مريتي بموقف محرج جدام الناس ؟؟؟؟ دخلي وسعي صدرج

..هههههههههههههههههههههههه..
كم مرة ادخل الموضوع ..واقول بلاش احرج نفسي ماله داعي ..بس اليوم مزاجي معكر ..وابي اعانده ..خخخخخخخخخخخخخخ
...
المهم ..
وانا اجهز شفتي رحت محل سيراميك .. وانا ماشية عجبني نوع .. وصرت اطالع عليه مركزة ... ونسيت اللي قدامي .. والا ذيك الطيحة اللي الله لا يوريكم ... المشكلة المحل كله رجال .. وزوجي مات من الفجعة .. وجاء ساعدني .. وانا خلاااااااااااااص .. كرهت المحل واللي فيه ...
............
اما الموقف الاحلى ..صار لي في المكتبة ... اشتريت كتاب ..وزوجي صف في طابور المحاسبة كان زحمة ..المهم ..انا رحت جهة المجلات اتفرج عليها عبال ما يخلص ..وانا اطالع ..شفت مجلة يحبونها بناتي .. واخذتها وبسرعة رحت لزوجي عشان يحاسب عليها كمان .. وامد المجلة له .. حسيته استغرب .. ولما طالع فيه .. تمنيت ان الارض تبلعني ... ما كان زوجي ... وزوجي ناداني من ورى ..بسس
انت ما تشوفين ....؟؟؟؟!!!!
قممممممممممممة الاحراج ...
اش رايك سلة ...
عاد اضحكوا من الموقف مو مني ...
 
مره كنا طالعين من المستشفى ومعي خالتي وهي عجوز وعنيده يعني كلامه كله صح المهم واقفين ننتظر اخوي ليقرب السياره وكان جنبنا مجموعه كراسي الي ياخذو فيها المرضى وتعرفو فيها تواير مثل السيارة جاة خالتي وقالت تعبانه راحت وجلست على واحد من الكراسي (عناد) وانا انصحها خوفا عليها ايدرج الكرسي الا وشوفها هي وكرسيها كراخ في الجدار والكل يشوف وميت من الضحك

الموقف الثاني ايام الغربه اول يوم لي في الكليه اشوف بنت تأشر علي وتسلم من بعيد وانا الملقوفه رحت فرحانه اسلم عليها وقفت وجه لوجه والبنت مستغربه شو فيها هذه واخر شئ جاة صاحبتها الي كان السلام والابتسامه موجه ليها وسلمت عليها وراحو وانا واقفه مذهوله ومصدومه ومنــــــــــــــــــــــحرجه وصاحباتي يضحكن علي من الموقف

الموقف الثالث رايحين انا وثنتين من صاحباتي الاستوديو ودخلنا انا وصاحبتي قبل صاحبتنا لانها بطيئه لما تمشي وباب الاستوديو من زجاج واتسكر قبل وصول صاحبتنا الا ونسمع كراخ بقوه مسكينه من نظافه باب الزجاج على بالها مفتوح وانصدمت بالقوه في الباب والكل الي موجود ضحك عليها وهي منحرجه
 
بصراحة ضحكت من قلب على المواقف الحلوة

الله لا يهينكم ولا يحرجكم ان شاء الله
 
السلااام عليكم ...
انا مع مواااقفي تحف وكله تصيرلي بالدوااام
المهم ما عليناااا
كابتن ماجد يوووم سمع قااام يضحك وكااان شكله يضحك بس جداااام الشباااب بس احس بداااخله انه معصب يعني متضااايق شوي
عاااد بعدين تأسفت منه وقلتله هذي سوالف البنااات...::blush-anim-cl:
عين قويه بعد
لوووووول
 





المواقف جميله جدا.. وتشرح الصدر ..



سأذكر لكم موقف مضحك ومحرج.. كنت انا واخواتي واخواني جميعنا كلنا في مراحلنا الدراسيه, كنا نلعب لعبة اسمها (الغميزه) اغماض العين والقاء الورق..وكان معنا أثنان من أبناء خالتي.. وكنا قد عملنا حلقه دائريه والورق بالوسط.. ومفهوم اللعبه هي ان من يقع بيده ورقة الجوكر يغمز للجميع وكل غمزه يلقي المغموز له ورقته.. المهم .. جاء الحظ ان يكون الجوكر معي.:nosweat:. وقمت من الاحراج غمزت :in_love:لأاخواتي أولا ومن ثم اخواني وباقي ابناء خالتي كنت متردده ان اغمز لهم .. فغمزت للأصغر فلم يلقي أوراقه:icon28:

فغمزت له مره آخرى حتى يبقى بالاخير اخيه الاكبر, وغمزت له تقريبا خمس مرات ولم يلقي.. فقالت اختي هيا ما بكم فليقي احدا منكم.. فقلت انا وكنت صغيره ههههه /


والله لقد غزالته وغازلته خمس مرات ولم يلقي بأوراقه :biggrin:.. (بدل ما اقول غمزت قلت غازلت)

وانقلبت الحلقه الى ضحكات وصرخات من الضحك... حتى ابن خالتي تفاجأ ماذا تقول هذه !!:a115:

وان من الاحراج تركت اللعبه وقمت ابكي من الاحراج.:frown:






 
امرأه لا تنسى
هلا هلا والله نور الموضوع
ههههههههههههههههه غازلتيه مره وحده
عادي يوم صغار وايد علينا الفاظ ما نعرفها ههههههههههه مشكوره يا عمري عالمرور


توسته
صج قوايه عيون بعد تعتذرين ههههههههههههههههههه
مشكوره عالمرور


فدك
حياج الله يا حبي


زهره البوادي
مسكينه خالتج من عنادها ههههههههه,,,,
اما موقف الباب الزجاج هذا مره صادني وانا بدبي بدخل محل عطورات جدام الله وخلقه لدرجه ان وحده عيوز تتمشى يات همزت راسي هههههههههههههههههههههههههههههه


قلوبه
اي اي والله زين تسوينه عاندي المزاج لا يسيطر عليج انتي سيطري عليه .......... الموقف الاول هههههه يا كثير الطيحات وعاد بمحل سيراميك وكله رجال ياربي صج فشله
اما الموقف الثاني اشوى ما كلمتيه او مسكتيه جان الاحراج صار اثنين ههههههههههههههه
 
بنات فشلللللللللله
امس صار لي موقف بس مع من مع ابوي
واااااااااااخزياه

لابسه جينز يديد برمودا ومستانسه عليه وايد
وانا قاعده اكل واخذ واعطي بالسوالف اشوف خواتي يأشرون لي

طلع الجرار مفتوح
ما يخالف خواتي خل يشوفون ما استحي بس ابوي وااااااااااي فشيلله بس مادري بصراحه شاف او لا


المهم اني ندمت اني لبسته اهئ اهئ اهئ
 
يوسع الصدر بصدق

بصراحه كل وحده موقفها يجتل من الضحك تصدقون اقرا وانا:biggrin: ميته من الضحك ودموعي اربع اربع واللي عدالي مستغربين شو اللي يضحكني جيه
طبعا مافيه حد مامر بمواقف شرات جيه واحيانا انكون مارين بمواقف والله ماتنقال المهم سمعوا موقفي
انا مره كنت رايحه المعرض وانا داخله يالسه اقول حق خواتي في خاطري اشوف حد يطيح علشان اضحك بس الله مايضرب بعصى يجازي المهم دخلنا وخذنا اللي بغيناه وطلعنا ونحن وطالعين كانوا شلة شباب واقفين قرب الرصيف وانا كنت متغشيه وانا نازله ايج على ويهي واطيح طيحه معتبره والشباب يطالعوني اللي يضحك واللي سلامات ماتشوفين شر وانا من الارض ماقادره انش من كثر مااضحك على عمري وخواتي يحاولن ينششني بس من الضحك ماكنت قادره اوقف بس الحظ ان غشاي ماطاح
وتسلمين سله على :e032:هالموضوع الحلو اللي صدق يوسع الصدر ويوخر الهم:c014:
 
ههههههههههه

صراحه مواقف تفطس ضحك

مشكوووره سله على هالموضوع الي يوسع الصدر


بقول لكم موقف صار لي محرج ولا اظن وحده سوت مثلي

من كم سنه رحت بيت اهل زوجي وكانو جالسين على الكنب وهم ماشاء الله كثير

وانا كنت حامله بنتي وعندي شنطه وقعدت اسلم على وحده وحده من ضمنهم كان حماي اخو زوجي وانا مفهيه مديت

يدي له وانحرج مد ايده وسلم كان عمره 17 انا مت من الفشله على طوووول دخلت داخل :redface:

مت من الفشله :shutup:
​
 
خخ مواقف صدج تضحك اسمعو سالفتي اللي تفشل لما كنت في الثانويه صار عندنا عزا وهذا اول عزا يصير لنا المهم يت ربيعتي تعزني تقول احسن الله عزاكم وانا الغبيه ما عرفت شو ارد جان اقولها عزانا وعزاكم خخ وبعد ماراحت ضحكت علي خالتي تقول شو تبين تموتين احد عندهم غصب صج فشله
 
مهايه قال:
خخ مواقف صدج تضحك اسمعو سالفتي اللي تفشل لما كنت في الثانويه صار عندنا عزا وهذا اول عزا يصير لنا المهم يت ربيعتي تعزني تقول احسن الله عزاكم وانا الغبيه ما عرفت شو ارد جان اقولها عزانا وعزاكم خخ وبعد ماراحت ضحكت علي خالتي تقول شو تبين تموتين احد عندهم غصب صج فشله
أنقر للتوسيع...



2628_01200431371.gif




أما هالموقف عجيب :nosweat:


لقد ذكرتيني.. بموقف حصل معي عندما كنت فالأعداديه..

علمنا ان مدرستنا غابت لانها كانت بالمستشفى.. وبعد أسبوع حضرت للمدرسة .. وتجمعنا انا وصديقاتي.. للذهاب مبكرا الى غرفة المدرسات .. حتى نسلم عليها ونتحمد لها بالسلامه..

وكنا واقفين بالطابور..:wink:

كل واحد تسلم وتقول حمد الله على السلامه يا أبلة :a200:
ما تشوفين شر
مأجوره ان شاء الله

وعندما سلمت عليها أنا :

ماذا تتوقعن انني قلت لها .. لأني فقط كنت سارحة الفكر .. وتفاجات انه جاء دوري.. فقلت :














مبروووك مبرووووك :biggrin:

وهي من هول الكلمه عليها فتحت عينها وقالت ::eek:

ايييييييييييييه ؟؟


وضحكت علي بصوت مرتفع هي وكل من كان في الغرفة من مدرسات وصديقاتي..

وأخذ الجميع يكرر .. مبروووك مبروووك .. ويقهقهن من الضحك..

وانا من الاحراج قمت اضحك معهن وكأني لست انا من قالها .. :biggrin:





2628_01200431371.gif
 
انا عاد موقفي محرججججججججججججججججججج
قاعدين نتكلم عن بنت بلغت وهي عمرها 11 سنه وانها صغيره وقالت جارتي انا ولدي اكبر منها وصغير وقصير قلت لها مثل اخوي مابلغ الا بالسنه الي طافت وهو الحين عمره 22 سنه
مادري الا الوجوه تلونت من الخجل ومستغربن من الكلمه وش كلمه طلعت (بلغ )انا ادور....لوجهي بالارض ومات من الكسوفه .......عادة اتورط بالكلام ويازين الساكت ...؟
 


خخخخخخخخخ.....صدق....موااقفكم خطييييييييرة....


بقــــولكم موقف محححححرج صار معاي يوم كنت بنت.......

كنت لابســــة ملابس الصــــلاة وعلى وشك إني أصـــلي....
إلا وأسمـــع التيلفون يـــرن....وأرررررركض بكـــل ثقة للتلفون .....

وأرفعه .....وأقــــول ......اللــــه أكبـــــر.....:crazy::e136:

فشششششششلة ....لا والمصيبة الكبــرى إنه المتصل كان صديق أبــــوي.....جان يقولي.......شو يابنتي.....؟؟؟!!!:1eye:

ماعرفت شو أقوله........تمنيت الارض تنشق وتبلعني...:in_love:
قممممممة الاحرااااج....:nosweat:




صار معاي بعد موقف ثاني......بعد ماتزوجت.....كنا راجعين أنا وزوجي من بيت أهلي لبيتنا ..مشي...لانه وايد قريب ...وكان معي إبني الصغير .....

وكنت وقتها سرحااانة ...قاعدة أفكر بزوجي كيف كان أيام الخطوبة معاي .....جدااااااا لطيف ورقيق ....وتذكرت مرة يوم كنت أريد أطلع معاه بالسيارة وكانت عالية ...تعثرت بطرف العباية وكنت رح أطيح ...بعدين الله سترها وتمسكت زين وطلعت ..وقتها كل شوي يقولي سلامتك حبيبتي ...تعورتي ؟؟؟صار لج شي؟؟:icon26:
تذكرت هالموقف .....بعدين قلت لنفسي يا ترى لو صار لي موقف مشابه الحين بعد زواجنا بسنتين ....شو بتكون ردت فعله....؟؟؟
بعدني ما كملت هالتساؤل ببالي .....إلا ما أشوف حالي إلا صرت بالأرض .....تعثرت بطرف الرصيف ووقعت على وجهي.....:shutup:ومعاي ابني ماعرفت وين أوديه....جات كل الضربة فيني عشان أحميه
والمصيبة كان قدامنا شلة شباب .....قاموا يضحكون على منظري.....فششششلة .....وابو الشباب المحترم ....بس همه إبنه ...... ......صار له شي ....تعور ....؟؟؟؟ جات الضربة عليه....؟؟؟؟:thumbdown::frown:

وأنا يا حسسسرة علي ما حد سأل عني....:schmoll:

كلللل هاذا من تفكيري الأسووود قبل ما أووقع....:1eye:

(على نفسها جنـــت براااقــــش):nosweat:





ومشكوووووووووورة حبيبتي سلة ...على هالموضوع العسووووول مثلج......
 
سلة فواكة رائعه وربي وسعتي خاطري انتي و ملكات و اميرات هالمنتدى على مواقفكم :shiny:

بالنسبة لي اصعب موقف بحياتي صارلي ليله فرحي لمن رحت ع القاعه طبعا الفستان و كمالياته سبقتني ع القاعه خرجت من الصالون عليها ع طول لمن خلاص بلبس الفستان لانه ثقيل ما حبيت البس بدري قلت البس قبل تجي المصوره المهم لمن رحت اقفل السسته انفرطت :eek: ما صدقت وربي. كان ابكي خواتي كانوا خايفين ع المكياج وانا مو متصورة اشلون بلبس الفستان وهو مفروط المهم صاروا يهدون عليه ارسلوا السواق جابو ابره و خيط و خيطوا الفستان من ورا بحيث مو مبين علشان الطرحة طويله قلت الحمد لله و رجعت ابتسامتي رغم اني في الزفة امشي و اخاف يطيح علي لانه ثقيل ومن غير سير الحماله :e052:كنت خايفه وكل شي اشد الفستان ارفعه على فوق حتى لمن اشوفه بالفديو اموت من الضحك على حالي متخيله انه طاح ..........


المشكله لحد هنا منحله لكن لمن رحت مع زوجي و ليييييييييي :redface: كان ودي نقضي الليه كلها سوالف واللهاني ميته ضحك الحين وانا اذكر الموقف هو يقول اوكي حبيبتي انا بسيبك في الغرفه لحالك بدلي واذا خلصتي انا انتظرك في الصاله قلتله اوكي ....... حاولت انزل الفستان ما عرفت لمن خيطوا مكان السسته من ورا حطوا عقد قوية علشان خافو يطيح علي وانا توقهت:blushing: المهم نهاية الموضوع طولت جا ابو الشباب يدق بكل احترام ع الباب قلتله تفضل وانا باقي مثل ما انا قلي اشفيك ما بدلتي قلت ما عرفت انزل الفستان :blushing: هو لئيم يحسبها حركة قالي بس ولا يهمك انا تولى المهمه :a115: لمن طالع شاف الدنيا ملخبطة قالي وشفيك قلتله السالفة وانا ميتة خجل اضطر يطلب من الرسبشن مقص علشان يقص الخيوط يا ربييييييييييييييييه من موقف صار :smile: وعدت الليله على خير خخخخخخخخخخخخ​
 
ياعيني على المواقف الي تهبل
مشكورين على اثراء الموضوع والله ضحكتوووني وانا متضايقه
ربي يفرحكم دووووم
 
........موضوع راااااااااااااااااائع....
وانا بدلو بدلوي فيه وكل ملتذكرت موقف بقوله ...

زمان انا واهل زوجي ساكنين مع بعض انزين ..
وغرفتي جنب غرفه اخوزوجي وزوجته المهم ...
مرت اخو زوجي كانت عند اهلها وانا كنت ابا من غرفتهابودره مالي المهم زوجها كان بالدوام والغرفه مفتوحه عااااد انا دخات الغرفه ببجامتي وشعري بدون غطاء وقاعده احوس ف التسريحه
ادورعلى بودرتي الا شوي اشوف رجل ترتفع من تحت الغطاء:shutup::eek:
الاهو اخو زوجي قد رجع من الدوام وناااايم انا حسيت انه البااااااااااااااب بعييييييد وااركض ركض وركبي تتنفض نفض:biggrin:
بس الحمدلله انه ماشافني كان متغطي كامل
واذا ذكرت شي برجع وبقوله ..
 
ههههههههههههاي

مواقفكم شرباااااات

بابا جاي عندي موقف مشابه لموقفج

في وقت تجهزي للزواج خالتي جابت لي فساتين من كندا امي قالت لي روحي قيسيهم :a084:

وانا من الفرحه رحت غرفت امي وابوي وانا اغير انتبهت في ابوي شال الحاف ( البطانيه ) على راسه :e052:

وانا مت من الفشله ...قسما اني بكيت من الموقف :icon1366: تميت فتره مااحط عيني في ابوي

هذا الهبال ومايسوي :nosweat:​
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل