مشكلة و حل ¨°o.O (تحكم اهل الزوج بأبنهم وضعف شخصية الرجل) O.o°¨

  • بادئ الموضوع بادئ الموضوع papero0o
  • تاريخ البدء تاريخ البدء
هلا وغلا ...
شذا الليل مشا الله عليج مبدعة انتي وهالقصة الحلوة .
نبراس الشرق بسم الله مشا الله علييييييييج الله يحفظك ويبارك فيج ودي تفتحين دورات وتعلمين امهات الازولج كيف يتعاملون مع زوجات عياله والله يااااااااااااا ليت .
الحالمة بسم الله مشا الله دايما عليكي افكار حلوة عجبتني سالفة التلخيص .
 
ام اقمرين حبيبتي في شي اريد انج تفهمينه مب انه الوحدة تقوي شخصيتها بانها تعلي صوتها وترد على الناس لا حبيبتي الوحدة تقوي شخصيتها بانها تحط حدود لكل حد وتعرف تتعامل مع المواقف مثلا في موضوع الملابس اذا هم اتعودوا يعطونك واللحين مصرين خذيهن بس لا تلبسينهن عيالج ابدا اعطيهن الفقراء بدون ولا كلمة خذي وشكريهم ووزعي لج الاجر وما راح تنضرين بشي ولما يقولون ليش ما تلبسينهم قوليلهم ما كانوا قياسهم او اي عذر او حتى ممكن تسكتين وخلاص ماله داعي يعرفون عنك شي وبالنسبة لزوج كوني غامضة معاه يعني لا تخلينه يعرف اي شي عنك قوليله ممكن اروح هالمكان اذا سأل ليش قوليله عندي شغل عندي موعد وبس ما يحتاج يعرف كل شي بالتفصيل الممل وداااااااااااااااايما مدحي اهله قدامه وحسسيه انج تحبينهم واااايد بس في فرق بين الحب وطاعة الامر يعني احبهم واحترمهم وعلى عيني وراسي بدون ما يتدخلون في حياتي - طبعا لا تقوليله هالكلام بس طبيقيييييه وانتي ساكته وهم ما بيتغيرون في يوم وليله خاصة انهم مب متعودين منك هالتصرف ولكن مع الوقت بيتغيرون واتمنى اكون افدتكي تحياتي *..الحلوة..*
 
مشا الله عليج يا حطام صامد زين عرفتي تكسبينه بس ما اعرف احس مرات التقرب من العمة والخوات ضروري يعني حاولي تحسنين علاقتك فيهم من بعيد لبعيد لانه الظفر ما يطلع من اللحم والابن مردة لاهله وامه وخواته ولو صارت بينكم اقل مشكلة لا قدر الله بيعبون راسة عليكي
 
الحلوه مشكوره
انا اخذهم لكن ما البسهم
ولا رجعتهم
شو رايك اعطيها الشغاله تعطيهم اياه ؟ما ابيهم يتعودو
 
انا حاطه حدود ووضحت لهم بان لا يتدخلو في حياتنا .........
لكن ...........
هم يقول لولدهم خل زوجتك تسوي كذا وكذا او اي شي يخص حياتنا لكن يحطوها براس ولدهم بانهم ما لهم دخل .....فهمتيني
 
حبيبتي غلط الخدامة ترجعهم لهم والله لو مكانك ارميهم في الزباله وخلاص ولا عبالي ولا اعور راسي وانا ركزت على نقطة لا تقولين لهم ولا شي طبقي بدون ما تتكلمين بعني كانك برييييييييييييييئة ومدحي وضحكي ولما نجي للفعل سوي اللي يعجبك بالنسبة لزوجك اذا جا قال اي كلخمة قوليله بسم الله مشا الله اهلك عسل عمري ما شفت مثلهم والله رايهم صح بس حبيبي وحطي اسئلة واقتراحات يعني تحسينات على رايهم لين توصلين لحل يناسبك وبعدين قوليله مشا الله عليك يا حبيبي والله انك تعرف تحل كل المشاكل عشان يحس انه هالراي رايه هو اتمنى تكونين فهمتي قصدي واذا ما فهمتي غاليتي بكل الحب افهمك بشويش وامدحي اهله وكسريهم من المدح قدامه وقدامهم وخلي نفسك تحترمين زوجك واذا قالوا اي شي قوليلهم اخاف من ابو فلان ما يعجبه حسسيهم انج تخافين منه
 
اذا كان ولد امه ممكن يكون زوج زوجته بذكائها
يعني بدل ماتسب امه عشان تاخذ اللي تبي
تسوي ان الشيء اقتراح امه ولا فكرتها
مثلا مايطلع مكان الا امه معاه
ياسلام لو تكون الوحده حنونه وماتعارض وتحتسب الاجر
وبعدين بذكاء تطلب هي من زوجها يطلع امه معاها عشان يحس الزوج ان زوجته مهتمه باامه
كذا كذا هو بيطلعها فتخلي الاقتراح منها وتكون احتلت مساحه كبيره في قلبه
صار ولد امه بحنان امه وحبها له وخوفها عليه
لو فكرت الزوجه مثل مافكرت الام بولدها بتلاقي الولد وامه في صفها,,

قصة من مجتمعي احد اقاربي له من الابناء 5 ماشاء الله كلهم متزوجين وعندهم اطفال
تحن الام وبقوه على زوجة واحد فيهم بشكل ملفت للانتباه ومثير لغيرة سلفاتها (:
السر في هذي الزوجه انها ماتتدخل في حياة اهل زوجها ابدا ابدا
حرصيه كل الصرح على ان زوجها يبر باامه وابوه ويخدمهم
ابنائها لما تكون عند اهل زوجها هم ابناء ام زوجها يعني لما ام الزوج تنهرهم او تأدبهم
ابدا ماتبدي تضايق بالعكس تشكرها في انها ساعدتها في تربيتهم حتى لو كان اسلوب الجده خطأ
ماتسب زوجها عند امه ابدا ابدا
تهديها وتزورها بااستمرار
النتيجه ام زوجها تحرص الولد على زوجته وتزعل منه لو يطلع مع اصدقائه ويخليها!!
طلبت منه يجيب عياله الكبار عندها عشان ترتاح امهم كل يوم ماشاء الله تبارك الرحمن!!
صدق هذي الزوجه مع ربها فتح لها ابواب فضل ورحمه ورزق ماكانت تخطر على بالها!!
وصار ولد امه وزوجته بنت امه بحسن تعاملها واخلاقها الراقيه..
 
يويو يو الكلام في هذا الموضوع جدا عسير فحياتي كادت تنتهي لولا الله سبحانه وتعالى من انقذ هذه الحياة من الدماار الكامل والا حياتي كانت ضنك ولازالت بسببهم وسبب تدخلاتهم التي لاطائل منها ولامبرر تعبت بعني الكلمة من ذلك والحمدلله
 
أساورمن ذهب قال:
يويو يو الكلام في هذا الموضوع جدا عسير فحياتي كادت تنتهي لولا الله سبحانه وتعالى من انقذ هذه الحياة من الدماار الكامل والا حياتي كانت ضنك ولازالت بسببهم وسبب تدخلاتهم التي لاطائل منها ولامبرر تعبت بعني الكلمة من ذلك والحمدلله
أنقر للتوسيع...

السر في انك تكسبينهم بالمدح امام الزوج وامامهم وسوي طيبه وبريئة وبعدين سوي اللي تبينه ولما يقلبون راس ابو شنب عليكي ما عليكي الا انك تمدحينهم قدامه وتحسسينه انج موافقة بس قوليله واذا واذا يعني خليه هو يتوصل للحل وكبيره بعينهم بيني انك تحترمينه وتخافين منه لما يعصب وبعدين هم بيخافون منه وبيحترمونه
 
الحلوه مشكوره ويعطيكي العافيه
فاهمتك عدل
الله يجازيكي بلجنه
 
حطااااااااااام صااامد

براافو عليكي هوه دا التصرف السليييييييييييم مهما يكونو مهما يسوو اهل الزوج
المفرووووض من الزوجه ماتبين عداائها لهم وهو هذا الذكااااااااااااااااااااااااء بعينو

اهل الزوج لمن يتكلمو في الزوجه قدام ولدهم ويحرضو عليها
ويجي عندها يحصلها بريئه وتحبهم وماتتكلم عليهم هنا مليوووووون في الميه بيوقف صفها

واتحدى اتحدى اي زوجه تقول غير هيك

لكن لو رجع الزوج لزوجتو وقامت الزوجه تدافع وتدافع وتتكلم وانا مو كذا وهما اليي اصلا بداو وهما سووو
وحتى اختك هداك اليوم فعلت وامك قالت
مابيوقف معاها اكيد بيكون بصف اهلو خصوصا انو ضعيف


موفقه حبيبتي


الحلوه

فديتك ياروحي شاده حيلك معانا بس انتبهي لا ينقطع :31::31:
لووووووووول
الله لا يحرمنا منك
 
ام قمرين

شذا والحلوه ماقصرو معاكي الله يسعدهم بس بصراحه انا جواتي كلام يقرقرني
لازم اقولو لك

اولا كيف يتدخلو اهل زوجك بموضوع الجماع ترى كلام كبير جدا
كيف اهل زوجك يتدخلو بهيك موضوع
وهل زوجك يفشي اسرااركم الزوجيه والفراشيه لهم ؟؟

اشرحيلنا النقطه دي عزيزتي

وبعدين في نقطه ثانيه انتي قلتي انك استقويتي عليهم
ياقلبي ياعمري مو صح هيك لا تبيني انقلابك عليهم ولا تبيني انك ضدهم
لا قداهم ولا قدام زوجك انتبهي ياعمري

بقلك على اخت زوجي ايش سوت

دحين زوجها ولد امو يحكيلها كل شي من باب يبين انو رجال مايمشي ورى زوجتو
كانت تزعل وتقلب الدنيا لانو حتى علاقتهم بالفراش يحكيلها
وتقوم ترفض انها تنام معاه وصارت تعايرو لانك بتروح تقول لامك
الموهم قلتلها مايصير هيك مره وانتي جالسه مع امو
احكي معاها وقوليلها انك متضايقه من زوجك لانو مايحترم العلاقه اللي بينكم
وقوليلها انا عارفه انك ماتبغي تسمعيه ولا انتي راضيه عن الموضوع لاني اعرف اخلاقك ونشامتك كويس
واكيد مليون في الميه مابترضيها لبناتك واللي مابترضي لبناتك مابترضيه لبنات النااس
انا متاكده انو لمن يحكيلك عننا انك تسكتيه وماتسمحيلو يتكلم بس انا مره متضايقه
هل اروح اشكيه لاهلي ولا كيف ابغى اخد رايك ياخالتي اعتبريني بنتك واديني رايك
وفعلا انقلبت خالتها وصارت ماتسمع لولدها وتقولو عيب استحي على وجهك لمن تحكيلي
خصوصياتك مع زوجتك

وارجع اعيد الكلام اللي قلناه و قالو الاخوات سوي روحك بالمره تودينهم وتحبينهم اللي هم اهل زوجك
وقوي شخصية زوجك بالكلام والمدح
زي ماسوو الاخوات وزي ماقلنا سابقا

والله اسلووب المسكنه تحل كثيييييييييير من المشاااكل


والله يسخره لك ياااااااارب
 
بقول لكم قصه وساعدوني
كان فيه زوجه تحب يكون له راي في كل شي بس لاقت زوج منكد عليها حياتها فصارت اشياء كثيره تصرفها بالكذب عشان تبتعد عن الشر لكن وش ترتب على كذا انها صارت تكذب وتألف وتتخيل اشياء وتصدقها ع غير زوجها على الرغم من طيبتها يعني مو شرانيه يعني مثلا قي الجلسه الوحده مع الناس لازم يطلع منها شي كذب ودايم تردد اني انا قلت وانا سويت وهاه فلانه سالت عني
طبعا ابغى اعرف رايكم بمثل هذا الموضوع
وانا بالمره مااعرف اكذب لا تقولون مجامله يعني رحت مكان ورجعت تقول هاه اكيد سالو عني وانا اجاوب بصراحه لا ماسالو ووالله اني اتنرفز من اللي يكذب
ومثلا خرجنا او سافرنا تقول للناس انا قلت لهم يخرجون وهي والله ماقالت لنا بس تحب تسوي لنفسها امام الناس اني الامره والناهيه في كل شي
وانا دايم اعذرها في نفسي واقول من الضغوط اللي شافتها مع زوجها بس الناس الا مايتكلمو وانا والله ان ودي مااحد يتكلم ويقول كذابه ولعلمك ماشا الله تصلي وتقرا قران
لو وجدتي انسانه مثل هالاوصاف كيف تتعاملي معها
 
ام اقمرين قال:
الحلوه مشكوره
انا اخذهم لكن ما البسهم
ولا رجعتهم
شو رايك اعطيها الشغاله تعطيهم اياه ؟ما ابيهم يتعودو
أنقر للتوسيع...

للأسف يا ام قمرين لاحظت أنه القلوب شايلة على بعضها لأنه المواقف تمادت منهم

لكن عليك بالدعاء ثم الدعاء ثم الدعاء وتحيني ما بين الأذان والاقامة وارفعي يديك لسماء وقولي يا رب

قومي قيام الليل فينزل الله برحمته عليك فيسأل من سآئل فأستجيب له قومي وقومي وقومي كل ليلة والحي بالدعاء

اليك بالدعاء الذي بعد عني الشر والحسد والحقد وقرب قلوب الآخرين مني وخصوصا حماتي وأهله كلهم

اللهم اقهر من أرادني بسوء أوعدوا ظلمني وأعطني من كرمك ما أسر به في كربة الدنيا والأخرة آنسا يغني عن كل مؤنس وتوجني بتاج الكرامة واحمني عن أعين من يردني بحسد وسحر وكيد وشر ومسكني بالحبل المتين واكفني الباعثين والحاسدين والماكرين .

عزيزتي

قومي كل ليلة وادعي بأن يسخرهم الله لك وأن تكسبي قلوبهم وأن تعمر المحبة فيما بينك وبينهم

وسأنزل لك أدعيتي بالتوالي

اللهم سير أمرها وفرج همها

آمين
 
آآآآآآآآآه واالله انج جبيتها ع الجرح !!

مشكلتي الوحيده في حياااتي الزوجيه اهي اهله .. يعني اذا صارت مشكله بيني وبين زوجي

تكون خفيفه وبسرعه تنحل .. لكن اذا مع اهله !! مصااايب تصير !!

خالتي الله يهداها ان شاء الله .. متسلطه ع الكل في البيت ع البنات والاولاد وحتى زوجهاا

اهي الليدر صايره ومستحيل تنشق خيط بابر بدون علمها ..

طبعاً انه تزوجت من نص السنه وصار لي تقريبا 7 اشهر مع زوجي .. ما لاقيت منه الا كل احترام وتقدير

بس مشاكل اهله تخليني ساعات اكرهه هو نفسه لان ما احسه يدافع عن نفسه قدام اهله ..

يعني تخيلوا بكل طلعااتنا لااازم نلاقي اتصال منهم وينكم متى بتردوون ؟؟

اتنرفز وكله اقول يعني شلون مالنا خصوصياتنا ؟؟ بس اهو كله يقولي لو صرتي أم بتعرفين شلون

تخافين ع العيااال .. قلته اووكي مو مشكله بس الحين انت خلاص مرتبط ببنيه يعني قدر شعووري

انه متزوجه رجاال مو بزر كل اشوي يدقون عليه وينك ؟؟

ولا سااعات عمي الله يهدااه يطلع فيها ويقعد يصاارخ عليه قداامي ؟ ومو ذاك الصراخ بس عتااب

قوي انه صراحه ما اقدر اشووفهم جذي وهو معنى يحقر واااااااااااااااجد يعني يقولي انا احترم اهلي

بس ما اعير ليهم اهتمام حق كل اللي يسوونه ..

بس خالتي الله يهداها شقوول عنهاا بس ... مره من المراات اخذتني ع صووب الا تقوليي

انه قبل ما تتزوجون نبهت ع فلاان انه ما يلمسج يعني خفاايف بس ان يوصل تحت لاا !!

ليش هالحجي تقول لانه هو للحين يدرس ويشتغل !! انه طبعاً سكت ولا تكلمت ..

انحرجت اولا من كلامها وانجرحت فوق هالاحراج .. طبعا قلته امك تقول جذي جذي

قالي وانتي الحين زعلانه ع قاالت يعني احنا لو سوينا بتجي بتجيك عليج ؟؟ انتي بنت ولا لا

بس انه ما اقدر اتحمل ما اقدر يعني لدرجه انها تدش الغرفه و تقعد تفتش ع اساس شنوو

تنظف وتسوي دورات ع الغرف تنظفها !! وغير جذي انه ما احب احد يدش علي الغرفه بدون

طق الباب .. يعني حتى لو ما كنت موجوده ليش ما يطقون الباب ؟ فرضا كان زوجي مو لابس شئ

انقهرر مره صادني هالموقف كنت تووني واصله من بيت اهلي وفاصخه الشيله الا باب الغرفه ينفتح !!

سوت روحهاا متفااجئه ع الرغم انها ما شافتني وانه دااشه مشيتها لهااا .. بعدين تقوليي انه ما كان قصدي

انزين اووكي حتى لو كان قصدج سواء كنت موجوده او لا ليش ما ينطق الباب اساسا هذا من اساليب

الذووق !! .. وانه يوم دشت وقالت جذي قلته لاا عادي انتي مثل امي ... بس من داخلي حدي منقهره ..

وزوجي يسوي رووحه ما شاف الموقف !! هذا الا تنبط جبدي اكثر ..

واذا مره من المرات قلت بروح بيت اهلي واهو متأخر ع الدوااام تصر خالتي انه ما يوديني ع اساس لا يتأخر

ع الشغل ويسوق بسرعه كله تخاااف انزين اووكي بس شنوو يعني لااااازم نقول انه اتصل للمسؤول وقاله

انا بتأخر ؟؟ وغييير الفشااار اللي تووفشر ابه يوميا .. ولا عاد اذا قالت محد كفو يعيب ع ملاابس بنااتي

الكل يشهد لي بالذوووق .!! بعد يااربي الناس اذوااق انه كلش ما يعجبني ذووقها ..

بس اسكت ولا اتكلم .. ساعات من كثر هالضغط اللي يصيدني والسكووت حتى مع زوجي اقل كلمه منه

اعصب واتنرفز ودااااااايم زعلانه حتى اهو يسميني زعووله .. بس شسوي كله من ضغوط اهله

ولا عاد اذا جيت وقلت لاهلي ما يصدقون عليهم شئ يقولون اهل زوجك ذهب !!

اهم قدام النااس ذهب بس داخل البيت !!

قولوا لي شلون اتصرف ؟؟
 
ام الزوج هل هي الداء حقا؟؟

بسم الله الرحمن الرحيم

السلام عليكم ورحمة الله




الحماة
العمة
أم الزوج


تعددت الأسماء والأقاويل عنها .. حتى أصبح فتياتنا يكرهن لكل أم زوج ..
بسبب ما سمعنه من أقاويل من أمهاتهم وأخواتهم وغيرهن..
حتى تكبر الفتاة على عداء بداخلها وفكرة خاطئة
أن كل أم زوج هي إنسانة تحاول زعزعة سعادتها مع شريك حياتها..
وتود أن تسلبها حقها في عيشة هنية ..
حتى تتوهم أن أم زوجها إن طلبت منها شيئا أو قامت بفعل شجار معها لموضوع ما
أن هذه المرأه تكرهها ولا تحبها وتبدأ برسم الأفكار السيئة..
وتتحول الحياة إلى معارك ومشاكل مابين المرأة وحماتها ..
ويكون الزوج بين الاثنين ..
لا يدري مايفعله .. أمه أم زوجته!..
حتى يَمل من شكوى زوجته المتكرر من أمه ..
ويفكر في قرارة نفسه إن زوجته هي سبب المشاكل ..
ويتحول العيش الهانئ إلى جحيم لكثرة المشاكل..



لكن بدل هذا كله كنا سنقدر على العيش بدون مشاكل..
لو تفادينا المشاحنات.. وحاولنا أن نعتبر أم الزوج هي أم حقيقية لنا..
جاريناها في كل ماتقوله وقلنا لها سمعا وأمرك ومعك حق..
قدمنا لها بعض الهدايا في مناسبات مختلفة..
ساعدناها في إعمالها .. وسليناها في وحدتها ..


ماذا سيحصل .. !!
هل سينقص منكِ شيئا .. !!

لو وضعتِ نفسكِ مكانه ماذا ستفعلين..
وأكيد سيأتي اليوم الذي تكونين فيهِ أنت حماة
كما يقال ( يا زوجة مصيرك تكون حماة ) ..

سمعت احداهن تقول


لو علمت أن النساء أن الطريق الأقصر إلى قلب الرجل المحترم
هو أمه الغالية لما حدثت مشاكل بين الزوجة وأم الزوج
 
قصه لكل زوجه يديده مقبله على الزواج

بسم الله الرحمن الرحيم



قرأت هذه القصة في احدى المنتديات و اعجبتني
و حبيت ان الكل يستفيد منها

انني اكتب هذا الموضوع لاقنع كل زوجه متضايقه من ام زوجها


اخواتي اود ان اقسم لكم بالله العظيم بان كل كلمه سوف اكتبها هي حقيقه حدثت لي في يوم من الايام
اخواتي تزوجت وعمري عشرين سنه وكنت ماني داريه عن الدنيا ومقالب الحريم وحركاتهم..

المهم كانت ام زوجي حرمه متسلطه سليطه لسان يكرهها الجميع من اخوات زوجها وجيرانها واقاربها لان لسانها متبري منها
عندما تزوجت تعلقت بزوجي كاي زوجه تحب زوجها

000ولكن الحب يحتاج الى تضحيات واولها المواجه مع ام زوجي
00 وكان الكل يحذرني منها00ولكنني قررت ان اكسب المعركه لصالحي

في البدايه اود ان اوضح ماهو اكثر شئ اعانني على المواجهه
(بعد اعانه الله سبحانه وتعالى)

((((كنت دائما اضع ببالي لو انها كانت امي فماالذي سوف افعله بهذا الموقف)))))
الان سوف ندخل اجواء المعركه وساذكر لكم بعض المواقف البعض فقط لانها لاتعد ولاتحصى

كانت تحرص ان تدخل غرفتي بدون اذن وتاخذ بعض اغراضي وتستخدمه امامي لكي تغيضني وتجبرني على الكلام
(ولكن اتخيلها امي)واصمت

كنت احرص ان لا اقفل الغرفه اذا كنت نائمه وزوجي غير موجود لانها تحب ان تفتح الباب بين فتره والثانيه
(ولكن اتخيلها امي تود الاطمئنان علي)واصمت

كان يوجد داخل غرفتي حمام لمن نركب له باب لانه داخل الغرفه وضعنا عليه ستاره بشكل مرتب فقط كنت اود الاستحمام احيانا وهي موجوده بالغرفه اخذ روب الحمام واغلق الستاره واتروش عادي جدا وبعدين البس داخل الحمام
(ولكن اتخيلها امي استحي اقولها اطلعي برى)
المفروض هي تستحي

كنت انام الظهريه عندما يكون زوجي بالعمل واكتشف انها نامت معي بنفس السرير عندما كنت اغط بالنوم لاني اترك الباب مفتوح لها كما اسلفت سابقا وكانت حجتها ان مكيفها حار ومكيفنا ابرد 00والبيت فيه خمس مكيفات مااختارت الا غرفتي
(ولكن اتخيلها امي)واصمت

كانت تقتحم غرفتي وتفتش بين ملابسي بحجه ان الشغاله مضيعه تنوره بنتها يمكن مدخلتها عندي ويشهد الله اني كنت اساعدها بعمليه التفتيش (لاني اتخيلها امي)واصمت

كانت تحاول احراجي امام الحريم عندما نجتمع ولكن اسكت لاني عارفه الناس تقول حتى لو عمتها غلطانه المفروض مايتهاوشون قدام الحريم يعني اطلع انا الغلطانه وهذا مالا ارضاه لنفسي بعد هذا الصبر الطويل


اما وجبات الاكل هذي يبيلها مجلدات لحالها لانها كل مره تغير مزاجها مره تبي الاكل مالح ومره باهت مره الرز لين ومره تبغاه نثري0مره تقول البهارات تسبب لي حرقان ومره الاكل ماصخ مافيه بهارات
وطبعا في كل مره اطبخ له طبخه من جديد حسب المواصفات المطلوبه(وطبعا اتخيلها امي)ومشتهيه تاكل هالطبخه

لما ارجع من السوق اوريها اغراضي واحد واحد حتى الاشياء الخاصه (تذكرت موقف طريف بقوله لكم مره اشتريت لمعه الجسم وريتها على انها كريم عادي0 طبعا هي كل كريماتي من املاكها الشخصيه وتستخدمها متى مابغت 0وتخيلوا شلون بيكون شكلها وهي رايحه عند ناس وهي مستخدمه لمعه الجسم

وطبعا لما جاني عيال ياسلام بدات تلقى اثاره اكثر 00عيالكم سوو وعيالكم فعلو00بذكر لكم موقف واحد
00مره ولدي كب بيبسي على الموكيت حق غرفتها00قالت انا حلفت ان البيبسي ماينمسح ولازم يتغير الموكيت كله(طبعا تبغى تنرفزني وتشوف رده فعلي)
المهم ولدها عيا قال هذا جبروت مهو طلب معقول
00ورحت وغيرت موكيت الغرفه على حسابي الخاص


المهم يااخوات ان هالمعارك دامت تقريبا خمس سنوات(داحس والغبراء)
وبعدها اعلنت ام زوجي استسلمها

وصارت تفضلني على زوجات اولادها السته وصارت كل ماشافت شي جديد عند زوجات عيالها او بناتها تشتريه لي وتقول شفتهم شروه اكيد انه شي دارج هالوقت وقلت باشتريه للغاليه
وصارت تستشيرني بكل شي يخصها حتى لو عيالها قالوا لها شي ماتثق فيهم لحد ماتاخذ رايي
وصارت تدعي لكل عجوز تشوفها ان الله يرزقها بحرمه ولد مثلي

طبعا كل الناس مستغربين بما فيهم زوجي واخوانه شلون قدرت اكسب ام زوجي
واقسم بالله تقريبا تسعين بالميه من المشاكل ماكان يدري عنها زوجي لاني كنت اقول في نفسي
(طيب واذا عرف بالمشكله يرمي امه بالشارع ولا يروح يهاوشها وتزيد المشكله ماتنقص وهذا الي هي تبغاه)
كان مايدري الا بالمشكله الي يشوفها بعينه



والله اني اكتب قصتي مع ام زوجي لكي تستفيد منها كل عروس توها باول المشوار وماهي عارفه كيف تتصرف مع ام زوجها​
 
قصة راااااااااااااااااااااااااااائعة نبراس الشرق

الله يجزيج الجنة حبيبتي

هي فعلا مثل أمنا وساعات أنا أغلط واناديها أمي وأضحك على نفسي واقول هي فعلا أمي يعني لو ناديتها امي بتزعل يمكن تفرح

تحياتي
 
مشكلتي انا غير زوجي متعلق في ابوه كثير ويتدخل في حياتنا واخرتها خلاه يتزوج علي بنت عمه مع ان زوجي يحبني لكن طاع ابوه .... حسبي الله ونعم الوكيل ويقولي يعترف انا نقطة ضعفي ابوي
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل