مصروفي 300 ريال هل اقدر اوفر منها لو ريال واحد؟؟؟؟

ر

رموز عشوائيه

New member
إنضم
2008/09/01
المشاركات
114
السلام عليكم كيفكم خواتي



انا زوجي مايقصر علينا بكل شي الا انه يعطيني مصروف قليل جدا مايكفيني انا وعيالي ثنين وشحن جوالي والله يابنات مايكفي اني اشجن الجوال كل شهر خمسين وعساها تكفي ويبقى 250 هذي لي ولعيالي عندى ولدين والله انه تخلص بسرعه عاد انا اسالكم هل اقدر ادخر لو شي بسيط من المصروف؟؟؟؟؟؟؟
 
اشتري جوال من شركة زين
عندهم عروض حلوة زي شهر عليك وشهر علينا وعرض ثاني ريال عليك وريالين علينا
 
ليش اعيالج معاج في المصروف
خلي ابوهم يخصص لهم مصرف خاص فيهم
وبعد خليه اهو يشحن لج جوالج
 
الله يعينك الصراحة 300 ريال لاماتسوي شيء
 
يعني هذي ال 300 مصروف ايش
يعني هو لما يوديك للسوق يقول الحساب من مصروفك
يمكن إذا كان المصروف لك خاصة كل شهر تدخريه بغض النظر عن حساب السوق والصيدلية والمستشفى والهدايا بهذي الحال ممكن تخليها على جنب وتجمعيها
أما إذا كانت تشمل كل هذي الأشياء فهذا مو معقول
حاولي أنك تستفيدي للمبلغ لك وتزيدي الطلبات على زوجك شوي بدون ما يلاحظ أنك تدخري لنفسك​
 
عزيزتي قولي الحمد لله
اذا انتي تاخذين 300 ريال فيه أحد ماياخذ شئ
شوفي اولا ظروفة يمكن مايقدر يزيد
اذا اخذتي منه المبلغ اشكرية
وبعدين في جلسة هادية حولي اتفهمينة بمتطلبات الحياة والغلا
كثري الدعاء
أن الله يبارك لك بما رزقك ويسخر لك زوجك​
 
التعديل الأخير بواسطة المشرف:
حبيبتي اهم شي البركه في المال
ادعي عسى الله يبارك لك ولزوجك
وحاولي ما تشتري الا كل ما هو مهم ومفيد وقسمي الاشياء اللي تحتاجيها كل شهر اشتري شي مو لازم كلها مع بعض
وعلمي اولادك على الاقتصاد
لا يشترون كل شي علميهم يشترون اشياء مفيده وعلكيهم كيف يحافظون عليها
 
الله يوسع عليك أختي راح أكتب لك تجربتي وأتمنى تدعين لي يوفقني في مشروعي
أنا مصروفي الشهري كان 300 ريال وهو مصرفي الخاص في أنا بس
وفي المناسبات يزيدني ولا يقصر الله يخليه لي
لكن أنا حاولت إني أفهمه إن الدنيا غالية ومعاد تسوي 300 شي واقترحت تكون لي علاوة شهرية يعني كل شهر يزود عشرة يعني الشهر الاول 300 وبعده 310 وبعده 320 وهكذا
وإنا أدخر منها وعندي كمية لابأس فيها من الأسهم
أهم شي كل شهر أروح اشتري لو حاجة بسيطة عشان مايلغي المصروف ويقول ما تحتاجين كل شهر
وفي طريقة ثانية إذا أنت ماتمسكين الفلوس وتوفرينها وهو الإشتراك في جمعيات بنصف المبلغ
أهم شي قبل ما تجيك الجمعية إعرفي أنت ايش راح تسوي فيها
ومولازم زوجك يدري عنها لأن كثير من الرجال ما يحبون الزوجة يكون عندها مال حتى ما يكون عنده استقلال مادي
والله يسخرلك زوجك على الطيب والطاعة ويسخر لك مخزونه يارب
 
الله يرزقك من فضله يا قلبي
اولا اذا كانوا اطفالك صغار يعني مو في سن مدرسة أو روضة يعتبر المصروف لك تقريبا
ثانيا ياريت تطلعي صدقة لو ريال في الاسبوع وشوفي شلون رزقك راح يتضاعف

واذا كان موفر كل احتايجاتك المنزلية من اكل وغيره حاولي تشيلين 50 ريال كل شهر

تحياتي
 
والله ياحبيبتي 300 ريال بهالوقت ماتجيب ولا حاجة
تطير ببقالة ولا سوبر ماركت
فهمية ع الاقل ولا خلية يسدد فاتورة جوالك
والله يعينك حبيبتي
 
حبيبتي اذا 300 ريال مصروفك الشخصي انت وعيالك ترا تكفي وفيها البركه ان شاء الله بس انتي وفري منها على الاقل لو 200 خلال ثلاث او اربع شهور يصير عندك مبلغ زين تشتري فيه لبس لك ولاولادك ومو شرط يكون ماركه يعني فيه محلات تبيع تقليد وروووعه نفس الشي والاهم من كذا عشان ربي يبارك لك فيها عليك بالصدقه فأنها تزيد بركه المال وحتى لو 10 ريال:icon30:



ولاتضغطي على زوجك اذا ظروفه ماتسمح اما اذا كان مبسوط والله عاد فهميه يا يزيد يا يشيل عنك اكثر مسؤلياته:busted_red:
 
حلوة ماما قال:
عزيزتي قولي الحمد لله

اذا انتي تاخذين 300 ريال فيه أحد ماياخذ شئ
شوفي اولا ظروفة يمكن مايقدر يزيد
اذا اخذتي منه المبلغ اشكرية
وبعدين في جلسة هادية حولي اتفهمينة بمتطلبات الحياة والغلا
كثري الدعاء

أن الله يبارك لك بما رزقك ويصخر لك زوجك​
أنقر للتوسيع...


صدقت والله يا حلوه ماما
انا ما اشوف ال 300 الا كل 6 شهور او حتى اكثر
زوجي ما يقصر بس ظروفنا الماليه صعبه...:schmoll:
قولي الله يعين كل واحد ع ظروووفه
الوضع المالي صعب واااااااااايد والحال عل القد
قولي الحمد لله انتي احسن من غيرك....
والله يرزقنا من واااااسع رزقه
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل