السلام عليكم ,,, شحالكم عساكم بصحه وعافيه ,,, بصراحه من بعد ماقريت قصة وله وقصة ام وليد اتشجعت أفتح قلبي واكتب لكم ,, واتمنى أنكم تساعدوني من خلف هذه الشاشه الصغير,, انا بنت وعمري 23 سنه ,, تزوجت من قبل فترة بسيطة ,,وبدون اي مقدمات تطلقت وياليت اعرف سبب طلاقي ,, أسباب تافهه والله تافه ,,يمكن بدرت مني تصرفات بحسن نيه والله يشهد على كلامي ,, بس ماتوقعت توصل للطلاق ,, بس لما راجعت حساباتي وقعت بيني وبين نفسي أكتشفت انه من الاساس ماكان يحبني ,, بس والله لين يومكم انا ماعرف ليش تزوجني ,, وللاسف هذا الشاب ولد خالي ,, الحمد الله تطلقت بس مارتحت من كلام أمه وخواته ,,وللعلم انا كنت صديقة اخته الروح بالروح بس من بعد الزواج ماعرف ليش تغيرت مع اني حاولت اتقرب منها بس كان النفور من صوبها ,, من بعد الطلاق لين يومكم مب قادره أصيح ,, خاطري اصيح واعبر عن مافي خاطري بس مش قادره ,, كل مره عيوني تدمع ولا تنزل منها دمعه ,,, مابكذب عليكم كنت احبه ,,بس الحين والله شاهد الموت أرحم من طاريه ,,
المشكله اني كرهت الكل ,, خاطري أرجع مثل قوية الشخصية واحزن وقت الحزن ,, الحين اللي يشوفني يقول عمرج فوق 30 ,, والحمد الله على كل حال ,,
