&& ملف الجنوبي && رجل الحب والاحضان &&

[om.saarah]

الطفله صدقيني بتتعبين لو تميتي تتضايقين من اهتمامه باهله وربعه

انتي حاولي تفرضين نفسج وتدخلين عالمه بس بدون ماتلومينه على اهتمامه باهله

دوم امدحيه انه ويا ربعه واهله تحسينه وفي ومايقصر وياهم قولي له انا احس انك بتكون وياي اكثر

بما اني مالي غيرك بعد الله احسك بتحميني وبتشبعني حنان وامان اقنعي نفسج بهالشي قبل تقنيعنه

انا بديت اطنش لما حطيت شي واحد في بالي الي مافيه خير في اهله مافي خير في الناس

وصدقيني لما يشوفج مستانسه عليه وعلى اهله واهتمامه فيهم او ربعه بتكبرين في عينه وعلى شوي شوي راح تصيرين انتي الاولى

تراج توج في البدايه وانا ماقول لج هالكلام الا لاني عانيييييت كثير في البدايه لكن بالصبر والطناش

وشويه كيد نسوان بتمشي حياتج

 

[swiet]

بااختصار الجنوبي الرجل يعشق نفسه بجنووووووووووووووون والمراه الجنوبيه يحكمها الاجواء

اهااا تسلمي يا الغلا على ذوقك خجلتيني الصراحة:16::5:

طيب يعني الجنوبية احسن :26::26:

يعني بختصار الشمالي يعرف كيف يحكمهاا:35::35:

تحياتي
​

 

[سكون النجوم]

رووح كيموو

دبي وربي تجنن .. توني جايه من هناك يوم السبت ... وعندي فيديوات وصور تهبل ... جان زين اعرف انزلهم جان
اخليج تهبلين فيه اكثر واكثر

عندهم النافوره الي ترقص على الاغاني وبرج خليفه جنان من فوق ودبي مول تحفه كل شي داخله .. والاكواريم عالم البحار داخله ... وحديقة حيوان

جد جد تحفه

ان شاء الله تروحين وتحطين الصور وتستانسين يارب

 

[om.saarah]

سكون النجوم شكل زوجج صغير في العمر او للحين مب مستوغب شنو الزواج

شنو بقره خخخخ

شوفي انتي اقعدي وياه وصارحيه قولي له ترى هالالقاب ماتصير بين الزوجين احنا حبايب

بينا كلام احلى حبيبي وحياتي وروحي ومثل هالكلمات

وانتي لاتعاندينه اذا عصب جد اسكتي واطلعي من المكان الي هو موجود ولا تردين عليه ترى تكبر المشاكل
واهي تافهه لما تردون على بعض وبيني له رغبتج انج اذا عصبتي تبين نفس الشي باسلوب دلع

وقولي له انا احبك وانت تحبني ولازم نسوي الي يريحنا علشان نقدر نكمل حياتنا بهدوء

كل شي بالتفاهم والكلمه الطيبه يصير حاولي تتمالكين اعصابج وتفهمينه عدل من هالملف صدقيني

لو فهمتيه بتصيرين تموتين فيه

 

[الطفلة الصغيرة]

:frown:رووووووووووووووووووووح كيمو الحقيني ..بدل مايراضيني هزئني..آآآآآآآآه منه والله عكر لي مزاجي

 

[سكون النجوم]

ههههه عمره 27 سنه وانه عمري 22

 

[om.saarah]

ياحياتي ياطفله هونيها ياقلبي

بس ليش هزاج



هههههههه سكون شكل زوجج متعود على خواته

ولا ويا ربعه جذي انا اخبر اخوي كان يقول لزوجته

جذي قدامنا ويستهبل وياها اول ماتزوجو واهي كانت وياه مثل البزران على كبر عمرهم

بس من زود الانتقاد الي جاها ونسوان اخواني

قالو لها جذي مب شي خفو وايد شكلها زعلت

عليه بس للحين يحب يمزح وياها مزح ثقيل

فيمكن طبيعه زوجج جذي

 

[للحب معااانى]

لا لا من يتجرأ ويهزء الطفله الصغيره>>>(الجنوبى ههه وطى الصوت)
انشاء الله اليوم قبل بكره ياخذله تهزيئه من حد وبيحس فيش ....
هذى دعوتى لما يهزئنى الجنوبى

 

[الطفلة الصغيرة]

]هزئني عشان الرساله يقول يعني الحياة مافيها جديه بس رسايل ومكالمات نفسي اني عندك عشان اعلمك الغلط ايش هوه

 

[حلوه ومحبوبه]

بنات ممكن اقول صفات زوجي وتقولو لي هل هو جنوبي شرقي ولا شرقي جنوبي؟؟؟

 

[الوااااان*]

من زمان ما دخلت المنتدي

بس الحين دخلته لاني بجد ضاااااايعه

طبعا زوجي اكيد جنوبي غربي

بحكي لكم ايش صاير عشان تساعدوني


الحين اغلب حياتنا مد وجزر

ندخل للمشكله

زوجي مسافر من فتره واتصالاته يوميا وناخذ وقتنا زين
طبعا ان طلبني اكلمه فيديو اتردد بس ما اقصر معه من اي شي يطلبني لو وصلت للسكـــــ فون

في مره قبل اربع ايام كنت انا المهبوله محتاجته ( وانا ما عندي صبر )
المهم اتصل لي وسولفنا بس المكان اللي كنت فيه يصعب الموضوع فقلت له ان رجعت كلمتك ( وبصراحه طووووولت مره )
ولما اتصلت كان وضعه هو موب زين وزميله معه ومعصصصصب بعد
المهم قالي انا الحين فيني النوم وما اقدر اكلم احد ( باسلوب جدا X )
فشلت على خاطري وارسلت له رساله خلته يلين ويطلبني ارجع اتصل واتصلت وخليته يعتذر لي قدام زميله لانه اللي صار قبل قدامه
وتم اللامر والحمد لله
بس يافرحه م تمت
كنت على برنامج ( الواتس اب ) وراسلته الصبح بدري مره لانه اون لاين (وهالشي يصير دوم لو ما قفلنا البرنامج ) بس اللي وضح لي انه قراء الرساله وهذي ما تصير الا ان انفتح بعد ما ارسلتها
وعااااادي مارد وما اهتميت
على الضحى
قلت ارسله دلع وغنج واني بعدني محتاجته وووووو
الا اشوف ان اخر مشاهده كانت بعد رسالتي الاولانيه بساعه
عاد انا وبحكم شماليتي فصلت
وارسلت له عتاب قوووي ( والا بخاطري اسب واخرب ام الدنيا بس قلت لا اسيب باب للصلح )
لما صحي هو ارسل واتصل وانا اديته طنااااااش
يوم ونص ما رديت او اعطيته مجال وبعدها قلت ارد على مسجاته واقصر الشر

ولاحظوا اسلوبي عتاب على زعل ممزوج بشويه حنيه وحزن (مع انه مو طبعي بدا )
بس الاخ فاهممه اسلوب زعل وخصام ( لان التواصل كتابي بس رافضه اكلمه )

وتقدروا تقولو حطيت الكره بملعبه هو يصالح ولاا زم يعتذر صريح والا ما بقبل
قال يصير خير

المهم هو الحين
قلب الموضوع لطناش من يومين يرسل مره مرتين باليوم يتطمن علينا وبس (كلمتين ورد غطاها )
واتصال للضروره بس
وصار هالاتصال اليوم بعد ما انا اضطريت اتصل اصحيه يكلم واحد هنا بالسعوديه ضروووري عشان موضوع يهمه
وه الشخص اتصلي لان ما عرف يوصل له

فرجع اتصل بعد ساعتين يقولي ارسلي لي الاي بان تبعك بحول لكم الراتب ( بحكم انه ما يحتاجه برى ويسحب منه اللي يأخذه للفواتير ولاهله والباقي لنا )
رديتله انشاء الله
وارسلت مسج لان قلبي محروق من اسلوبه ( لانه ما يبي يعتذر )
هذا يعني اللي بينا فلوس وبس

رد لي بلا خبال
ورجع بسرعه ارسل عندي زملائي وما بكلمك قدامهم الا كذا يكفي انك احرجتيني قبل كم يوم وخليتيني اعتذر لك قدام واحد منهم
وبعده ارسل شوفي انا بعدين بكلمك ان صرت وحدي


طبعا هو للحين ما اتصل ولا اعرف كيف اتعامل معه
هو اكيد بيكون زعلان ويتطمن وبس

وانا مل الصبر مني يا يعدلها يا يعدلها
ما ابي اذل نفسي وابدى انا الطف الجو
ولاا ابيه يفهم انه ابي الزعل

وضعي مررررررررا تااااعبني موت
كرهت حالي
اجازه فما عندي شي اشغل حالي فيه

واحس هالموضوع شاغل تفكيري

ارجوكم ساعدوني بطريقه

 

[للحب معااانى]

اريد رايكم ف قمصاان نوم خذيتها من النت ولانى بطلع بتسوق ف قلت وش اللى يناسب الجنوبى غ من هذى الصور وهو اختبااار بعد لكم؟؟؟؟؟

 

[للحب معااانى]

:4::dunno:بنات ليش الصور ماتطلع ؟؟؟؟:4::dunno:

 

[غيووورهـ]

ان كان جنوبي غربي فيحب يتدلع عليك ويشوفك تبادري ويشوف اهتمامك

ااها طلعت السالفه دلع ياصموته زي ماتوقعت !

روح كيمو

لاتفرحي حبيبتي مرررره انه رجل حب واحضان ممكن هالشي بذاته يصير اكبر مشكله وكثير اقرا عن الجنوبي انه هوا اكثر نمط يعدد او يخون ليه
لانه رجل احضااااااااااااااان وخاصه انه بنفس الوقت انه ملوول ويحب التجديد
مااخوفك لكن علينا جهد وتعب كثير عن زوجات باقي الانماط الله يسخرهم لنا

الطفله الصغيره

حبيبتي انا ماقرات الا اول سطر من الرساله وفهمت انها عتاب
والجنوبي مايحب هالاسلوب
ودايما للجنوبي ابتعدي عن الرسايل المنمقه واكتبي رسايل من تعبيرك خفيفه ومختصره لانه مايركز باكثر من اول سطرين

 

[غيووورهـ]

للحب معاني

حمليها على مركز تحميل صور وسوي لها نسخ ولصق عالمنتدى
واذا ان الصور من منتدى او موقع ثاني على طول سوي لها نسخ ولصق بدون تحميل

 

[غيووورهـ]

الووااااااااان

الله يسخر لك زوجك ويحفظه لك لكن حبيت انصحك حبيبتي انتبهي من محادثات الفيديو
ولا تخلي لك اي شي على اي جهاز لاب توب او جوال او ايباد او اي حاجه ممكن تتسرق او تضيع
او ممكن احد يطلع عليها تهكير او اختراق

واذا قلك ليه قوليله انت حبيبي ماترضى لاسمح الله يشوفني احد غيرك وانتبهي لنفسك حبيبتي

 

[سكون النجوم]

ام ساره ... اول شي الله يخلي لج ساره .. وثاني شي ... بالعكس ريلي كلش مب متعود على هالكلام .. لأنه ماعنده غير اخت وحده واكبر منه بخمس سنوات ومتزوجه .. فوايد يحترمها ... واهوه لين قالها قالها بعصبيه مب غشمره ... عاد انه ماقصرت رديتها له ... بس تالي لين فكرت فيها زعلت ههههههه

آنه فبيت ابوي متعوده هلون .. يابقره ( اقول لأختي الصغيره ) عادي كلش بس ماتوقعته منه

 

[سكون النجوم]

باااال كنت على وشك يصيدني زوجي وانه قاعده اكتب لكم هههههه

اهوه انه قايله له اني مب مسجله في المنتدى .. ويقولي ماخربج غير هالمنتدى لوووول

.
.
.

طفله ... طرشي له وقولي له (( وويه وانت صدقت المسج .. كان فيه شي ابي اعرفه وعرفته .. لاتصدق روحك حبيبي ... اموواح .. سي يو ))

وجووفي شنو بيصير فيه ههههههههههههه

.
.

عاد خبرينا بالنتايج

 

[الطفلة الصغيرة]

ايش السالفه من اول جنوبيي له يومين ماكلمني ولاهو ساءل حتى برساله فنويت عليه بنيه شريره واستشرت وتمت المشوره على ان ارسل له هالرساله::

ياليت لو تسال عن احوال مــغــليك
صمتك ترى لو طال مايمكن انساك
ماهوبطبعك لكن اليوم وش فــــيك
ودي اعرف اسباب صدك وجفواك
ان كنت انا غــلطــانه والله لاراضيك
مقــــدر اعيش العمر لحظه بليــــاك

5دقايق وهو يدق بعد السلام وكيف الحال ايش الرساله هذي ايش الغلط اللي سويتيه عشان ازعل انتي خذي الحياة بجديه ترى الحياة مو بس رسائل ومكالمات وانا انقطع صوتي من القهر وسكوووووووووووت ومارديت بكلمه لاني انخنقت شوي واصيح وحاول بعدها يملح الجو بس مره قفلت معي وجلست اصييييييييييح بعد ماقفل
دق علي بعد المغرب قال جتني رسالتك وانا دوبني صاحي وطفشان من نفسي قلت له ونزلت فيني من غير رحمه ولاحتى رحمتني مثل الوحش قال مثل الرسائل هذي لاعاد ترسلين دقي وقولي اللي بخاطرك اما رسائل من هالنوع لا وجلس وراي اللين ضحكني وامني ماانام حتى اتعشى وقالي تصبحين على خير وقفل ...

 

[الطفلة الصغيرة]

الطفله الصغيره

حبيبتي انا ماقرات الا اول سطر من الرساله وفهمت انها عتاب
والجنوبي مايحب هالاسلوب
ودايما للجنوبي ابتعدي عن الرسايل المنمقه واكتبي رسايل من تعبيرك خفيفه ومختصره لانه مايركز باكثر من اول سطرين

هوه قالها لي من اول قال رساله مكتوبه باسلوبك حتى لو هي كلمتين تدخل قلبي اكثر من المكتوبه المنمقه الجاهزه