مصروفي 300 ريال هل اقدر اوفر منها لو ريال واحد؟؟؟؟

[طيبتي أكبر همي]

الله يعينك ويرزقك من واسع فضله

 

[أحلام مستغانمي]

الله يعينك
انا يعطيني300ريال ويشحن جوالي 200
ويعطيني لعيالي 100ريال هم ثلاثه بنت وولدين والمبلغ هذا للملابس بس بالله كيف الاسعار اللي يعطيني لهم يالله يكفي البنت بس
وما يكفيني وهذامو معناها اني مبذره بس مافيها بركه والاسعار ماتنطال وشحني مايبطي لاني في ديره واهلي في ديره واخواني وخواتي كل واحد في جهه ولا عندي ثابت

وعجزت افهم فيه ولا حياه لمن تنادي
صبرا جميل والله المستعان



عجزت افهم فيه على ان راتبه فيه خير
مالي الاالصبر
انا اخر ماافكر فيه نفسي احط من مصروفي لعيالي

 

[عايشه بزمن جدتي]

الله يعينك ويرزقك

قولي الحمدلله واشكري

وترى ياختي مو لازم تشترين لعيالك كل شهر ملابس

ولا حتى انتي

فيه اشياء اهم بالحياه

حاولي قدر الامكان
تبتعدين عن البقاله والخرابيط
عودي عيالك على اكل البيت

ومايخالف لو تجيبين لهم حلويات بعشره تعطينهم كل عصر مثلا

وجوالك لاتكلمين كثير ترى اكثر مايسحب فلوسنا شركات الاتصالات والكهرباء

كلمي عند الضروره فقط
ومية ريال انسيها ادعسيها في مكان او ادخلي فيها جمعيه مع نسوان الحاره او زميلاتك

ولاتنسين الصدقه ولو بريال كل فتره

 

[ايام صعبه]

حلوة مرة 300 ريال بس مو لازم كل شهر السوق وخففي مكالمات شوي يعني شهرين ثلاثة راح يكون معك مبلغ احلى

 

[حاكمة مملكتي]

الله يبارك لك فيها

وحاولي تصدقي منها ليطرح ربي فيها البركة

ومو لازم تشتر ي اغراضك غاليه شوفي التقليد يمشي الحال

الله يرزقك من واسع فضله

 

[رحلةعمر]

شوفي حبيبتي اولا وآخرا لا بد من القناعة والتكيف مع الواقع والله يباركلك في القليل واذا استلمتي الفلوس

قولي الحمدلله "ولئن شكرتم لأزيدنكم"
الشي الثاني :أحيانا انزل السوق واشتري لبس حلو ب200

وحاولي تشوفين المحلات الرخيصة واشتري لعيالك منها مو الرخيصة مرة وبضاعتها رديئة لا قصدي بعض الأماكن تلقين عندهم تلقيطات حلوة..

المكالمات خليها للوالدين في الاسبوع مرتين لمرة سلام عليكم السلام

وخواتك كل اسبوع وحدة فيهم مو كلهم في اسبوع وتكفي رسالة جوال سؤال ..ولا سووا غرفة في البالتوك وتجمعوا وافتحوا الكام وسولفوا مدامنا متباعدين ليه مانستغل التقنية؟

وبعد رسالة ايميل سولفي بالي في خاطرك واختك بتقراها وترد

انا واختي اذا عندي شي فتحت المسن وسولفت معها وحطيت لها روابط تقراها وقفلت وهي اذا دخلت المسن تقرا

وترد علي وماشي الحال ..

الله ييسر امرك

 

[خوخة3]

الصدقه لو بريال لا تستخصريه تر والله فعلها عجيب خاصة لمن يتصدق وهو في امس الحاجه
و 300 نعمه لو حمدتي ربك عليها والله يباركلك فيها

 

[جراده شياكه]

الله يفرج عليك يارب

 

[يااللة ياستار]

فية البركة شوى تزيد وتزيد 500 وتزيد وتزيد 1000بس بسسسسسسسسسسس اصبريييييييييييييييييييي

 

[شماليه متطرفه]

مرحبا
تصدقي بخمسين
وخذي الباقي وشوفي كيف الله يطرح فيها البركه
انا مجربتها انا وزوجي
كفلنا يتيم بميتين شهريا وكانت هدية زوجي لي بمناسبة عودتي من سفر
وماتتخيلين فرحتي كيييييييييف والله من بعدها زوجي توفرت له الفلوس رغم انا مستأجرين بيت ب14الف
وزوجي عليه قرضين ويدرس بفلوس وبيكمل دراسته
وبيتي ماااايخلص من الضيوف
وتدرين كم راتب زوجي ؟؟؟؟؟
فقط اربعه الاف
======
عطيتك مثاااال اشلون تقعد معك الفلوس
بالصدقه

 

[فدوة اهلها]

ربنا يكون بعونش

حاولي تفهميه ان هالمصروف مايكفي
وخليه يخصص للعيال مصروف لحالهم ترى مايصير انتي وهم بنفس المصروف

 

[sweet_2010]

الله يوسع عليك أختي راح أكتب لك تجربتي وأتمنى تدعين لي يوفقني في مشروعي
أنا مصروفي الشهري كان 300 ريال وهو مصرفي الخاص في أنا بس
وفي المناسبات يزيدني ولا يقصر الله يخليه لي
لكن أنا حاولت إني أفهمه إن الدنيا غالية ومعاد تسوي 300 شي واقترحت تكون لي علاوة شهرية يعني كل شهر يزود عشرة يعني الشهر الاول 300 وبعده 310 وبعده 320 وهكذا
وإنا أدخر منها وعندي كمية لابأس فيها من الأسهم
أهم شي كل شهر أروح اشتري لو حاجة بسيطة عشان مايلغي المصروف ويقول ما تحتاجين كل شهر
وفي طريقة ثانية إذا أنت ماتمسكين الفلوس وتوفرينها وهو الإشتراك في جمعيات بنصف المبلغ
أهم شي قبل ما تجيك الجمعية إعرفي أنت ايش راح تسوي فيها
ومولازم زوجك يدري عنها لأن كثير من الرجال ما يحبون الزوجة يكون عندها مال حتى ما يكون عنده استقلال مادي
والله يسخرلك زوجك على الطيب والطاعة ويسخر لك مخزونه يارب

مع ااخت بعض الازواج الله يهديهم يبون المرة على طول محتاجة لهم.. كم راتب زوجك...؟