا قران هانت كم يوم وبخلص قمت شربه ماي ع الريق فطرت انا وعيالي زوجي طلع بدري وماسالته بس ليش مايقولي احسه شي تافه بس هو مايقول واذا سالته يعاند سويت ماسك قبل يرجع اتسبحت وتعطرت واستقبلته ع الباب عطيته بوسه وشلت الاغراض منه قبل يرجع ارسلته مسج المهم قال مايريد غدا وبينام وانا ماسكه كتاب واقرا مسويه مثقفه سحب الكتاب ع يعرف شو فيه بعدين نام العصر بصحيه وبسوي شي ياكله وبمشي نص ساعه عندي شغلتين ياريت صمت تساعديني الاولى زوجي مهمل الصلاه ؟الثاني شي مايرد ع مسجاتي الا اذا تضمنت سؤال ...............
 
صحيت الصباح من النوم طبعا هو نا يم لانه ماجا غير الساعه خمس الفجر طبعا عادي هويومين كذا كنت معزومه علا زواج بكره قلت انا بروح الزواج طبعا رفض قال مافبه زواج قلت ليش صدقتي عازمتني علا زواج اخته وانت تعرفه قال مافيه الازواج اقارب قلت خلاص طلع الساعه الثانيه من البيت للاستراحه طبعا يومي هذا وضعه رجع للبيت بعد المغرب عشان ياكل ورجعت وفتحت معه الموضوع بس قلت انهم عازمين اختي واني بروح معه واعيالي بينمون عنده لان زوجه مسافر قال لا قلت طيب وسكت لما جت الساعه 11 ارسل مسج يقول روحي بس اخر مره كلمت عليه وشكرته وطبعا نمت ماشفته جابعد الفجر ونام وقام الظهر وتقهو وافطر وطلع وانا جلست احظر لغراضي وجهزت عشاه والمغرب بروح بيت اختي
 
يوميياتي: صارلنا 3ايام متخاصمين على شي تافه بقولكم الموقف واحكمو
كان مداوم بلليل على الساعه 12وربع دقيت عليه وانا كنت ابي اكلم صديقتي ودقيت عليه بالغلط قلتله كنت ابي صديقتي ودقيت عليك اهو زعل ليش مادقيتي تساالين عني واهو بصراحه عودني اني ماادق عليه اذا هو بالداوام ولاعند ربعه مهما صار ولا حتى ارسله لان جواله ياخذونه ربعه ويفتشونه وعصب علي انا قفلت منه وجلست انتظره ماجا الا ساعه وحده وش هالدوام الي ساعه وحده انا مليت ورحت نمت وزعل للمره الثانيه ليش نمتي وماانتظرتيني؟
بصراحه وضع يملل وصار الحين يضايقني على اتفه شي يدور الي ينرفزني ويسويه حتى امي منعني اروحلها
واي طلب اطلبه يرفض ولما طلب مني اسوي غدا اليوم رفضت قام جاب غذا من برا ولما جيت بتغدا معه قام من الغدا يعني حاقد علي وبقوا ولو اجيه واسئله بيقول انتي الغلطانه كالعاده
بصراحه ودي افضفض ماعندي خوات وامي ماحب اقولها على مشاكلي معاه
 

اعذرررررررررررررروني اليوم ماتمكنت ادخل معنا حالة عزاااااااااااااااااااااء ودحين دخلت اعتذر منكم وان شاء الله اول مااتمكن بدخل .... وانتن لاتتوقفن كل وحده تكتب يووووووووووووومياتها حتى ارجع ونعلن اسم الفائزه ​
 
مرحبـــــآآ
عظمم الله اجركَ يآقليبي
< تكتب الوآجب
اممممم اليووم مبسووطــــــه ولله الحمد سوويت كل شي واحمد الله
عدلت نوومي ونوومة بنووتي وصليت صلوآتي بااوقااتهااا
وحطيت مآسك على وجهي وقمت بصلة رحميَ
وورضيت عن نفسي ورتبت بيتي ووووو

نجي للتفصيل
صحيت صبآح السااعه خمسسسـه
رتبت بيتي لااني مترآخيه في شي اسمـه بيت وترتيبه اتعب ونفسيه اكسس
بس سوويت على النفسيه رفريششش وقلت مآبدهآش ياابنت
خلصت من شغل على السااعه تسسسسسعه
السآعه 12 سوويت غدىي طريقه جديده خذتهى من النت خبز صآج وووزبطت معه طبق من دجااج ومشرووم وحركآت
طبعآ
البيه الكبيررر مبسووط على الخبز يقوول خلااص مارااح نشتري ابيك تسووين لي دآيم هلالخبز يجننن
< خقييييييييت عآد دووريني
امممم
العصر زبطت لي كيكه وقهووه وطلعت لاامي على السااعه خمسسسسسه
لاان امي كآنت مساافره ورحت اسلم عليهآ
وولمآ جاات الساعه تسسسسسعه رجعت والبيبي تصيح تبي النووم
جيت لبيتي وحصلت بعلي جوعآن زبطت له سآند ويشش وقلآس شااي
وابتساامتي كبر الحييييييييييييييييط مآفي سبب بس قلتوو هذا الووآجب خخخخخ
< فآهمه غلط ؛)
ووو نآمت البيبي وطلع زووجي المصوون
ولآقلت له بتتآخر
استنآك لالالااااااااا
خلآص ابي من اليووم اعيش لربي ثم لنفسسسسي
كآفي قيوود زووج وقسسم بآلله اوول كني سآهر

ممممم
مآعلينــا
وآكتب لكممم وآنا حااطه الان على خشتي
< يآلبىآ
مآسك عبااره عن حليب بآودر وخميره وعسسسسسل
وشعري اليوم مآخذه شآوور وبعد الشطف حطيت شووي سدرَ
ووووجسمي ان شآء الله ببدىآ يوم السبت برجييم التمر والللبن.. الي حآبه تشااركني نزلت يووميااتي بقسسسسم القوآم والرشااقه
وشوياات بجلسسسس ع النت ولااطلعت بصلي قيآم الليل وبقرى اول سوورة البقره ..
وصلووآتي بووقتهى يالله من فضلــــــك .. وخلصنآ وملصنآ ..
برٍب َ ..
 
استغفرالله استغفرالله استغفرالله

السلام عليكم ورحمة الله وبركاته

احسن الله عزاك صموته الله يجبر بخاطركم ويسكنه فسيح جناته

اليوم كان حلو نوعا ما
المهم انا استمتعت فيه وطلعت شفت ناس :26:
صحيت تسع ونص ووقهويته لين طلع على االحادية عشر رجعت انام صحيت 2 وتروشت
وصليت وقمت اتقهوووو واتصلت على الجوجو اسئله غداه يبي بدري قال لاا تعبان صليت العصر وجلست اقراء اورادي واستغفر واقراء قران يوم وصل استقبلته بابتسامه وهلا بتاج راسي <<سمعته منكم :36: وهات البوسه
تروش ودخل ينام على المغرب جهزت الغداء اتغدينا وقلت له ابي المشغل بعد العشاء قال ليش قلت سوليف حريم
وطلعت للمشغل جلست فيه ساعه وهو ينتظررررر لانه بيروح للشمال قلت روح قال لااا مايمدين اوصل الاتقولين تعال
وتعرفت على وحده بت بالمشغل رجعنا 11 على الساع 12 طلع لربعه كالعاده انا تروشت وبقراء قران وواوتر واستشور شعري
بنات في الاستغفار حاجه غريبه تهدي وضعك انتي ونفسيتك حتى صرت حابه اكثر كل يوم عن الي قبل
استغفرو بعد كل صلاة 300 مره على اليدين 75 مرتين راح يكون مجموعه 1500
 
انا تو مسجله وبكره باكتب لكم يومياتي

بس انا يابنات زوجي يقول انتي كل شي فيك حلو وكامل

الا الزعل هذا الي ماتخلينه والبوز الممدود

ودي اتغير من هالناحيه مع اني قبل ماتزوج كنت رجججججججججه بس الحين دايم ساكته وما اضحك كثير حتى الابتسامه نادر
 
عظم الله اجرك واحسن عزائك وغفر لميتك صموتة...
انا اليوم صحيت بدري صليت الصبح وقرات قران وفطرت
بعدين قعدت عاللاب توب للساعه 3 عصر لانو ما عندي ولا شي
بعلي نايم نومو مقربع
وبيتي نضيف
طبعا لابسة شورت >>مين قدي منتفة رجولي :P
مع تي شيرت ((بيجامة)) بس مغرية وتجنن
اشتهيت شي سائل يروي العطش
وبعد تفكير قلت مالي غير كاسة فواكه فريش تبرد القلب
قمت سويت كاسة تفاح وقعدت اتفرج تلفزيون شوية
بعدين قمت نمت ل8
صحاني زوجي قلي قومي بنخرج نتمشى مع اهلي
طبعا في البداية جاني احباط بس بعدين قلت مالي غير اسلم امرري لله واحط نفسي قدام الامر الواقع
وفعلا لبست وخرجت ونحن قاعدين قبل مانخرج قمت سلمت على راس ام زوجي
وقلتلها معليش انتي فهمتيني غلط البارح
قالتلي مو انا اللي فهمتك غلط انتي اللي نطيتي في حلقي >ايش اسوي فيهها الحين ...حتى في عتابها رقيقة فديتهآـآ
المهم خرجنا تمشينا وعدا الموضوع على خير
زوجي مرة انبسط لاني اعتذرت لامو ولاني سلمت على راسها .
رحنا مول بجده اشتريت (Caver) اللي هو اللبس الخارجي للجوال .
اشتريت واحد لجوال زوجي "ايفون"بفلوس نجاحي وقلتله هذه هدية.
وبالمقابل دلعت نفسي واشتريت ميدالية لمفاتيح بيتي اللي تكون معي دايما .
مع انها غالية بس ما تغلى علي >يا لبى بس فديييتني ...<عايشة الدور احد يصحيني كككككـ
الساعة ال5 صباحا من اليوم الثاني
رجعنا لبست قميص احمر واسود >تغيير البارح بجامة اليوم قميص
كان شكلي واو
رفعت شعري
وحطيت كريم من بودي شوب على سيقاني وركبي واكواعي وفوق الكريم بووودره من افون
جاتني الفكرة لمن اشوف رجول المغنيات والممثلات كيف تلمع ...
قلت اكيد يحطو كريم بعدين قلت عشان تسير بيضا بحط بودرة
صراحة النتيجة نااااايس ..لا تفوتكم
وانسدحت
زوجي اكلنننننننننننننني
بس وسلامتكم والحين بروح اقرا قران واصلي الصبح وانام لانو رراسي يوجعني مررة
طمنينا عليكي فديتك صموووتة​
 
ربي يسعدك صموتة والله ريحتي نفسياتنا وطبيعتنا النسائية الثرثارة بهذآ الموضوع
​
 
البقاء لله ماقصرتووووو خواتي ... راح اكتب لكم قصه اليووووووووووم بس نوع اخر كنوع من التجديد والرساله والاخبار ... وراح اشوووووووف من الفائزه ونعلن اسمها... ​
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل