ملف خاص لزوجات الجنوبي ((لمن ارادت تغيير حياتها )) لليوميات

[صمت وخجل]

اهلا بكن خواتي في موضوع يوميات زوجات الجنوبي

هذا الملف لطرح يومياتكن ولكسب قلب الجنوبي

والتعامل معه على مايحبه والابتعاد عن السلبيات

الشررروط التواجد اليووووومي وكتابه اليوميات وحل الواجب

الواجب هو ان نجعل الابتسامه شعااااارنا
والنكد والعصبيه اعداءنا
وتنويم الاطفال مبكرا
انا نهتم بتاديه الفروض بااوقاتها وكل يوم قراءه ولو صفحه من القراءن
ان نبدا بنظام غذائي صحي والمشي نص ساعه
والعنايه بالبشره والشعر
وممنووووع منعا باتا تفتيش اي شئ يخص الزوج
وممنوع ان تسالو الزوج متى راجع ووين رايح
وزياره اهل الزوج بالاسبوع مره ومن تريد ان تزيد
ويوميا الساعه 9 مساء نرسل رساله للجنوبي (الرساله راح تكون متفق عليها )
وراح يكون يوميا معنا (موجز اخبار الرياضه )
وطرح القصص القصيره
ومعلومات عامة

كل وحده ارادت ان تشارك معنا تسجل اسمها وراح ننتظر يومياتها ونكون يدا واحده لبدايه حياة جديده خاليه من المشاكل ...
والتسجيل على هالرابط
http://www.niswh.com/vb/showthread.php?t=341956


والتسجيل مفتوح من 4/7/2011م الى 8/7/2011م


اما هالملف خااااااص للاخبار اليوميه ويوميات زوجات الجنوبي بدون ردووووود (التسجيل ) ..
ـــــــــــــــــــــــــــــــــــــــــــــــــــــــــــ


صبااااااااااااحكم سعاده وراحه بال ... حبيباتي راح نبدا بالقصه القصيره :

يروى أن رجلاً جاء إلى الإمام أبى حنيفة ذات ليلة، وقال له: يا إمام! منذ مدة طويلة دفنت مالاً في مكان ما، ولكني نسيت هذا المكان، فهل تساعدني في حل هذه المشكلة؟فقال له الإمام: ليس هذا من عمل الفقيه؛ حتى أجد لك حلاً. ثم فكرلحظة وقال له: اذهب، فصل حتى يطلع الصبح، فإنك ستذكر مكان المال إن شاء الله تعالى.فذهب الرجل، وأخذ يصلي. وفجأة، وبعد وقت قصير، وأثناء الصلاة، تذكر المكان الذي دفن المال فيه، فأسرع وذهب إليه وأحضره.وفي الصباح جاء الرجل إلى الإمام أبى حنيفة ، وأخبره أنه عثر على المال، وشكره ، ثم سأله: كيف عرفت أني سأتذكر مكان المال ؟! فقال الإمام: لأني علمت أن الشيطان لن يتركك تصلي ، وسيشغلك بتذكر المال عن صلاتك.


وننتقل الى الرساله اليوووووووووميه وبالتوووقيت التاسعه مسااااااااء :

طلبتك..

لاتردني ارجوك

قل تم
حط الجوال على شفايفك
وهات بوسه



وفي هذي الساعه نبث لكم الموجز الرياضي لليوم :


قرر المنتخب الأرجنتيني لكرة القدم إقامة تدريباته يوم الأحد بدون حضور الجماهير ووسائل الإعلام بحثاً عن مزيد من الاستقرار والهدوء والتركيز قبل مباراة الفريق المقبلة أمام المنتخب الكولومبي يوم الأربعاء المقبل في بطولة كأس أمم أميركا الجنوبية (كوبا أميركا) المقامة حالياً في الأرجنتين.
ويسعى المدرب سيرخيو باتيستا المدير الفني للمنتخب الأرجنتيني إلى تجربة بعض التغييرات على التشكيلة الأساسية للفريق بعدما سقط في فخ التعادل 1-1 مع نظيره البوليفي في المباراة الافتتاحية للبطولة.
وتبرز من بين هذه التغييرات الاستعانة بالمهاجم الشاب سيرخيو أغويرو بدلاً من إيزكييل لافيتزي أو كارلوس تيفيز.
وسجل أغويرو هدف التعادل لفريقه في مرمى بوليفيا في الدقيقة 76 من المباراة وبعد خمس دقائق فقط من نزوله.
ويلتقي المنتخب الأرجنتيني نظيره الكولومبي يوم الأربعاء المقبل بمدينة "سانتا في" في الجولة الثانية من مباريات المجموعة الأولى في الدور الأول للبطولة.
ويحتاج المنتخب الأرجنتيني للفوز في هذه المباراة من أجل انتزاع قمة المجموعة التي يحتلها المنتخب الكولومبي حالياً بعد الفوز على كوستاريكا 1-صفر في الجولة الأولى.
كما يحتاج باتيستا إلى حل المشكلة الخاصة بمركز ميسي إذا ما كان سيحترم الفكرة الأولية بإشراكه كرأس حربة أو سيجعله صانعاً للعب بجوار إيفر بانيغا أو الاعتماد عليه كصانع لعب وحيد يكافح من أجل استعادة الكرة وقيادة زملائه نحو المرمى على أن تأتي قدرات اللاعب التهديفية في أولوية تالية.
وخلال المباراة أمام بوليفيا، دأب ميسي على العودة إلى وسط الملعب كثيراً لاستخلاص الكرة مما جعله فريسة للارتباك الواضح في أداء المنتخب الأرجنتيني ومسؤوليات لاعبيه مما ساهم في عدم ظهوره بمستواه الحقيقي.



وننتظر المعلوووووووومات العامه من الاخت دمعه غلا ..

وانتظر يومياتكم واتمنى لكم الحب الابدي مع الجنوبي ..









​

 

[$دمعه غلا$]

صموته القصه حلوه وفيها استنتاج اراد ان يصل اليه الشيخ ان الشيطان ينتهز اي فرصه ليشغل المؤمن عن صلاته وفيه تنبيه ان يحاول الانسان ان يجاهد الشيطان ولاتشغله امور الدنيا عن صلاته التي لن ينظر الله لعمل قبل ان ينظر اليها فأن صلحت نظر الى باقي الاعمال

 

[$دمعه غلا$]

قبل المعلومات حبيت ادي مقدمه عن اهميه الثقافه في حياة الزوجه
لاننكراهمية الثقافه في حياة الانسان وخاصه المرأه فالمرأه الواعيه المثقفه تستطيع ان تدير حياتها بشكل صحيح والثقافه هي الالمام بجميع مايدور حوللك وجمع كثير من المعلومات ولاتقتصر الثقافه على نوع معين بل هي كوكتيل من المعلومات
اخبار سياسيه واقتصاديه برامج توعويه معلومات تطوير الذات كتب دينيه المهم لاتترك مجال الا وتعرف فيه فالمثقف محاور جيد
الزوج يحترم المرأه الواعيه المثقفه لانها تحمل عقل كبير ناضج تستطيع ان تتصرف بحكمه في امور حياتها
مثل ماندي مظهرنا الخارجي اهتمام علينا ان نهتم بثقافتنا
قرأة الكتب والاطلاع على شبكة المعلومات في كل مجال مشاهدة برنامج ثقافي قرأه صحيفه اوكتاب كلها وسائل ثقافه تنمي العقل وتشغل الوقت بماهومفيد

 

[$دمعه غلا$]

معلومة اليوم كيف تحصلين على جسم ممشوق متناسق وبشره نظره وشعر لامع وصحه جيده
شرب اربع كاسات كبيره من الماء المعتدل الحراره صباحا وشرب 12كاس على مدار اليوم
ممارسة الرياضه وخاصه المشي 3مرات بالاسبوع
الاكثار من الخضار والفواكهه وبذات الخضار الورقيه الداكنه
الابتعاد عن الزيوت والمعجنات
زيارة الطبيب ومعالجة المشاكل الصحيه الموجوده وخاصه مشاكل الغدد والهرمونات لان احيان السمنه سببها هرمونات لازم طبيب يعالجها
الابتعاد عن الضغوط النفسيه فقد اثبتت الدراسات تاثيرها علىاجهزة الجسم وعلى التفكير السليم
انشاءالله اكون قدرت افيدكم بشي وانشاءالله تطبقون المعلومات لانها في الاخير فائدتها لكم

 

[عيون بو سلطان]

أنا أبا زوجي يرجع البيت من وقت
هو مب متواجد طول اليوم بسبب شغله ودراسته الجامعيه
حتى بالصيف يدرس
ومن يخلص على طول على الجم يلعب رياضه
ومن الجيم على ربعه على طول
مايرجع البيت قبل الساعه 12
يعني لا أنا ولا عيالي نشوفه
أنا ممكن اشوفه يوم يرجع هذا إذا مارجع وأنا نايمه لأني موظفه وما أقدر أسهر
بس عياله مايشوفونه ولا يلسون وياه
يرجع البيت يتسبح ويلبس ويطلع ومايرجع مره ثانيه إلا عشان يرقد

هو مب مقصر ويانا ماديا وكل طلباتنا مجابه بس الطلبات المعنويه فيها تقصير
كيف أخليه يحب البيت ويرجعله وهو مشتاق

حابه هالفتره أشغل نفسي بحفظ القرآن وأسويلي مشروع واغير أسلوب حياتي
ما أحب أعيش بكآبه وبدون هدف
أتمنى هالتجمع وهالملف يساعدوني على التغيير
بصراحه أول مره أحس بحماس وإن شاء الله بلتزم وياكم
ما دخلت في تجمع من قبل

 

[hmas]

هلا حبيباتي
اليوم صحيت الصباح ورحت دوامي >> أروح الدوام وزوجي نايم دوامه متأخر
على الساعه 9 ارسلت هالمسج للجنوبي < زوجي العزيز >
صباح الغلا والمعزه وصباح الحب في كل حزه ياأغلى وأحلى من أعزه

 

[capationo]

من تجاربي ليلة أمس ...
كان فيه برنامج على قناة بداية اسمه ( بوح بنات ) وكان فيه الدكنور خالد الجبير وكم واحد معه ويتكلمون
عن المرأه وانها فتنه واللي تتعطر عطر يفتن الرجل ويشمها رجل غريب زانية وبعدين دخلوا على موضوع فيه اولاد صغار ماكنأهم صغار كأنهم رجال بتفكيرهم يفصلون جسم المرأة ..و و و و ........
والله يابنات بدون مبالغة زوجي متسمر أكلمه في عالم ثااااني انقهرت وراح تفكيري انه قاعد يتخيل ووووو ..
قلت له غيّر القناة مارضي قلت له لو ماغيرت بفصل التلفزيون ولا غيّره وقمت وفصلته ..
هو زعل وقال ليش ايش فيها تراه حتى هو رجال ومعه رجاجيل قلت له البرنامج برنامج حريم انت شتبغى ؟؟
تقيمي لتصرفي <<<< غلط غلط غلط
التصرف الصحيح : المقروض غيرت القناة بشطارة مو بتهور ..

هذا الموقف البارز ليلة البارح واللي استفدت منه ولالالالالالالالالازم أغير نفسي وبدون تهور (-: ​

 

[ღ طيف المشاعر]

في موقف صار لي بحكم اننا ملكه
وبين كل شهرين نشووف بعض

تعرفون الملكه لازم هدايا ورود وحركات >>دلع ماقبل الزواج خخخ

كنا جالسين ومتونسين دقت بنت اخته وقالت وينك قال عند طيووفه قالت اووكي يالله قال وش بغيتي

قالت نبي نروح الحرم انا وخواتك قال تيب نص ساعه واجي>>انا انقهرت المفروض مايقوول لهم

كذا بس تذكرت كلامكم وقلت لازم تووديهم وخذ اجرهم ولو بغيتوو سوو عمره

قال اي والله وربي احبه >>غصيت بقووه قلت ايه لابد وربي حتى انا احبهم ويمكن اكثر منك

ضحك وقال يالله بروح عبال مانوصل ونلقى موقف للسياره قبل الاذان وهو طالع

عطيته باقه ورد قلت تفضل قال مشكووره وبعدهاقال وش اسووي بهالباقه

قلت حطها عند راسك ونام عشان تتذكرني

قال لاا بوزعها عليهم وقوول من عندي وعندك >>غصيت غصه ثالثه بغيت انجلط

وبعدها قلت ايوووه وزعها عليهم وسلملي عليهم وقوول اني اذا قدرت بزورهم

هذا المووقف صااار لي وقلت اقوول لكم عشان تعرفون قد ايش الجنووبي يحب اهله ويعزهم ولاتغلطي عليهم

حتى لو ماتحبيهم جااملي >>وهم بعد يجاملوونك ​

 

[ام ولد]

اااااااه يالقهر لما كتبت انمسح كل شي بس عادي اكتب المهم احل شفرت الجنوبي
انا نمت الساعه4 ص وصحيت الساعه 6 ص بسبب اولدي الله يهديه نام على سريري وعامل عمايل والمهم اقوم من القهر لاني توني مغسله مفارشي ووخرته وكان يبي يطيح من السرير بس مسكته المهم لما قام ابو الشباب الاشكله كايش حتى ماافطر وا
لمهم سويت اني مومنتبه انو معصب والحقه عند الباب واحط وجهي عند خده قال انتي ليه يوم انك ادفين الاولد قلت ولدك مايفهم قايلتله لا تنام على سريري وسكت و لما جاء يطلع حطيت خدي وباسني <<<<<<<<عارفه لصقه وابدأ بترتيب والتكنيس وتلبيس اعيالي ونفسي وخلص الساعه 11 ص وبما اني عايشه بنفس بيت اهل زوجي بس طبعا لي شقه لوحدي فانا اليوم الغداء مو علي والان فاضيه استناه يجي من العمل
يالعمده وش رايك ابموقفي انا جنوبيه شرقيه وزوجي ج غ

 

[ام عبدالعزيز33]

صباح الخير للحلوات بقولكم ويش صار معي من البارح حتى اليوم طبعا البارح كنت تمام التمام اضحك واتكلم ومبتسمه لحد مادخل زوجي على المسن يكلم عشيقته واقول هذا الكلام ورجاء لاحد تدعي على زوجي بس ادعوله ربي يهديه ويبعدها عنه طبعا انا شلت نفسي وخرجت من الغرفه وشلت اولادي معي واخذت جواله عشان اكلم صديقتي لان جوالي مافيه رصيد ودايما انا اكلم من جواله لاانه فاتوره المهم وزني الشيطان وخلاني افتش فيه وطبعا لقيت الحبيب راسل لها رسايل كثير واتصالات طول اليوم ومهمل شغله هنا جن جنوني وقلت يابنت اسعيذي من الشيطان وقعدت اقر وردي لحد ماخلصت وبعدين دعيت الله انه يلهمني الصواب ورحت لعنده وقلت له دام انك تكلمها براالبيت لاتكلمها وانته في البيت اقلها احترمني وحس فيني انا انسانه عندك وسكت وماقال شي ورحت وخليته بعد شوي جاني ويبغا يحضني قلت له بعد مني الحين باسني وبعد ونام لحد الفجرصحيت متاخر بسبب الاولاد ماخلوني انام قمت اتوضا لقيته جاي وراي ومعه البنت الصغيره انا رحت اصلي وهو توضاء وانا خلصت الصلاه دخل الغرفه وشافني ادعي بعد ماخلصت جاء حضني وقال خلاص لاتزعلي نفسك لايرتفع الضغط عندك حضني ماكلمته الولد الصغير كان يبكي رحت انيمه وهو صلى ونام في مكانه وبعدين صحي وباس الولد وراح وانا كملت نومي صحيت على عشره رحت صليت الضحى وبعدها حطيت قناع في وجهي واسترخيت وبعدها قمت جهزت لي فطور وفطرت صحيو الاولاد فطرتهم ودقيت عليه اساله على شغله واتكلمت معه رسمي وقعد يقول لي انسي الي صار قلت خير وجلست اكتب لكم وانتو شورو علي

 

[ام عبدالعزيز33]

رجاء من حبيتي صمت والااخوت شورو علي لاانه جاني الضغط بسبب هذا الموضوع وعلى فكر انا توني مخلصه الاربعين امس بس ماطهرت

 

[ميرد00]

يسلموا علموضوع لانة جد=يد بدال ماقرا 100 صفحة ابد من جديد معكم

 

[ღ طيف المشاعر]

ام عبدالعزيز هوو يعرف انك تدرين ولا لا

بس نصيحه لاتصرخين وتعصبين عليه لان الجنووبي هنا يشووف عشيقته

هي المظلوومه وانتي الظالمه

والله مادري شقوول لتس

بس ادعي ربك الدعاء له مفعوول

وان شاء الله الاخت صمت وخجل ماتقصر​

 

[الأستاذة نسيم]

انا من 8ونص صحيت كملت اذكاري,
وشحنت نفسي بأفكار ايجابية:انا انسانة رائعة,ومنتجة,ومرتبة,
حسيت الحمدلله بنشاط شربت كميةمن الماء علشان بشرتي,وشعري حطيت له كاريوان اس حق التساقط.
بعدها سويت فطورلي وافطرت,بعدها اتصل الجنوبي,هو في الأصل عنده دورةوسألني عن الأفطارقلت تعال اسويلك اللي تبي,وجهزت الفطور وصحيت العيال وجاء الجنوبي واستقبلته بروح مرحة,
حضرت الفطور وافطروا,
حكيت له قصة ابي حنيفة اللي ذكرتيها علشان كانت بطاقة التلفزيون ضايعة,وجلس يضحك لمن قلت بصلي علشان القاها,المهم اني دعيت اللهم رد لي ضالتي والحمد لله وجدتها.
خرج الجنوبي وارسلت له وسايط:لأن حبي لك..
فوق مستوى الكلام
قررت..
أن اسكت..
والسلام.
لمن رجع كان مرة مبسوط,لأني شحنته معاي بإجابياتي.
اخيرا ذهب للصلاة,,
والحين بصلي وبعمل غداء وبكمل ان شاء الله مساء.

 

[ام عبدالعزيز33]

ايوه يدري اني اعرف وقالي انا احبك وماقدر استغني عنك بس ربي بلاني بحبها وماقدر ابعد منها وعلى فكره هي ببلد وهو ببلد يعني الي بينهم بس مكالمات وتعرف عليها عن طريق الشات يوم يشوفني ابكي يجلس يبكي معي ويقول لي ابغاك تكوني قويه عشان عيالك اذا انا ضعفت انتي لاتضعفي وتضعيعي العيال

 

[ميرد00]

ام عبدالعزيز انا قريت موضوعك بسرعه علي عجله ماركزت فيه بس لي عودة بس ماجربتي تطنشي مثل اسلوب الدكتورة ناعمة الهاشمي انك تبيني له انك ماهميتني وانا مادري بس لي عودة

 

[ღ طيف المشاعر]

طيب ياام عبد العزيز انتي ماحاولتي تغيرينه وتشحنين عقله بكلامات

ترى الجنووبي بسسرعه يتاثر ويشوف رايه غلط
لمن احد يقوول له شئ

يبدا يشووف كلامه هوو الصح وان كلامه هو الغلط

انتي ابدي معه حاولو تسافري حاولي تروحوا اي مكان خليه يغير

رقمه

انتي قولي له ترضى ياعمري اتعلق بغيرك بس بهدوء وبكم دمعه

نصيحه امسكيه من اليد اللي تعووره سافري اطلعوو تمشوا
غيري جووه

انا عاارفه ان راح تقدري تبعديه عنه

وربي معااااااااك ياقلبي​

 

[عيون بو سلطان]

ما شاء الله عليح يا أم عبدالعزيز33 كبرتي في عيني والله
أنا ماعندي هالقوه ومستحيل اقبل هالشي بس موقفج خلاني أفكر وايد

آخر مره اكتشفت خيانته تميت أسبوع كامل ما أكلمه
وطول هالأسبوع كنت أستغفر وادعي إن الله يهون علي هالمصيبه
وكل ما تضايقت كنت أردد "اللهم أجرني في مصيبتي واخلفني خيرا منها"
سبحان الله على طول أحس براحه ونشاط
وكان أول أسبوع يمر علي بهدوء بدون ماتكبر السالفه مثل كل مره
هالمره صدق لجأت لجوء صادق لله ودعيت إنه يفرج كربتي وضيقتي ويرده لي
وكنت دايما أردد يا رب انت أعلم بحبي له والله عشانه يا رب ابعده عن الحرام
ما انتهى الأسبوع إلا هو معتذر مني وقطع علاقته فيها (علاقتهم كانت في بدايتها)
ولين اليوم ولله الحمد وهو يعاملني أحسن معامله
أحسنت الظن بالله والحمدلله كان ربي عند حسن ظني به

بس أنا مشكلتي في عصبيتي وصوتي العالي

إن شاء الله ببدا وياكم من اليوم.. فعلا أحس وياكم بحماس وإن شاء الله أطلع بنتيجه إيجابية من هالتجمع

 

[زوجة الناظر]

موضوعكم مرة رايق !


س بصراحة ما يحضرني شي الوقت الحالــي

 

[صمت وخجل]

ماراح ارد على كل وحده عشان ماتكثر الصفحات :

عيون بوسلطان لازم تغيري من نفسك عشان هو يتغير اسال مجرب ولاتسال طبيب الحمدلله من عزمت على التغيير وفهم الجنوبي ارتحت وتغير تفكيري


همس ماشاء الله واصلي وننتظر بقيه يومك ..

طيووووووووووووفه ماشاء الله عليك تعرفين بسياسه الجنوووووووووووبي

ام ولد حلو عوديه على البوسه الصباحيه مهما تكون النفسيات ...


ام عبدالعزيز ماشاء الله عليك صابره ولازم تستمري معنا خطووووووووووة خطوووووووة ... ​