مريتي بموقف محرج جدام الناس ؟؟؟؟ دخلي وسعي صدرج

[شعشبونة83]

كنت يالسة في ملجة ولد خالي وفي حرمة ما اعرفها كانت تطلعني بطريقة غريبة وانا ميلسة فوقي حد من اليهال وهي تطالعني
عقب نش الياهل ركض وانا ما انبهت عليه وطاح
وما حسيت غير وبيمع على ظهري وهي تقول ياركضي ولدج طاح


لا تضحكون علي ما عرفت شو اسوي شليت الولد ورديت قعدته فوقي وهو مب ولدي ولد حد من الاهل بس خفت احصل لي شي ثاني .




صراحة ماللشءالله عليها صح حرمة عوده بس لها ايد تبارك الرحمن .

 

[سلة فواكه]

ها بنات وين المواقف شدعوه؟؟؟؟؟؟؟

 

[سلة فواكه]

هاااااااااااابنات ماعندكم مواقف ؟.؟

 

[انشودتي الكويت]

هاهاهاهاهاهاهاااااااااااهاههههههه واللة مواقف سمعوا موقفي ..
بيتنا يمة مدرسة والمدرسة طبعا لها مواقف وانا كنت صافطة سيارتي بمواقف المدرسة ..قمت الصبح كالمعتاد وبرووح دوامي طبعا كان النوم بعييييني ودايخة لاني نايمة متاخر واصلا انا متاخرة علي دوامي المهههههههههههههم ..طلعت مفتاح سيارتي وببطل الباب المفتاح ما يدش ..احاول واحاول واحااااااااول ما في فايدة ..والا اسمممممممممممع طلاب المدرسة كلللهم مقابيليييني وناطريني شيبون يعرفون شنو بسووووووي ..رفعت راسي والا مو سيارتي ..الا اهي سيارة يم سيارتي تشبهها واااااااااااااااااااااااااااااااااااي انقص ويهي ..سويت نفسي عادي وانا من داخل ميتة من الفشلة ورحت بطلت سيارتي ومشيت وانا ميتة من الفشلة ..اللة لا يرد هاليوم

 

[سلة فواكه]

هههههههه
انشودتي وايد تصير ,, مو احسن من وحده تدخل سياره مو سيارتها هههههه

 

[نفوووله]

عجبني موضوعج ياسلة فواكة..
أول مرة اشوفه..
بصراحه عمري ماضحكت كثر اليييوم!!

تذكرت موقف صارلي في المرحلة الاعدادية وحبيت اقوله لكم..
شخصيتي هادئة ومتزنه ولكن تصيبني احيانا حالات خاصة فتشوفيني مرحه ونشيطة زيادة عن اللزوم احيانا..
وشاء القدر في يوم من ايام المدرسة اصابتي بتلك الحاله المجنونه.. فقررت اني العب زميلاتي في الصف لعبه كان القصد من وراها غير شريف وهو السخرية على البنات..
كنت اطلب من اي طالبه تطيح عيني عليها ان تجلس على الكرسي امامي وان اقوم انا بدفعه الى الامام طووول الصف..
وبما ان الكرسي لايوجد به عجلات فكانت قوامه تعلق في الارضية مما يوحي بالطيحه.. (والله ماكان قصدي وقتها انهم يطيحون بس كنت ابي اشوف رده فعلهم واضحك عليها)..
بدأت بهن بالدوور الى ان ضحكاتي اكشفت عن نيتي الغير شريفه.. ووقتها اجبروني على الجلوس على ذلك الكرسي التعيس! وكانوا يريدون ان يدفعوني مثلما دفعتهم وان يضحكوا علي مثلما فعلت بهم!!
ولكنني لم ارضى بالخسارة والضعف امام 29 طالبة! وتشجعت وقلت انا سوف ادفع نفسي بنفسي ابتداء من اول الصف الى نهايته (ادز الارض برجلي على ورا)..
وفعلا ابتديت بالدفع وبسرعه عالية وماهي الا لحضات واسقط على الارض.. والجميع ضحك علي وكذلك انا فلم استطع النهوض من كثرة الضحك..
كان يوما جميلا مر في حياتي ولن انساه ماحييت

 

[العبره المحبوسه]

امممممممممم,,
المواقف كثيره بس ,,
اللي يحضرني الحين ,,
موقف صارلي في زواج ,,
قاعده ارقــــــــــــــص بضمير داخله جو ,,:no:
ويو خلصت ((الظاهر اني دخت من كثر النطنطه)) ههههه ,,

ويوم نزلت مع الدرج بدا الطق اللي بعدي وقام الدرج يهتز ومابه دربزين ع الدرج
احاول اوقف مابه امل ,,
وميررر اخم ليني جالسه ع الدرج عاد القاعه اللي جالسين قدام اغلبهم عجايز قامو يقولون بصوووت واحد هذي منهي بنتها!!!!!! :icon1366::icon1366:

 

[ضي القمر]

مشاالله مواقفكم كلها تضحك وتموت وانا
تشكرك وتقبلي مروري

 

[أحس فيك]

هههههههههههههه
مواقف كلها حلوه تضحك من قلب
خلني اقولكم موقف صار لي قبل سنة في يوم عرس اخوي
كنا في القاعة من العصر علشان المكياج و الشعر المهم اخوي كان جاي يجيب اغراض العرس المهم خذته منه وطلع فوق ويوم وصلت لأمي قالتلي اتصلي على اخوج يجيب كرسي للشعر المهم واخوي أسمه عبدالرحمن وخذت جوال امي وأتصل على الرقم ( عبدالرحمن ) المهم يرد علي واحد صوته يشبه صوت اخوي احمد واقوله انت عبدالرحمن قال ايه قلت له لا انت احمد قال والله عبدالرحمن قال له لا انت احمد والسالفه طولت وانا اقوله انت احمد وهو يقول لي انا عبدالرحمن في الأخير سمعت نبره غير عن اخوي تذكرت اني متصله على ولد خالتي عبدالرحمن وهو رفيج اخوي احمد وصوتهم ما في فرق لو تموتين يعنى الشرهه علي أنا اللى ما تاكدة قبل لان اخوي أسمه في جوال امي (بوعوف) وطبعا يوم تذكرت انه ولد خالتي ما كان عندي حل غير أني أسكر الجوال في وجه >> حرام والله ما يستاهل بس شاسوي من الفشله​

 

[ود المحبة]

ههههههه قمة الاحراج

اشكرك وانتي دايمة مميزة يالغالية
اخت ود

 

[عساني ماأفقده]

بصراحة موضوع حلو



ابحاول اتذكر وارجع

 

[%ريف%]

السلااااااام عليكم .... مشكووووره سلة فواكه على موضوعك ... الحلوووو... مثلك .. لا عدمناك يا الغاليه ..:icon26:

أنا صاااار لي موووقف الصرااااحه ...(( بدييييييييييييع )) :nosweat:
مررررره من المرارير .. كنا رايحين في الصيف لجده .. أم الرخا والشده .. المهم سكنا في درة العروس وهو نظام شاليهات .. ابطااال الموقف أنا وأختي المصوووون .. كنت في ثالث ابتدائي وهي في ثاني .. المهم طلعنا بعد العشا أنا وهي والشغاله نتمشى , رحنا للمراجيح لعبنا شوي بعدين قالت الشغاله:. بروح لللشاليه وأجي لا تتحركون ولا ترى بتضيعون ..(( لأننا ما نعرف رقم الشاليه ))..
وراحت ... وطوووولت .. المهم محسوبتكم عطشاااانه .. وألتفت على أختي وهي تتمرجح ..
أنا : شوفي أنا عطشانه برجع الشاليه << يقطع أم الثقه..
هي : لاااااا بعدين تضيعين ..
أنا : عطشاااااااانه .. ايش أسوي طيب ..
هي : اللحين بتجي الشغاله وترجعنا ..<< انواااع .. ما أدري ايش أسميها ..
أنا : خلاص اجلسي تمرجحي إلى بكره .. أنا بروح الشاليه ..:showoff:
هي ..(( والعبره خانقتها )): لاااااااااا ترووووحيييين , وتخليني ..
أنا : يا الله أجل تعالي ندوره ..
المهم يا طويلات العمر .. جلسنا نمشي ونقز في ها الشاليهااااات ... ونمشي ونمشي ونمشي ...
وفجأه .. اسم الله علي صرخت :.. هذاا لقييييته ..
هي : اش درااك ؟؟
أنا : الا هذا هو ..
وبكل ثقه .. رحت للبااااب وفتحته .. وأصرخ ... وييييييينكم .. جوجو .. ماما .. بابا .. حوووريييه ..
هي : لااااااااا شكله مو هو ...
أنا :إلا هو يمكن راحو يتمشون ..
هي : لااااااااا رااااااحو للريااااض وخلووونااااا وصيااااااااااااح << أفلااااام
أنا : لااااااا ما راحو وخنقتني العبره ..
ومع ذلك رحت أدور مويه في المطبخ << ما نسيت
واختي تصيح ..وللمعلوميه.. شفت شنط رياضه وكرة قدم وكوتشات في الصاله.. بس ما اهتميت مره .. وجلسنا في الصاله نشرب مويه .. المهم مليييييييت .. قلت : وينهم تأخرو ..:sadwalk:
هي : قلت لك راحو عنااااااا (( وفجرتهااا صياااااااح ))
رباطة الجأش المؤقته في هاذي اللحظه راااااحت .. وخميتهاااا وصيااااااااااااااح .. لا لا مستحيييييييييل يروحون ..أصلا الشرطه بيلقونا ..وبنرجع لباااااباااا
هي : لا لالا ما أبيهم أبي مااااااااااماااااااا ..
والله ظروووف مأسااااويه .. وفي هاذي اللحظات العصيبه .. تذكرت بلكونه في الصاله اللي فوق .. ما يخلوني بابا وماما أطل منها .. وأمسك أختي .. وركض عا الدور الثاااااني << أنواااع الموااانه , كأنه شاليهنا

وبسرعه أفتح البلكونه حقت الصاله اللي فوق,, وأطل على تحت وهااااااااات يااااااا صراااااااااااخ ... فرغت كل الخوف والروعه ... أختي تصييييح بأعلى ما عندها .. وأنااااا أصااااارخ وأصييييح << ناقصنا صوره بس كأننا مخطوفين .. :tears:
والعالم اللي تحت مرتاااااعين .. وحرمه تهدي فيناااا من تحت .:. بسم الله حصل حاجه ؟؟ لييييه البكاااا اش بكم ؟؟.. سلااامااات .. يا امي انزلوا تحت ....<< مااا نسيييتهاااا يا حليلها .. خخخخ
واناااا أصاااااااارخ : لااااااااا ابي ماااااامااااا آآآآآآآآآآآآآآآآه ...
وفجأه أشووووف بابا من بعيييييييييد .. والله بغيت أطيييير . كأنه جاي لي من الجنه .. وبسرعه أسحب اختي وأنزل .. بابا شفته والله شفته .. وأنا نازله .. صعقت من اللي شفته .. تقريبا 6 شباااب اقل ما يوصفون فيييييه .(( مطيرييييييين عيووونهم )) << ما ينلامون تونا مسوييين أفلام هنديه .. شكلهم ما حضرو الفيلم من أول .. وخلو شالييهم مفتوووووح .. يا ليت متهمتهم با ختطافنا عشااان يكمل الفيلم ..<< شريره :evil_lol:
وكملت طريقي لبراااااا .. وعطيييييتهم طااااف ...
و......... إلى أحضااااااااااان بابا ...
وأنوااااع الشهااااااااااق :.. لييييييييييييييه رحتووووو ..وخليتوووناااااا آآآآآآآآآآآآآآآه ..وقلنا له السالفه .. ويوم عرفت ان الشاااليه مو حقنااااااا وجهي صاااااار ألواااااااااااااااااان ... مااااااااليييي دااااااعي :shutup: ..وكملت الصياح من الفشيله ..
وبابا يهدي فينااااا .. واعتذر للشبااااب , ويوم فهموا السالفه ... ماااااااتو من الضحك .. ورجعنااا للشاليه بسلامة الله ..


وبش ...

% ريف %​

 

[خياال انثى]

خخ مواقف صدج تضحك اسمعو سالفتي اللي تفشل لما كنت في الثانويه صار عندنا عزا وهذا اول عزا يصير لنا المهم يت ربيعتي تعزني تقول احسن الله عزاكم وانا الغبيه ما عرفت شو ارد جان اقولها عزانا وعزاكم خخ وبعد ماراحت ضحكت علي خالتي تقول شو تبين تموتين احد عندهم غصب صج فشله

وااافشيلتاااااه توني ادري انها غلط
ههههههههههه
في عزا جدي كنت مصدره المجلس والي تعزيني اقولها عزانا وعزاج:in_love:<<<وانا اقول ليش النسوان تطالعني بنضره غريبه:icon28:

 

[سلة فواكه]

ههههههههههههههههه يابنات مواقفكم عسل مثلكم
يالله ابي اشوف تفاااعل

 

[ريمو girl]

:shiny::shiny::shiny::biggrin::biggrin::shiny: ههههههههههههههههههههههههههههههههه لووووووولز

 

[الجمان الابيض]

انا مره كنت مع زوجي وأخوي ومرته نشم هوا على البحر المهم كان حزة صلاة المغرب وكان فيه سجادة كبيره عشان الناس تصلي عليها وقفوا الرجال صف عشان يصلون واحنا الحريم صلينا وراهم طبعا وشوي واحنا في الصلاه الاواسمع صوت كلب وراي وانقز وادخل بين زوجي وأخوي اول شي استغربوا بعدين تقطعوا من الضحك علي وانا من الخوف والاحرااااااااااج من الناس ماني قادره اتحرك من مكاني ماسكه في زوجي:icon1366: أضحك وابكي في نفس الوقت أحراااااااااااااااااااااااااااااج:blush-anim-cl:مو طبيعي والسبب واحد من الشباب وياااااااااااه كلبه حسبي الله عليه:sly:

 

[طموح الروح]

خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ
أضحك الله سنك كما أضحكتنا... موقفي طازج توه من جم يوم.. كنت اراكض على جهاز المشي ومو حاطه خيط الطوارئ اللي ينسحب إذا طحت علشان يوقف الجهاز.... وانا اراكض واسوي حركات رياضية لزوم الأستفادة خخخخخخ..... اشوي وإلا اطيح ذيج الطيحه وقمت احبي نفس اليهال على ركبي... والجهاز يمشي على السريع وتزلعت ركبي وتجرحت .. ومن حلاة الروح خخخخخ شافوني بناتي الصغار وقاموا يصارخون خخخخخخخخ وبنتي اللي عمرها 5 سنين نطت على الجهاز تبي تنقذني خخخخخ وتقوم تراكض على الجهاز وهي تصارخ بدل ماتصكه...خخخخخخخخخخخخخخخخخخخخخخخ
كل ذي من هول المفاجأة :shiny:

 

[سلة فواكه]

ههههههههههه طموح الروح موتيني ضحك
اسلوبج حلو


شكرا على مشاركاتكم الحلوه حبيباتي

 

[طفلة شقية]

عاد انا موقفي روعني وحرمني اروح هناك مرة ثانية


رايحين السينما انا وخطيبي وكراسي السينما من اللي تمسكينهم عشان تجلسين مزبوط يعني هم بالأصل مسكرين بس تفتحينهم وتمسكين عشان تجلسي المهم كانت يديني مليانة فشار وعصير والحمد لله جلست بدون متاعب وبعدين جا جنبي رجال فقلت لخطيبي يبدلني بمكانه ومن الدفاشة خايفة على الفشار والعصير لا يطيرون قمت فيهم وجيت بقعد على الكرسي الثاني فتحته وهديته وجلست والقا نفسي بالأرض والذرة فوقي كأني عروس وفوقها الورد ويكملها العصير كأنه مطر والشباب يا سلام عالمسخرة وانقلب فيلم الرعب الى فيلم كوميدي ويوم انتهى الفيلم الكل يبي يشوف اللي سوت ازعاج بالسينما وانا ويهي منقص وخطيبي فاطس ضحك بغيت اذبحه ههههههههههههههه


بعد هالموقف صار يجيب لي افلام بالبيت عشان لا افشله بالسينمات هههههههههههه

 

[سلة فواكه]

للرفع