السلام عليكم و رحمة الله و بركاته
حيا الله الجمع المبارك
سجلت هنا لأشارككم
فزوجي جنوبي شرقي
و ما زلت أعاني :
1- حبه لأمه حبا جما و هي تستاهل بنت الحلال بس أعترف أني أغار من كثر حبه لها و هو مزودها يعني لازم نتذكر أمجادها كل يوم أحياننا و هو يسولف عنها يبكي بكاء مر طبعا أبوه توفى و هو صغير و هي اللي ربته .
لاتغاري ولا شئ يابنت الحلال امه ماهي غريبه عنه ... حتى لو ضغطك مرتفع شاركيه اهتمامه فيها واهتمي فيها <<< مثلي الدور
2- أمه تحب تكون بالدرجة الأولى عند أي شخص بالدنيا يعني قبل ما تفكرين بنفسك فكري فيني و مضايقتني بالنقطة هاذي و كمان بخصوص الحمل أنا لي 9 شهور متزوجة حملت قبل شهرين و سقطت و من بعدها كاثر زنها بالحمل لدرجة أنها مرة أنا و إياها و هو بالسيارة قالها إن زوجتي فيها الدورة قالت بعطيها دواء أنا أخنقتني العبرة و سكت تناقشنا أنا و إياه قال معذورة أم و تبي ولد لأبنها و هذا زاد الطين بله .
لو تجيب سيره الحمل قووووولي ماهوووووو بيدنا اللي الله كاتبه بايصير والله لاحقين على تعب البزران
3- علاقتي بأخواته كنت اعتبرهم زي أخواتي بحكم أني ساكنه معهم بالبيت بس 2 من خواته زودوها شوي فتغيرت لما تغيرت تفاجأ جدا و حاول انه يعرف السر جلست أسبوعين ما عطيته الخبر فجن جنونه و أخذني بالسيارة تمشية و من بين السوالف قالي إن أمك أسالت فيكم شيء قلت لها لا و من هنا بدأ يسولف و خاطرة مكسور فقلت له ما فينا إلا العافية فأنفجر و ضغط علي لين قلت له مواقف خواته معاي مو موقف أو 2 كثير طبعا بدأ يدافع عنهم يقول إن أخواتي طيبات و انو مو قصدهم و من الكلام هذا و انك لازم ترجعين مثل أول قلت المؤمن ما يلدغ مرتين فسكت شوي و قال خلاص تنزلين تقهوين معاي كل يومين 3 أفضل لي و لك جلسنا 3 أسابيع على هذا النظام و الحين يضغط بطريقة غير مباشرة أرجع مثل أول بس ما أعطيه خبر اقول إن شاء الله و ما أطبق .
حلو ردك وخليك رسميه معهم ويوم تنزلين لاتشاركي اخواته بالسوالف اللهم كيفكم وكيف الحال والرد على السؤال واسكتي ...
*سبب سؤال أمي طلبت منه أجلس أسبوع عند أهلي رفض جلسني عندهم أربع أيام فحاولت تعرف ماما السبب فما عطيتها السبب فراحت لزوجي تسأله
سبب جلوسي أعاني من ضغط أهله و ضغط الاختبارات و ضغطه هو و كنا ببداية الإجازة قلت له نبي نطلع أنا تعبانه و محتاجة الطلعة يقول لا مو أنتي للي تحددين وقت الطلعة فسكت من بكرى قلت له بنام عند أهلي بحكم إن أهلي بعيدين عن سكني يعني هم بمدينة و أنا بمدينة بس بيننا نصف ساعة .
انتي سولفي له عن ضغوووطك وارتمي بحضنه على اساس حضنه العلاج السريع لضغط هههه
4- أهله يحاولون زمان يتدخلون بحياتي و بقوة فلما تغيرت وقفوا ما عدا أمه و أخوة و طبعا لما أتكلم يقول كيف يتدخلون و بدأ يحاول يخبي عني أسألتهم و تدخلاتهم من ناحيته ( مع اننا متفقين ما احد يتدخل بحياتنا و يزعل لما امي تسأله و متفقين اننا ما نخبي شيء عن بعض نكون كتب مفتوحة لبعض ):26:
اوكي انتي بيني له انك كتاب مفتوووح له وانك تعلمينه بكل شئ بس اوووعي لاتعلمينه بااسرار اهلك ولا صاحباتك ... ومن ناحيه تدخل الناس كل شئ له حدود لو حد تدخل ردي بااسلوووب حلووو ان لكل شخص حياته وماحد له حق بالتدخل ...
5- بالنسبة للعلاقة الخاصة فعجزت افهمه يعني إن غبت عنه يومين ارجع احسب انه مشتاق بما إننا عرسان فلاقي من عنده الصد بس لما يكلمني يقول بجي أخذك من أهلك أني مشتاق لك فما أشوف الشوق بالمقابل يموت بجنس بالجوال و دائما يلمح فيه .
انتي متاكده انه جنوبي شرقي ؟؟؟
فمن ناحيه الجوال بالجنس عادي لوكنتي عند اهلك مارسي معه الجنس بالجوال احسن من انه يدور على هالنقطه خارج
6- بشهر العسل اتصل رقم غريب بجوالة فرديت أحسبة احد من أخواتي فلما ردت طلعت امرأة قالت أبي صاحب الجوال قلت لها أنا صاحبته فلزمت مرة و لزمت أنا فقفلت الخط لما جاء من برى قلت له السالفة قام و قال كبرتي بعيني انك وثقتي فيني و إن الناس يحاولون يخربون بيننا و أنا اعرف الشخص اللي يحاول يخرب حياتي حاولت اعرف مين رفض بعدها بشهرين قالي بصارحك إن فيه وحدة تحبني و أنها تتصل علي و كلمتها و قلت لها إني متزوج و هو مستغرب كيف عرفت رقمي و مين هي و برضوا يقول إن الشخص اللي بيهدم حياتي أرسلها لي عشان يخرب بيتي و بغير رقمي بس أنا رفضت يغير رقمه و قبل شهر قالي إن مديري بالدوام يقول راح أخرب عليك زوجتك و راح أرسل كلمت أحبك على أني أنثى طبعا بكل المواقف ردي واحد أنا واثقة فيك و ما راح يهز احد الثقة و من يكون اللي يهز ثقتي بزوجي و هو مبسوط من ردي .
ماشاء الله تصرفك حلوووووو وبيني له انك واثقه فيه مررررررره
7- هو شخص طيب و أحبه بس فيه بعض الصفات تهز نظرتي له كرجل مثل دائم البكاء و أنا ما عمري شفت رجل يبكي فيحز بخاطري و أرحمة و بنفس الوقت داخلي يستهزئ فيه .
البكاء مو عيب وغلطنا نحن الخليجين ان الرجال عيب يبكي ليه بالله الرجال مو انسان وله مشاعر انا اعتبر الرجال اللي يبكي افضل شخصيه وانه جوووووهره
8- اصدقائة للأسف أحياننا أقوله أنبته منهم يعني يحاولون يسحبون منه كيف حياتنا و كيف يتعامل معي و هو يعطيهم فلما أتناقش معه يقول وإذا أنا احتسب الأجر في ذلك لعلهم يغيرون تعاملهم مع زوجاتهم و أكون فاتحت خير عليهم و أنا اكبت و أنقهر من داخلي و ادعي ربي إن تكون حياتنا ملكنا ما احد يتدخل فيها .
حاولي تبيني له ان العين حق وهالشئ مو بزين لحياتكم
9- دائما يقول أني مهمل جسديا ما تضميني إلا إذا بغيتي حاجة فلما تناقشنا اكتشفت إن قصده وقت خروجه ليه ما أودعه بضمة و أنا استحي منه بالأول بس يوم قالها لي حسيت من باب العناد ما أسويها له .
الحمدلله انه صريح معك شبعيه ضم وحضن والا ترى بيدوره عند غيرك انتبهي ...
10- عنده أسلوب استفزازي يعني ما يبي أناقشة و أنا ما أحب اللي يرفض لي حاجة بدون مبررات مقنعة دائما بلسانه أنا اعرف منك و أنا اعرف العالم الخارجي أكثر منك و يحاول قد ما يقدر يقنعني اني اقل منه و معطيته جوه بس تعبانه داخليا من أسلوبه و عندي أحساس انه بسبب الفارق التعليمي بيني و بينه .
خليه يكوووووون هو العالم الوحيد بهالدنيا ترى ماراح ينقص منك يد ولا رجل والكلام ببلاش يوووم يبين انه امبراطور زمانه سايريه بس في نفس الوقت وضحي له رغباتك ..
11- يحب يغير ملابسة باستمرار يعني عادي باليوم يغير 4 مرات تعبت من هاذي الناحية سلة الغسيل دائما مليانه و يا قلب لا تحزن الغرف دائما حوسة و فوضى تعبت ارتب و الا ما ارتب يرجع يحوس آخر مرة رتبت قلت اللي يرمي حاجة يعاقب بغسل المواعين و للحين يحاول انه ما يرمي بس لابد من التغاضي .
هههههههههههههههه حلو غسل الواعين وكمان ينظف الجدران بالمره ... ( احس زوجك جنوبي غربي مو شرقي )
12 - قلت له ان نمطك جنوبي زعل مرة و قعد يتريق و يقول انتي ما تعرفيني كيف بتحكمين علي و سأل كيف يجري الاختبار و يحاول قد ما يقدر يستفيد بس رافض أن نمطه جنوبي حسيت انه خايف ابحث عن سلبياته و عيوبه .:37:
وي وي لا عاد تقوووووولين هيك ولاتعلمينه بالانماط لانه هو يبي يكون الشخص الغامض اللي ماحد يفهمه من كثر ماهو شخص غير عن العالم <<< الاخ امبراطور زمانه
13 - عندة اتكالية على غيرة و عندة قناعة ان الشخص اللي اعرفة مثلا يعرف للكمبيوتر ليه ما اودي له جهازي و انا عندي قناعة ان ما دام اني قادرة اتعلم او اعز نفسي بالمال فما لي حاجة بطلب فلان و علان و دائما نتهاوش على كذا.
أتمنى تدلوني على الصواب أحس أني تائه .
