معلومات Green Apple Q8
- إنضم
- 1 أبريل 2018
- المشاركات
- 18
- مستوى التفاعل
- 6
- النقاط
- 0
مشكلتي مع الشمالي الغربي .. أريد حلاً :(
السلام عليكم ورحمة الله وبركاته
أنا عضوه يديده في المنتدى .. كنت أقرا مواضيع أنماط الشخصية كزائرة صارلي فترة طويلة ووايد استفدت صراحه من هالمنتدى .. الله يعطيكم ألف عافيه بنات ..
مشكلتي مع زوجي الشمالي الغربي (المتعب) كالتالي، وياليت تفيدوني بنات والله نفسيتي تعبت:
صفاته السيئة وايد، بذكر المهم منها واللي تتعلق بمشكلتي:
* مايحب أسوف بأي شي يضايقني منه، وأول ما أبدي أقول له (حبيبي أبي أقول لك شي مضايقني صارله فتره ..) أول مايرد علي (وليه .!) ولمن أقول له (وليه ..؟ خلاص مشكور)يقول لي يلا سولفي عقب مايتحايل علي لأني انسدت نفسي من رده، وبعدها أقول له، (بس عقب شنو؟ عقب مايتأفأف و يولول)
* ماعرف يسولف بهدوء وبصوت واطي لازم يعلي صوته ويتهاوش على أي شي .. وخصوصا لمن أكلمه بمنطق وأوهقه إنه في هالنقطة أهو غلطان.. يقوم يقلب السالفه علي ويصارخ.. وكالعاده يخليني أنا الغلطانه ويبيني أعتذر منه .. مع إنه يبلش يسب ويقول كلام جارح وأنا أول شي أقول له إنتبه لأسلوبك .. واهو مستمر فأقوم أنا أطلع عن طوري وأرد عليه بصوت عالي لأنه وايد ياكلني بالحجي (نظامه خذوهم بالصوت لايغلبوكم) (إنسان متسلط) ، ويقول كلام جارح وماينقال لواحد يحب وحده خصوصا زوجته .. ولمن أعاتبه وأهو يغلط علي يقول أنا ما ارضى أحد يتحداني (مع ان الموضوع كلش مو تحدي .. بس خياله الواسع يوهمه بهالشي) ويقول أنا محد يعلي صوته علي أنا ريال ( دايما أحسه شاك برجولته ومتسلط واهو بالصج اضعف من جذي) ويقول أنا لمن أكلمج لاتقاطعيني ( مع إنه يقاطعني وانا اسولف بس مايشوف نفسه .. اشفيه قراقوش) .. وبالأخير إذا حس الموضوع بيطلعه غلط يقول سكري الموضوع ويقوم يسكر الفون ويهدني ويمشي .. وأنا ما اسمح لأحد يعاملني بهالطريقه ولامره سمحت لأحد يتمادى معاي جذي .. وكبرياءه مايسمح له يعتذر مع إنه غلطان ولايفكر ان الكلام الجارح اللي يقوله ممكن ينحفر بقلبي ومخي وأذكره له طول العمر وممكن يسبب فجوه بيني وبينه (خصوصا ان الاحترام أساس العلاقه) !
* أهو جاف بمشاعره ومايعرف يعبر وكلامه دفش جنه يكلم ريال مايكلم حبيبته .. وكله يبيني مستانسه ومايبي يسمع كلمه تضايقه .. إنزين ومشاعري أنا شنو؟ (لمن أحتاج أعدل شغله بعلاقتنا عشان نوصل لمرحلة تفاهم كبيره شسوي.) .. والمشكله ما اتكلم بنفس اليوم اللي يضايقني فيه احاول اسوي شكلي مو منتبهه واونسه خصوصا واحنا طالعين عشان لايقول خربتي الطلعه بس مايقدر هالشي مايبي يسمع شي يضايق كلش ..
يتبع ...
أنا عضوه يديده في المنتدى .. كنت أقرا مواضيع أنماط الشخصية كزائرة صارلي فترة طويلة ووايد استفدت صراحه من هالمنتدى .. الله يعطيكم ألف عافيه بنات ..
مشكلتي مع زوجي الشمالي الغربي (المتعب) كالتالي، وياليت تفيدوني بنات والله نفسيتي تعبت:
صفاته السيئة وايد، بذكر المهم منها واللي تتعلق بمشكلتي:
* مايحب أسوف بأي شي يضايقني منه، وأول ما أبدي أقول له (حبيبي أبي أقول لك شي مضايقني صارله فتره ..) أول مايرد علي (وليه .!) ولمن أقول له (وليه ..؟ خلاص مشكور)يقول لي يلا سولفي عقب مايتحايل علي لأني انسدت نفسي من رده، وبعدها أقول له، (بس عقب شنو؟ عقب مايتأفأف و يولول)
* ماعرف يسولف بهدوء وبصوت واطي لازم يعلي صوته ويتهاوش على أي شي .. وخصوصا لمن أكلمه بمنطق وأوهقه إنه في هالنقطة أهو غلطان.. يقوم يقلب السالفه علي ويصارخ.. وكالعاده يخليني أنا الغلطانه ويبيني أعتذر منه .. مع إنه يبلش يسب ويقول كلام جارح وأنا أول شي أقول له إنتبه لأسلوبك .. واهو مستمر فأقوم أنا أطلع عن طوري وأرد عليه بصوت عالي لأنه وايد ياكلني بالحجي (نظامه خذوهم بالصوت لايغلبوكم) (إنسان متسلط) ، ويقول كلام جارح وماينقال لواحد يحب وحده خصوصا زوجته .. ولمن أعاتبه وأهو يغلط علي يقول أنا ما ارضى أحد يتحداني (مع ان الموضوع كلش مو تحدي .. بس خياله الواسع يوهمه بهالشي) ويقول أنا محد يعلي صوته علي أنا ريال ( دايما أحسه شاك برجولته ومتسلط واهو بالصج اضعف من جذي) ويقول أنا لمن أكلمج لاتقاطعيني ( مع إنه يقاطعني وانا اسولف بس مايشوف نفسه .. اشفيه قراقوش) .. وبالأخير إذا حس الموضوع بيطلعه غلط يقول سكري الموضوع ويقوم يسكر الفون ويهدني ويمشي .. وأنا ما اسمح لأحد يعاملني بهالطريقه ولامره سمحت لأحد يتمادى معاي جذي .. وكبرياءه مايسمح له يعتذر مع إنه غلطان ولايفكر ان الكلام الجارح اللي يقوله ممكن ينحفر بقلبي ومخي وأذكره له طول العمر وممكن يسبب فجوه بيني وبينه (خصوصا ان الاحترام أساس العلاقه) !
* أهو جاف بمشاعره ومايعرف يعبر وكلامه دفش جنه يكلم ريال مايكلم حبيبته .. وكله يبيني مستانسه ومايبي يسمع كلمه تضايقه .. إنزين ومشاعري أنا شنو؟ (لمن أحتاج أعدل شغله بعلاقتنا عشان نوصل لمرحلة تفاهم كبيره شسوي.) .. والمشكله ما اتكلم بنفس اليوم اللي يضايقني فيه احاول اسوي شكلي مو منتبهه واونسه خصوصا واحنا طالعين عشان لايقول خربتي الطلعه بس مايقدر هالشي مايبي يسمع شي يضايق كلش ..
يتبع ...
اسم الموضوع : مشكلتي مع الشمالي الغربي .. أريد حلاً :(
|
المصدر : منتدى الأنماط الشخصيه