السلام عليكم ورحمة الله وبركاته
الله يفرج عنك عزيزتي ويفتحها بوجهك وينصرك عليهم
وكل الأخوات يعطهم العافيه علي خوفهم وحرصهم في تقديم النصيحه
برأي انا اكون معاك حافظي علي بيتك وانتي لحين في حرب بارده اذا مو عشانك عشان اولادك الانفصال ما انصحك فيه انا عارفه ان الي سواه زوجك ذنب عظيم واحيانا يكون الإنسان في غفله وهو مايدري وانتي عملتي زين العقل انك مالجأتي للطلاق ربي يمد لك يد العون في هداية زوجك
عن نفسي انا بقولك موقف مع زوجي وش الي صحاني مرة سنه وانا كل ما بطلبه فلوس بشتري شي يقولي ابي اجمع للببيت خلينا نمسك يدنا شوي اقول مو مشكله واسكت قصرت علي نفسي وما اطلب الا الشي الضروري فقط تخيلي رجعت علي ملابسي القديمه انا رميتها بكيس ولما احتجت لهم رجعت البسهم
بعدها وش الي خلاني اصحي اذا احد محتاج من اهله اقصد يعني اذا صار اخر الشهر والراتب شافه ماتحرك يشتري كل مالذ وطاب حلويات كل شي بتبذير يشتري لعزيمه انا ما مانعت مايشتري لأهله لكن النعمه حرام وياريت ياكلوها ترمي اشوفها بعيني
وغير كذا كل شهر خواته يبون سوق ويشترون كل شي حتي اذا مو محتاجين له ياخذوه طبعا هو متكفل فيهم ابوه متوفي انا مو معارضه يشتري لهم لكن انا بعد لي حق
عنده بنت اخوه ومرة اخوه اذا راحوا معنا السوق يحاسب بعد عنهم مادري وش وضعي انا في ذي الحاله لهنا وبس خلاص تعبت انا بنت البطه السوده الكل مستمتع وانا جالسه
كنا جالسين انا وزوجي نشرب شاي وجا في بالي سؤال قلت له يافلان اذا بتتزوج واقولك ليه تزوجة علي وعذرك اني ماالبس لك ترا منك انت مو مني قالي اي بيكون هذا عذري ماتلبسين لي ولاتكشخين انا صرت كذا يابنات
يعني اذا تسامحة وساعدته ابد ماراح ببين في عينه وش سويت برايكم
صرت اطلب واطلب وهو يقولي مافي فلوس اسكت يومين واطلب مره ولا كأني احس احيانا استخدم بنتي اصورها فديوا وهي تمثل تكلم ابوها بابا ابي هيك وهيك وارسله له وهو مايقدر عليها يجيب لها
بس اروح السوق صرت اخذ كل شي يعجبني طبعا اذا لحالنا يصرخ علي احيانا بس اخذتي الي يكفيك لكن استغل روحتي معاه لحالنا واستغل روحتي مع خواته انا اشتري وهم يشترون وهو مايدري اذا انا شريت او لا يفكره لهم
صرت ابحث بالنت عن الليزر ومميزاته واحسن مستوصف واسعارهم
طبعا هو ماعطاني لليزر بس انا شغلت كيد النسا اول شي خليت لي مصروف ماشي
وقلت له اني دخلت في جمعيه مادري اذا تعرفون وش هي الجمعيه او لا الي ماتعرف اعلمها
وانا استلمتها اول وحده وبسلم من مصروفي قالي وش تبين بالليزر مارضي في البدايه رفض اشوي اشوي اقنعته وقالي سوي مالي شغل فيك استلمت في البدايه اربع الالف رحت دفعة مقدم عندهم عروضات
لاحد يهاجمني لحين علي الي بقوله احيانا اخذ من بوكه اي مبلغ يصير في يدي بس ما اخذ كل وقت اخذ بس بين يومين اربعه احيانا اذا شفت جاب اغراض او شرا لبيتهم واجمعهم.
قمت ادلع نفسي كريمات واحافظ علي جمال بشرتي اسوي دايت عشان اوصل جسمي للوزن المثالي صرت ابدي نفسي عليه
ياصاحبة الموضوع انتي حاولي تدلعين نفسك اشتري كل شي كيفه لو ضغط عليه اذا شاف عنده فلوس زايده بيخليهم في وناسته
